دبلوم الدراسات العليا لطلبة الترجمة

[Michael 0]

أعزائي الزملاء لقد اقترحت من خلال منتدي المركز أن يكون لنا دراسات عليا كطلبة تجارة و لم يدعمني أحد و لم يثير هذا الموضوع فضول الزملاء. أعتقد أن هذا الموضوع يأتي في المرتبة الثانية بعد مشكلة المحاضرات التليفزيونية لأن المترجمين المتمرسين أغلبهم من حاملي الماجيستير و الدكتوراة. و هذا سوف يتيح لنا الفرصة لدخول سوق العمل من أوسع أبوابه.

أرجو التكرم بمناقشة هذا الموضوع مع الزملاء في الكلية و في المنتدي إذا كان يهمكم الأمر

[Hamdy Tawfik-manar9 0]

انا ليه وجهة نظر في هذا الموضوع

بصراحه انا افضل لو نويت اخد درجة الماجستير اني اخدها بعيدا عن التعليم المفتوح

يعني بشكل نظامي

لاني مش شايف ميزة معينه تجعلني افضل التعليم المفتوح

[Michael 0]

لو أردت أن تدرس دبلوم الدراسات العليا فعليك الحضور 3 مرات أسبوعيا لمدة سنتين ، فهل أنت مستعد لذلك؟
الميزة العظيمة في التعليم المفتوح أنك غير ملزم بالحضورز ماذا تعتقد صديقي؟

[Michael 0]

الأنسة الزميلة سامية أخبرتني عير شات المنتدي أمس أن دبلوم الدراسات العليا بكلة الآداب جامعة القاهرة مصاريفه 700 جنيه في السنة و هذا الرابط للدبلوم
http://arts.cu.edu.eg/c-depart/post-graduated/diplom001.html

و الدراسة لمدة سنتين متتاليتين ، أنا شخصيا أريد أن التحق بهذا البرنامج بعد التخرج و لكن السفر ثلاث مرات أسبوعيا أمر مجهد و اتمني أن يتاح لنا دراسات عليا بقسم التعليم المفتوح.

[reham1 0]

انا كمان بصراحه نفسي اكمل في الدراسات العليا بس من كلامكوا فهمت ان ممكن من كليات الجامعه المفتوحه اانا نقدر نكمل الدراسات العليا في الكليات الاخري الكلام دا صح ولا لاء اجوا حد يفيدني في الرد ولكن اتمني طبعا ان يكون في التعليم المفتوح لكليه الاداب دراسات عليا لتوفير الوقت لنا ايضا في الحضور

[hooooossamomar 0]

التعلبم المفتوح يجب الغاؤه فورا

[hooooossamomar 0]

تم حذف المساهمة لان اسلوبها غير لائق

نتقبل جميع الاراء لكن دون تجريح او استخدام الفاظ غير لائقة
========================================
الادارة

[hooooossamomar 0]

طبعا****************

[darkbluesky75 0]

اللي مش عاجبه التعليم المفتوح يورينا ضهره ومعاه مليون سلامه.... التعليم المفتوح موجود في كل دول العالم واللي بيفرق هو مستوي المتخرج وقدرته علي المنافسه في سوق العمل..... اللي عمال يشتم في التعليم المفتوح انسان فاشل ويروح يدخل كليه الطب لو لو يقدر او احسن يضع لسانه في فمه.

[darkbluesky75 0]

مفيش شهاده جامعيه معفنه .... لكن فيه نفوس معفنه وشخصيات معفنه والاخ اللي عمال يشتم في شهاده جامعيه محترمه فليقل خيرا او ليصمت

[رحاب 0]

مين ده اللي قاعد يشتم مش من حقك أساساً تدخل على المنتدى وإنت مش معترف بالتعليم المفتوح وبعدين إنت مالك معترف بيه ولا لأه ماحدش طلب رأيك شيء عجيب فعلاً ....

[Walaa El-moataz 0]

دا بس تلاقوه طالب فى انتظام ومفروس ومتغاظ شوية

عشان الشهادات هتتساوى ان شاء الله

وعاملين كمان عالفيسبوك جروبات لالغاء التعليم المفتوح وعايزين يعملوا مظاهرات

ولو رديتوا عليه هتحسسوه ان ليه قيمة

[رحاب 0]

لاحول ولا قوة إلا بالله

[sun_shine 0]

اين الاشـــــــــــــــــــــــراف ؟!
الرجـــــــــــــــاء انتقاء المفردات والاساليب عند التحدث في هذا المنتدي
وتحياتي

[Hamdy Tawfik-manar9 0]

تم اتخاذ اللازم بحق العضو hossamomar

ونرجو من الجميع عرض وجهات نظرهم بشكل لائق ودون الاساءة الي أحد


نحترم جميع وجهات النظر مادامت تعرض بشكل محترم

[sun_shine 0]

جزاك الله خيرا وبارك الله فيك علي سرعة الاستجابة

[Walaa El-moataz 0]

جزاك الله خيرا أ/ حمدى

[alffffffarok 0]

اغلب الناس بتعيب على التعليم المفتوح
الاخ الفاض / ومش هاكمل الحرف اللى ناقص
هل حضرتك فى كلية طب او هندسة وكان مجموعك 99 % فى الثانوية العامة
اكيد لالالالالالالالالالالا
طيب مفيش داع انك تتكلم باسلوب فاشل فاسد حاسد
لو انت مش عجبك التعليم المفتوح كان من باب اولى انك تعيب على جامعة بيروت او غيرها من الجامعات الخاصة من الممكن الالتحاق بكلية طب او هندسة بس شخشخ جيبك يا باشا

احنا فى التعليم المفتوح اغلبنا يسعى الى تحسين مستواه الوظيفى او محبة لعلم من العلوم و فى بعضنا كانت ظروفه مش تمام ولم يستطع تكملة مستواه التعليمى العالى وانت عارف احنا فى بلد شهادات
وانا نفسى اعرف انت ايه مستواك تعليمى
ممكن تكون جبت فى الثانوية العامة 70 او 73 كتيرك لان اسلوبك مش ارقى من كده
وممكن تقول ازاى يتساوى بين طالب قعد يدح طول السنين فى ثانوى عام وبعدين دخل حقوق او تجارة ازاى يكون شانه زى خريج الصنايع او التجارة

اقولك حضرتك لو فعلا مجتهد كان زمانك فى كليات القمة مش فاضى زى دلوقتى ومش لاقى حاجة تعملها كنا قولنالك يا دكتور او باشمهندس بس دلوقتى هنقولك ايه

وعلى فكرة فى حاجة اللى زيك مايعرفهاش هو ان الانسان من الممكن يكون مستواه الفكرى فى التعليم الاساسى غير عملى يعنى فاشل بس فى التعليمى الجامعى يرتقى وده بسبب نضوج العقل و سعة الفكر و الاطلاع ومش كل حاملى الشهادات العليا مستواهم يرتقى بشهادتهم يعنى خدوها و بس علشان بيروح الجامعة كانه رايح فسحة وانا بقولك بشهادة احد الدكتارة فى جامعة الاسكندرية يقول ان طلبت التعليم المفتوح هى اكتر طلبة على مستوى من الجدية و الاهتمام لانهم مش جايين الجامعة علشان (يحلووا) ماشى يا امور

انما احنا اكيد دخلين نتعلم و نوسع من دائرة علمنا اعتبرنا بناخد كورس مصرح بيه فى ساحات العمل او معترف بيه فى الهيئات الحكومية

و اخيرا اقول لحضرتك اهل بيك كعابر سبيل (حسن الهلالى ) للمنتدى

[marina 0]

يا جماعة صدقونى سيبوا اللى يتكلم يتكلم العالم حاليا كلة متجة للتعليم المفتوح وحاليا طلبة كتير من الثانوية العامة بعد الغاء الانتساب اصبحوا بيتدخلوا التعليم المفتوح ويا ما ناس فى الثانوية جابوا فوق ال 95 ودخلوا كليات قمة وفى الاخر سقطوا واترفدوا من الكليات اصلا نظام ان احدد دخول الكلية بالمجموع دا نظام فاشل ومضيع الدنيا ولا اى دولة متقدمة بستخدمة علشان كدة التعليم عندنا الانتظامى نظامة سى والطفل قبل ما يدخل المدرسة بيقى من اذكى اطفال العالم لكن احنا بيدخلة المدرسة نظام التعليم بيخلة العكس طبعا ويكفوا طلبة التعليم المفتوح الاغلبية بيبقى ورايا التزامات شغل وبيت وغيرة وبينجح بكفاءة وبالتوفيق للجميع

[darkyears 0]

السلام عليكم ورحمة الله وبركاته : بالنسبة للأخ سواء كان نظامى أو تعليم مفتوح ماعتقدش ان لنا الحق أو ليه الحق أنه يحكم على بنى آدم من شهادته لأنى أعتقد حسب خبرتى القليلة وسنوات عمرى القليلة أن الإنسان بأسلوبه وقدرته على الفهم وتناول المواقف المختلفة من الحياة وأسلوب تكيفه وتأقلمه مع الواقع وتأثره وتأثيره على من حوله بالإيجاب إن كان يريد أن يكون ذو شأن هو المقياس الحقيقى. أما عن ثغرات التربية المنزلية التى تم غرسها فى أجيال وأجيال بأن التعليم هو المقياس وأن الطبيب على قدر كبير من الاحترام و اللباقة وأن الحرفيين على قدر كبير من الصفاقة فهذا هو الغباء الصافى النقى. فوالله قد قابلت دكاترة ومدرسين فى الجامعة أخلاقهم متدنية عن أخلاق سائق العربة الكارو ووالله قد قابلت سائقى تاكسى له من اللباقة والإحترام ما ألجم لسانى عن مناقشته فى السياسة والدين. وفى رأيي الشخصى المقياس كما قال الله (ألا يعلم من خلق وهو اللطيف الخبير) قال الله تعالى (إن أكرمك عند الله أتقاكم). وهذا هو ... من يرحم الضعيف و قليل الحيلة ومن يقيم الحق ولو على أقاربه .. هذا هو من يستحق الاحترام والتبجيل وليس مجرد حاصل على ماجيستير أو دكتوراة. والله أعلم

[alffffffarok 0]

امر معترف بيه

لاجل ذلك كان الانبياء يعملون فى مجال رعاية الماشية , و بالرغم من ذلك كرمهم الله بالرسالات

النبى صلى الله عليه و سلم كان ( امى) لم يلتحق بمدارس الشعراء ولا البلغاء ومع ذلك علم البشرية الحياة ووصل لهم القران كم جاءه ولاجل ذلك اعترض الجهلاء ( و قالوا لولا نزل هذا القران على رجل من القريتين عظيم ) سورة الزخرف

كانت العظمة فى حس هؤلاء علو المكانة و الشان
و كما قلنا قبل ذلك ( رب حامل فقه ليس بفقيه )
اؤكد لكم ان كل من يسخر من مجالات العلم النافعة هو جاهل
وساضرب لكم مثلا اخيرا انى اعلم اناسا تخرجوا من محو الامية و الان هم فى كلية العلوم

اللهم علمنا ما ينفعنا و انفعنا بما علمتنا وزدنا علما

[nooon 0]

طيب انا احب اضيف انى خريجه جامعه القاهره كليه الاداب اى احمل شهاده الليسانس من جامعه القاهره وليس التعليم المفتوح ومع ذلك سعيت انى التحق بالتعليم المفتوح لادرس بالقسم اللى كنت اتمنى ان ادرس به من قبل ولكن نظرا لظروف معينه وعلى فكره كانت غير متعلقه بالمجموع اى اننى كنت استطيع ان التحق باداب قسم لغه انجليزيه ولكن لظروف معينه اخترت قسم اخر ولما فتحت الجامعه المفتوحه قررت انى احقق حلمى الاول

[somya 0]

احسن رد على السفيه الصمت

[sarah elshikh 0]

اريد ان اعرف ايهما افضل لى كخريجة جامعة تريج تحسين مستواها فى اللغة الانجليزية ان ادرس دبلمة ترجمة مدتها سنتان ام ادرس اداب انجليزى تعليم مفتوح

[marina 0]

اعتقد لو انت خريجة لغة انجليزية يبقى دبلومة ترجمة سنتان احسن

[sarah elshikh 0]

لا انا مش خريجة اداب انجليزى ان بكالوريوس تجارة

[yasser albanna 0]

ياجالسلام عليكم ياجماعه سيبو اللي يتكلم يتكلم وعلي فكره دا حقد منه مش اكتر واحب اعرفكم اني اتعلمته في التعليم المفتوح والتكنولوجيا اللي بتستخدمها ومستوي التعليم الصح مش موجوده قي اي كليه نظاميه والله انا بكره اليوم اللي دخلت فيه كليه التربيه النظاميه الفاشله وشفت الفرق فعلا مع التعليم المفتوح خصوصا المستوي العلمي وقد ايه انا استفدت

[marina 0]

اللى يتكلم يتكلم يا ما ناس من التعليم المفتوح اصبحوا بشهادتهم من التعليم المفتوح فى اكبر المراكز

[vena sam 0]

بليز من فضلكوا عايزة اقدم فى التعليم المفتوح وعايزة اختار قسم ينفع اكمل من دراسات عليا بس غير تجارة
فلو حد يفدينى وينصنحنى بذلك ايه هو القسم اللى ممكن ادخله واكمل بعديه وهل ينفع من اداب اعلام او فلسفة
ارجوا الافادة والرد السريع لانى من بلد تانية غير القاهرة عشان الحق اقدم واحضر ورقى