جدة فوضى ... لمتى حنفضل على كدا

[AL-FarFoOo 0]

ياريييت بس يقرأوو الشباااب من جد



الحياة مليئة بالحجارة علينا أن لا نتعثر بها... بل نجمعها لنبني بها سلماً نصعد به نحو النجاح
Life is full of stones…we shouldn't stumble by them… we should gather to claim on top

صدقوني والله قبل ماتكملو وتقرو
الموضوع... أبغاكم تعرفوا حاجة وحدة بس


أقسم بالله إني أحبكم وابغاكم تكونو في أحسن وأسعد حياة واتمنالكم الخير والسعادة في حياتكم
ولاتزعلو من قساوة كلامي[b]

والله دا كلو عشانكم[/b]

<BLOCKQUOTE>

انا قريت هادا الموضوع وحبيت انقلوا ليكم

اسيبكم مع الموضوع

<BLOCKQUOTE>
<BLOCKQUOTE>

السلام عليكم ورحمة الله وبركاته

أخواني وأخواتي : بنات وأولاد جدة


ابغا اسأل أو أطرح موضووع مهم عنوانه

ليش وصلنا للمرحلة الإنحطاط دا !!!!! والله مرة حرام


والله يأخواني وأخواتي انا مرة مصدوم من حالنا دحين
انا غبت عن جدة فترة طويلة ... كنت أدرس في أمريكا ورجعت قبل 4 شهور ومرة ومرة ومرة مصدوم من

وضع الشباب والبنات وقلت الأدب والهبل إللي أنتشر


معقولة دي الفترة تغير تفكيرنا واخلاقنا ومبادئيا


ياناس يا جماعة الخير ..
ليش غيرنا مفهومنا للفلة والوناسة بالحياة الجديدة والواطية إللي بنعيشها دحين

ليش غيرنا حياتنا المبنية على الأدب والحب وإحترام الغير

ليش صرنا بهادي الحالة الواطية


ليش أنتشر الزنا والبارتيات بيننا

وليش الواحد صار يقعد يجاهر بذنوبه بدون مايخاف من الله ويقعد يتفاخر قدام أصحابه


والله ياناس جالس أكتب الإيميل دا .... وقلبي محرووووووووووووووق عليكم

إن الله يهمل ولا يمهل ... وصدوقوني إللي بيعيش بنفس حالة الشباب التافه ( إللي كل طموحو إنو يرقم ويكلم ويخرج ويحب وينام ) والله ربنا حيعاقبوا .. ولا حيوفقو بحياتو



أنا في البداية حاهرج عن الشباب التافه وبعدين حتكلم عن البنات المغفلات والمساكين بنفس الوقت




الــــشـــــــــــــــــبـــــــاب




[size=25]ديــــــــنـــــــــــك ::::[/size]


يا حبايبي .... والله مايصير ماتعرفو طريق المسجد .....

متأكد لو أسالك ايش لون السجاد حق مسجد الحارة ... ماراح تجاوب ولاحاجة .... ياناس والله انا مو مطوع ولا حاجة .... بس أقسم بالله ماتحس بالسعادة والراحة إلأ لمن تصلي وخاشع لي ربك ... مو تصلي صلاة وتفكر فين حتروح بعدها ولا تفكر بخويتك


أقسم بالله توفيقك وسعادتك ماتجي إللي بالصلاة ... ولو كنت تملك كل حاجة



أنا أقولك على حاجة حصلت لي ..... مع الأسف الشديد لمن كنت في أمريكا كنت مقصر في الصلاة .. ومافي أحد بالحياة دي مايغلط بس خير الخطأؤون التوابون


والله العظيم ماخليت شي على قلبي في أمريكا مارحتو .... كل مكان ررحتو .. اوكي أنبسطت وكدا بس
سعادة وقتية ... اول مارجع البيت احس بضيقة وطفش ... ودا كلو عشان بعدي عن الصلاة

وأكيد بتعرفو طبعا عقوبة تارك الصلاة في الأخرة ..... فمو محتاج اتوسع فيها

الله يخليكم صلو وعيشو حياتكم وشوفو بعدها كيف حتكونو



حــــيـــــاتـــــــك




سيارة احلى مايكون .... أصحاب وفلة .... وبنات وبارتي .. أهلي وإتحاد وكورة مع الأصحاب. دخان وحشيش وسكار

دي الخمسة الأشياء هيا حياة اغلب شباب جدة والنقطة الخامسة إللي هيا الحشيش والسكار فئة بسيطة بالمرة بس بعد فترة حتكون كبيرة

بالله عليك لمن تكون سيارتك من احلى السيارات ... وبدل ماتشكر ربنا وبعدين تشكر أبوك وامك واهلك على السيارة دي ... تروح تنسى ربك واهلك

ياولد الناس .... ليش ماتفكر إنو جاء الوقت إللي تريح ابوك من كل حاجة وتكون يدو اليمين

والله مرة انقهر لمن اشوف رجال كبير في السن مع زوجتو او عيالو الصغار في المستشفى

فين عيالو الشباب ...انا مدري ..... بس اكيد مع اصحابو يلف التافه مع بقية التافهين في التحلية

ليش ماتتحمل مسؤولية .... بعدين نزعل لمن تكون نسبة الطلاق ترتفع .... لانو بكل بساطة
وعريس الغفلة طول عمرو مع اصحابو ... يخرج ويصيع ولا يدري عن اهلو حاجة
وكل حاجة بابتو يسويها له ... والله عييييييييييييييب
وطبيعي جدا لمن حيتزوج حينصدم من الواقع ولا يقدر يتحمل مسؤولية ... لأنو بكل بساطة رمة وتافه
وتكون الضحية بنت الناس

الله يخليكم خلو أهلكم اول حاجة في حياتكم وبعدين فكرو بالباقي بس بدون حشيش وسكار
ههههههههههههههههههه

وكمان قبل لا انسى .... حطو بعد اهلكم ... مستقبلكم وحياتكم العلمية وكيف تكون نفسك بعيد عن بابابك يا ناسو عليك ههههههههههههههه

مايهم اتعب سنة سنتين 3 سنين ... وصدقني بعدها حتحط رجل على رجل والشركات حتجي لعندك وحتى البنات كمان ... ترى في دا الزمن يبغو الواحد المبسوط هههههههههههههههه




الصياعة والبنات والبارتي


أوكي كلمتها وديت معاها .... وحضنتها وبوستها ومحا اكمل الباقي... هوا دا طموحك خلاص يعني

يعني انتا كدا وصلت للقمة خلاص

والله إنتو مرة تافهين ...ياشيخـيـن يارب يبلاكم ربنا بأخواتكم إن شاءالله

دحين الثقة بالمرة مفقودة بين الولد والبنت .... يعني الولد المحترم إللي يبغى يكلم بنت الناس عشان الحب والإرتباط البنت حتكون فاقدة الثقة بالمرة
دا كلو بسبب تصرفات فئة كبيرة من الشباب
تفكيرو كل بالنص التحتاني... ولمن يتعرف على بنت يحبها ويقولها احلى كلام واول ماينام معاها .. يقولها انا لسه ماكونت نفسي او يقول امي خطبتلي
الله يلعنك ويلعن امك معاك ... إللي ماعرفت تربيك
بكل بساطة اول ماتلقى بنت ثانية ترمي الاولى ع أقرب زبالة

أقسم بالله ... لو بتعيش زي كدا بقية عمرك..... حتفقد اشياء كثيرة
اول حاجة :: التوفيق والبركة مايعرفو لك طريق
ثاني حاجة :: طبيعي جدا أختك او حتى امك ممكن يجي واحد زيك وقح ويعمل نفس الحكاية مع اختك او بنت عمك او بنت خالتك

ثالث حاجة :: مستحيل حتنبسط في حياتك لمن حتتزوج

رابع حاجة ::: طبيعي جدا راح تخون زوجتك لأانك تعودت ع التغيير في البنات

خامس حاجة ::: نهاية زواجك الفشل بالطلاق لانها كشفتك تخونها.... مو انتا يحمار اتعودت خلاص تعرف عشرين بنت في وقت احد مستحيل تفضل على انسانة وحدة
جرب مرة وحدة .. إنك تتكلم مع بنت وانتا تكون صادق معاها بمعنى الكلمة ... ولمن تحس بحبها أيش
اللي حيمنع انك ماترتبط فيها

ونصيحة أخوية لك .... لا تفكر تحب وتتعلق إلا وإنتا مستعد للزواج .... مو تكلمها المسكينة فترة طويلة وتعلقها


بالله عليك فكر ولو مرة وحدة ...... أيش حيكون شعورك وموقفك ... لمن تشوف اختك او بنت عمك او بنت خالتك في نفس البارتي اللي انتا فيه وجايب في نفس البارتي خويتك

أكيد مزاجك حيخرب وحتعصب وانواع المضاربات

فليش ترضاها على بنات الناس

اصلا ... ايش دي البارتيات المنتشرة .. يارب يهدي اللي يسويها ... ولو ماربنا هداهـ يارب يبليه ويعاقبو


اتمنى وادعو الله انو يرجعكم لصوابكم وتبطلو الهبل والبزرنة دي ياكول


الــــــبـــــــنـــــــــــــــــات


بالله عليكي ايش اللي يجبرك تخوني أهلك وتكلمي واحد وانتي عارفة اصلا انو كداب

يعني كلو ضحك ع الدقون .. كلها كم شهر او كم سنة يرميكي رمية الكلاب وبكلام يجرح
وقبل الكلام والرمية يكون حفظ شكلك من غير
هدوم اكثر من نفسك

اوكي كل واحد يبغى حنان وحب وكلو ..... بس ليش نعيش في أوهام

اقسم بالله اغلب الشباب دحين تفكريهم كلو بالنص التحتاني فيكي
يعني مايبغى لا حبك ولا قلبك
يفكر كيف يشبع رغبتو وبس

وبعد كدا يعطي رقمك لواحد من اصحابو ونفس الحكاية

في الأخير انتي حتجي نفسيا وتتعمقي بالشيء دا ... لأنو بكل بساطة انكسر خاطرك وصاحبنا لمن رماكي قالك كلام يجرحك واثر فيكي

فتقولي جوة نفسك ... خلاص صار اللي صار وخليني اعيش حياتي


وفيه فئة من البنات مرة فلة .... فصارو لمن يهرجو ولد يقولو له تبغى تكون علاقتنا صداقة اوكي
اما حب مرة لا .. ..... والشيء العجيب الغريب في الصداقة دي .... إنو فيها شرف بيروح وبنت تصير حرمة ... وبنت تصير ام أحيانا
ألعن أبو الصداقة اللي زي كدا

أقسم بالله لو بعدتي عن عالم الشباب الزبالة ( أقصد الشباب الكول عيال روميو وجوليت ) صدقيني وربي لو بعدتي عنهم ..... حتعيشي حياتك احلى مايكون

وربي بيرزقك بعريس زي ماتتمني ويحسسك انك اسعد انسانة في الدنيا
انا اقولك حاجة .... فيه بنت عندي بالمسنجر مرة محترمة ومؤدبة لاتكلم عيال وحاجة ..... من جد شيء مرة محترم .... أقسم بالله ماكملت 21 سنة الا ماشاء انخطبت وملكت من واحد ابن ناس ومن عيلة
معروفة بالدين والمال ... و على فكرة البنت مرة اهلها على قد الحال .... شوفتو كيف ربنا عوض صبرها
ودحين ماشاءالله ماصارت تدخل على اهلها الا بهدية

يابنات الناس مالكم ومال هبل الحب والغباء الزايد

أكيد حتقولو ... مانبغى نتزوج واحد مانعرف عنو حاجة ... انا اقولكم على طريقة حلوة بالمرة

خلي فترة الخطبة طويلة ..... واصري انكم تتكلمو بالجوال عشان تتعرفوا على بعض وتعرفو بعض قبل الملكة

يعني تقدري تعيشي الحب معاه في فترة الخطبة ودا كل من قدام اهلك

يعني اعتبريه خويك في الفترة دي

اما الحب والهبل دا ... أبعدو عنو ..... اكيد تعرفو انو اوهام وكدب وهبل[/si


[size=21]في الأخير أتمنى من كل ولد وبنت ..... يسبوا الهبل والصياعة ويشوفو مستقبلهم

ويكونو نفسهم ماديا أو معنويا أو علميا... يتعلموا .. يساعدوا اهلهم يوقفو معاهم

قبل مايعملوا حاجة يفكرو ... هل لو عملت كدا ربنا حيرضى عليا او لا

وصدقوني اللي بيعمل كدا بيعيش حياة مرة حلوة

وفي الأخير كتبت لكم دي الخواطرعن الحب ويارب تعجبكم وفكروا فيها كويس
وصدقوني دي الحقيقة وحالات نادرة تنتهي العلاقاتالحب بالزواج
[size=21]تبا لهذا الحب الجامح ....
تبا لحب نهايته الفراق ...
ولا يوجد فيه غير سعاده مؤقته واهمه....
ان قد نكون نضحك على انفسنا بهذا الحب المستحيل ....
ولكن هل بايدينا ان نقتل هذا الوليد ....
انقتله قبل ان يشيب من كثر الحزن والم الفراق ؟...
هل بايدينا ان ننسى اجمل ايامنا واحلى ضحكتنا ؟...
ونعود كما اعتدنا نبتسم بسمه الم الزائفه ...ولكن ...
مادمنا نعلم النهايه فلماذا نستمر لماذا نطيل المشوار لماذا نقتل قلوبنا بالم الفراق ؟...
لماذا نتعس انفسنا ام اننا اعتدنا على الالم والتعاسه فلم تعد قلوبنا تهوى السعاده ...
اكثر الشقاء جعلنا نهوى المستحيل .؟...
ام اننا لم نعد نعلم للحزن قيمه ولم يبقى لنا شي في هذه الحياه الا قلوبنا المجهده من قسوة الايام ...
اتعلم ان كل يوم يقربنا من الفراق اكثر ؟...
لماذا خطوات الحب تبدا دائما باحلى الهمسات واجمل النظرات وتنتهي هكذا دونما مقدمات؟؟؟؟
واتمنى انوا كلكم تستفيدوا منوا

</BLOCKQUOTE></BLOCKQUOTE></BLOCKQUOTE>

[flowergirl 0]

يسلموا على الموضوع وانا والله اول مرة اشوف احد يقول كيدا عن الشباب بشكل عام وكمان نسيت نقطو ما قولتها كما تدين تدان

اخوتكم
محبت flower

[AL-FarFoOo 0]

شكرا على المرور



فينكم بويز وقيرلز والله ما عرفت انكم كدا

[*M!$s mo0ozh* 0]

مشكووووووووووووووووووره
ويعطييييك الف الف الف الف الف الف عااااااافييههههه
وصح لساانك على هذا الكلااام والله لو كل البناات والشباااب يفهموون كان عشنا دنااااا ولا اروع وانا معااك في هذا الشي

[ME*ME* 0]

مشكووووووووووووره حبيبتي ع النصيحه الحلوه ولله مررره عجبتني

وياريت اولاد وبنات جده يسمعوه وحتى بنااااااااااااااااااااااااااااااات ينبع وباللاخص كمان>>الحال مو عاجبني
واصلا الاولاد الي زي كذا اراااااااهن انو في واحد صادق
وحتى البنات نزوه في حياتهم وكمان حب مو صادق وهم .............!!
ME*ME*