مرة واحد صعيدي بيقول : ها ها ها ها ها ..

[sun_shine 0]

مرة واحد صعيدي بيقول : ها ها ها ها ها ..

---------
بسم الله الرحمن الرحيم


زرت صاحبي في محل له .. وقد بان عليه الحزن


قالي مفيش اصل الرجل صاحب العماره ضايقني شويه
قلت ليه ... ليه بس ؟
قالي : صعيدي ياعم
وبدء يحكي لي حكايه اخونا الصعيدي

قالي انا لقيت القنوات الاسلاميه حلوه وبتفيد ودعوه ... فقلت اجيب كارت دش علي الكمبوتر بتاع المحل .. واشغل عليه القنوات ..

( كل ده جميل )

قالي مش جميل ... لان صاحب العماره مرديش ...

قالي هو راجل صعيدي وغني وعنده عماير كتير ولما طلبت منه قالي انا مبركبش أطباج دش فوج العماير بتاعتي ..


صاحبي قال ليه : انا ملتزم ومش هشغل عليه ولا اغاني ولا اي شيء ده قنوات اسلاميه بس

ولكن أصر الصعيدي علي موقفه ورفض تركيب اي دش فوق العماره

انا قلت في بالي يمكن خايف علي حمل العماره او ان يحصل مشاكل بين السكان او اي شيء


ثم ذكر لي صديقي سبب رفض اخونا الصعيدي . لتركيب الدش فوق العماره

وكان السبب كالاتي






اخونا الصعيدي شايف ان شكل الدش كده وهو راكب فوق العماره وكأنه

يجاهر الله بالمعاصي وكأنه يتحدى


يقف طبق الدش بكبر ووجهه للسماء وكأنه يجاهر الله بالذنوب

صحيح الاخ مش هيشغل عليه غير الخير ... لكن الصعيدي جت ليه عقده من شكل الدش


انا قلت معقوله حد عنده الاحساس ده ؟؟

فاستحلفت صاحبي

قلت والله يا اخي قالك ده السبب

قالي والله ده الي حصل وقال له بالحرف مش عاجبني شكل الدش وهو باصص للسما وكانه بيحارب ربنا

بس الاخ اتصرف وركب الطبق في العماره الي جنبه ونزل السلك علي المحل عنده المهم ...



بغض النظر عن موقف الصعيدي صح ولا غلط او فيه تشدد او لاء

لكنها احاسيس فقدها الكثير انهم يتأدبوا مع الله

والتأدب ده ينتج عنه أفعال ... مش مجرد كلام ...


فقلت سبحان الله

كتير نسمع ونقول نكته
فيها مره واحد صعيدي : ونضحك ها ها ها ها ها ها

لكن اول مره اسمع

واحد صعيدي بيقول : وكدت أبكي من قوله ...



اسئل الله العظيم ان يرزقنا الادب معه ومع نبيه صلي الله عليه وسلم ...

ويرزقنا الاحساس والقلب الرقيق الذي يحسن التعامل مع الله ...

منقووووووووووووووووووول

[sweet_love 0]

آمين يا أرحم الراحمين

[Hamdy Tawfik-manar9 0]

هو طبعا الموضوع منقول زي ما ذكرت الاخت داليا في نهاية الموضوع

فانا عايز اعلق علي كلام صاحب الموضوع الاصلي

اولا : انا مش فاهم ايه سر تركيزه علي ان الراجل صعيدي تفرق في ايه يعني صعيدي ولا بحراوي ولا الماني حتي

ثانيا : الدش والانترنت والتلفزيون كلها وسائل تكنولوجيا حديثه يمكن ان تستخدم في نشر الخير

ويمكن ان تكون وسيلة للشر ... العبرة بالمستخدم وليس بالوسيلة نفسها

اتذكر ان مرة منذ عدة سنوات استمعت الي شريط كاسيت يتحدث فيه شيخ عن الدش

واخذ يذكر ادله من القران والسنه علي ان الدش حرام

اي والله زي مابقولكم كده

ادله من القران والسنه من وجهة نظره طبعا

انا في رايي ان نوعية هؤلاء الشيوخ اخطر علينا من كل وسائل التكنولوجيا الحديثه

اللي مش عايز يركب دش او انترنت هو حر لكن لا يدخل المساله في دائرة الحلال والحرام

الغريب في الموضوع ان اغلب القنوات الدينية الموجوده الان

وكذلك اغلب المواقع الدينية علي الانترنت هو مواقع يغلب عليها التيار السلفي

وهو التيار الذي كان ينتمي اليه معظم الشيوخ

الذين اتخذوا موقفا معاديا من هذه التكنولوجيا

لكن يبدو ان الواقع اجبرهم علي تغيير اراءهم

لذلك انا لا اري في موقف الرجل الصعيدي تادبا مع الله كما زعم كاتب الموضوع

بل اري فيه تزمتا وضيق افق لا يتفق مع الدين الاسلامي

هذه وجهة نظري واتمني ان لا تغضب احد

[أسامة1 0]

السلام عليكم
انا اؤيد الأخ حمدى فى رأيه وبقول ان الراجل دا مش مجرد ضيق الأفق بس لكن دا كمان مخه تعبان بدال بيفكر بالطريقه الشاذه دى

[sweet_love 0]

فعلا ممكن تكون طريقته غلط ويكون أسلوب تفكيره غلط وجايز القصة كلها تكون مش صحيحة بس خلينا ورا الغرض بتاعها وهو الأدب مع الله الذى للأسف أصبح مفتقدا من ناس كتير جدا

[sun_shine 0]

اولا - الموضوع منقول.. كما فهمتم ...ثانيا - من وجهة نظري ان (الدش ) اختراع قديم نسبيا ومتوفر في معظم المنازل بما انه بدأ من بداية التسعينات ..و ما لدينا اليوم من تقنيات وتكنولوجيا احدث بالطبع واخطر كما تعلمون ,نتجت عنه ايجابيات وسلبيات ,,,ومن راي ان الانسان هو المسئول عن عمله في الدنيا ,فهو الذي يحدد كيفية استغلال التكنولوجيا في رضا الله او في معصيته. .اما الذي بين يدينا من قصة فأنت علي صواب ياشيماء احتمالية عدم صحته ...ولكن بالنسبة لطريقة الرجل لرفضه للدش فالله اعلم اذا كان هذا الرجل مخطيء ام علي صواب ..فقط اعجبني طريقة تأدبه مع الله .