يلاااااااااا نساعد بعض .. التيرمين الخامس والسادس بكليه التجاره

[man_reda 0]

الصفحه دى مخصصه لأى حد يحب يطرح سؤال أو أستفسار عن أى ماده أو يحتاج لشرح أو محاضره التيرمين الخامس والسادس

[freemedoo 0]

ارجو افادتى بالمهم فى مواد الترم الخامس انا شعبة تسويق
ومعايا مادة اقتصاد 2 وعايز ملخص لها وايه المهم فيها

[somya 0]

الله يفيدك

[galal elmadny 0]

مفيش حد من ترم رابع وخامس وسادس ولا ايه انا ترم رابع محاسبه ومراجعه ومفيش اى اخبار جديده الامتحان بعد ثلاثه ايام

[boba2 0]

السلام عليكم
محتاجة مساعدة
انا كنت مأجلة نظم ومعلومات الترم الخامس وبفكر اخدها بين
ى ومعاها مادة من الترم السادس ممكن تساعدونى وحد يقولى اية اسهل مادة
ممكن اخدها بينى من الترم السادس

[hany_hamdy43 0]

بسم الله الرحمن الرحيم



لو سمحتم اريد امتحانات محلولة للترم الثامن لو تفضلتم

[MICHAEL SAMAAN 0]

انا معايا مادة تكاليف ترم 5وضربية2 وبحوث لو حد معا اي حاجة كويس ليهم يبعتهالي ضرورري

[msry 0]

السلام عليكم
اللى معاه أخر إمتحانات مادة من المواد التالته يبعتها ضرورى يا جماعه على الميل ده
المواد الأول هيه : إدارة شراء كود 322 - سلوك مستهلك 323 - إعلان وترويج 326 - إقتصاد دولى 396 - أساليب كمية (2) 361 حتى لو مش محلولة
والأيميل علـــ الياهو (( ممنوع وضع البريد الالكتروني ))

[msry 0]

سورى لو حطيت اليميل أنا ما أعرفش أنه ممنوع

[masoud refai 0]

السلام عليكم ورحمة الله وبركاتة

بالنسبة للترم البينى يا جماعة ايه الاخبار؟

واية رأيكم فى مادة الحاسب الالى 2 ومادة ضريبية 1 يتاخدوا بينى ؟

[hazem.rmm 0]

ارجوكم مساعدتى

احتاج الى كتب الترم الخامس و الترم السادس

ممكن حد يتكرم و يرفعهم لى على اي موقع و لكم جزيل الشكر

[ATOMIX 0]

masoud refai كتب:

السلام عليكم ورحمة الله وبركاتة

بالنسبة للترم البينى يا جماعة ايه الاخبار؟

الترم البينى بيكون مرتين فى السنه ... فى الفتره من فبراير وحتى أخر مارس

و أغسطس حتى أخر سبتمبر ... والجامعه هى بتعلن على بدء التسجيل فيه

[ATOMIX 0]

msry كتب:

سورى لو حطيت اليميل أنا ما أعرفش أنه ممنوع

ولا يهمك ... الأيميل ممنوع تجنبآ للمشاكل

[ATOMIX 0]

hazem.rmm كتب:

ارجوكم مساعدتى

احتاج الى كتب الترم الخامس و الترم السادس

ممكن حد يتكرم و يرفعهم لى على اي موقع و لكم جزيل الشكر

إن شاء الله يا أخى أى حد عنده الكتب دى هيرفعهالك ....وبالتوفيق والنجاح

[محمد الديب المرسى 0]

انا عايز محاضرات التيرم السادس محاسبة تكاليف ولكم جزيل الشكر

[محمد الديب المرسى 0]

[b]واضح ان هذا المنتدى ليس بة اى تواصل والدليل على هذا انى لم اجد اى اهتمام بما كتبتة او طلبتة سواء بالرفض اوالايجاب وهذا امر مؤسف بكل اسف [/b]

[man_reda 0]

محمد الديب المرسى كتب:

انا عايز محاضرات التيرم السادس محاسبة تكاليف ولكم جزيل الشكر

إن شاء الله يا أخى أى حد عنده الكتب دى هيرفعهالك ....وبالتوفيق والنجاح

[محمد الديب المرسى 0]

بدى اعرف اية المواد الرقمية سهلة الاستيعاب اللى ممكن اخدها فى التيرم البينى

[محمد الديب المرسى 0]

وهل مستوى الامتحانات اصعب من التيرم العادى

[محمد الديب المرسى 0]

بمعنى انها امتحانات تعجيزية او فى مستوى المسابقات

[محمد الديب المرسى 0]

ارجوا الافادة جزاكم الله الخير

[محمد الديب المرسى 0]

ارجو الافادة عن النتيجة

[galal elmadny 0]

محمد الديب المرسى كتب:

ارجو الافادة عن النتيجة

النتيجه كان محدد ليها يوم الخميس 14/03/2013 ولم تظهر فى هذا اليوم

وقالوا سوف تظهر يوم الخميس الماضى 21/3/2013 ولم تظهر ايضا فى هذا اليوم

والمحتمل ان تكون يوم الخميس القادم 28/3/2013 وربنا يسهل ويكتب النجاح للجميع

[galal elmadny 0]

محمد الديب المرسى كتب:

بدى اعرف اية المواد الرقمية سهلة الاستيعاب اللى ممكن اخدها فى التيرم البينى

التيرم البينى :ـ بيكون فى الاسبوع التالى لامتحانات الفصل الدارسى ويتم فتحه لمده اسوع واحد تقريبا والتقديم للتيرم البينى وامتحانات التيرم البينى بتكون فى القاهره فقــــط وما تم دراسته فى الفصل الدراسى هو المطلوب فى امتحانات التيرم البينى .
اما بالنسبه لاختيار المواد لامتحان التيرم البينى هذا شئ يرجع ليك انت ومدى متابعتك للدراسه .
ففى التيرم البينى الماضى مثلا انا اخذت ماده دراسات فى المراجعه لان كان دخل دكتور درس الماده غير الدكتور الاصلى وهى ماده شبه نظريه هذا الدكتور اعطى الماده كلها مسائل عمليه وانا افضل الماده العمليه عن الماده النظريه والحمد لله نجحت فيها بتقدير (جيد جدا ) الدكتور الاصلى للماده رجع ثانى فى التيرم الذى لم تظهر نتيجته بعد وكان الامتحان نظرى ايضا
خلاصه الكلام :ـ لابد ان تكون متابع لما يتم دراسته والماده العلميه الموجوده على المواقع مسجله منذ فترات طويله لايمكن الاعتماد عليها بصفه اساسيه وبالتوفيق والنجاح ان شاء الله

[محمد الديب المرسى 0]

نشكرك يااخ(galal elmadny) على الاهتمام والرد ونتمنا التوفيق للجميع

[galal elmadny 0]

[محمد الديب المرسى 0]

ياجماعة هى النتيجة ظهرت ولا اية

[محمد الديب المرسى 0]

لان موقع الجامعة الخاص بالتعليم المفتوح واضح انة مهنج

[محمد الديب المرسى 0]

اخيرا النتيجة ظهرت والحمد لله والف مبروووووووووووووووووووووووووووووووووووك لكل الناجحين وبالتوفيق دائما انشاء الله

[kimo201235 0]

السلام عليكم
مفيش حد عنده فكرة عن طلب اعادة الرصد الخاص
بكلية التجارة الترم الرابع انا قدمت عليه من يوم 4/5 وحتى الان مظهرش اى حاجة عنه واخر
يوم للتسجيل لكلية التجارة الترم الخماس امتى وكم المصاريف المطلوبة
افيدونى افادكم الله

[kimo201235 0]

سلام الله عليكم اخوانى الاعزاء
ارجو منكم الرد والافادة بخصوص اخر ميعاد للتسجيل بالترم الخامس وكم تبلغ تكلفة التسجيل ولو اى احد عنده فكرة بخصوص طلب اعادة الرصد ياريت يبلغنى لان انا قدمت طلب اعادة رصد بمادتين من الترم الرابع من يوم 4/4 وحتى الان لا يوجد اى اجابة او رد وارجو منكم ان اى احد معا رقم موبايل لاى احد بشئون الطلبة بكلية التجارة يكتبه لانى مش عارف اتواصل مع موظفى الاقليم اللى انا فيه نظرا لانعدام جميع الخدمات به وكل مااتصل بالجامعة نفسها محدش بيرد وعلى هذا الحال منذ اسبوع ارجو الرد اخوانى الافاضل وجزاكم الله خيرا

[galal elmadny 0]

اخر ميعاد للتسجيل حسب ماعرفت من احد الاصدقاء هو 2013/05/10
بالنسبه للمصاريف فهى 150 جنيه للماده لو هتأخذ مواد التيرم الخامس وهى 5 مواد هيكون المصاريف 750 جنيه + 20 مصارف تسجيل وكارنيه ليكون اجمالى 770 جنيه
بالنسبه لنتيجه اعاده الرصد ليس لها ميعاد محدد انت بتدخل على نتيجه اخر امتحان سوف تجد جارى التأكد من اعاده الرصد وعند ظهورها سوف تجد النتيجه ومكتوب تم التأكد من اعاده الرصد
لو عندك مواد ومحتار تسجلها ام لا ممكن تسجل وتدفع وفى حاله تغير النتيجه سوف تعدل الفاتوره بمعرفه المركز ويكون المبلغ المدفوع رصيد لك للتيرم القادم

[عمرو الدبيكي 0]

نصيحة مادة اساسيات تمويل هية اساس مادة تحليل و نقد في الترم الخامس 
بالنسبة لطلبة الرم السادس يوجدموضوع انحراف التكاليف مشترك بين اكثر من مادة ولذا يرجي الاهتمام بة حيث ان فهمة يوفر جزء كبير عند تكرار المادة ( موازنات - تكاليف معيارية - مراجعة ادارية )

[galal elmadny 0]

شكرا على التوضيح ونتمنى النجاح للجميع

[عمرو الدبيكي 0]

هانت يأستاذ محمد ان شاء الله كلها  14 يوم كده

[ِِahmed3434 0]

ارجو شرح  اكتر على التيرم  البينى

[ATOMIX 0]

احمد 73 كتب:

ارجو شرح  اكتر على التيرم  البينى

اتفضل 


يعني إيه تيرم
بيني ؟


كثيراً من الطلبة لا يعرف ما هو التيرم البيني
وخاصة الطلبة الجدد على نظام التعليم المفتوح ولذلك سأقوم في هذا الموضوع بتعريف
التيرم البيني وكل ما يتعلق به ... 


1- معنى تيرم بيني ؟

التيرم البيني سمي بهذا الاسم لأنه يأتي بين التيرمين
الأساسيين أي تيرم الصيف وتيرم الشتاء أي يكون توقيته بعد إنتهاء التيرم مباشرة .


2- التيرم
البيني وتوقيته ؟

دائماً يكون توقيته بعد الانتهاء من تيرم الصيف وتيرم الشتاء أي يكون
توقيته بعد انتهاء التيرم مباشرة .


3- التيرم البيني وتوقيت إمتحاناته ؟

بعد تيرم الصيف تكون إمتحاناته في شهر 10 أو شهر 11 بالكتير
أوي أما لو هنسجله بعد تيرم الشتاء بيكون إمتحاناته في شهر 3 أو 4 بالكتير .


4- التيرم البيني وعدد المواد
المسموح بتسجيله للطالب ؟

يسمح للطالب بأن يسجل من مادة واحدة حتى ثلاث مواد بحد أقصى.


5- وقت التسجيل بالمركز للتيرم
البيني ؟

دائماً بيكون التسجيل بعد يومين من
انتهاء الامتحانات بمركز التعليم المفتوح لكل كلياته .

ملاحظات عامة على التيرم البيني : -

· التيرم البيني يسجل الطالب مواده وهو
لم تظهر نتيجته في التيرم الأساسي السابق للبيني ..


· دائماً
الطالب يختار مواد جديدة يسجل فيها لم يمتحنها الطالب من قبل .


· المواد المؤجلة في التيرم الأساسي
السابق للبيني من الممكن أن يسجل فيها الطالب في التيرم البيني ويمتحنها به .


· المواد التي تخلف عن حضورها ( غاب
عنها ولم يؤجلها ) بالتيرم الأساسي السابق للتيرم البيني لا يستطيع تسجيلها
بالتيرم البيني لأن نتيجة الغياب تظهر مع نتيجة التيرم الأساسي التي سبق وقلت لك
عليها أن لا تظهر وقت التسجيل في البيني .


· التلكلفة المادية لتسجيل المادة في
التيرم البيني مرتفعة قليلاً عن التيرم الأساسية .


· التيرم البيني لا يخرج أي طالب أي أن
طلاب التيرم الثامن الباقي لهم مادة أو إثنين أو ثلاثة على تخرجهم لا يحق لهم
التسجيل بهذا التيرم وعليهم الانتظار للتيرم الأساسي لكي يتم تخرجهم ...


· الامتحانات في التيرم البيني للكلية
الواحدة تكون في 40 مقرر دراسي وتكون خلال خمس أيام فقط وهي تكون أيام ( الأحد
والاثنين والثلاثاء والأربعاء والخميس ) أي أن الطالب سيمتحن الثلاث مواد المسجل
فيه أو المادتين خلال هذه الأيام فقط ...


التيرم البيني على كدا مفيد
لمين من الطلبة ؟

هو مفيد جداً لنوعين من الطلبة :


1- طلبة لديهم مواد مختلفة وملخبطة من
أكثر من تيرم فدور التيرم البيني هنا تظبيط هذا الموضوع وهم الطلبة اللذين تكرر
سقوطهم في مواد .


2- طلبة لا يستطيعون دراسة 5 مواد دراسية
داخل التيرم الأساسي لظروف عملهم فيقومون بتقسيم جهدهم على التيرم البيني والأساسي
..


التيرم البيني ونظام أسئلة امتحاناته عن التيرم
العادي :


التيرم البيني بالنسبة لنظام أسئلة امتحاناته لا يفرق مطلقاً
عن التيرم العادي الأساسي .. لكن غالباً يجب على الطلاب التسجيل في مواد سهله
ومضمونه داخل التيرم البيني لضمان النجاح فيها.
مع تمنياتي القلبي

[galal elmadny 0]

 

[khalid1973 0]

شباب أرجو المساعدة أريد محاضرات الصقر والفيروز للمواد التالية:
321 إدارة التسويق
202 إدارة المنظمات الحكومية
203 إدارة الموارد البشرية
205 مقدمة في العلوم السلوكية
262 تأمينات تجارية واجتماعية
298 قانون تجاري
325 تجارة الجملة


محتاج لهذي المحاضرات بسرعة أفيدوني لو سمحتم