حلقة دراسية ترم اول E دور يناير 2012

[Loloo 0]

انا كمان مش عارفه اذاكر ترجمه حد يقولى اذاكرها ازاى انا لما بترجم مع نفسى مش بيبقى نفس طريقة الدكتوره فى الترجمه المتده دى زهقتنى اووووووووووووووووى انا خايفه منها جدا يا ريت يا جماعه حد يساعدنا

[Hamdy Tawfik-manar9 0]

رأيي الخاص ..افضل طريقة للتدرب علي الترجمة

انك تستخدمي القطع المترجمة في المحاضرات والتطبيقات والكتاب .

ثم تقومي بترجمتها دون النظر الي ترجمة الدكتور حتي لا تتاثري بها

وبعد ذلك ترين ترجمة الدكتور وتقارني بينها وبين ترجمتك

اولا تشوفي الكلمات الجديدة عليكي اللي استخدمتها الدكتورة وتحفظيها ( حفظ المفردات اللغوية الجديدة شيء اساسي )

ثانيا تقارني بين زمن الفعل الذي استخدمتيه وبين ترجمة الدكتور ( الجرامر )

وثالثا تقارني بين اسلوب تركيب الجملة وصياغتها عندك وعند الدكتورة

ومفيش مانع ترجعي تترجمي نفس القطعة بعد فترة وتشوفي هل فيه تحسن في الستوي ام لا ؟

العملية محتاجه بس شوية تدريب علي الترجمة وحفظ مصطلحات واتقان قواعد الجرامر ومعالجة اخطائها

ولو فيه حد معاكي يصحح لك اخطائك هيكون افضل طبعا

وعلي فكرة كتاب الترجمة بيكون فيه شرح تحت قطع الترجمة مهم جدا

ياريت تقرأيه بعناية ولا تهمليه لانه مفيد جدا


بالتوفيق

[Marsil 0]

يا جماعة التلات تطبيقات اللي نزلو النهاردة في العربي طلعوا جرامر للدكتورة هدي

كدة يبقا تلات تطبيقات عربي بس
وسبعة جرامر بس

[heba mohammed 0]

ياا جماعه النهاردة نزل محاضرات وتطبيقات جديدة لكل من :
3 تطبيقات مكتوبه للطباعه نحو عربي..
محاضرة مكتوبه للطباعه جرمر انجلش...
7 تدريبات مكتوبة للطباعه جرمر انجلش....

[Marsil 0]

يا هبة التلاتة اللي نزلو في العربي طلعوا جرامر
افتحيهم وشوفي حتي ارقامهم 5 و 6 و 7

[somya 0]

ربنا معاكو

وشكرا يا حمدي عالنصايح
وانا هحاول اعملها ويارب ترجمتي تتحسن

[heba mohammed 0]

Marsil كتب:

يا هبة التلاتة اللي نزلو في العربي طلعوا جرامر
افتحيهم وشوفي حتي ارقامهم 5 و 6 و 7

تصوري فعلا انا فتحتهم ولقيتهم كدة سوري على الغلطة

[gamal.eissa 0]

heba mohammed كتب:

ياا جماعه النهاردة نزل محاضرات وتطبيقات جديدة لكل من :
3 تطبيقات مكتوبه للطباعه نحو عربي..
محاضرة مكتوبه للطباعه جرمر انجلش...
7 تدريبات مكتوبة للطباعه جرمر انجلش....

Thanks a lot Heba

[besho 0]

لو سمحت بالنسبه للناس اللى بتحضر دلوقتى فى مادة الثقافيه كنتم قلتم إن المقرر من 1-8 وشكسبير وتى اس اليوت فى حاجه تانى شرحتها الدكتوره أو قررتهاومعلهش بالنسبه لمكان الامتحان لم يتحدد بعد حد عنده فكره هيتحدد امتى وشكرا

[marina 0]

بيحدد قبل الامتحان باسبوع

[Marsil 0]

انا كنت بعتبهم رسالة ع الموقع وردو عليا قالو انه بيتحدد قبل الامتحان باسبوع

[besho 0]

thank you

[dodi1 0]

يا جماعة انا ما عندي غير جزء من قطعة TV channels ياريت الي معه القطعة كاملة ينزلها

[fulla 0]

ياجماعة حد يقول لى ازى اذكر الثقافية والجرامر ضرورىىىىىىىىى و شكرا

[Marsil 0]

القطعة كلها اهه يا دودي


As a result of technological progress, many people in the world already have, or will soon have, access to many more TV channels than in the past
There are now three ways in which TV programmes can reach your home, compared with the one way which existed until a few years ago:
1. Most of the TV channels in the world operate in the traditional way: national public or commercial TV stations use transmitters to send UHF (ultra high frequency) signals round the country. The aerials on our roofs receive these signals and pass them to our TV sets. Simple, and very similar to the way radio broadcasts work.
2. Some international TV channels use satellites in space. Programmes are transmitted up to the satellite, which then re-transmits them to a wide geographical area. If you have a special satellite dish aerial on your roof, you can receive these signals – though usually you have to pay for a signal-decoder. In these ways, people can watch TV programmes transmitted on the other side of the hemisphere.
3. In many countries, and especially in the US, there is a third system which transmits programmes from studios or from satellites through a cable system. You pay a subscription for each channel that you receive, and the signals are transmitted to your home through underground fibre-optic cables. The advantage is that there is much less interference, and, if you want to, you can pay to receive many, many channels.
1- What is the main idea of the passage?
The traditional way of receiving channels is that some international TV channels use satellites in space. Programmes are transmitted up to the satellite, which then re-transmits them to a wide geographical area. If you have a special satellite dish aerial on your roof, you can receive these signals – though usually you have to pay for a signal-decoder. In these ways, people can watch TV programmes transmitted on the other side of the hemisphere.
3- Provide a title to the passage.
A suitable title for this passage could be:
TV channels
OR
TV transmission
OR
Technological progress on TV transmission
OR
How do we receive TV channels today?
4- What is your favourite T.V. programme? Why?
Left to the student to express his / her opinion.
5- Put the following words in sentences of your own:
transmission - underground – subscription
transmission
Radio and television transmission are rather similar.
underground
Electrical power is supplied by underground cables.
subscription
We pay a subscription for this magazine.

[Noni 0]

ممكن تقولولي ايه المقرر في المادة الثقافية .. و يا ريت اللي بيحضرو يفيدونا
انا خايفة اووووووووووووووووووووي من الامتحانات دي بجد :/

[fulla 0]

فى مادة الفهم نفس السوال بيجى زى ما هو ولا بتتغير يعنى بتجيب السوال جديد ولثاقفية نفس الوضوع

[heba mohammed 0]

gamal.eissa كتب:

heba mohammed كتب:

ياا جماعه النهاردة نزل محاضرات وتطبيقات جديدة لكل من :
3 تطبيقات مكتوبه للطباعه نحو عربي..
محاضرة مكتوبه للطباعه جرمر انجلش...
7 تدريبات مكتوبة للطباعه جرمر انجلش....

Thanks a lot Heba

you are welcome galal

[roka1 0]

يا جماعة حد يقولى ايه المقرر فى الجرامر بالظبط بليييييييييز

[roka1 0]

ليه محدش بيرد عليا ردووووووووووووووووووووووووووووووووووووووووووووووو

[dodi1 0]

مارسيل شكرااااااااااااااااااااا

ميرسي خالص بجد

[roka1 0]

يعنى محدش رد عليا شكرا

[Noni 0]

وانا كمان محدش بيردد عليااااااااا عاوزة اعرف ايه المقرررر في المادة الثقافية

[heba mohammed 0]

انا عن نفسي في الجرمر ذااكرت اول وحدتين من الكتاب وبعدها ذاكرت من المحاضرات اللي نزلوها وهما حوالي 5 دلوقتي..
اما عن الثقافيه فاذاكرت من المحاضرات المكتوبة للطباعه وكمان مع الكتاب بس ركزت على الي منزلينها وبعض الأعضاء بيقوول ان الكتورة شرحت الوحدة الأولى كلها وهي طبعا مش مشروحه كلها على الصفحه فاذااكرت اللي هما منزلينه لأن امتحاناتي خاارج مصر ...
وسوري يا جماعه على التاخير في الرد

[marina 0]

الدكتورة فى الثقافية شرحت من يونت 1 لحد يونت 8 وشرحت شخصيتن اليوت وشكبير وقالت ان اربع شخصيات مقررة لكن الشخصيتن التانين مش معروفين





اما الجرايمر فقالت شكل الامتحان تويفل وشرحت clause -phrase -noun clause وشرحت جاحة رابعة الافضل انك تذكراى المحاضراتاللى نزلتها وترجع كام صفحة وراء من الحلقة فى زميل كاتب كل حاجة عن الجرايمر والثقافية

[om albaraa 0]

ازيك يا مارينا
انا حضرت مرتين للدكتورة في الجرامر بجد انا تهت وتعبت ومش عارفة اذاكر جرامر مع اني بحبه جدا
بس المشكلة ان الدكتورة في المحاضرات اللي بتنزلها انا مش بشوف شرح انا بشوف اسئلة ومش راضيه تقول ايه المنهج مش الكتاب خالص هي قالت كده سالتها طيب ايه المنهج مفيش اجابة
بصراحة انا خايفة لاني تايهة لو حد عنده رد ياريت يرد عليا

[marina 0]

اهلا بيكى om albaraa عضوة جديدة فى المنتدى انا الحمدللة واتمنى تكونى بخير لاسف الدكتورة دا كارثة عامة انت شوفى الاسئلة وحاولى تجاوبيها ومن الاسئلة حتعرفى اية المقرر من المنهج بس عامة جرايمر ترم اول لازم الكل يكون عارفة وهى الازمنة والمباشر وغير مباشر ودا اوليات اى جريمر وقاعدة if



انصحك انك تذكراى المحاضرات المكتوبة لان الازمنة وقاعدة if والمباشر وغير مباشر دول مفيدين لكى فى الترجمة وفى اى حاجة ودول مبادى كتابة صحيحة لانجليزى وذاكرى عليهم الحاجات اللى شرحتها بالمحاضرة وهى clause phrase noun clause -prpestion clause وربنا معاكم

[ك عضلات 0]

يا شباب حد يعرف ايه المقرر فى النحو العربى يا ريت نلقى رد من اللى بيحضرو وشكرا وان شاء الله بلتوفيق للجميع

[شيماء حسين محمد 0]

ربنا يعدى التيرم ده على خير انا قلقانه اوى من العربى والجرامر

[aml ahmed 0]

يا جماعه حد عنده محاضره شكسبير لانها مش موجوده فالمحاضرات المكتوبه

[اميرة امرالله نافذ 0]

لو سمحتو ياجماعة في قطعة الاولمبيات مش لقياها خالص لوحد عندو ياريت ينزلها
ولو في حد عنده فكرة عن القراءة والفهم علشان انا حسا اني مش هعرف احل اي سؤال فيها

[marina 0]

الالعاب الاولمبية غير مقررة السنة دا عليكم

[dodi1 0]

السلام عليكم

انا حضرت محاضرة الجمعة 13/1

اول محاضرة كانت نحو عربي لدكتور سعد

شرح اوزان الفعل

الثلاثي والرباعي المزيد والمجرد و انواع الفعل صحيح ومعتل و بعدها حلينا تقريبا ثلاث نماذج امتحانات او اربعة ما اتذكر بس كانت الامنتحانات مو صعبة وهو قال ان الامتحان هيكون على نفس الشكل

الامتحان من 20 درجة اربع اسئلة كل سؤال 5 درجات

سؤال اعراب خمس كلمات
وسؤال اعمل كما موضح بين الاقواس مثلا ادخل كان او اخواتها او احذف الناسخ او ابني للمجهول ..... الخ
وسؤال عن الارقام يجيب ارقام ويقول اكتبها زي سلمت على 23 طالب اكتب 23 بالحروف
وسؤال استخرج
وقال ان الامتحان بنفس مستوى الي احنا حيلناه وهو كان امتحان لذيذ وماهو صعب بالمرة

اما محاضرة الترجمة فاعطتنا ثلاث جمل عربي حولناها انجليزي

والجمل هي
1.تمنح جائزة نوبل للسلام للاشخاص الذين يبذلون جهدا فائقا في دعم السلام وحل المشكلات القائمة بسبب الحرب والصراعات.

2.الديمقراطية هي حق الشعب في اختيار حكومتة.وفي انقى اشكال الديمقراطية يقوم الناس في جميع المجتمعات المحلية,بمناقشة كل قانون مقترح والتصويت عليه.

3.يجب علينا ان نسعى لزيادة الانتاج والاستفادة القصوى من مواردنا الطبيعية بالطرق العلمية,كما يجب علينا ان نزيد صادراتنا ونحد من الاستيراد حتى نتجنب الازمات الاقتصادية وننعم بالاستقرار.

ملاحظات الدكتورة بخصوص الترجمة.... اختار الكلمات الملاصقة للمعنى يعني على سبيل المثال .... انقى تترجم purest مو best او finest و ممكن تستخدم بيست او فاينست في حالة واحدة وهي ان ما تعرف بيورست . ثاني شي ضبط الجرامر مية في المية........ تاكد من انك بتستخدم الضمير المناسب والضمير بيعود لاخر اسم يسبقه. لاتترك مكان كلمة ناقص حاول تخمن المعنى حتى لو اذا اجى غلط بس لاتترك شي فارغ نهائيا..... لا تغش ابدا لان ممكن تغش كلمة وتكتبها مثل ما غشيتها وتكون هي مو مناسبة للسياق الي انت ترجمت بيه ..... لا تكتب اول ترجمة عملتها في ورقة الامتحان اكتبها برا وارجع صححها واكتبها في الاخر..... بعد الترجمة الاولية للنص انسى النص الاساسي وركز في الي انت ترجمته اقرا كانه نص وانت بتصحح النص الي عندك.

وشكرا

[dodi1 0]

اه عاوزة اقول شي اخير


لكل الناس الي خايفة من العربي مووووووووووووووووت

انا كنت خايفة مثلكم بطريقة فظيعة وحاسة اني رح اشيل المادة

بس بعد ما حضرت وشفت طريقة الامتحان

اقدر اقولكم ان الكل رح ينجح وهذا شي اكيد

لان 60% من الامتحان بمستوى الطالب الي تحت المتوسط

يعني طالب في اعدادي يعرف يحل 60% من الامتحان كحد ادنى

ممكن يعني مثلا كلمة واحدة في الاعراب هي الي تكون فيها خدعة و سؤال واحد من استخرج هو الي مش واضح وهكذا يعني هم اربعة اسئلة كل سؤال في خمس نقاط فيهم نقطة واحدة صعبة او بالكثير اثنين والباقي سهل جدا.

انا اطمنت جدا بعد ما حضرت اطمنت جدا وحبيت اطمنكم ولاتخافوا

[dodi1 0]

اه صح نسيت اقولكم محاضرة الجرامر اتلغت لان والدة الدكتورة هدى توفت البقاء لله

[marina 0]

للعلم من المحاضرة الاخيرة لدكتور سعد وحل الامتحانات بيجيب منها لو قدرت ترفى ورق امتحانات اللى حلها دكتور سعد معاكى ياريت لانة بيجيب من الامتحانات اللى بيحلها فى اخر محاضرة

[aml ahmed 0]

شكرا اوىىىىىىىىىىىىىىىىى يا dodi , ده انتى حسستينى انى روحت المحاضرة

[dodi1 0]

والله يامارينا انا رحت اجيب الورق ورحت ادفع واخذ الايصال ولاقيت طابور طويييييييييييييييييييييييييييييييل وطابور مثله في المكتبة
وكان اخويا مستني بالسيارة وعنده امتحان السبت فاما كان ينفع ان انتظر فقلت الجمعة الي جاية اروح واعطية الكارنيه على ما انا احضر المحاضرتين يكون هو دفع وراح المكتبة استلمهم وارفعها الكم ان شاء الله

[dodi1 0]

العفو اويييييييييييييييييييي يا امل

الحمدلله اني قدرت افيدك

[aml ahmed 0]

dodi كتب:

العفو اويييييييييييييييييييي يا امل

الحمدلله اني قدرت افيدك

اه والله مش عارفه اشكرك ازاى ياريتك كنتى بتحضرى من اول السنه بس اكيد اخر محاضرة بتلم كل اللى فات

[besho 0]

شكرا خاص لأن فعلاً الكل أكيد إستفاد منك بس معلهش لسة دكتورة الثقافيه محددتش الشخصيتين التاليين غير شكسبير وتوماس إليوت

[aml ahmed 0]

لا حددتهم وهما charles drawin &margret tatcher

[besho 0]

وياريت يا جماعه أى حد يحضر الجرامر خصوصا لأن الدكتوره شرحها غريب شويه ومش ماشيه مع الكتاب خالص والواحد فعلا فعلا خايف ياريت حضراتكم تطمننونى لانى مابحضرش خالص وده علشان أنا بعيد عن القاهره وشكرا

[aml ahmed 0]

ذاكر كل المحاضرات اللى نزلتها عالموقع هى قالت كده

[besho 0]

أيوه ماأنا شفتها بس تحسى إنها بتحل أمثله مش بتشرح وطريقتها ممكن تلخبط أى حد حتى لومذاكر كويس عموما شكرا خالص ليكم ولو فى جديد حضراتكم تابعوا معانا

[aml ahmed 0]

اللى انا اكتشفته انك عشان تفهم المحاضرات اللى هى منزلاها لازم تذاكر الوحه الرابعه من الكتاب

[شيماء حسين محمد 0]

متشكره حدا جدا يا dodi بجد طمنتينى

وربنا يجازى كل اللى بيحضروا ويفيدونا خير

لاننا بجد مش قادرين نحضر

[Noni 0]

طيب انا عايشة في قطر و امتحناتي ف قطر و مش عارفة اكيد الامتحانات مش هتبقى نفس امتحانات مصر ... يعني كدة امشي على المعلومات دي ولا لأ ... انا مش عارفة اعمل ايه بجد حد يساعدنييييييييييييييي

[somya 0]

يا نوني
امتحانات الدول العربية تختلف عن مصر

بس هتكون نفس الأساسيات

لكن مش هيكون تيبيكال

[Noni 0]

يا سومة انا عارفة بس انتي من الامتحانات اللي فاتت كانت شبيهة بالمعلومات بتاعت مصر ولا مختلفين و ضايفين حاجات اكترر ؟؟