حلقة دراسية ترم اول E دور يناير 2012

[marina 0]

هاى اهلا بجميع طلبة الترم الاول ارجو انكم تشاركواواللى بيحضر المحاضرات يقول عليها ونبتدى نتعرف على بعض ونشارك فى الحلقة الدراسية

[fadi1 0]

ان شاء الله ياماريينااااااااااااااا
ربنا معانااااااااااااا وتكون سنه كويسه

[aml ahmed 0]

ياريت فعلا اللى هيحضر يفيدنا وربنا يسهل ويجعلها سنه لطيفه ظريفه

[marina 0]

habiba كتبت
اه نزلتو يا امل ...

و روحت حضرت النهارده و اخدنا نحو الفصل الاول و الفصل التاني لحد صفحه 19

و Translation من الانجليزيه للعربيه بس و قالت لنا حضروا الفطعه الاولي للمحاضره اللي بعد كده و قعدت تعرفنا بقواعد الترجمه الاساسيه و بس كده ..

[gamal.eissa 0]

ياريت حد يرفع المحاضرات دى لانى انا فاتتنى المحاضرات و بجد انا قلقان اوى .... [b]

[marina 0]

المحاضرات دا حتلاقيها فى صفحتك الدراسية

[gamal.eissa 0]

يا شباب انا فاتتنى محاضرات الجمعه الفاتت ومش عارف هما خدوا ايه ...و انا لسه ماسجلتش عشان اخذ الكتب من على موقع الجامعة... و نزلت الكتب من على المنتدى بس حاسس ان المنهج مش صح لانى اسم الدكتور مختلف عن اللى بيدى الماده....ياريت الافاده؟؟؟

[marina 0]

دا عادى ان اسم الدكتور يبقى مختلف عن اللى بيشرح المنهج وممكن تلاقى اللى بيدى محاضرات فى الجامعة غير اللى مالف الكتاب غير اللى بيشرح على السى دى

[fulla 0]

امتى بتكون امتحان الترم الاول للسنة الدارسىة الاولةخصوصا انا لسة هاسجل الاسبو ع القادم يعنى اقصد ىهاىكون فىة وقت كافىة للمذاكرة ارجو الرد سلامممممممممممممممم

[marina 0]

امتحانات التعليم المفتوح عامة لكل الكليات وخاصة لترم الاول يوم 28-1-2012 باذن الله

[aml ahmed 0]

مقرر ترم اول

1- النحو العربى : مذاكرة من الكتاب لغايه درس الحال + حل التطبيقات +سى دى

الامتحان : اسئله تطبيقيه

2-الترجمه :محاضرات مكتوبه + تطبيقات + سى دى احتياطى +حفظ كلمات وجمل

الامتحان : اسئله تطبيقيه

3-الجرامر :محاضرات +تطبيقات + كتاب + سى دى

الامتحان : اسئله تطبيقيه

4-قراءه وفهم : valentine , slave ,sleep , olympic games

الامتحان :اسئله تطبيقيه (قطعه من المنهج +قطعه خارجيه ) +ترجمه

5-الثقافيه :تطبيقات مكتوبه مهمه +تدريبات +سى دى +اول 4 محاضرات فالمحاضرات المكتوبه +

الامتحان :اسئله تطبيقيه + ترجمه

ملحوظه هامه جدا ::: دكاترة الترجمه والثقافيه اتغيروا ف ممكن يغيروا المقرر وهنتابع من خلال الناس اللى بتحضر المحاضرات ياريت يفيدونا ويساهمو معانا

وياريت يا مارينا تشوفى اى خطأ وتعدليه لان انا جمعت كل اللى قولتوه وكتبته

[marina 0]

بصى النحو العربى الدكتور دا سعد بيقرر لحد ما بيشرح يعنى ممكن يخلص المنهج وممكن لا فلحد ما يوقف فى الشرح هودا المقرر







جرايمر انجليزى دكاترتة غالبا مبيلغويش حاجة دائما مقرر بس الدكتورة بتاعة جرايمر انجلش اتغيرت وللعلم السى دى ومحاضراتها المكتوبة مهمة وحتفيدكم لانها بجد شرحها كان حلو قوى للكن تصححها كان اغلب الدفعة بيشيل المادة





الثقافية والترجمة مقدريش افيدك فيهم لان الدكاترة اتغيروا بس موكد مش حيتغير المنهج بالذات بالنسبة للثقافية 1



وبالتالى السى دى شرحة حلو جديد هو ممكن يتقرر عليكم وحدات زيادة او ممكن تقل الوحدات المقررة على حسب الدكتورة





بالنسبة لجزء الترجمة فى الثقافية بيقى قطعة بسيطة جديدة بتبقى الدكتورة قايلة عليها فى المحاضرة ودا بتبقى درجاتها مضمونة بس اعتقد ممكن السوال دا يتغلى بريضة على حسب الدكتورة وعامة مش حتعرفوا اكتر المقرر معالمحاضرات الى جاية باذن اللة وفى دكاترة بيلغوا حاجات شروحها فى اخرمحاضرة





للعلم قراءة وفهم الدكتورة مبتخبيش خالص قطعة ترجمة خالص مفيش السوال دا ابدا فى القراءة وافهم قطعة اولمبيك جايمز الدكتورة شاهيناز لعتها فممكن مت تبقاش مقررة عليكم وتبدلها بقطعة من امتحانات الترم اللى فات





احنا شاهيناز فى الترجمة كانت مقررة علينا 4 قطع بس من الكتاب وكانت مقررة التطبيقات كلها وكان الامتحان عبارة عن قطع حتجى من الاربع قطع اللى دراسناهم من الكتاب والقطعة الاخرى كانت من التطبيقات والمحاضرات بس مش موجودة فى الكتاب وكان هناك فى الامتحان 3 جمل من عربى نترجمهم من عربى لانجليزى وهى اصلا كانت عطيناهم 5 جمل او ست جم منهم 3 جمل

[aml ahmed 0]

اوكيه ياماربنا وبالنسبه لقطعه الترجمه فالقراءه والفهم زى ما انتى قلتى معلش مخدتش بالى

بس تعرفى ان اكبر مشكله انا فيها انى مش هحضر خصوصا مع تغير الدكاترة

[marina 0]

متقلقيش حتلاقى كتير يحضروا ويقولوا لك انت حاولى تخلى دودى هى بتحضر تخلى كتير يعرفوا المنتدى وتتواصلوا هنا بحيث لو فى مرة هى مرحتيش يبقى غيرها يروح عايزة اقوالك احنا فىالدفعة فى صدقنى ناس محضرويش محاضرات وتقديرهم العام امتياز واحنا اللى حضرنا ناجحين بالعافية فمش مهم الحضور المهم المتابعة والمذكرة انا فى ترمى عندى 3 دكاترة متغيرين وفى فعلا اللى غير المنهج بس لاسف مش حاحضر احضر محاضرات ومش اقدر اسجل دلوقتى حتى فانتى ذاكرى اول باول



ععارفة شاهيناز كانت بتقولها ان احنا ناخد كتاب الترجمة وكل يوم نذاكر قطعة منة ونحفظ كلماتها ونقرا التعليق المكتوب على القطعة بلاضافة نحضر شرح السى دى على القطعة

وللعلم دا مفيد جدا حتلاقى مادة الترجمة سهلة جدا واعتقد هم مش حيغيروا الترجمة لان محديش لحق يعمل منهج ومنهج وشرح الدكتور اللى حاطط المحاضرات حلو ومفيد

[aml ahmed 0]

متهيألى دودى مش بتحضر عشان من بعيد بس حبيبه بتحضر يارب بس يفيدونا انا عامله زى البالون حاجه تنفخنى وحاجه تفشنى ومتشكرة جدا ليكى افيدتينى كتييييييير اوى وهعمل زى مبتقولى وربنا يقوينا ان شاء الله

[maygh 0]

يا جماعة انا بردو اول سنة و ثانوية عامة حديثة و مش فاهمه النظام خالص مينفعش احضر و معنديش كتب ولا حتى فاهمة الجدول ماشى ازاى و لا سجلت بس ناجحة فى الشفوى و التحريرى بس ولا عارفة اذاكر ايه ولا منين ولا ازاى ياريت حد يساعدنييييى ضرورى........

[aml ahmed 0]

طب ياريت تساعدنا وتقولنا ايه المقرر عشان انا مش هقدر احضر وجزاك الله كل خير

[واحد وخلاص 0]

amal ahmed كتب:

طب ياريت تساعدنا وتقولنا ايه المقرر عشان انا مش هقدر احضر وجزاك الله كل خير

المقرر فى التيرم الاول هتلاقيه فى الجدول اللى بعته فى الرابط .. نحو ( لغة عربية ) / ترجمة من الانجليزية للعربية / مادة قراءة وفهم ( انجليزية ) / مادة ثقافية / جرامر انجليزى

كل دا هتلاقيه فى الجداول

اما بقى عن اللى جوه المقرر نفسه .. فانا زيى زيك لسة هروح اشترى الكتب بكرة .. بس احب اطمنك عموما من اول مادتين حضرتهم والحياة بمبى بمبى بمبى

باذن الله لو فى جديد عرفته هقوله ..

[واحد وخلاص 0]

gamal.eissa كتب:

ازيك يا احمد ايه اخباركانا نجحت زيك ومش عارف ازاى !!! بس شكلها ان شاء الله سنه عسل بطحينه!!!! المهم انت ها تحضير الجمعه الجيه ولا ايه؟؟؟ عايز اشوفك كده ؟؟؟

مبروك يا بوب .. ولو انى مش فاهم زيك ازاى ينجحونا كدا عينى عينك بس متستغربش .. مصر بعد 25 يناير بيحصل فيها معجزات هههههه

الجمعة الجاية هروح باذن الله .. شوف انت روح بدرى عشان تحجز مكان قدام .. ولو ان البنات واخدة بطولة العالم فى الحجز قدام .. بس اهو نحاول

انت روح بدرى ولو ارواحنا متوافقة هنعرف بعض من اول نظرة ههههه

يشرفنى اشوفك طبعا يا عصل وانا فى ديك الساعة لما اقابل مواطن زيى مش مصدق انه نجح

انا هنزل بكرة اسجل باذن الله ونتابع انت وانت بعدها

تصبح على ميل يا عصل

[حمادة جمال 0]

الف مبروك لكل الناجحين ادعولي اني انجح في القابله زيكم بس انا للاسف مش عارف المقابله هتبقي عيارة عن ايه وهيا ياتري امتحان شوفي ولا تحريري ولا الاتنين المقابله عندي يوم السبت الجاي ادعولي وياريت بعد اذنكم حد يفيدني انتو مجربين وعارفين القلق في رعايه الله

[aml ahmed 0]

المقرر فى التيرم الاول هتلاقيه فى الجدول اللى بعته فى الرابط .. نحو ( لغة عربية ) / ترجمة من الانجليزية للعربية / مادة قراءة وفهم ( انجليزية ) / مادة ثقافية / جرامر انجليزى

كل دا هتلاقيه فى الجداول

اما بقى عن اللى جوه المقرر نفسه .. فانا زيى زيك لسة هروح اشترى الكتب بكرة .. بس احب اطمنك عموما من اول مادتين حضرتهم والحياة بمبى بمبى بمبى

باذن الله لو فى جديد عرفته هقوله ..

ما انا عارفه المواد ماانا استلمت الكتب من زمان بس انا اقصد المحاضرات اللى هتحضروها فيما بعد ان شاء الله

[aml ahmed 0]

يوم السبت امتحان تحريرى مدته ساعه او اقل تبع ما تخلص ولو نجحت ان شاء الله الثلاثاء هيكون الشفوى وربنا يوفقك

[abdou978 0]

انا عندى السبت تحريرى والخميس شفوي

[aml ahmed 0]

والله بس لما امتحنت كان الثلاثاء هو اللى شفوى

[abdou978 0]

مفيش مشكله اتاكد السبت و شكرا امل

[marina 0]

يوم السبت بيبقى امتحان تحريرى مدتة ساعة بيجى فية سوالين الاول اكتب 5 جمل فى موضوع السوال التانى تترجمى جملتين من انجليزى لعربى



والشفوى بيكون اسئلة عامة ممكن عن حياتك او التعليم المفتوح او قسم انجليزى

[aml ahmed 0]

المواعيد مكتوبه فالورقه اللى فيها الرقم

[maygh 0]

شكرررااا يا واحد و خلاص انا بس عندى طلب ياريت جد بيحضر يعمل موضوع و يتثبت و كل اسبوع يقولنا خدوا ايه و لو فى اى ملاحظات الدكاتره قالوها يعنى حاجة اتلغت او كده يعملنا updaaaaaaaate بدل ما انا بقيت مش فاهم حاجه خالص كده

[dodi1 0]

انا قلقانه جدا بسبب موضوع الحاجات الي لغوها والحاجات الي ضافوها لان انا مش هقدر احضر خالص وما اعرفش حد يقولي على الحاجات الي اخذوها اعمل ايه

[Walaa El-moataz 0]

متخافيش يا دودى الدكاترة اتغيرت لكن المنهج زى ما هو

وانتى معاكى المحاضرات اقرأى فيها لحد ما المنهج يتحدد

[abdou978 0]

ادعولى تحريرى بكره

[واحد وخلاص 0]

ناس طيبين اوى ... :bball:

دا التعليق اللى اقدر اقوله على اول جمعتين احضر فيهم كل المواد المقررة عليا ..الدكاترة زى العسل

بس على فكرة المحاضرات اللى بنحضرها كل اسبوع دى يعتبر متتسماش محاضرات خالص ..
لان الدنيا زحمة جدا والصوت عالى والسبورة بعيدة ..ناهيك بقى عن الرغى وفلانة حرقت امبارح صينية بطاطس وفلانة امبارح صوابعها اتعورت وهى بتقص ضوافرها ..(الا من رحم ربى )





مفروض نذاكر من المحاضرات اللى على صفحاتنا الشخصية اللى ع الموقع ونبص فى الكتب والاسطوانات ع الاقل هتذاكر بروقان .. ولما تروح المحاضرة تستفسر عن اللى انت مش فاهمو
دا غير تطبيقاتك الشخصية مع نفسك فى البيت

بس فى النهاية المنهج لذيذ بجد ويشجع على المذاكرة


ملحوظة : محدش يتخض من دكتورة المادة الثقافية .. هى صحيح لما بتقول شت اب جدران المدرج بتتهز بس بترجع تبتسم ولا كانها قالت حاجة .. ناس طيبين اوى ..

[marina 0]

لو امانى بتدكم الثقافية فخلى بالك لو ملتزمتويش الصمت حطردكم وللعلم هى رهيبة خاصة فى الترجمة بس مبتحبش تضيع وقت المحاضرة

[abdou978 0]

واو امتحنت تحريرى وشفوى ونجحت فى يوم واحد

[marina 0]

مبروك النجاح abdou978

[واحد وخلاص 0]

marina كتب:

لو امانى بتدكم الثقافية فخلى بالك لو ملتزمتويش الصمت حطردكم وللعلم هى رهيبة خاصة فى الترجمة بس مبتحبش تضيع وقت المحاضرة

شكرا جزيلا على النصيحة .. هى فعلا شكلها ممتازة جدا وجادة .. بس ياريت اللى بيقعد ورا خالص يفهم دا لحسن دى بتهدد بطرد البينج كله اذا سمعت صوت

ناس طيبين اوى اوى

[abdou978 0]

ميرسيى مارينا بالتوفيق للجميع

[البتول 0]

ا

[اميرة امرالله نافذ 0]

السلام عليكم
انا اسمي اميرة ولكن انا عندي مشكلة انا بدرس معاكم ولكن انا موجوده في السعوديا ولو في اي نصايح ليا اكون شاكرة وانا لقيت الكتب مكتوب عليها 2005 هل ده عادي ولا لا

[aml ahmed 0]

فى محاضرات تلفزيونيه من الثقافيه مش بتتحمل معايا بتظهر رساله ان المهله انتهت اعمل ايه؟؟؟؟؟؟؟؟؟؟؟

[ealshohadaa 0]

انا عايزة اعرف ادخل على صفحتى ازاى على الموقع التعليم المفتوح هما ادولى رقم تسجيل بعد ما دفعت المصاريف ومش عارفة ادخل على صفحتى لانهم بيطلبو رقم سرى

[marina 0]

الرقم السرى حتلاقية فى الاستمارة اللى دفعتى فيها المصاريف ارجعى لايصال واستمارة دفع المصاريف وحتلاقى الرقم السرى

[marina 0]

حمل المحاضرة واحدة واحدة لو حملتيهم كلهم مش حيفتحوا معاكى

[ealshohadaa 0]

استمارة دفع مصاريف الكتب وبيبقى مكتوب قصادها اية لان جربت كل الارقام اللى عندى مش بتدخل وشكرا على اهتمامك

[ealshohadaa 0]

معلش انا بقالى اسبوعين مسجلة ومش عارفة ادخل لصفحتى الرقم السرى بيبقى مكتوب قصادة اية بالتحديد

[marina 0]

بيبقى مكتوب قصادة الرقم السرى





حتلاقى الورقة اللى بقولك عليها مكتوب



فاتورة فتح حساب



مكتوب فيها اسمك وكليتك



ومن تحت ماحوظة وازاى تدخل على صفحتك الشخصية ومن تحت رقم التسجيل وقودامة رقم تسيجليك







والرقم السرى ودا رقمك السرى اوك

[ealshohadaa 0]

الورق اللى معايا مش مكتوب علية الرقم السرى اعمل اية انتى تقصدى ايصال دفع الكتب للترم الاول

[marina 0]

الورقة اللى بقولك عليها فاتورة فتح حساب



وفيها خدمات التسجيل واسم الوكيل ومقر الامتحان





انا قصدى الورقة التانية هم عطوك 3 ورقات الاولى فاتورة تسجيل مقرر





2- فاتورة فتح حساب هى دا اللى قصدى عليها

[aml ahmed 0]

اوكيه يامارينا هجرب بس هى المحاضرات هى هى اللى ف السى دى اصل السى دى رايتر اتحرق ومش عارفه اشغلهم

[marina 0]

ايوة بس كل cd بيبقى بس عليها محاضرتين وباقى المحاضرا ت حتحمليهم من صفحتك الشخصية والوحيدة بس cd الخاص بالثقافية عليها 3 محاضرات بس