اسباب سقوط الشعر بغزاره

[marina 0]

اسباب سقوط الشعر بغزاره




اسباب تساقط السعر قد تكون نتيجه لما يلى

1- التوتر العصبي النفسي: لذلك يجب البعد عن ذلك، وقد قيلإن الغذاء الجيد + هدوء الأعصاب = شعر سليم.

2- ضعف الدورة الدموية في فروة الرأس نتيجة عدم تمشيط الشعر لفترات طويلة وعدم التعرض للهواء الطلق النقي

3- الإصابة ببعض الأمراض كالأنيميا ونقص التغذية.

4- استخدام المكواه أو مجفف الشعر لفترات طويلة وتحت حرارة عالية.

5- اتباع نظام غذائي قاس " رجيم " دون إشراف من إحدي الاطباء فإن هذا يكون سبب رئيسي لسقوط الشعر بكثرة

[Michael 0]

نقص المعادن و الفيتامينات هو السبب الرئيسي ، اصلا النقص ده بيسبب التوتر و الاكتئاب و ده سبب رئيسي في سقوط الشعر.

[hwaa 0]

ههههههههههههه
مايكل أفتح عيادة

[Michael 0]

حاولت ادرس طب اعشاب بس لاقيت برده مش هقدر افتح عيادة

[somya 0]

انا عندي كل الاسباب دي



وانا بقول شعري بيوقع ليييه

[Michael 0]

في حاجات كتيرة للشعر ، و علي فكرة مشاكل الهرمونات برده عليها عامل كبيرررررررر.

[somya 0]

فعلا



انا الدكتور بيديني فيتامينات وحديد و زنك وشامبو طبي وسيروم وبلسم و امبولات

[Michael 0]

المهم الجسم يمتص الفيتامينات و الحديد و دي المشكلة ، بيستخدموا في مصر أردأ انواع المعادن و الفيتامينات و حتي لو بجرعات عالية الجسم مش بيمتصها و كتير منها اصلا خطر علي الجسم و المصيبة ان الدكاترة لا تفقه اي شيء في الحاجات دي

[somya 0]

جزاك الله خيرا

[darkbluesky75 0]

إزايك يا مايكل؟؟؟ حمد لله علي السلامه....

[Michael 0]

الله يسلمك شكرا علي السؤال بس انا اسف جدا مش فاكر انت مين؟ معلش كنت بعيد فترة كبيرة اوي

[أسامة1 0]

مايكل: طب أنا شعرى بيقع أيام معينة بغزارة و بعد كده بيتوقف عن السقوط و يطلع بدل اللى وقع! تفتكر ليه؟!

[Michael 0]

اسامه ابعتلي رسالة خاصة

[somya 0]

ايوة يا عم مايكل اللهم لا حسد عمال تعمل شغل عالي جدا

بصراحة انتا شخص كويس وكلامك كويس

[Michael 0]

شكرا يا اخت سومة بس انا شخص عادي

[somya 0]

فعلا انت شخص متواضع ومن تواضع لله رفعه

[Michael 0]

هتغر ليه يعني انا مش توني ستارك ههههههههههههههه

بس فعلا من تواضع ارتفع في المقال الروحي عند الله.

[somya 0]

فعلاااا دة صحيح