تعالو نراجع النهارده مادة الرياضه ( ونحل تطبيقات الجزء الاول الي ذاكرناه)

[man_reda 0]

بأستخدام نظريه الفروق اوجد حاصل جمع الاعداد الاتيه :-

16 + 40 + 76 + 124 + 184 +....... 80 حدا

[عبده حسن 0]

من فضلك كنت عاوزه محاضرات كلية التجاره جامعة المنصوره ترم اول بالله عليك لو تعرفها ماتخل عليا بيها انا بجد تايهه ومش عارفه اعمل ايه

[mohammed hamdy 0]

من فضلك انتظر قليلاً حتي يتم تحميل الصورة ...

[man_reda 0]

تمااااااااااااااااااااااااااااااام

[عبده حسن 0]

محمد ليه مش بترد بسال عن ان كنت جامعة المنصوره ولا القاهره لو كنت جامعة المنصوره ياريت ترد عليا

[mohammed hamdy 0]

اقتباس :

محمد ليه مش بترد بسال عن ان كنت جامعة المنصوره ولا القاهره لو كنت جامعة المنصوره ياريت ترد عليا

معلش ياباشا مخدتش بالي لا انا جامعه القاهرة واصلا ياحاج عبده جامعه المنصورة هيا نفس مقررات جامعه القاهرة مافيش اختلاف تقريبا، لو عاوزه المحاضرات بتاعة القاهرة هحطهالك حاضر عنيا .

[عبده حسن 0]

جزاك الله كل خير
هم عندي اخدتهم منك بردو بس اللي فهمته ان في المنصوره عندنا اقتصاد وانتوا مش عندكوا
فبعد مكنت بزاكر من محاضراتكم دلوقت اتلخبطت جامد ياريت لو كنت تعرف حد المنصوره تسالهولي بصراحه بتقل عليك بس انت قدها ولا ايه انا بقه ام باسل اختكوا في المدينه المنوره وهدعيلك بالحرم

[man_reda 0]

mohammed hamdy كتب:

اقتباس :

محمد ليه مش بترد بسال عن ان كنت جامعة المنصوره ولا القاهره لو كنت جامعة المنصوره ياريت ترد عليا

معلش ياباشا مخدتش بالي لا انا جامعه القاهرة واصلا ياحاج عبده جامعه المنصورة هيا نفس مقررات جامعه القاهرة مافيش اختلاف تقريبا، لو عاوزه المحاضرات بتاعة القاهرة هحطهالك حاضر عنيا .

برجاء التأكيد ان مقررات القاهره هيا نفسها المنصوره لانى اعتقد انها تختلف من دكتور لاخر

[mohammed hamdy 0]

اه هتلاقي هنا اخت اسمها ( بنت الاسلام ) اعتقد انها في جامعه المنصورة وهيا مجتهده وهتفيدك ان شاء الله ابعتلها رساله ع الخاص وهترد عليكي .. بالتوفيق

[man_reda 0]

بأستخدام نظريه الفروق اوجد حاصل جمع الاعداد الاتيه :-

7 + 17 + 33 + 55 + 83 +117 + ....... 60 حدا

[anocce 0]

7 + 17 + 33 + 55 + 83 + 117 ..........60 حدا
10 16 22 28 34 الفرق الأول
6 6 6 6 الفرق الثانى

ح ر = ا ر2 +ب ر

7 = أ + ب ........معادلة (1) عندما ر = 1
17 = 4أ + 2ب.......معادلة (2) عندما ر = 2
بضرب معادلة (1) ×2 وطرحها من معادله (2)

17 = 4أ + 2ب .......معادلة (2)
-
14 = 2أ + 2ب ..........معادلة (1)
______________________
3 = 2أ أ = 1.5

بالتعويض عن قيمة أ فى معادلة (1)
7 = 1,5 + ب ب = 5.5

بالتعويض عن قيمتى أ & ب فى معادلة الحد العام

ح ر = 1.5 ر2 + 5.5 ر

= 1.5×60 ÷6 ×(1+60)(1+2×60)+5.5×60÷2(1+60)=
1.5×10×61×121 + 5.5×30×61 =
110715 + 10065 = 120780
__________________________________________________________________
اعذرونى لأنى اكيد فيه اخطاء فالمسألة ولأنى معرفش ازاى اكتب الرموز بالكيبورد ياريت حد يقولى ازاى اكتب الأس والبسط والمقام ومعادلة الحد العام وارجو تقييم للمسألة لأن بحاول افهم المسائل دى

[mohammed hamdy 0]

الله ينور عليكي ياأنوس ، 100% يابرنسيسه .
ذاكرتو حاصل ضرب الاقواس ولا لسه ؟

[mohammed hamdy 0]

كتابة الرموز دي انا عاملها ع الفوتوشوب ، فيه برامج جاهزة للمعادلات دي هدورلك عليه وابعتلك اللينك بتاعه بتحفظي الحل كصورة وبترفعيها ع المنتدي .. بالتوفيق

[anocce 0]

اشكرك محمد جدا انا فعلا بالعافية حليت المسألة بس انت مقولتليش الحل صح ولا لأ ؟؟؟

[man_reda 0]

بصى انا حلتها طلع نفس الحل بس انا جايبها من كتاب التطبيقات او من المحاضرات المكتوبه اللى على الموقع الدكتور حلها بطريقه ال3معادلات ومطلع ناتج تانى خالص وعلشان كده انا حتطها
بس الدكتور مطلع
أ = 3
ب = 1
ج = 3


الناتج

= 221430 + 610 + 180 = 222220

[anocce 0]

معظم التدريبات فالمحاضرات المكتوبة فيها غلطات المهم ان الناتج عندك نفس الناتج عندى يبقى صح مش معقوله احنا الاتنين نغلط المهم نشوف حد تانى يحلها وهانشوف الناتج كام وشكرا

[mohammed hamdy 0]

مش المهم ان الرقم في الاخر يطلع صح علي فكره المهم ان الخطوات تكون سليمه الدكتور الي قايل كدا يعني لو حليتي المساله بالخطوات الصح وجمعتي غلط او ضربتي غلط هتاخدي الدرجه كامله برضو

[بنت الاسلام1 0]

السلام عليكم ورحمة الله وبركاته
ازيكم ياجماعة
انا بحل نظرية الفروق بأيجاد أ , ب , جـ مش زى مالدكتور حلها أ , ب بس الناتج بيطلع صح فهل ده يأثر على النتيجة ولالا

[man_reda 0]

أكيد لأ بدام الناتج بيطلع صح خلاااااااااااص

[بنت الاسلام1 0]

شكرا ليك أخى جزاك الله كل خير
وبالتوفيق للجميع

[anocce 0]

الله يطمنك محمد لأن انا اوقات كتير يطلع معايا غلط .... وبالتوفيق للجميع

[mohammed hamdy 0]

باستخدام نظرية حاصل الضرب أوجد :-

(س + 1 ) ( س + 3 ) (س + 2 ) (س + 7 )

[man_reda 0]

س4 + ل1س3 + ل2س2 + ل3س + ل4
ل1= أ1 + أ2 + أ3 + أ4
=1 + 3 +2 + 7 = 13

ل2 = أ1أ2 + أ1أ3 + أ1أ4 + أ2أ3 + أ2أ4 + أ3أ4
= (1×3) + (1×2) + (1×7) + (3×2) + (3×7) + (2×7)
= 3 + 2 + 7 + 6 + 21 + 14 = 53

ل3 = أ1أ2أ3 + أ1أ2أ4 +أ1أ3أ4 + أ2أ3أ4
= (1×3×2) + (1×3×7) + (1×2×7) + (3×2×7)
= 6 +21 + 14 + 42 = 83

ل4 = أ1أ2أ3أ4
= 1 × 3× 2 × 7 = 42

حاصل الضرب = س4 + ل1س3 + ل2س2 + ل3س + ل4
= س4 + 13س3 + 53س2 + 83س + 42

[anocce 0]

(س + 1 ) ( س + 3 ) (س + 2 ) (س + 7 )

س4+ س3ل1 + س2ل2+ س ل3 + ل4
ل1 = أ1 + أ2 + أ3 + أ4
= 1 + 3 + 2 + 7 = 13

ل2 = أ1أ2 + أ1أ3 + أ1أ4 + أ2أ3 + أ2أ4 +أ3أ4
= (1×3) + (1×2)+ (1×7) +(3×2)+ (3×7)+ (2×7)
=3 + 2+ 7 +6 +21 + 14
= 53

ل3 = أ1أ2أ3 +أ1أ2أ4 + أ1أ3أ4+أ2أ3أ4
(1×3×2) + (1×3×7) +(3×2×7) + (1×2×7)
= 6 × 21 ×14 ×42
= 83

ل4= أ1أ2أ3أ4
= 1 ×3 ×2 ×7
= 42
حاصل الضرب = س4 + ل1س3 + ل2س2 + ل3س + ل4
س4+ س3 13 + س2 53 + س 83 + 42

[man_reda 0]

طيب قول أى حاجه يا محمد صح غلط هز راسك حتى متسبناش كده

[anocce 0]

ايه يامحمد رحت فييييين انت حطيت السؤال وجريت ولا ايه؟

[mohammed hamdy 0]

لا والله بس هو انا الي هئولكو صح ولا غلط دانا بتعلم منكو ، الحل اكيد صح

بالنسبه لموضوع التدريب يانوس ، انا سئلتلك في شئون الطلبه قالي التدريب بيكون هناك قولتله طيب فين قالي لا معنديش معلومات المفروض ان فيه ع الصفحه بتاعة الجامعه ارقام للمراكز الي في السعوديه هي دي الصفحه الي قالي عليها
http://ou.cu.edu.eg/NewsDetails.aspx?NewNumber=89
اتصلي بالرقم القريب منك واسئليه وهيفيدك ان شاء الله ، واسف ع التاخير

[anocce 0]

شكرا جدا محمد الله يوفقك
ياسلام بقى يامحمد لو تكمل جميلك وتسألنا فى الجامعة عن القانون الملغى والمقرر لأن بجد انا تعبانة من المادة دى اوى وحاسة انى تايهة فيها

[alsaydrezk 0]

مشكورين جميعا على المجهود شكرا انوس شكرا محمد حمدى وشكرا [b]man_reda[/b]

[anocce 0]

العفو ياسيد والله يوفق الجميع

[alsaydrezk 0]

مشكور ين على المجهود ياريت بعد اذنكم المصفوفات حاصل ضرب الاقواس

[شيرى الشريف 0]

الحل صحيح بس man redaهى اللى حلها اصح
وربنا يوفقكم

[alsaydrezk 0]

الله ينور يا اساتذة عوزين سؤال فى المصفوفات



ومشكور احمد [b]man_reda[/b]

[alsaydrezk 0]

الاخ محمد برجاء شرح لينا الجزء الثانى بتاع الدكتور على الديب لا احنا تيهين فية مع الشكر

[alsaydrezk 0]

الله ينور انوس ومشكور اخى محمد وفقكم الله



وياريت يا محمد بس ادينا اسم البرنامج وانا اجيبة

مع الشكر

[man_reda 0]

برنامج ايه ؟؟؟

[marina 0]

thank you man _rade

[kampos 0]

بفرض أن العلاقة بين سعر السلعة (س) والكمية المطلوبة منها (ط) يمكن التعبير عنها بالدالة التالية: ط = 150 – 0.1س2
أوجد مرونة الطلب عندما يكون سعر السلعة = 5 وحدات نقدية.
ياريت الحل فى اسرع وقت ...لكم تحياتى.

[kampos 0]

إذا كانت العلاقة بين العرض والسعر لسلعة ما تمثلها الدالة التالية:
ع = 150 + 1.2س2
أوجد مرونة العرض عندما يكون سعر الوحدة 10 وحدات نقدية.

[kampos 0]

تتحدد العلاقة بين التكاليف الكلية (ص) وحجم الإنتاج الكلى (س) وفقاً للدالة:

ص = 1 (3س2 – 55)3
1000
احسب معدل التغير فى دالة التكاليف الكلية بالنسبة لحجم الإنتاج الكلى، وذلك عند حجم إنتاج كلى قدره 5 وحدات.
معلش يا جماعة المسائل دى موجوده فى محاضرات الجامعة على الموقع بس الحل مختصر وانا مش فاهم ياريت حل تفصيلى بكل خطوة لكم منى خالص التحيه.

[kampos 0]

إذا كانت العلاقة بين التكاليف الكلية (ص) وعدد الوحدات المنتجة (س) فى أحد المصانع تحددها الدالة التالية:
ص = 50 + 5س + 0.2س2
أوجد التكلفة الحدية والتكلفة المتوسطة عند إنتاج 10 وحدات

[kampos 0]

تتحدد العلاقة بين الإيراد الكلى (ص) وحجم الإنتاج الكلى (س) فى أحد المصانع وفقاً للدالة التالية:
ص = 0.004 (5س2 – 100)2
احسب معدل التغير فى دالة الإيراد الكلى بالنسبة لحجم الإنتاج عند إنتاج 10وحدات

[nora1 0]

السؤال الأول :-

بفرض أن العلاقة بين سعر السلعة س والكمية المطلوبة منها ط يمكن التعبير عنها بالدالة التالية ط = 150-0.1س2

أوجد مرونة الطلب عندما يكون سعر السلعة = 5 وحدات نقدية.....

الحل :- مرونة الطلب = س/ط × ءط/ءس

س=5 نعوض بــــ5 في ط=150-0.1س2

150-0.1×25=

150-2.5=

=147.5

ءط/ءس=-0.2س =-0.2×5 =-1

اذ مرونة الطلب = 5/147.5×-1 =-0.033

انتهى الحل

للتوضيح ءط/ءس اللي هي المشتقة

[nora1 0]

kampos..

لو حضرتك فهمت الحل ده قول عشان اكمل بقية الأسئلة..

ولو حضرتك برضو مفهمتش قول عشان أحله بالتفصيل والشرح اكتر من كده..

لا إله إلا أنت سبحانك إني كنت من الظالمين..

[man_reda 0]

nora كتب:

kampos..

لو حضرتك فهمت الحل ده قول عشان اكمل بقية الأسئلة..

ولو حضرتك برضو مفهمتش قول عشان أحله بالتفصيل والشرح اكتر من كده..

لا إله إلا أنت سبحانك إني كنت من الظالمين..

بارك الله فيكى يا رب

يــnoraـــا

ويجعله فى ميزان حسناتك

و لا إله إلا أنت سبحانك إني كنت من الظالمين ..

[nora1 0]

شكراَ عـــ الدعوة الحلوة دي..

أنا ما عملتش حاجة ده من مذاكرتي للمادة..

لا إله إلا أنت سبحانك إني كنت من الظالمين..

[kampos 0]

اولا شكرا على متابعتك واهتمامك ..بس انا فاهم موضوع التعويض بيكون ازاى بس مش فاهم موضوع المشتقه دى علشان كده ياريت تعيدى الحل بالتفصيل خطوة خطوة بدون اختصار وياريت حل المسائل الباقية ...ومعلش اذا كنت تعبتك معايا ربنا يباركلك ويجعله فى ميزان حسناتك ان شاء الله ..وتقبلى خالص تحياتى العطرة.

[nora1 0]

أولاً (المشتقة) لازم تكون فاهم المشتقة عشان تقدر تحل الأسئلة..

مثلاً نشوف المشتقة اللي في السؤال عندي ط=150-0.1س2 المشتقة -0.2س

عملنا ايه مشتقة 150 = صفر ومشتقة 0.1س2 = 0.2س وعشانالاشارة سالبة يبقى -0.2س

مثال تاني للمشتقة:-

ص=س3 المشتقة دص/دس=3س2 تبع للقانون دص/دس=ن×س أس ن-1

ص=5 المشتقة دص/دس=صفر عشان عندي بيقول اذا كانت ص=مقدار ثابت فإن دص/دس=صفر

ص=5س3-4س2+6س-15 نشوف هنا نجيب المشتقة ازاي تبعا للقانون اللي بيقول ن×س أس ن-1

دص/دس=15س2-8س+6

ص=(س2+5)(2س3+7) الأقواس دي بقى في حلين عشان نحلها ونقدر نجيب المشتقة

إما ان احنا نضرب القوسين بعض وبعد كده نجيب المشتقة

أو في حاجة بتقول (الأولى×مشتقة الثانية)+(الثانية×مشتقة الأولى) والحل بالطريقتين هو

(الأولى×مشتقة الثانية)+(الثانية×مشتقة الأولى)=(س2+5)(6س2)+(2س3+7)(2س)

6س4+30س2+4س4+14س

=10س4+30س2+14س

الحل الآخر:- ضرب القوسين ثم ايجاد المشتقة..

ص=2س5+10س3+7س2+35

دص/دس=10س4+30س2+14س

ص=(س+3)3 المشتقة دص/دس= مشتقة القوس×مشتقة ما بداخل القوس

3(س+3)2×1

=3(س2+6س+9)

=3س2+18س+27

ودي أهم المشتقات............

[man_reda 0]

الله ينور عليكى يا نورا

وعلى فكره ده سؤال أكيييييييييد فى الأمتحان إن شاء الله

[nora1 0]

دلوقت نقدر نحل الأسئلة بعد ما فهمنا المشتقات بأنواعها..

السؤال الأول:- بفرض أن العلاقة بين سعر السلعة (س) والكمية المطلوبة منها (ط) يمكن التعبير عنها بالدالة التالية

ط=150-0.1س2 أوجد مرونة الطلب عندما يكون سعر السلعة=5 وحدات نقدية؟؟؟

الحل:-

مرونة الطلب=س/ط×دط/دس

س=5

ط=150-0.1س2 نعوض بــ س

150-0.1×25

=150-2.5

=147.5

اذ ط=147.5

دط/دس=-0.2س نعوض بــــــــــ س

-0.2×5= -1

اذ دط/دس= -1

دلوقت نقدر نجيب مرونة الطلب تعويض مباشر

مرونة الطلب= 5/147.5×-1= -0.033

وكده يكون انتهى حل السؤال الأول......