مستوي طلاب جامعة القاهرة للتعليم المفتوح

[Michael 0]

منذ أن بدأت في دراسة الترجمة و أنا أسأل نفسي هذا السؤال "هل مستوانا كمستوي باقي الكليات النظامية؟". و بعد مقابلة عدة مترجمين و قضاء بعد الوقت معهم وجدت ان مستوي دراستنا أفضل بكثير من الكليات النظامية و وجدت أيضا أن كتبنا الصغيرة نسبيا أقوي بكثير من كتبهم الكبيرة. علي أي حال المستوي الفعلي للطالب لا يرتبط بجامعة بعينها و لكن بمهارة الفرد نفسه. أتمني أن يعرف الزملاء أن القراءة المستمرة و تعلم كلمات و معاني جديدة هي بداية احتراف الترجمة. أيضا أحب ان أوضح ان كتبنا ، خصوصا كتب الترجمة ، مكتوبة بواسطة السيد الأستاذ الدكتور محمد عناني و هو واحد من أفضل المترجمين في الشرق الأوسط و العالم. هذه وحدها كفيلة بأن تقنع الطلاب بمستوي العلم الذي نتلقاه حتي و إن لم نكن طلاب نظاميون
مايكل

[Hamdy Tawfik-manar9 0]

Michael كتب:

علي أي حال المستوي الفعلي للطالب لا يرتبط بجامعة بعينها و لكن بمهارة الفرد نفسه.

اعتقد ان هذه الجملة التي كتبتها بالاعلي تعبر عن الواقع الي حد كبير وتلخص الموضوع

ولكن قد تتوفر للطالب النظامي بعض الادوات والوسائل التي تسهل عليه مهمته الي حد كبير
مثل حضور المحاضرات بشكل يومي وسماع المحاضرات والتفاعل معها وجها لوجه
وكذلك السيكشن التي يستطيع الطالب فيها التدرب مع المعيدين وسؤالهم عما يصعب فهمه
بالاضافه الي معامل الصوتيات وخلافه
والاهم من كل ذلك التفاعل اليومي بين الطلبة وامكانية الاستفادة من خبرات بعضهم البعض

** ولكن بقليل من الجهد ان شاء الله نتجاوز كل هذه الامور ومنتدانا هذا ان شاء الله يكون احد هذه الوسائل

[Michael 0]

عزيزي حمدي كلامك صحيح جدا و لكن الترجمة ليست علم عملي بالدرجة الأولي كالطب و الهندسة. و خد في الأعتبار أن الطالب النظامي يقضي حوالي خمسة ألاف ساعة في الجامعة علي مدار الأربع سنوات و دعنا نتخيل ما المستوي الذي من الممكن ان نصل إليه بقضاء نصف هذا الوقت من اللغة الإنجليزية. هل تخبرني ؟

[Hamdy Tawfik-manar9 0]

لو 500 ساعة بس بيتهيا لي الواحد كان زمانه بقي عبقري في الترجمه ة بس تكون مذاكرة بجد

لكن انا في اعتقادي ان المشكلة التي يواجها الطالب في التعليم المفتوح ليست المستو العلمي

ولكن المشكلة الاكبر التي قد نواجها هي النظرة السلبية لكثير من الناس لهذه النوعيه من الدراسه

لحداثه هذا النوع من التعليم في مصر وكذلك لان قواعد وشروط الالتحاق به تجعله محل شك من بعض الناس

*** لي صديق عندما عرف اني ملتحق بالتعليم المفتوح كان اول سؤال له

وياتري ده معترف بالشهاده بتاعته ؟؟ !!

وهذه النظره موجوده عند كثير من الناس للاسف ... وخصوصا مع اصرار الجامعه علي اعطاء

مسميات خاصه للتعليم المفتوح مثل الحرص علي ذكر جملة مركز التعليم المفتوح في الشهادة

وكانه شيء منفصل عن الجامعه

لكن ربما مع مرور الوقت وانتشار الوعي باهمية هذا النوع من التعليم تتغير النظرة له

[Michael 0]

عزيري حمدي لقد قال السيد الأستاذ الدكتور قدري البدويهي أن الشهادة لا يوجد بها شيء عن التعليم المفتوح و أنها نفس الشهادة الذي يحصل عليها الطالب النظامي عند تخرجه.

أما بالنسبة للنظرة فأنا شخصيا لا أجد مشكلة و يرجع السبب لأنني أتحدث الإنجليزية كثيرا و الحمد لله بطلاقة أيضا. إذا المشكلة ليست في المؤهل حمدي و لكن المشكلة فينا.

و لكن إذا كنت أنا لا اعرف الإنجليزية و أقول إني طالب تعليم مفتوح إذا المشكلة في أنا و ليست في الكلية أو المؤهل. و كما قلت لك لقد قابلت بعض المترجمين و ادركت ما قوة مستوانا الدراسي.

و علي فكرة القضية لن تنتهي بالتخرج و لكن تبدأ به فعلينا قراءة كتب السيد الأستاذ الدكتور محمد عناني كفن الترجة و مرشد المترجم و هذه أيضا بداية الطريق.

أنا شخصيا أعتقد أن الكثير من المترجمين لا يريدون البحث و ليس لديهم الصبر لذلك.

[Hamdy Tawfik-manar9 0]

Michael كتب:

لقد قال السيد الأستاذ الدكتور قدري البدويهي أن الشهادة لا يوجد بها شيء عن التعليم المفتوح و أنها نفس الشهادة الذي يحصل عليها الطالب النظامي عند تخرجه.

اتمني ان يكون ذلك صحيحا لاني سمعت من بعض الناس كلام غير ذلك

[Michael 0]

منذ سنة اتصل بعض الزملاء بالبرنامج علي الهواء علي قناة التعليم المفتوح و سأل الدكتور قدري هذا السؤال و كانت اجابته أن الشهادة هي نفس الشهادة التي يحصل عليها الطالب النظامي و يمكنك التأكد بالأتصال بالبرنامج يوم السبت الساعة الثامنة و النصف.

[Hamdy Tawfik-manar9 0]

خبر كويس *** ياريت لو حد شاف الشهادة بعينه يقولنا او يدينا فكرة عن محتواها وشكلها

[Michael 0]

أنا شخصيا لم أراها و لكني شاهدت الدكتور قدري يقول انها نفس الشهادة النظامية بنفسي علي القناة كما أخبرتك.

[mohammad 0]

السلام عليكم

والله ياجماعة انا شايف ان اللي معهوش شهادة زي حالاتي بيتمنى ياخدها وبعد ما ياخدها يكتشف انها مالهاش لازمة بس هي مابتكونش مالهاش لازمة في نظرة لانه حصل عليها خلاص لان دايما نفس الانسان تتمنى الزيادة ومش هايعرف قيمتها الا اما يشتغل بيها وكمان حاجة تانية انه بيقول انها مالهاش لازمة عشان كان فاكر انه لما يتخرج هيبقى ما شاء الله عبقري الامة ليسانس بقى ومحدش قدي وبعدين يكتشف انها مع اغلبية الشباب فيحبط بصرف النظر بقى اذا كانت تعليم نظامي او مفتوح لان كمان التعليم النظامي بيعانوا من مشاكل كتير في تعليمهم وفي الاخر بيكون ندمان ولانه دخل التعليم مش بمزاجه لا ده عشان مجموعه هو اللي رماه في الكلية دي اما احنا داخلين نتعلم بمزاجنا وبارادتنا يعني مش مكبرين ومعنى كلامي ان الفرق بينا وبينهم هو الحب مين بيحب مجاله وربنا ان شاء الله هايوفقنا ولكل مجتهد نصيب

[nour_cota 0]

بسم الله الرحمن الرحيم
انا نور عضوة جديدة بالمنتدى ولسة داخلة اداب ترجمة السنة دى ودة لهدف عندى عاوزة احققة مش انى ابقى مترجمة فورية لسمح اللة لا انا يا جماعة خريجة كلية التربية عام 2001 بس قسم مواد اجتماعية تعليم اساسى ومش عاوزة اقولكم ان من ساعة ماتخرجت وانا مش عارفة اشتغل لا فى الحكومة ولا حتىالقطاع االخاص هتقولى لية بقى وانت تربية اقولك لان للاسف التخصص بتاعى مش مطلوب كتير لان هم دايما بيطلبوا رياضيات او عربى او انجليزى اكيد نادرا اما يطلبوا دراسات اجتماعية وبعدين لما دورتها فى دماغى عشان اقدر اشتغل كويس قلت لازم انتسب لكلية الاداب قسم لغة انجليزية لكن للاسف كان الوقت متاخر ولغى وزير التعليم العالى الانتساب ومفيش اودامى الا تعليم مفتوح اداب انجليزى عشان ابقى مدرسة انجليزى هتقولى لية مخدتيش كورسات هقوللك ان الكورسات للاسف مش كفاية او مش معترف بها فى بعض المدارس تيجى بقة بعد كل دة وتقولى ان شهادة التعليم المفتوح مش معترف بيها هو دة بقة الشىء اللى مخوفنى وربنا يستر

[Hamdy Tawfik-manar9 0]

اهلا بزميلتنا نور في المنتدي

الشهادة معترف بها لا شك في ذلك ..هذا موضوع محسوم

لكن المشكلة التي ربما تواجه خريج التعليم المفتوح هي النظرة السلبية الموجودة عند قطاعات من المجتمع للتعليم المفتوح

وهذا امر طبيعي لانه نوع جديد من التعليم لم يكن معروفا لدينا من قبل

ومع الوقت تتغير هذه النظرة تدريجيا

والفيصل في القضية هو مستوي الخريج بغض النظر عن نوع التعليم سواء تعليم مفتوح او نظامي

لذلك اهتمي بتجويد مستواك ولا تلقي بالا لهذا الكلام

المهم هو الجودة وتمكنك من ادواتك

تحياتي

[أسامة1 0]

السلام عليكم
انا شفت يا جماعة بعض خريجين التعليم النظامى اداب انجليزى مستواهم ما يعلم بيه الا ربنا!وهكذا اخوانهم فى السن!
اللغة بالذات بتعتمد بنسبة كبيرة جدا ع الاجتهاد و التدريب الشخصى , لأن الجامعة بتعلمنا أصول اللغة كقواعد و ازاى نعرف نترجم و ايه هى مشاكل الترجمة و ما شابه ذلك و الطلبة بقى عليهم يمارسوا من خلال الجرايد الأجنبية و برامج الشو الأجنبية مثلا و الأفلام و الأغانى و الروايات و الكتب و ما شابه ذلك.بس احنا للاسف هنا فى مصر لسه بنفكر بالطريقة المصراوى العرباوى بعقلية قديمة نمطيه تقليديه جار عليها الزمن.

[Gamal Eissa 0]

يا شباب انا عايز اقدم فى كليه الاداب بس انا مقلق من المقابله دخول الكليه وايه نظام الدراسه فيها هل حضور يوم واحد فى كلية ده كافى من حيث الدراسة ولا فيه كروته ولا ايه ارجو الافاده وشكراا

[sun_shine 0]

اهلا بك في المنتدي ..لاتقلق الامر بسيط وغير مقلق ..اما بالنسبة للحضور بالجامعة يوم واحد هل انه كافي ام لا !! هناك من لا يحضر بالمرة ويمكنه ان يجتاز الامتحانات وبامتياز
وبالتوفيق

[Hamdy Tawfik-manar9 0]

Gamal Eissa كتب:

يا شباب انا عايز اقدم فى كليه الاداب بس انا مقلق من المقابله دخول الكليه وايه نظام الدراسه فيها هل حضور يوم واحد فى كلية ده كافى من حيث الدراسة ولا فيه كروته ولا ايه ارجو الافاده وشكراا

هناك موضوع مخصص للسؤال عن المقابلة الشخصية لطلبة كلية الاداب تجده علي الرابط التالي

/t1250-topic

[امانى حليم 0]

السلام عليكم ورحمه الله وبركاته
انا امانى عضوه جديده فى المنتدى وحابه انى اشارك فى الحوار ده
انا شايفه انه لو قعدنا نفكر دى معتمده ولا لاء

او نظرة الناس ايه للتعليم المفتوح مش هنتقدم خطوه لان الناس عمرهم ما هيرضو

المهم احنا عايزين ايه ولازم كل فرد يسعى ورا طموحه بغض النظر عن نظره الى حوليه مدام هو مابيعملش غلط لو كل واحد فينا نهض بنفسه وبحلمه وما بصش لغيره هنكون احسن بكتير

والله انا اعرف ناس فى طب داخلين الكليه علشان يتقلهم دكتور وخلاص يدحوا والسلام عارفين نجيبه الى فى فيلم التلاته يشتغلونها كده بالظبط علشان الناس بتبص للطب بنظره عاليه فالاهل يربوا ولادهم على الدح من غير فهم ولا ميول لشئ معين يكبر الطفل حاطط عينيه على كلية القمه وخلاص وبكده احنا فى النازل قولولى مين حب قوى الرسم فى طفولته مثلا وكبر على انه يكون رسام وركز على ده لاااااااااااا كده يبقي لعبى ومش هيرفع راس اهله ونظره الناس ليه تبقى قليله واااااااخ لما يتقدم لعروسه اهلها يقولوا نقول للناس جوز بنتنا بيشتغل ايه! ده الى بيرجع لورا وبالقوى الا من رحم ربى

[أسامة1 0]

أنا متفق معاكى تماما يا أخت امانى حليم و نتيجة ده مثلا فى مجال الطب بنلاقى دكاترة كتير فاشلين.انا من وجهة نظرى ان لما يتحط فى السى فى كورس محترم فى الترجمة من الجامعة الأمريكيةأو المركز الثقافى البريطانى ده هيعوض أى شىء.كنت قبل كده فى انترفيو و اتقال لى احنا ما يهمناش نوع تعليمك سواء تعليم مفتوح او نظامى احنا عايزينك تروح تعمل تحديد مستوى فى الجامعة الأمريكية و من خلاله هنقدر نعرف مستواك و الميه تكدب الغطاس!

[Hamdy Tawfik-manar9 0]

امانى حليم كتب:

السلام عليكم ورحمه الله وبركاته
انا امانى عضوه جديده فى المنتدى وحابه انى اشارك فى الحوار ده
انا شايفه انه لو قعدنا نفكر دى معتمده ولا لاء

او نظرة الناس ايه للتعليم المفتوح مش هنتقدم خطوه لان الناس عمرهم ما هيرضو

المهم احنا عايزين ايه ولازم كل فرد يسعى ورا طموحه بغض النظر عن نظره الى حوليه مدام هو مابيعملش غلط لو كل واحد فينا نهض بنفسه وبحلمه وما بصش لغيره هنكون احسن بكتير

والله انا اعرف ناس فى طب داخلين الكليه علشان يتقلهم دكتور وخلاص يدحوا والسلام عارفين نجيبه الى فى فيلم التلاته يشتغلونها كده بالظبط علشان الناس بتبص للطب بنظره عاليه فالاهل يربوا ولادهم على الدح من غير فهم ولا ميول لشئ معين يكبر الطفل حاطط عينيه على كلية القمه وخلاص وبكده احنا فى النازل قولولى مين حب قوى الرسم فى طفولته مثلا وكبر على انه يكون رسام وركز على ده لاااااااااااا كده يبقي لعبى ومش هيرفع راس اهله ونظره الناس ليه تبقى قليله واااااااخ لما يتقدم لعروسه اهلها يقولوا نقول للناس جوز بنتنا بيشتغل ايه! ده الى بيرجع لورا وبالقوى الا من رحم ربى

اهلا اخت اماني في المنتدي

الحقيقة كلامك هو عين العقل .. وهو ده اللي انا برد بيه دايما علي الناس

انت قولتي المختصر المفيد

[Hamdy Tawfik-manar9 0]

أسامة كتب:

أنا متفق معاكى تماما يا أخت امانى حليم و نتيجة ده مثلا فى مجال الطب بنلاقى دكاترة كتير فاشلين.انا من وجهة نظرى ان لما يتحط فى السى فى كورس محترم فى الترجمة من الجامعة الأمريكيةأو المركز الثقافى البريطانى ده هيعوض أى شىء.كنت قبل كده فى انترفيو و اتقال لى احنا ما يهمناش نوع تعليمك سواء تعليم مفتوح او نظامى احنا عايزينك تروح تعمل تحديد مستوى فى الجامعة الأمريكية و من خلاله هنقدر نعرف مستواك و الميه تكدب الغطاس!

بالمناسبة يااسامة

اي مستوي اللي يكون عنده مستواك في اللغة معقول

بتكلم عن الجامعة الامريكية طبعا

وهل عندك فكرة عن اسعار اختبارات تحديد المستوي

[om_maram 0]

نفس اسئلة استاذ حمدى

و بالمناسبة كمان لو الواحد هيسافر برة اى الشهادات فى الانجليزية معتمدة

يعنى فى دول TOEFL, TOEIC, IELTS

و ايه الفرق بينهم ؟!!!!

[om_maram 0]

مفيش مشكلة حصل خير

[أسامة1 0]

و الله يا حمدى انا برضو عندى نفس السؤال و نفسى اعرف تحديد المستوى فى الجامعة المريكية بكام و ياريت حد عمله يعرفنا.و آسف على التأخر فى الرد لأنى اليومين دول بخش ع النت يوم الجمعة بس!
أم مرام : ابحثى عن الشهادات دى على جوجل هتعرفى كل المعلومات اللى انتى عايزاها.

[marina 0]

طب هل هى معترف بيها الشهادات دا فى مصر ولالا

[sun_shine 0]

امانى حليم كتب:

[center]السلام عليكم ورحمه الله وبركاته
انا امانى عضوه جديده فى المنتدى وحابه انى اشارك فى الحوار ده
انا شايفه انه لو قعدنا نفكر دى معتمده ولا لاء

او نظرة الناس ايه للتعليم المفتوح مش هنتقدم خطوه لان الناس عمرهم ما هيرضو
المهم احنا عايزين ايه ولازم كل فرد يسعى ورا طموحه بغض النظر عن نظره الى حوليه مدام هو مابيعملش غلط لو كل واحد فينا نهض بنفسه وبحلمه وما بصش لغيره هنكون احسن بكتير

والله انا اعرف ناس فى طب داخلين الكليه علشان يتقلهم دكتور وخلاص يدحوا والسلام عارفين نجيبه الى فى فيلم التلاته يشتغلونها كده بالظبط علشان الناس بتبص للطب بنظره عاليه فالاهل يربوا ولادهم على الدح من غير فهم ولا ميول لشئ معين يكبر الطفل حاطط عينيه على كلية القمه وخلاص وبكده احنا فى النازل قولولى مين حب قوى الرسم فى طفولته مثلا وكبر على انه يكون رسام وركز على ده لاااااااااااا كده يبقي لعبى ومش هيرفع راس اهله ونظره الناس ليه تبقى قليله واااااااخ لما يتقدم لعروسه اهلها يقولوا نقول للناس جوز بنتنا بيشتغل ايه! ده الى بيرجع لورا وبالقوى الا من رحم ربى

والله يااخت اماني انا معاكي في كل كلمة كتبتيها !!
وخاصة انه نظام تعليم مفتوح يعني سجل فيه بكامل ارادته وغير مجبر عليه .
.علي اي حال انا عجباني شكل الشهادة قووووي بلونه البينك [/center]

[Hamdy Tawfik-manar9 0]

om_maram كتب:

نفس اسئلة استاذ حمدى

و بالمناسبة كمان لو الواحد هيسافر برة اى الشهادات فى الانجليزية معتمدة

يعنى فى دول  TOEFL, TOEIC, IELTS

و ايه الفرق بينهم ؟!!!!

الشهادات الثلاثة معتمدين تقريبا في كل دول العالم

لكنها شهادات مهنية وليست أكاديمية