حلقة دراسية ترم سابع E دور يناير 2012

[msmsz 0]

الزميلة اماني
د. خالد ابو الليل هو الدكتور المسؤل عن مادة 411 تدريبات في المقال بالعربيه للترم الحالي
د. هدي عياد لا تدرس اي ماده من مواد الترم السابع!!!
بالنجاح والتوفيق مقدما

[اماني1 0]

سوري .. شكلو الدراسه اثرت معاي
انا قصدي الدكتورة تغريد حسن
منزلينلها 5 تطبيقات جديدة

[msmsz 0]

الزميلة اماني
لايوجد د. اسمها تغريد حسن في جدول كلية آداب انجليزي للترم الحالي!!

[اماني1 0]

اكيد موجودة دتورة تغريد
لان التطبيقات سوولها تحديث بتاريخ 8/1/2012
يعني تحديث جديد
شوف بصفحتك الرئيسية عند تدريبات وتطبيقات للطباعة
التطبيقات من 3 - 7 كلهم للدكتورة تغريد حسن

[fatah1234 0]

شكرا ليك يااسامة على مساعدتك لينا





بالنسبة لترجمة فورية مفيش ليها محاضرات تليفزيونية على الموقع غير محاضرة واحدة نزلت متاخر بتاريخ 8/1 ومفيش حاجة نزلت تاني وكمان التطبيقات مفيش والمحاضرات المكتوبة صعبة شوية وغريبة عن شخصيات مشهورة تاريخيا مفيش غير المحاضرة 6 و7 بس هي اللي معقولة

ياريت يا اسامة تقولنا بتذاكر المادة ازاي ومحاضرات الجامعة مع الدكتور عاملة ازاى وبيقول فيها ايه والامتحان هايكون ازاي علشان احنا بنمتحن هنا ف جامعة سوهاج والامتحان العملي السماعي بيكون مرة واحدة بس وبسرعة قوي ياريت تفيدني ف المادة دي علشان انا حاسة اني داخلاها من غيراي مذاكرة

وشكرا غادة سوهاج

[أسامة1 0]

الزميلة غادة: ما تقلقيش خالص بالنسبة للمادة دى و عامة الدكتور زكريا و هو بصراحة دكتور زى العسل بيخش يقرأ المحاضرة و يشرح الترجمة بتاعتها و هو قالنا أن الإمتحان عبارة عن قطعتين من انجليزى لعربى مش هيخرجوا عن المحاضرات. و هو على فكرة لغى المحاضرة الخامسة، أما بالنسبة لمذاكرة المادة فأنا عن نفسى بذاكر المحاضرة كقراءة و فهم و ترجمة مع الإهتمام التام بنطق أى كلمة جديدة عليا لأن الامتحان بتاع المادة هنتملاه و بالتالى لازم نبقى عارفين نطق الكلمات كويس، بس الحمد لله أنه مش من بره المحاضرات يا غادة و إلا كان ناس كتير هتشيل المادة، و أنا تحت أمرك فى أى سؤال بخصوص أى مادة فى الترم السابع.

[اماني1 0]

الاخ اامة :
والترجمة تحريرية من والى العربية .. حتكون برضو من المحاضرات ولا م خارجها؟

[أسامة1 0]

و الله يا أمانى، الدكتور قال أن المحاضرات مجرد قواعد عامة للترجمة و تدريب مش أكتر،بس هو آخر مرة قال أن الامتحان سهل و مفيهوش أى كلمات صعبة، و هو عبارة عن ٣ قطع مطلوب ترجمتهم؛ قطعتين من انجليزى لعربى على كل واحدة ٧ درجات و قطعة من عربى لانجليزى عليها ٦ درجات.

[أسامة1 0]

يعنى كلامه كله معناه أن الامتحان من خارج المحاضرات بس سهل،و عامة من الواضح أن الدكتور مهتم أوى بالأحداث الجارية خصوصا السياسية.

[somya 0]

بالتوفيق للجميع

[أسامة1 0]

تنبيه للزملاء: بالنسبة لمادة لغويات مقارنة، الدكتور على قال فى آخر محاضرة أن المقرر من أول الكتاب لغاية آخر حاجة فى ال morphology؛ يعنى لغاية الوحدة رقم ١١

[لوجين حجاج 0]

ممكن ياجماعة حد يقولى ازاى اذاكر المقا ل وeassay وlinguistic معلش بقى طماعة بس بجد انا تايهة جدا ومش عارفة حتى المقرر اية؟

[اماني1 0]

الاخ اسامة :
شكرا للتوضيح وان شاء الله يكون الامتحان سهل ,, يسلمو



الاخت لجين:
المقال احفظي تاريخ المقالات وانواعها يعني كلها حفظ وادرسي من المحاضرات والتطبيقات وتعرفي تكتبي مقال وتنتبهي على الفواصل والعلامات الاخرى وتقسيم المقالة
اما الessay
فلازم تدربي على انواع المقالات وطريقة كتابتها
وتحاولي تكتبي اكتر من مقال علشان تتعودي

اما ال linguistic
ادرسي المحاضرات والتطبيقات والكتاب
وحتلاقي اسئلة كتيرة احفظي اجاباتها
ولازم تتعلمي تكتبي مقال عن كل وحده
يعني مثلا مقال عن writing system

[لوجين حجاج 0]

شكرا لردك عليا وربنا يكرمنا جميعا

[somya 0]

شكرا

[لوجين حجاج 0]

'انا محتارة جدااا فى linguistic

الامتحانات فيها مقال بس اخر امتحان بينى

على هيئة 7 اسئلة اختار منهم 5؟الامتحان هيبقى ازاى يعنى

ياريت لو حد عارف وبيحضر يقولى وشكرا مقدما

[somya 0]

يارب حد يفيدك

[أسامة1 0]

العفو يا أمانى، ياريت يا جماعة تبصوا على صفحاتكم عشان فى تحديثات للمحاضرات و التطبيقات حصلت قريب.

[somya 0]

هل التعديلات دي شاملة كل التيرمات؟؟؟؟؟

[marina 0]

هو بيتكلم على ترم سابع بس مفيش مشكلة لو شيكت على صفحتك كل يوم جايز يكون نزلوا حاجة جديدة

[somya 0]

thanx marina

[اماني1 0]

اخبار امتحان العربي؟
احنا الحمد لله كان سهل وحلو

اول سؤال نكتب مقال
والسؤال التاني نختار واحدد من 3 اسئلة :
تعريفات المقال
المقالة الذاتية
تساؤلات تثيرها المقالة

[اماني1 0]

بالنسبة لامتحان مادة مقال 2
حد عنده فكرة عن المواضيع المطلوبة ؟ يعني قالتلكم الدكتوة عن مواضيع معينة ؟

[fzaher 0]

please if you have any information about the Essay try to provide it because i got lost nearly in the whole 5 subjects 411, 412, 413, 414, 415.

[msmsz 0]

الزميلة اماني
الدكتوره جيهان انور لا تحدد مواضيع معينه لكي تكتبي عنها مقال.
كما فعلت بالترم الماضي، فقط عليكي ان تلتزمي جيدا باسلوب كتابة المقال بعدة طرق وانواع كما وضحت في محاضراتها المرئيه والمكتوبه

بالنجاح والتوفيق مقدما

[msmsz 0]

الزميل fzaher
رجاء كتابة اسئلة محدده لكل ماده علي حدى!! كي نستطيع مساعدتك

بالنجاح والتوفيق مقدما