رحلة الى فرسان ...

[البطيخة 0]

البطيخة

اهلييين كيفكم ؟؟؟ ان شاء الله بخير

المهم انا غبت عن المنتدى تقريبا اسبوع

وفي هذا الاسبوع سافرت الى جزر فرسان

وبصراحة مرررررررة عجبتني الجزر وخاصة فرسان

فحبيت انزل موضوع عنها ...

اولا :-
اذا تبغى تروح الى فرسان لازم تروح لجيزان اول بعدين بالعبارة تروح لفرسان

تقريبا من جدة الى جيزان 700 كيلوا ...

والعبارة ساعة ونص من جيزان لفرسان وكانت العبارة مررة نظيفة

وكانت الساعة والنص جدا ممتعة بمنظر البحر علشان كانت رحلتنا في الصباح

واصلا ما في الا رحلتين في اليوم لفرسان رحلة الصباح الساعة 7 ورحلة العصر الساعة اربعة

واللي يبغى يروح فرسان لازم يحجز من بدري لسيارتوا في العبارة علشان زحمة لحجز السارات

اما الاشخاص ما في مشكلة لو في يومتها يعني لازم اول ما توصلوا جيزان تروحوا لمكتب

الحجوزات في الميناء وتحجزوا لفرسان وهذا يتطلب انكم تجلسوا يوم او يومين في جيزان

وعلى فكرة واحنا راجعين من فرسان اكتشفنا في جيزان شاليهات ومنتجع شكلوا جدا راقي

لكن ما دخلناه علشان كان مررة زحمة واحد اسموا منتجع مرجان السلوى

والتاني شالهيات الفارس في منطقة جزيرة المرجان بجييزان

واسعارهم معقولة واللي يبغى الرقم ترى موجود .

ونصيحة لكل واحد يروح ياخد سيارتوا معاه لانو ما في تكاسي او بالصح

مافي سيارات الا كم وحدة لاهل البلد وطبعا سيارت السياح .

وفي فرسان في منتجع كورال بصراحة المنتجع

جدا راقي وعلى اعلى مستوى وافتكرتكم هناك وقلت لازم اوريكم هو :
http://up3.m5zn.com/get-8-2008-ujq1jvtzn1n.jpg

هذه صورة المنتجع من برى




وهذا مدخل المنتجع





وهذه بوابة المنتجع



شوفوا جدار المنتجع من ايش؟



هذه صور الغرف






وهذه البلكونة



وهذا المنظر من البلكونة





وهذا الحمام بس ما افتكرتكم فيه <<< حتى الحمام مصورتوا



ودي الحديقة







وهذه السقالة


ودي صور الاجنحة ... للمعلومية ما في الا 3 اجنحة في المنتجع ومهي غالية مرة االيلة ب 1200 ريال والغرف ب 500وشوية







واحلى شيء اكل القاتو في البلكونة << ابو الشكولاتة مو طعم مرة

وبعد كدا رحنا استاجرنا قارب لمدة 3 ساعات رحنا اول شيء جلبنا وماشاء الله اهلي كلهم صادوا وانا قلتلهم انتبهلكم على السمك << خوافة
يتبع ...

[البطيخة 0]

المهم وبعد ما صدنا السمك رحنا على جزيرة ما اعرف ايش اسمها المهم وسولنا السمك بالميفا واكلناه وطلع مررررررة طعم <<< بالعافية

وشفنا حبارتين كبار طلعت على وجه الموية لكن للاسف ما قدرنا نصيدها وشفنا قناديل البحر منورة بالموف وكان شكلها حلوو

وشفنا سلحفة طلعت تتنفس ونزلت تاني ويقولوا في دلافين تنط من المويه لكن للاسف ما شفنا ولا واحد


وبعد كدا رحنا لجزيرة قماح بس ما وقفنا عندها وشفنا بيت الجرمل << منطقة اثرية
وبعدين اخدنا لفة في البحر ورجعنا
وهذه صور الرحلة :



اول شيء صور المراكب



وهذا السمك اللي صدناه .. المنطقة اللي جلبنا فيها ما فيها الا هامور وشعور


وهذه الميفا اللي سولنا فيها السمك


وهذا السمك بعد ما صار في الميفا


وهذا بيت الجرمل في جزيرة قماح واخدنا الصورة من القارب علشان كدا مو واضح البيت


وبعدين رحنا الجسر هذا الجسر يربط ما بين جزيرة فرسان ومجموعة جزر تانية

http://www.7ammil.com/download.php?id=9J5REWNLR6
هذا فيديو الجسر

وانت ماشي في فرسان تجيك لوحة مكتوب عليها منطقة عبور غزلان يعني تلاقي الغزال ماشي في السكة

بس هذا زمان دحين انقرض نص الغزال او تلاتة ارباعوا من كتر ما انقرض سولوا محميات

او بالاصح محميتين وحدة في فرسان اسمها القصار والتانية في صير .

رحنا المحمية مرتين وما شفنا الا غزالة وحدة في عدة اماكن يعني الغزالة هي نفسها تروح يمين

وشمال وفوق وتحت << كيف تجي فوق وتحت . واحنا نتفرج عليها

ولو تشوفوا السيارت اللي جية تتفرج عليها جمسات وجيبات وسيارات

وفي دورية تحمي الغزالة ومانعة صيدها

وامن خلصنا فرجة على الغزالة وجينا راجعين لمحنا 3 غزلات مع بعض

وفي احتمال يكونوا ام وابو واخت الغزالة اللي شفنها

وهذا يعني انو ممكن يكون في غزالان غيرها .

هذا بالنسبة للغزلان نجي للحريد

طبعا ما شفنا ولا حريدة لانو مو موسموا هو يجي مرة في السنة بس شفنا الخليج اللي يدخل فيه

ومنصة الامير .. بس نسيت اصورها ...


وبعدين رحنا شفنا بيت الرفاعي وشفت النقش على الجدران وكان جدا رائع

وشفنا ومسجد النجدي والقلعة العثمانية وقلعة لقمان بس ما صورتهم لكترت الصور في الانت

وزرنا منطقة القندل منطقة جدا رائعة تجمع بين صفاء الماء وخضرت الاشجار والوجه الحسن << يعني انا

اهم شيء لزائر فرسان وخصوصا النازل في كورال انو يطلب الدليل السياحي لجزيرة فرسان

اول ما يوصل علشان مررررررررة يفدوا

واي استفسار عن جزيرة فرسان انا في الخدمة

وانصحكم تزروها ...




مع تحياتي محفورة على رملة شاطئ جزيرة فرسان

[hatto 0]

يسلموووووووووووووووووووووووو البطيخة والله تقرير جدا رائع

ان شاءالله تكونو انبسطو وشكلها الحزيرة مررررررررررررة حلوة

يسلموووو مرة ثانية وتقبلي مروري

[smile teenager 0]

واااااااااااو مرررررررره نآآآآآآآآيس

انا سمعت بيها بس ما كنت ادري انها حلوه لهدرجه

يسلموو قلبو ع الصور الحلوه تقبلي مروري

[TeEtOo 0]

يسلموووووو البطيخة على التقرررير الأكثر من رائع ..

والحمد لله على السلاامة ..

وبيني وبينك والله انا كااان نفسي اروووحهـــا بس مو بيدي ..

انشااء الله المررة الجاية ..

يعطـــيكي العـــافية ..


تقـــــ مروري ــــبلي ..

[rock chick 0]

واااااااااااااو مـراااا جنـاااااان,,بس موو احلـى مـن نيوويووك,,,هع

يسلمووو و تقرييركـ خطيير,,

[صاحبة السمو 0]

تاانكس ياسووكر
على الوضوع الناايس وماانحرم

[Guest زائر]

يسلموووووووووووووووووووووووو البطيخة والله تقرير جدا رائع

ان شاءالله تكونو انبسطو وشكلها الحزيرة مررررررررررررة حلوة

يسلموووو مرة ثانية وتقبلي مروري