ماذا يحدث فى بلدنا

[hwaa 0]

تصورت انى عندى دخولى للمنتدى ستكون كل الحوارات على

ما يحدث الان فى بلدنا !!!!

ولكن تعجبت جدا إذ لم أجد من يتكلم أو يشير !!!

أتراها المفاجأة التى أخرست جميع الالسنة و حرقت جميع القلوب

وأطفأت اى رغبة فى التفاعل مع أو ضد ؟

تراه اليأس من تلك الزمرة الذين يسمون انفسهم بشر ومصريين

ثم يحرقون تراثنا و يحرقون معه مظهرنا الحضارى أمام العالم ....!

اللهم عليك بهم .... آمين

[Michael 0]

انا شخصيا تعبت من الكلام

[hwaa 0]

ولكن لابد أن يكون للمستنيرين دورا

[Michael 0]

بلدنا كلها جهلة

[hwaa 0]

دى مصيبتنا الكبرى

الجهل

ولكن هل ندع هؤلاء الجهلة يقضون على حضارتنا

[Michael 0]

حضارة ايه ، كل سنة و انتي طيبة. انا نفسي اشوف كدا مجموعة من الناس تفتح النفس علي الدنيا بس للأسف الجهل سرطان في مصر

[marina 0]

علية العوض عليك يا بلد

[hwaa 0]

اعوذ بالله منكم

ليه كده

بلدنا بنت جميلة شعرها اسود بلون لياليها دلوقتى

لكن جبينها فجر ابيض وهيطلع وينور

وتبان خدودها اللى لون الورد البلدى مش لون الدم

[Michael 0]

يا جماعة كفاية كلام انا نفسي في فعل مرة ، انا تعبت من الكلام عن مصر. عايز فعل بقي

[hwaa 0]

انا افعل
انا اشتغل بمنتهى الجدية
وأؤدى دورى كما ينبغى ان يكون
واحاول مساعدة كل من حولى
وذهبت للانتخاب
وادعو لمصر وادعو على اعدائها

[Michael 0]

انا كنت المفروض اعمل العملية الاسبوع ده ، هأجلها لبعد الانتخابات علشان لازم انتخب

[marina 0]

هاى مايك رايح تنتخب



ميكى عندك اى مواقع اجنبية لاطفال عن سانت كلوز واغانى كريسماس

[Michael 0]

اه طبعا لازم انتخب ، لا مفيش حاجات اعرفها عن الكلام ده

[أسامة1 0]

إن شاء الله بلدنا هتبقى زى الفل بس أهم حاجة كل واحد فينا يخلص النية لله و يحاول يفيد البلد و يحترم المخالفين ليه فى الرأى، عشان للأسف اللى الواحد بيشوفه ع الفيس بوك اليومين دول بين المختلفين فى الرأى فى الأحداث الجارية شئ يحزن؛ تبادل الإتهامات بالخيانة و العمالة ده غير الكلام الخارج و قلة الأدب!