صعيدي وافتخر ...........2

[hend nga 3]

[center]







صعيدى وافتخر

الصعيدى هو الشهم الغيور

وانا صعيدى واقول انا مصرى صعيدى وافتخر

الصعايدة هاتلاقيهم في وقت الشدة وهاتلاقيهم جنبك ف الشتا والحر

الصعايدة هاتلاقيهم فى اسوان وفى قنا وفى الاقصر

وهاتلاقى جدعنة الصعايدة ف سوهاج والبلينا واسيوط لغاية مصر

هاتلاقى منهم ايه يعنى الكرامة والشهامة اللى مش هاتلاقيها فى ذاك العصر



قامت الثورة وفيها ناس اهانت الصعايدة وقالو كلام كتير

وقالو بعض الجمل الغريبة ومن اهمها ان الصعايدة ليسو من اهل مصر

بس انا هارد واقول لو دورت على الاصل هاتلاقى االصعايدة هما اصول مصر



واللى قال كدا مايعرفش يعنى ايه صعيدى ويعنى ايه هما غيورين على بلدهم مصر

هما كانو في التحرير وكانو اول ناس بس محدش قال صعيدى صعيدى بل قالو مصر مصر

اننى ارى فى بعض المواضيع نكت للصعايدة ويظنون انه حلو ولكنه مر

الا تعلم اخى ان اذا ذكر الكرم فقد ذكر الصعيدى الشهم المخلص الغيور

الصعيدى فى سوهاج وفى اسيوط وفى التحرير هتف باسم مصر



وقال ارحل ارحل قبل الصعايدا ما ياجو بخفة دم زى السكر

والصعايدة رجالة هاتلاقيهم بيحمو مصر

ولو رحت للقوات المسلحة وسألت وقولت أين رجالة الصعيد يا مشير

هايرد عليك ويقولك اغلب رجالة الجيش هما الصعايدة الاحرار






وهايقلك كمان انا رجل مصر الاول وصعيدى وطبعا افتخر

وانا هاقولك نبذة صغيرة عن علماء الصعيد اللى ف مصر


منهم العالم الجليل رحمه الله محمد سيد طنطاوى شيخ الازهر




ومن علماء الصعيد ايضا رفاعة الطهطاوى وكمان تعرفون انه من علماء التنوير



وكذالك من اعلام مصر والصعيد الشيخ عبدالباسط عبد الصمد رحمه الله ابن الصعيد وابن مصر



وكذالك الشيخ الجليل محمود صديق المنشاوى ابن الصعيد ومصر







وايضا من اعلام مصر الصعيدى الامام الجليل على جمعه مفتى الديار

ولو ذهبت الى بطن الصعيد اسيوط هاتلاقى علم من اعلام السنة فى مصر



عبد الرحمن بن الكمال أبي بكر وهو الشيخ الشهير جلال الدين السيوطى وهو علم من اعلام مصر



وكذلك من اعلام مصر والصعيد عبدالرحمن الابنودى الشاعر






وايضا من اعلام مصر والصعيد الاعلامى الكبير فهمى عمر




والسيد المستشار وزير العدل سابقا فاورق سيف النصر

والرئيس الصعيدى الراحل جمال عبدالناصــــــــــــــــــــــــــــــــر

وانا لا اريد ان انسى احدا لم اذكره من بين هؤلاء الاعلام الاخيار

لكننى اردت ان اعطى نبذة صغيرة عن اعلام صعيد مصر

واننى ارى اناس كثيرة تهاب من الصعايدة لان لديهم مسألة الثأر


اريد ان اقول ان الثأر شىء حزين والذى لديه ثأر فلم يذق طعم الحلو ولكنه يذق طعم المر






وسيظل الصعيد يعطى لمصر الكثير والكثير من الشخصيات التى رفعت اسم مصر












http://2.bp.blogspot.com/_RDj6JHMQzqI/TUxrgrr_1hI/AAAAAAAAAEo/jWJOGEeq_70/s1600/%25D8%25A7%25D9%2584%25D8%25A7%25D8%25A8%25D9%2586%25D9%2588%25D8%25AF%25D9%258A1.jpg

http://www.rosaonline.net/Media/Weekly/Small/59%2812%29.jpg

http://www.youm7.com/images/NewsPics/large/s1220093114033.jpg







منقول للإفادة .......وعبرة لمن لايعتبر

[Doaa.M.M 0]

أحييكى ..أعظم تحية لصعيدية أصيلة أتمنى تكون من
أعلام مصر فى المستقبل لنفخر بكى جميعا..

من صعيدية مثلك تفخر جدا بجذورها..

[hend nga 3]

شكرا يا قمر ...........بجد وحشاني وزعلانة منك جدا هو كدة يعني الشغل والدراسة يخدوكي بالشكل ده .......حاولي تشاركينا شوية

[marina 0]

ومن غير اى حاجة حتلاقى الصاعدية فى العاصمة نفسها اما من ناحية الثار فكانت من سنوات قليلة فى بعض مناطق فى ايطاليا الدولة الاوربية المتحضرة فيها تلك العادة ولكن هم نجحوا انهم يستاصلوهم واتمنى انها تروح من مصر خالص وللعلم فى بعض الاسر فى مصر الا اصلها مش صعيدى وبتمارس العادة دا وفى الاخر كلنا مصريين

[Doaa.M.M 0]

انتى وحشانى اكتر يا هند ووحشنى المنتدى جدا ..غصب عنى والله الشغل واخد كل وقتى

اكتر من الدراسة ...وللاسف اليومين دول فرصة ليا معاكم لانى وقعت على رجلى وقاعدة

كام يوم فى البيت ...بس اوعدك بالنشاط والمشاركة الفترة الجاية

[hend nga 3]

الف سلامة عليكي

اعرفك من اكثر من سنتين واول مرة اعرف اننا بلديات

[hwaa 0]

نسيتى كمان الفن الصعيدى المميز بلهجته المحببة
نغم الربابة والناى والمزمار
مليون سلام وتحية للصعايدة

[hend nga 3]

انا حبيت بس ادي نبذة لكن لو فضلت اتكلم عن الصعايدة يمكن المدير يكشحني من

المنتدي من كتر الكلام ...........

شكرا مرورك الكريم hwaa ودعاء

[Doaa.M.M 0]

شكرا يا هند ربنا يخليكى ...

[hend nga 3]