يلاااااااااا نساعد بعض .. السنة الاولي بكلية التجارة

[man_reda 0]

الصفحه دى مخصصه لأى حد يحب يطرح سؤال أو أستفسار عن أى ماده أو يحتاج لشرح أو محاضره مرحله أولى

[mohammed hamdy 0]

في حاجه غريبه جدا في الرياضه ، مش عارف انا الي فاهمها غلط ولا حد تاني اخد باله ،
في الجزء بتاع الاعداد الطبيعية - في المحاضرات بتاعة السي دي الدكتور شرح الاعداد الطبيعية ، والاعداد التكعيبية والتربيعية ، ونظرية الفروق ، ولحد هنا حلو وزي اللوز ،

جيت افتح الكتاب الي واخده من الجامعه ، قال ايه خير اللهم اجعله خير ، لاقيت الاعداد الطبيعية برضو ، وكل الحوار الي داير حولين الوحده بتاعة الاستنتاج وفي اخر الوحده في التمارين جايبين برهن رياضيا ، وماجبوش سيرة نظرية الفروق ،

جيت افتح الامتحانات الي قبل كدا ، لقيت ياخويا نظرية الفروق والاعداد الطبيعية ،

حد يفهمني الي بيحصل ياناس عشان كدا مش حلو في اول سنه :D :hang:

[doaa sabry 0]

انا بردو اخدت بالى من حوار البرهان وان نظريه الفروق مش موجوده بس اعتقد اننا ملتزمين بكلام الدكتور

[mohammed hamdy 0]

مانتي خلي بالك ان كلام الدكتور دا مش السنه دي ، دا هو سجله مره وحده من كذا سنه فاتت وبيتوزع كل سنه هوا هوا ، لكن كتاب الجامعه طابعه السنه دي ،

[doaa sabry 0]

بصراحه مش عارفه انا اصلا مش حضرت المحاضره ديه وبعدين مش عايزه اقول فكك من البراهين تكون مهمه

[man_reda 0]

يا باشا كتاب الجامعه مش طابعه السنه ديه

[man_reda 0]

واحنا مش مطالب مننا غير اللى بيقوله وبيشرحه الدكتور والدكتور مجبش سيره البراهين

[mohammed hamdy 0]

اه ياجدع تصدق دول ناصبين علينا ومسلمينا كتب 2007 ،

[doaa sabry 0]

فعلا يا محمد ده 2007 ده بقاله قرون

[mohammed hamdy 0]

ياعم وربنا حتي لو جاب سيره وحتي لو هيا مهمه ، دي اربع صفحات ياعم عشان يثبت المعادله ، ياعم انشالله ماثبتت :D لو الامتحان كله هيجي منها مش مذاكرها دي حاجه تعقد ياراجل

[doaa sabry 0]

طيب عامل مجتهد وبتسال ليه بقئ لما كده كده مش هتتزاكر

[man_reda 0]

على رأيك وأنشلا عن محد فلح ههههههههههه

[mohammed hamdy 0]

لا اصل اتخنقت بعد ماشوفت الحوار دا ، دانا عشان افهم نظرية الفرروق دي من الدكتور الي في السي دي اتشليت ، طرقعها في كلمتين والحدأ يفهم بئه ، واجي في الاخر ابص في الكتاب ملقيهاش ، افتكرت الراجل دا بيشتغلنا ،

[doaa sabry 0]

يلا معلش ربنا يسهل الباقى

[بنت الاسلام1 0]

السلام عليكم ورحمة الله وبركاته
ازيكم ياجماعه كلكم وكل سنة وانتوا طيبين بمناسبة عيد الاضحى
انا عاوزاه حد يساعدنى فى المحاسبة لانى مش فاهمه فيها حاجه خالص ولما بيقول فى الشرح جربى فى الاسئلة صفحه كازا دورت فى الكتاب مش لقيت الصفحه اصلا ولاالحل بتاعها اللى بيقول عليه واه صحيح هو لازم يكون الدكتور اللى اسمة على الكتاب هو نفسه اللى بيشرح فى الفيديوهات ولالالا وشكرا ليكم جميعا ويارب ييسر لنا ويوفقنا يارب اللهم امين

[man_reda 0]

وعليكم السلام وأنتى طيبه أحنا لسه مخدناش حاجه فى المحاسبه مع الدكتور ممكن لو حد يقدر يسعدك يتفضل أو ممكن تنتظرى لما ناخد المحاضره أفضل وبالنسبه للدكتور اللى اسمة على الكتاب هو نفسه اللى بيشرح فى الفيديوهات مش لازم

[doaa sabry 0]

وانتى طيبه ياقمر وفعلا احنا لسه مش اخدنا محاسبه استنى احسن لما الدكتور يشرحها لانه بيقوله ان الدكتور ده كويس

[بنت الاسلام1 0]

جزاكم الله كل خير man_reda وdoaa sabry وشكرا للاهتمامكوا وردكم معليشى اصلى مش كنت اعرف ان لسه ماخدتوهاش اصلى انا جامعه القاهره وبدرس فى المنصورة وبدوأ دراسة وخدوا الجدول وكل ده وانا معرفش لان مافيش حاجه نزلت فى صفحتى ملقتش الجدول وكمان قلت اتصل أتاكد منهم واحده ردت عليا ربنا يسامحها قالت لى ان الدراسه هتبدء فى اول 11 عشان كده معرفش هما اخدوا ايه ؟؟ اتصدمت بجد انا عاوزاه اعرف الميعاد بتاع المحاضرات الجمعه الجاية هيبقى الساعه 8 صح ولاغلط

[doaa sabry 0]

ولا يهمك ياجميل
والمحاضرات هتبقئ 8 ان شاء الله

[man_reda 0]

ولا يهمك وفعلا ربنا يسامح اللى ردت عليكى هى واللى بيردو معاها وأدى الجدول كمان

[بنت الاسلام1 0]

جزاكم الله كل خير وشكرا جدا على مساعدتكم ومجهودكم الرائع وربنا يوفقنا وييسرلنا الحال جميعا اللهم اميييييييييييييين

[man_reda 0]

اللهم أمين

[doaa sabry 0]

انا عايزه اسال سؤال هو معنى ان الدكتور حلمى يقول ان الامتحان من ده وده ان الباقى مش مهم يعنى ولا ايه

[man_reda 0]

بصى يا دعاء أحنا مجربناش الدكتور حلمى قبل كده فمنعرفش صادق فى اللى بيقوله ولا لأ بس على العموم أنا أعرف ناس فى 4 قالو لى أنه بيدخل حوالى 4 محاضرات فى الترم بيقول فيهم المفيد وبيقول الأمتحان كمان أدينا بنجرب وهنشوف وعلى العموم اللى قال عليه أنه مش هيجى فى الأمتحان تبقى تبصى عليه بصه وخلاص

[nour9377 0]

يا جاعه انا بسال عن التدريب العملى للحاسب الالى ممكن حد يقولى اتصرف ازاى فى الموضوع ده اروح لمين[size=29][/size] فى الكليه

[doaa sabry 0]

ماشى يا محمد اوكيه بس اربع محاضرات لا والله كتر خيره كتير اوى

[doaa sabry 0]

يانور ما احنا قولنا لسه التسجيل مش فتح ولما يفتح هنعرف كل حاجه

[man_reda 0]

بس ياريت ترسى على 4 محاضرات ويحضرهم

[doaa sabry 0]

لاااااا لازم يحضر هو ايه اللى ده امال مين اللى هيشرح ده راجل تمام وانا بفهم منه لازم يجى

[man_reda 0]

والله هوه راجل تمام بس المحاسبه فى الأنتظام دخل محاضره واحده وبقت تدخل دكتوره بداله بعد كده

[doaa sabry 0]

يعنى ايه هيتغير ايه الهبل ده بقئ لا انا اعترض

[anocce 0]

ممكن حد يساعدنى مش عارفة اذاكر قانون خالص ممكن اذاكر التطبيقات بس هيبقى كفاية ولا مش هينفع ياريت حد يفيدنى لأن بجد تعبانة من المادة دى اوى

[mohammed hamdy 0]

عرض الرسالة
الرسالة بخصوص:مادة197 مدخل القانون
عنوان الرسالة:الرد على الإستفسار
...........................................................................
مادة مدخل قانون كود 197مكونة من جزءين هما
"نظرية القانون و نظرية الحق"
و كلاهما مقررين

حبيت اطمنكوا يعني ان المادة المنيله بنيله دي هتكون منيله اكتر ان شاء الله ادعولي بئه

[شيرى الشريف 0]

انا زهقت جدا من التطبيقات التجارية كل مسالة ليها حل مختلف
مفيش نظرية الواحد بيمشى عليها ويطبقها على جميع المسائل دى حاجة تزهق

[doaa sabry 0]

اعتقد انك مش لازم تعملى زى التطبيقات يعنى لو فاهمه حل واحد خلاص

[alsaydrezk 0]

خلينا ملتزمين بالى قاله الدكتور يامحمد ومتشتشتناش الواحد اصلاتاية من غير حاجة

[سيد طه 0]

https://www.ممنوع وضع روابط الفيس بوك /groups/218317381571225/
يا جماعه تعالو على جروب الجامعه ده فى ناس كتير بفيده بعض من على الجروب وكله تجاره

[سيد طه 0]

شيرى هو انتى جبتى التطبيقات ؟؟؟؟؟؟؟؟

[سيد طه 0]

شيرى هو انتى جبتى التطبيقات ؟؟؟؟؟؟؟؟

[man_reda 0]

التطبيقااات تباع فى مركز جامعه القاهره للتعليم المفتوح وممكن تنزلهم من صفحتك من على النت وتصورهم

[لا اله الا الله 0]

السلام عليكم ورحمه الله وبركاته

انا لسه عضوه جديده واول مرة اشارك فى منتدى وعايزه استفسار عن المحاسبه لانى مش بحضر محاضرات بعتمد على السى دى والكتب لظروف شغلى واقامتى البعيده عن القاهرة

بالنسبه للمقرر هل فى شىء اتلغى و الاسئله بتيجى شكلها ايه





و الله الموفق ااجميع

[man_reda 0]

وعليكم السلام ورحمه الله وبركاته
واهلا بيكى عضوه جديده معنا ... مقرر المحاسبه مفيش حاجه اتلغت منه حتى الان وبالنسبه لشكل الاسئله بتحملى امتحانات محلوله او بدون حلول من على موقع الجامعه للتعليم المفتوح من على صفحتك او ممكن تحمليهم من على هذا الرابط /t4616-topic

[somya 0]

بجد موضوع حلو يا ريت عندنا ف اداب يكون في تفاعل ومواضيع حلوة زي دي

[لا اله الا الله 0]

السلام عليكم



ياجماعه ايه اخبار المحاسبه فى حاجه اتحذفت والامتحان هيجى لحد فين بالظبط



وازى شكل السؤال لانى خايفه منها

[kinzo.bash 0]

انا معايا ليسانس اداب وتربيه
هل ممكن لو قدمت التماس اشيل ماده الحاسب الالي عشان عملالي كـآلو في دمـآغي
موجرد سؤآل جاوبوني ينوبكم ثوآب

[abualaafh 0]

kinzo.bash اكيد ما بتشيلي المادة
لان الاختصاصات غير متشابهة خالص

على العموم لازم تعرفي انها مادة بالفعل سهلة لانها اولا معلومات عن الكمبيوتر بشكل عام
وتانيا لانها بتعتمد على مدى الفهم بالكمبيوتر
يعني ادرسي المادة وطبقيها بالحياة العملية بتلاقيها كتير سهلة

[naughtnour 0]

انا بجد نفسى اعرف محدش جايب سيرة الرياضة 2 فى المنتدى دة لية

[tamer.nassif 0]

هوا ليه الــCD الي بنستلمه من الجامعة مش بيبقي فيه جميع المحضرات ؟
بيبقي فيه محاضرة او 2 بالاكثر
ياترا المشكلة دي ايه الحل فيها ؟؟؟؟؟

[RФMaйt!c_QuêN 0]

لا عادى مالمحاضرات المكتوبه والتلفزيونيه والتطبيقات اللى على صفحتك الشخصيه بتكملها

[marina 0]

هو نظام المركز بيدى سى دى للمادة الواحدة عليها محاضرتين لكل مادة والباقى اما بتكملة من التحميل من على صفحتك لان فيها باقى المحاضرات والتطبيقات التلفزيونية او بتشتريها من المركز وكل سى دى قيمتة 20 جنية