تعالو نراجع النهارده مادة الادارة ( ونحل تطبيقات الجزء الاول الي ذاكرناه)

[mohammed hamdy 0]

في سؤال جه في امتحان سنه 2010 دور يوليو ، جه علي الجزء الاول في الادارة ، لكن السؤال دا مش موجود في المحاضرات ولا في التطبيقات ،

السؤال الثاني : اكتب بإيجاز عن أهمية الإدارة فى المنظمة؟

خلونا نفتكس في الاجابه براحتنا ، المهم اننا نتكلم في اصل الموضوع لكن بطرق مختلفه ، ونتفق في الاخر علي اجابه مثاليه ،

الجزء دا موجود في كتاب الكليه ،

الاجابه الخاصه بيا :

لنجاح اي منظمه او منشأه صغيره كانت او كبيره لا بد من وجود رأس مدبر لهذه المنظمه ، تعمل علي اتخاذ القرارات السليمه و اذابة المعوقات التي تواجه المنظمة بحلول مثاليه وفعاله ، فالادارة تعمل علي استغلال الموارد المتاحه بشكل جيد ، مهما كانت الموارد قليله او ذات فاعليه بسيطه ، تستطيع الادارة الرشيده استغلالها الاستغلال الملائم لتحقيق الهدف المطلوب ، فمثلا بلد مثل اليابان (مثال من كتاب الجامعه ) تفتقر الي كثير من الموارد الطبيعيه ولديها مشكله كبيره في الكثافه السكانيه ، وواجهت مشكلات سياسيه وعسكرية ضخمه ، ولكن ادارة البلاد الرشيده احسنت استغلال الايدي العامله ، وبالتفكير والاخلاص استطاعت اليابان ان تكون رائده الصناعات في العالم في وقت قصير ، واصبحت دوله اقتصاديه بحسن الادارة والاستغلال الجيد للموارد ، ومن هنا تأتي اهمية الادارة ..


مستني الاجابات المختلفه علي السؤال دا !!

بالتوفيق

[man_reda 0]

حلوه نفتكس ديه بس بدام مش موجوده فى المحاضرات ولا التطبيقات هنفتكس فيها ليه

[doaa sabry 0]

انا اصلا بكره الاسئله المقاليه ديه اللى كلها رغى

[mohammed hamdy 0]

يابني مش جاي في المحاضرات ولا التطبيقات بس جاي في معظم الامتحانات الي فاتت ، وموجود الجزء دا في كتاب الجامعه ، عشان كدا حاسس انه هيجي في الامتحان مش عارف ليه

[man_reda 0]

الله يطمنك متعرفش هيجى أيه تانى

[mohammed hamdy 0]

ماتقولي اديني الامتحان بالمره بئه ،، يابني انا مبئولش حاجه وتخيب ابدا ، الحمدلله وبلا فخر مذاكر لاخويا السنه الي فاتت ومتوقعله الامتحان كله ، الحمدلله نجح في الرسم والانشاء وشال باقي المواد ، خليك ورايا وانت مش هتندم ابدا

[man_reda 0]

لا يا عم خلينى لوحدى احسن ليكون مصيرى زى اخوووووووووك وبلاااااش تذاكرله تانى

[anocce 0]

الادارة نشاط انسانى هام وهادف ولا يمكن الاستغناء عنه او العمل بدونه حيث لا يمكن لأى منظمة ان تحقق اهدافها بفاعلية وكفاءة بدون وجود ادارة جيدة تبذل قصارى جهدها لتحقيق الاهداف وللحصول على اعلى كفاءة للعاملين داخل المنظمة وتعمل الادارة الجيدة على توجيه نشاط العاملين نحو تحقيق الاهداف

ودى اجابتى عن السؤال

[عبده حسن 0]

يجماعه انا لسه مزاكرتش حاجه خالص هل كده مفقود فيا الامل ولا ايه والكتب لسه في مصر مش جتلي

[mohammed hamdy 0]

ياحاج عبده ، الامل موجود ان شاء الله ، والكتب والمحاضرات وكل الي انت عاوزه هتلاقيه علي صفحتك الشخصيه بتاعة الجامعه ، ولو مش عارف تنزلها قولي وانا احطلك روابط واقولك علي كل الي انت عاوزه ، وهنا في المنتدي هتلاقي جدول للمذاكره ان شاء الله تلحق وتذاكر وتبقي زي الفل .. وبالتوفيق ان شاء الله

[man_reda 0]

لا مش مفقود فيك الأمل ولا حاجه إن شاء الله بس شد حيلك وأبدء ذاكر من الاسطوانات ولو عاوز حاجه او مش فاهم حاجه ضع سؤال فى يلا نساعد بعض واحنا بنقول الجديد فى الجامعه او تنبيهات الدكاتره وربنا معاك

[anocce 0]

هيه اجابتى مش نموذجية ولا ايه ؟؟؟؟؟؟
المهم فين اسئلة تانى عايزين نتحمس

[mohammed hamdy 0]

اقتباس :

هيه اجابتى مش نموذجية ولا ايه ؟؟؟؟؟؟
المهم فين اسئلة تانى عايزين نتحمس

لا ياباشا اجابتك نموذجيه وزي الفل

خدي السؤال التاني

من امتحان 2010 دور يناير

حدد مدي صحة او خطأ العبارة مع التعليل :

يجب ان تتوافر المهارات الفكريه بشكل اكبر في مستوي الادارة الوسطي ؟

[anocce 0]

العبارة خطأ لأن المهاره الفكرية هى مهارة التفكير فى المستقبل ووضع الخطط وأتخاذ قرار بشأن المستقبل لذلك يجب ان تتوافر المهارة الفكرية فى مستوى الأدارة العليا


(( على فكرة الموضوع جدا جميل بس مش عارفة ليه مفيش حماس ))
يلا ياجماعة عايزين تفاعل

[mohammed hamdy 0]

العبارة خاطئه لان المهاره الفكريه والاداريه يجب ان تتوافر بشكل كبير كلما اتجهنا الي اعلي الشكل الهرمي للادارات بينما تقل كلما اتجهنا الي اسفل ، والعكس صحيح في المهار الفنيه تقل كلما اتجهنا الي اعلي الشكل الهرمي وتزداد كلما اتجهنا الي اسفل ، بينما المهارات الانسانيه تتساوي في جميع الادارات

[mohammed hamdy 0]

قارن بين كل مما يلي :

1- الكفاءة والفعالية .
2- الانتاج والانتاجيه .
3- التخطيط والرقابه.

--------------------------------

[anocce 0]

هوة محدش بيجاوب هنا غيرنا ولا ايه ؟

[anocce 0]

الفاعلية : هى القدرة على اختيار الهدف ومدى تحقق الهدف
الكفاءه : هى تحقق الهدف بأقل التكاليف ( مع ذكر المثال طبعا )
________________________________

الأنتاج : هو كمية ماتم انتاجه فى فترة زمنية معينة
الأنتاجية : هى العلاقة بين المدخلات والمخرجات .. لذلك نجد ان اى تحسن فالأنتاجية ينعكس على الأنتاج وتسعى الأدارة الى تحسين الأنتاجية لدى العاملين ودلك باللجوء الى العديد من الوسائل منها
1- استخدام الوسائل والتقنيات الحديثة
2- تحفيز العاملين ماديا ومعنويا
3- تدريب العاملين وتبسيط اجراءاتهم

_______________________________

ترتبط الرقابة بالتخطيط ارتباطا وثيقا حيث ان التخطيط الجيد هو اساس الرقابة الجيدة بدون وجود خطة لم يكن هناك تخطيط فمن التخطيط يتم وضع معايير الرقابة ... ومن نتائج الرقابة يتم التأكد من حسن سير تنفيذ الخطة ودقتها

[بنت الاسلام1 0]

انا هشارك معاكم ان شاء الله بس عاوزاه اعرف اللى بترجعوة ده المفروض اننا اخدناه ههههههههههههههههههههههههه ولابترجعوا عموماااا مش اللى اخدناه فى المحاضرات فقط

[anocce 0]

كل دة فالمحاضرات اللى على صفحتك الخاصة لأن انا مش بحضر فالجامعة فمعرفش وصلوا لحد فين ؟ وهانستناكى تشاركى معانا انشاء الله اهلا بيكى

احنا عايزين نراجع كل المواد مش ادارة بس ايه رأيكوا ؟؟؟؟؟؟؟؟؟

[mohammed hamdy 0]

ماشي اعملي موضوع جديد وحطي اسئله رياضه مثلا ونحلها مع بعض

[بنت الاسلام1 0]

تمام اهلا بيكوا ياقمرايه وتسلمى لردك الجميل وان شاء الله ربنا يوفقنا جميعا وييسر لنا الحال اللهم امين
ويالنسبة لمحمد اه ياريت يبقى كويس والله حتى نقدر نساعد بعض بالحل فكرة كويسة واللى مش فاهم حاجه يساعد التانى

[alsaydrezk 0]

العبارة خطأ



حيث تزيد الحاجة إلي المهارات الفكرية وهي التفكير في المستقبل واتخاذ القرارات بشأنه في مستوى الإدارة العليا

اما بالنسبة للادارة الوسطىفتحتاج اكثر الى المهارةالانسانية التى هى فن التعامل مع البشرفى اطاعةاوامر المرؤسين وبالتالى تقل الحاجة الى المهارة الفكرية فيها

[hamza mohamed 0]

فى حاجه محذوفه من مادة الادارة تيرم اول

[man_reda 0]

hamza mohamed كتب:

فى حاجه محذوفه من مادة الادارة تيرم اول

لم تحذف حاجه من الاداره حتى الان

[alsaydrezk 0]

العابارة خطأ

حيث يوجد ثلاث ادارات فى المنظمة

الإدارة العليا تهتم بتحديد الأهداف العامة والخطة العامة للمنظمة والإشراف ومتابعة تنفيذها.

2

الإدارة الوسطى

همزة الوصل بين الإدارة العليا والمباشرة

3



الادارة الماشرة تضع الخطة التفصيلية التنفيزية وتقوم بتنفيذها



حيث ان المهارة الفكرية تزداد الحاجة اليها فى مستوى الادارة العليا

لانها تقوم بوضع الخطط المستقبلية للمنظمة

اما الادارة الوسطى فهيى تقوم بأخذ الخطة وتجعلها اكثرتفصيلا وتقوم الادارة المباشرة بتنفيذالخطة وفى هذة الحالة تكون اكبر تفصيلا عند الادارة المباشرة

وايضا

عندنا ثلاثة مهارات فكرية مهارة انسانية مهارة فنية

الفكرية تزداد الحاجة اليها فى مستوى الادارة العليا

المهارة الانسانية تتساوى الحاجة اليها فى جميع مستويات الادارة

المهارة الفنية تزدا الحاجة اليها فى مستوى الادارة المباشرة

ويمكن توضيح بالرسم

[anocce 0]

موفق ياسيد ان شاء الله

[alsaydrezk 0]

ربنا يوفقنا جميعا انوس

[sarahisham 0]

انا لسة عضو جديد فى المنتدى ولسة محولة من شهر ومش عارفة اية الى مالغى والى جاى فى الامتحان

وممكن اسئلة على الادارة شاملة بالاجابة وممكن تسعدونى ازاكر ازاى الى باقى

[sarahisham 0]

sarahisham كتب:

انا لسة عضو جديد فى المنتدى ولسة محولة من شهر ومش عارفة اية الى مالغى والى جاى فى الامتحان

وممكن اسئلة على الادارة شاملة بالاجابة وممكن تسعدونى ازاكر ازاى الى باقى

[حسين فهيم 0]

لو سمحت انا عاوز اى حاجه فى المحاسباه

[sarahisham 0]

حسين انت عارف اية هو كل الى مالغى فى المواد ممكن تقولى

[anocce 0]

اهلين بيكى سارة فى المنتدى ....... شوفى حبيبتى الأدارة نفيش حاجة ملغية وهتلاقى على صفحتك الخاصة على موقع الجامعه محاضرات وتطبيقات الأدارة شاملة كل المنهج وان شالله يجي المتحان منها ...... ويارب اكون افدتك

[anocce 0]

حسين انت اعمل download لمحاضرات المحاسبة التلفزيون على صفحتك الخاصة وتابعها هتلاقى الدكتور شارح كل المنهج واسلوبه جدا سهل وسلس هاتفهم منه كل حاجة وبالتوفيق

[sarahisham 0]

مرسى امال فين الاسئلة الى انت ومحمد الى انتو بتعملوها بس المراضى على القانون

[anocce 0]

فيه كام سؤال فمادة الأدارة امتحانات السنوات اللى فاتت ومحتاجة اجابة فيها ياريت لو حد يعرف يجاوبنى
اولا: بين مدى صحة او خطأ العبارة مع التعليل
1- كلما انتقلنا من اسفل الى اعلى الهيكل التنظيمى كلما زاد مقدار السلطة...
2- يستمد الرئيس سلطته من حب مرؤوسيه له
3- قارن بين التنظيم الرسمى وغير الرسمى

[rafat30s 0]

السلام عليكم ورحمة الله وبركاته
اهلا بالساده الافاضل /الزملاء
بجد انا عاجبنى جدا هذا القسم وبراجع من اسئلتكم واجوبتكم
ربنا يبارك فيكم
انا زميل معاكم بس بحضر كونفرنس فى جامعة المنصوره

[anocce 0]

اهلا بيك rafat30s انشاء الله تستفيد من المنتدى .......... الله يوفق الجميع

[man_reda 0]

anocce كتب:

فيه كام سؤال فمادة الأدارة امتحانات السنوات اللى فاتت ومحتاجة اجابة فيها ياريت لو حد يعرف يجاوبنى
اولا: بين مدى صحة او خطأ العبارة مع التعليل
1- كلما انتقلنا من اسفل الى اعلى الهيكل التنظيمى كلما زاد مقدار السلطة...
2- يستمد الرئيس سلطته من حب مرؤوسيه له
3- قارن بين التنظيم الرسمى وغير الرسمى

أنا اسف على التأخير لكن والله كنت بشوفلك الاجابه
اولا: بين مدى صحة او خطأ العبارة مع التعليل
1- كلما انتقلنا من اسفل الى اعلى الهيكل التنظيمى كلما زاد مقدار السلطة.
(صح) لان الإدارة العليا ذات سلطة أعلي من الإدارة الوسطي والإدارة الوسطي ذات سلطة أعلي من الإدارة المباشرة .

تتكون الإدارة من 3 مستويات إدارية هي:
مستوى الإدارة العليا :-رئيس مجلس الإدارة - مديري العموم - رؤساء القطاعات
مستوى الإدارة الوسطى أو التنفيذية :- مديري الإدارات التنفيذية
مستوى الإدارة المباشرة :- رؤساء الأقسام - مديري الوحدات

2- يستمد الرئيس سلطته من حب مرؤوسيه له
(خطأ) يستمد القائد سلطته من الجماعة ، أما الرئاسة فتعتمد علي منصب الرئيس في التنظيم الرسمي ، وعلي سلطتة المرتبطة بوظيفية الرسمية ، لذا فالرئيس قد يكون قائداً أو لا يكون ، وفي الحالة الأخيرة سيسبب لوحدة العمل الإداري مشاكل متعددة لأن المرؤوسين سيكونون في حاجة إلي قائد غير رسمي يفي بمتطلباتهم ، وهذا سيتعارض مع أهداف المنظمة .

فالقائد الرسمي الكفء هو الذي يمكنه استمالة وتحفيز مرؤسية وبث روح الفريق والتعاون بينهم بما يضمن تجاوبهم معه واحترامهم لقيادته.

3- قارن بين التنظيم الرسمى وغير الرسمى
مش عارف بصراحه ومش لقيها فى المحاضرات او التطبيقات

[anocce 0]

شكرا مان رضا انا مكنتش شايفة الرد ممكن حد يسألنا على السؤال الأخير من الدكتورة نفسها للناس اللى بتحضر وجزاكوا الله الف خير

[abualaafh 0]

man-reda
`جوابك للسؤال الاول خاطئ
لان المقصود بالهيكي التنظيمي
مو الهيكل التنظيمي للادارة
بل الهيكل التنظيمي للسطة
هناك ثلاث انواع للسلطة





السلطة الخطية: هي سلطة اتخاذ القرار وإعطاء الأوامر بأداء عمل معين من أجل تحقيق الهدف. ( العلاقة بين المدير والمرؤوس).
السلطة الاستشارية : هي سلطة تقديم النصح والرأي والمشورة لهؤلاء الذين يملكون السلطة الخطية.

السلطة الوظيفية : وهي تعطي في مجالات معينة ، وهي سلطة تعطي فقط للمديرين الذين يلتزمون بمسئوليات ترتبط بالمنظمة ككل مثل الشئون المالية، الموارد البشرية. فهي سلطة إعطاء أوامر للإفراد العاملين في أقسام وإدارات أخري غير التي يعملون بها.

[MEDOO.GALX 0]

انا هشارك معاكم ونبقي اسرة مع بعتينا ايه رايكم انا لسة مستجد

[monda 0]

ممكن انا كمان ادخل فى جو المراجعة دة

[mor 0]

ربنا يوفقكم لما فيه خير ويرزقكم النجاح باذن الله

[galal elmadny 0]

monda كتب:

ممكن انا كمان ادخل فى جو المراجعة دة

ارحب العضـــــــــــو الجــــــــــديـــــــد monda فى المنتدى وكذلك بالتعليم المفتوح وكليه التجاره

[galal elmadny 0]

تنبيه هـــــــــــــــــــــــام

احب انبه أن هذه الصفحه مفتوحه من التيرم الماضى

علشان الاصدقاء الجدد بيدخلوا ويطلبوا التواصل
وبيكون التيرم انتهى ...يمكن مراحعه الماده العلميه الموجدوده
او التواصل مع طلبه التيرم الجديد تقبلوا خالص تحياتى

[mor 0]

اهلا وسهلا بحضرتك monda

نورتي المنتدي وان شاء الله تستفيدي منه

وشكرا جلال علي المجهود الكبير في القسم

تمنياتي لكم التوفيق والنجاح ان شاء الله

[adham sameer 0]

انا زهقان ومش عارف اذاكر اي حاجه