اذهب الي المحتوي
أحلى نادي لأحلى أعضاء
البحث في
  • المزيد من الخيارات...
عرض النتائج التي تحتوي على:
إيجاد النتائج في:

مجموعة عامة  ·  1748 اعضاء

حفظ
[ نــ ... وقـــت البـنــات... ـا دي ]
مصفقة الورعان

كىاام شبااااااب جدة الفلاااااااااااااااااوية

Recommended Posts

Co0o0oL
[center]هوا صح طويل مرة بس وربي يفطس ضحك لا يفوتكم




- أبو كلب -

ههههههههههههااااي .. وهادي الكلمة تنقال لما يكون في شي ما يعجبك ، يعني زي لما يكون جوالك قديم ومعدوم العافية تقول عليه جوال أبو كلب ، ولمن يكون قلمك ما بيكتب زي الأوادم ويقطع تقول قلم أبو كلب




- أشكل -


جات فترة انتشرت دي الكلمة بصورة كبيرة وهيا بشكل عام معناها الطناش ، فلمن تجي تبغى تطنش شي .. تقول أديه أشكل ، ومأخوذة من لعبة البلوت أو الورق للأخوان اللي ما يعرفوا معنى البلوت



- أطبعو -


ههههههههههههههاااي .. من الألفاظ المضحكة جداً وتنقال لمن الشخص ما يسمعك ويسأل إيش قلت ؟؟ وإنت مافيك تعيد الكلام تاني فتقولو أطبعو .. بلاهة وربي بلاهة



- الـ ـ ـ ـ -

انتشرت بشكل رهيب إضافة أل التعريف من باب المبالغة في الفترة الأخيرة .. زي مثلاً لمن تشوف واحد غشيم تقول مو بس غشيم .. الغشيم ههههههه .. ولمن شباب يعاكسو في السوق ما يقولوا بنات .. البنات << ماراح يفهمها إلا أهل الحجاز وبصراحة لأنها تتنطق بطريقة مميزة .. << أموت في الطرق المميزة ههههههههه


- انبراش -

نعرف إنو لمن تلعب كورة واحد يدخل عليك معناتها انبرش عليك .. لكن عند الشباب سار لها معنى تاني ، انبراشة سار معناها إنو دخلة غلط وسط الكلام ، يعني تكون إنت والشلة بتهرجوا في موضوع ويجي واحد يقول كلام مالو أي علاقة بالموضوع هنا نقول فلان انبرش .. وهادي تسير انبراشة .. ولا لمن يكون الكل ساكت ويجي واحد يقول كلام مالو اي داعي زي نكتة بايخة مثلاً هنا نقول على الحركة دي انبراشة


- بسط وهز وسط -

تخيلوا الفلم الهندي دا كلو عشان تجاوب على أحد يقولك كيف حالك
هههههههههههههههه أتحداكم تقولها عشرة مرات وبسرعة زي الصاروخ


- بلف -

هههههههههههههههههااااااااي ، من أضحك المصطلحات بصراحة ، طبعاً الشباب يعرفوا البلوف : معناه إنو شخص ينبلف يعني يسوي الشي بسرعة بدون تفكير ، مثلاً لو شاف صاحبو اشترى سيارة جديدة وعجبتو قوام يجيب وحدة من نفس النوع .. هنا نقول إنو بلف ينبلف بسرعة هههههههههههههه .. وكمان لما يكونوا اتنين بيتضاربوا ويجي واحد يحرش نقولوا لا تبلف يعني لا تحرش .. ولا لما يكون واحد يجري بالكورة ولساعو بعيد عن المرمى ويجي واحد يقولو شووووت يقوم يشوت كدا بسرعة دا نقول عليه انبلف ههههههههههههههااااااي .. أحس بعض الناس ما حتفهمها بس هوا معناها كدا وخلاص


- تشبيك -

ودي الكلمة معروفة وانتشرت في مختلف أرجاء المعمورة .. ومعناها إنو لمن واحد يقول أنا شبكت فلانة يعني أنا خليتها تعجب فيا وتحبني .. ولا تكلمني وزي كدا


استنى ردودكم علية لو عجبكم اكتب التاني اووكي
lol!lol!lol!

[/center]

شارك هذه المشاركه


رابط المشاركه
شارك
ووووووووووااااااااااااوووووووووو حلوووووو كلامهم ياناسوو عليهم

شارك هذه المشاركه


رابط المشاركه
شارك
يناسو على كل اهل جدة

بس مو كــآنو الخط صغير ولا عيوني صغيرة؟؟؟؟

يسلمووووو

شارك هذه المشاركه


رابط المشاركه
شارك
هههههههههههههههه
يسلموو قلبوو
وماننحرم منك ومن مواضيعك
الحلوه زيك

شارك هذه المشاركه


رابط المشاركه
شارك
كاااااي .. يناسوو عليهم وعلى كلامهم هع
يسلمووو ياعسل على الموضوع الحلو
ننتظر جديدك تقبلي مروري..

شارك هذه المشاركه


رابط المشاركه
شارك
ههههههههههههههههههه يا ناااااااااااااس على اهل جده و ربي فله يسلمو قلبو على الموضوع الحلو متلك

شارك هذه المشاركه


رابط المشاركه
شارك
هههههههههههههههههه
مو شرط اهل جده
وكاااااااااااي علينا
حتا احنا نفس هروجهم
ولا اقلك
لا همه نفس هروجنا
ههههههههههه

يسلموو على الموضوع

bOoOoOde

شارك هذه المشاركه


رابط المشاركه
شارك

انشئ حساب جديد او قم بتسجيل دخولك لتتمكن من اضافه تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل ؟ سجل دخولك من هنا.

سجل دخولك الان

×
×
  • اضف...

Important Information

We have placed cookies on your device to help make this website better. You can adjust your cookie settings, otherwise we'll assume you're okay to continue.