اغسل سنانك تحمي قلبك

[somya 0]

تنظيف الأسنان لا يحافظ على صحة اللثة والفم فقط بل يحمي القلب من الأمراض أيضا .. هذا ما أكده الباحثون في جامعة مينيسوتا الأمريكية في دراسة حديثة نشرت مؤخرا.

فقد وجد هؤلاء أن سلالة معينة من البكتيريا الموجودة في الفم قد تزيد خطر الإصابة بأمراض القلب حيث تبين أن معدلات تصلب الشرايين السباتية وزيادة سماكتها التي تعتبر مؤشرا قويا على الأزمات القلبية والسكتات الدماغية كانت أعلى عند كبار السن الذين يعانون من وجود مستويات عالية من البكتيريا المسببة لأمراض اللثة وما حول الأسنان في أفواههم.

ولفت الباحثون إلى أن هذه الدراسة تعتبر الأولى التي تثبت وجود ارتباط مباشر بين أمراض القلب الوعائية والبكتيريا المسببة لالتهابات اللثة والأسنان.

وأوضح الأطباء في مجلة "سيركيوليشن" أن البكتيريا المسببة لانتانات اللثة المزمنة تدخل إلى الدورة الدموية وتساهم في إصابة القلب وأعضاء الجسم الحيوية الأخرى بالأمراض وتعرف هذه الظاهرة بنظرية الانتان المركز أو البؤري التي تشير إلى أن وجود نسبة كبيرة من البكتيريا المؤذية في الفم يزيد احتمالات تضيّق الأوعية الدموية وخصوصا المغذية للقلب والدماغ.

[Hamdy Tawfik-manar9 0]

بالفعل لقد سمعت هذه المعلومة كثيرا

صحة الجسم تبدأ من الفم


سومه

[marina 0]

ميرسى لكى موضوع مهم جدا

[hwaa 0]

هههههههههههه

حيرتونا صحة الجسم تبدأ من الفم ولا من القدمين

أظن الرأس والقدمين لهما نفس درجة الاهمية

موضوع حلو يا سومه تسلمى

[Michael 0]

طيب هقولكم علي حاجة اكيد اغلبكم ميعرفهاش ، الحشو البلاتين سواء فضي او غامق (هو اسصلا اسمه امالجم Amalgam) بيحتوي علي 45% الي 50% زئبق و الزئبق طبعا اخطر معدن غير مشع عرفه الانسان.

و أثبت العلماء انه بيوصل للدم من الاسنان و بالتالي بيخش الجسم و مش بيخرج طبعا لانه من المعادن الثقيلة ، و مع الوقت بيسبب كل الامراض الممكن تتخيلوها. طبعا لو حد سأل دكاترة الاسنان هيقولوا ده كلام فارغ بس في دلائل علمية طبعا مش كلام فارغ. لازم يقولوا كدا علشان ده اكل عيشهم

[hwaa 0]

دى كارثة

ناس كتير مركبين الحشو ده

[Hamdy Tawfik-manar9 0]

أساسا عيادات الاسنان في مصر كارثة متحركة

اعلبهم بيستخدموا اجهزة تعقيم رخيصة الثمن وغير فعالة

انا مبروحش لطبيب اسنان الا اذا كنت واقع خالص ومضطر

الافضل الواحد يحافظ علي اسنانه

[Michael 0]

و نسيت كمان اقول ان حشو العصب ده كارثة لانه بيموت الدرس الاول و بعدين يحشيه ، و اثبت عالم كبير جدا (الله يرحمه بقي) انه بيسبب امراض كتيرة و بتختلف من فرد لأخر. جميعة اطباء الاسنان الامريكية طبخوا الموضوع و عرفوا يطلعوا منه ، لان حشو العصب اصلا دخل كبير لطبيب الاسنان الله يسامحهم

[hwaa 0]

لا طبعا خطر

لانه مهما نظفت اسنانك بالطرق العادية لازم يكون فى تنظيف دورى

عند دكتور الاسنان

[hwaa 0]

مايكل

انت كان نفسك تكون دكتور اسنان ولا ايه

اللى بتقوله ده خطير جدا

[Michael 0]

لا انا بس من كنت مرضي و تعبي لاقيت ان حلي الوحيد اني ابحث عن الحقيقة بدون مساعدة الاطباء و فعلا اكتسبت كتير لاني قريت كتير

[somya 0]

ياااربي دة انا شلت عصب وعملت حشو وتركيبة



ربنا بيستر

[Michael 0]

اغلب الناس كدا انا خلعت الاسنان الكانت حشو عصب و غيرت الحشو الاملجم بالحشو الابيض

[somya 0]

طيب انا كنت عوزة اعمل تبييض والدكتور قاللي عادي مش بيعمل حاجة رغم اني سمعت انه بيجيب الله اكبر سرطان

[Michael 0]

التبييض خطر جدا يا سومة ، و كمان بياكل الاسنان لانه بمواد كيميائية خطيرة

[somya 0]

شكرا يا مايكل ربنا يجازيك خيرا

[Michael 0]

لا شكر علي واجب

[somya 0]

فعلا ونعم الاخ

[Michael 0]

الله يخليكي شكرا جزيلا

[somya 0]

لا شكر على واجب

[أسامة1 0]

ألف شكر ليك يا مايكل، ده أنا حاشى واحد عصب و التانى بلاتين! الحشو الأبيض اللى بتقول عليه ليه اسم تانى ولا أروح أقول لدكتور السنان حشو أبيض؟

[eamy 0]

الموضوع خطير جداااا .. بالنسبة لحشو العصب على ما اعتقد كدا الضرس لن يكون له أي أهمية لأنه بيكون ميت :ٍٍٍٍS اما بالنسبة للبلاتين فالأغلب بيستخدموه لأنه أدوم من الحشو الأبيض .. لكن كدا انا بقالي فترة طويلة موجود عندي و لاحظت انه كتير بيتكسر و في النهاية بيوقع لكن اللي اتكسر دا معناه انه لسا في جسمي و انا بتسمم كل يوم !! O_O ضرسي اللي وقع منه الحشو ماعاد يصلح بعد الحشو دا و كله بسبب خطأ من دكتور الأسنان بدل ما يحشي كل ضرس على حده حشى الأتنين متصل :S

[Michael 0]

لو بلعت الاملجم ده معناه انك عندك زئبق عالي في جسمك ، انا اقدر اساعدك لو تحب ، بحاجات طبيعية بتشيل الزئبق و السموم من الجسم. لو مهتم ابعتلي رسالة و انا طبعا مش دكتور الحمدلله ههههههههه و هما اصلا مش بيعرفوا في الحاجات دي الف باء

[somya 0]

شكرا لييك يا مايكل

[Michael 0]

you are very welcome

[somya 0]

اهلا بيك في اي وقت