الى اهل المشوره

[Gina 0]

انا الحمد لله علشان كنت ترم اول وكانت بتدينى د.ريم جرامر وبما انها شطووووووووره اووووووى وبنفهم منها المعلومه وهى طايره وكمان امتحاناتها برضه لايعلى عليها بصراحه فعلشان كده انا وكل اصحابى طلعنا بيها وحتى اصحابنا اللى مش بيعملوا حاجه غير المذاكره جابوا فيها مقبول......

ما علييييييييينا

الجرامر ده دلوقتى مادة متطلب فى الترم التانى يعنى لازم اكون ناجحه فى بتاع الترم الاول علشان اخد بتاع الترم التانى ولو مش ناجحه فيه باخد المتطلب القديمه دى ومش باخد الجديده,,, والكلام ده موجود فى البند 3،4،5 فى اللينك ده
http://www.ou.cu.edu.eg/NewsDetails.aspx?NewNumber=217

السؤال هنا بقا
لما اخد بتاع الترم الاول مع الاربعه بتوع الترم الجديد وانجح فيه هاخد بتاع الترم التانى امتاااااااا؟؟؟؟؟؟؟ فى الترم التالت؟؟؟؟

[الجوري11 0]

شوفي ياجينا خدي مادة من التيرم اللي بعدو مايكونش ليها متطلب

[الجوري11 0]

لان المادة بتاعت الجرامر2 مش هتسجلي فيها غير لما تنجي في جرامر 1 دي حاجة
الحاجة التانية انو ليكي 5 مواد فقط في التيرم فلو حبيتي تاخدي المادة دي التيرم اللي بعدو هتتتشال منك مادة وهتاخديهم بس 4 مواد من تيرم تالت
فشوفي اسهل مادة بالنسبة لك من المواد دي وسجلي فيها والافضل انك تسالي قبل التسجيل
وهي قراءة وتعبير1
ومقال 1
وعلم الترجمة

[Gina 0]

اهاااااااااا انتى قصدك ابدل مادة جرامر 2 بتاعات الترم التانى مع اى ماده مش متطلب فى الترم التالت؟؟؟

طيب هما مش بيقولوا ا ممكن تسجل المواد الراسبه مع الاساسيه بحد اقصى 10 مواد؟

[الجوري11 0]

ايوا من ترم لما تاخدي دلوقتي4مواد من تاني + جرامر1 خلاص كده هتكوني سجلتي بس 4 مواد وانتي مسموح ليكي التسجيل في 5 فقط في التيرم الواحد صح
لما توصلي لتالت هيكون عندك مادة من تاني اللي هي جرامر 2 صح
وكمان ال5 مواد بتوع تالت مش هينفع تسجلي في ال 6مواد

فالافضل انك تاخدي مادة من تالت دلوقتي ومايكونش ليها متطلب
علشان لما تروحي تالت تاخدي باقي الاربع مواد والجرامر2

[Gina 0]

اووووووووووووووووكى مفهوم مرسى اوى يا جورى

بس هما قالوا فى اللينك الى فوق فى البند 6 بيقولوا ممكن تسجل المواد الراسبه مع الاساسيه بحد اقصى 10 مواد؟

ده ايه ؟؟؟

[الجوري11 0]

ده قصدهم المواد الجديدة بحد اقصى خمس مواد ولو في مواد رسوب بردو حدها الاقصى خمس مواد يعني يكون مجموع التيرم بمواد الرسوب والمواد الجديدة عشر مواد

[marina 0]

دكتورة جرايمر 1 اتغيرت يا جماعة ريم مشيت الحمدللة ودكتورة جرايمر 2 مش حتدى جرايمر 2 حتدى بس كمبهنشن 2

[Gina 0]

الجوري كتب:

ده قصدهم المواد الجديدة بحد اقصى خمس مواد ولو في مواد رسوب بردو حدها الاقصى خمس مواد يعني يكون مجموع التيرم بمواد الرسوب والمواد الجديدة عشر مواد

طيب ما هو ده اللى بقول عليه اخد 5 مواد جداد و2 رسوب يبقى المجموع 7 مواد بس

[الجوري11 0]

ماهو بيقولك اقصى حد

[Gina 0]

marina كتب:

دكتورة جرايمر 1 اتغيرت يا جماعة ريم مشيت الحمدللة ودكتورة جرايمر 2 مش حتدى جرايمر 2 حتدى بس كمبهنشن 2

احسن برضه انها مشيت...

[الجوري11 0]

يعني مثلا لو كانت مواد الرسوب بتاعتك اكتر من خمسة ماينفعش تاخدي غيرخمس مواد

[Gina 0]

طب مهما مش اكتر هما اتنييييييييين بسسسس مع الخمسه الجداد يبقى 7 بصرف النظر عن مشكلة المتطلب

[الجوري11 0]

ماشي ايه المشكلة بقولك اقصى حد يعني ينفع تسجلي في سبع مواد او 8 او 9 او 10 اكتر من كده لا

[marina 0]

ياجماعة وانا بسجل اول ترم انا سالت اللى بيسجلوا وكان فى واحد فى ترم اعلى كان نازل فى مادتين قدر يسجل كل مواد الترم الجديد الخمسة مع مادتين الرسوب وانا سالت وقالولى ينفع وسالت كمان الطالب دا اللى انا اعرفة يا جينا ممكن تسجلى مواد الترم الجديد مع مواد الرسوب



وانا متاكدة منة لان سالت لكن يستحسن انك وانت بتسجلى تسالى بس اكيد هو حيخليك تسجلى فى مواد الرسوب الاول لانها مواد متتطلبة لترم التانى وعامة ربنا يوفقك

[Gina 0]

اه فعلا هو ينفع زى ما الجورى قالت ... بس انا مشكلتى دلوقتى فى الجرامر المتطلب ده انا كلمتهم دلوقتى وقالولى هينفع تاخدى ماده قديمه مع خمس مواد جديده بس الجرامر لا علشان متطلب وافضل بقى كل ترم جديد اخد منه 4 مواد والماده اللى مش اخدتها الترم اللى قبله وافضل بالعاهه دى على طول
او ممكن اخدها بينى واخلص منها بس انا مش فاهمه حاجه عن البينى ده خالص هاخدها ازاى وايه تفاصيله

[marina 0]

بس التسجيل فى الترم البينى خلص ممكن تاخدة بعد امتحانات الترم الاساسى فى يناير يعنى فى الترم البينى 2012 هو المادة فية 200 جنية مالهوش محاضرات وبيبقى المادة كلها مقررة عليكى



وبيحط الامتحان الدكتور المادة وبتمتحنة بعد امتحانات الترم الاساسية



وللعلم الترم البينى بيكون بتسجلى من مواد الترم الجديد او مواد من ترم سابق تكون اجلتى مواد واقصى حد للتسجيل 3 مواد

التيرم البيني هو تيرم قصير جدا في مدته بين التيرميين الاساسيين ويبدا بعد انتهاء فترة الامتحانات مباشرة ويمكن من خلاله للدارسين ان يتقدموا لامتحان مواد كانوا قد اجلوها في تيرمات سابقه

دا معلمومات عن الترم البينى

**** التيرم البينى **** من لهم الحق في التسجيل للتيرم البيني ************************** * من حق الطالب الذى يوجد لديه مواد متأخرة من تيرمات سابقة ، سواء كانت حالة المادة (مادة : جديدة متآخرة أو مادة : تأجيل أو مادة : عذر أو مادة : غياب أو مادة : رسوب ) ، ان يقوم بالتسجيل فيها لإداء الآمتحان عنها بالتيرم البينى ، بشرط ان لا يتجاوز الحد الأقصى فى التسجيل عن : ( ثلاث مواد فقط ) ، وكذلك اذا رغب الطالب فى تسجيل مواد جديدة من التيرم الآعلى ، يمكنه ذلك بشرط الا يتجاوز الحد الآقصى فى التسجيل عن : مادة أو مادتين جديدتين فقط من التيرم الآعلى بشرط الا يتجاوز مجموع المواد المسجلة فى التيرم البينى ، سواء كانت مواد متأخرة أو مواد جديدة من التيرم الآعلى عن ثلاث مواد فقط . أى ..... - آى يمكن التسجيل فى ثلاث مواد متأخرة فقط . - أو مادتين متأخرتين ومادة من التيرم الأعلى . - أو مادة متأخرة ومادتين من التيرم الآعلى . وعلى ان لا تكون هذه المواد هى المواد الباقية على تخرجة * الدراسة فى الفصل البيني دراسة ذاتية اى يعتمد فيها الدارس على الكتاب والمواد العلمية الإضافية والمقررات العلمية التى تمت دراستها فى الفصل الدراسى السابق لها . * تعقد امتحانات التيرم البيني بعد مرور شهر من امتحانات الترم الاساسى على مدار خمسة أيام وخلال ثلاث فترات فى اليوم . * تعقد امتحانات التيرم البيني فى القاهرة بمقر المركز . * لا يسمح فى التيرم البيني بالتأجيل أو الاعتذار عن المواد المسجلة . * فى حالة قيام الطالب بتسجيل مادة جديدة فى التيرم البيني وتغيب عن الامتحان فان هذه المادة ترجع إلى حالتها قبل الامتحان ويقوم الطالب بسداد كامل قيمتها عند تسجيلها وفى هذه الحالة يحتفظ الطالب بتقدير هذه المادة . * توجد بعض المقررات الدراسية بكلية الزراعة لا يجوز تسجيلها فى التيرم البينى نظراً لطبيعة دراساتها وتدريباتها العملية . * لا يخضع التسجيل فى الفصل البينى لأى خصومات أو منح أياً كان نوعها . *** لمعرفة الرسوم الخاصة بالتيرم البينى أضغط هنا ***

رسوم التيرم البينى -------------

المصروفات الدراسية ( للتيرم البينى )

الرسوم		المصريين	الجنسيات الأخرى
داخل مصر	رسوم أى مقرر فى أى برنامج ( الرسوم شاملة رسوم التسجيل ورسوم الامتحان )	200 جنيه	200 دولار
خارج مصر	رسوم أى مقرر فى أى برنامج ( شامل رسم الامتحان )	150 دولار	300 دولار
	رسم التسجيل لجميع مقررات الفصل البينى	20 دولار
	رسوم إدارية لأى عدد من المواد	50 دولار

ودا رابط الموضوع




http://www.ou.cu.edu.eg/NewsDetails.aspx?NewNumber=323

[Gina 0]

ميرررررررررررررررسى اوووووووووووووووووووووووووووووى

بس فيه حاجه كانت قالتلى عليها الجورى
ان ممكن ابدل واخد ماده من الترم التالت مثلا متكونش متطلب بدل مادة المتطلب دى وهيبقى كده معايا فى التانى 5 وفى التالت 5 ,,,, انا فهمت صح كده ولا غلط؟؟؟؟؟؟؟

[marina 0]

مضبوط

[Gina 0]

صحيح؟؟؟؟ يعنى انا كده مش هحتاج يبقى عندى عاهه يعنى مش هيبقى عندى ماده ناقصه ولا ماده زايده لانى هبدل بس مادة الجرامر 2 مع اى ماده من الترم التالت بس وبعد كده امشى عادى بقى صح؟؟؟

[marina 0]

باذن اللة وبالتوفيق يا جينا

[Gina 0]

ميرسى ليكى اوووووووووووى زهقتك يا مارينا كالعاده بغبائى معلش غلطتى انى مخدتش بالى من الاول انها متطلب معلش بقا

[marina 0]

لا ابدا يا جينا انا نفسى نسيت انها متطلب كلنا بنسى بالتوفيق

[Gina 0]

لو حد بقا ترم تالت يبعتلنا ويقوللى ايه ماده خفيفه من التالت ينفع ابدلها بالجرامر 2؟؟؟

[الجوري11 0]

قراءة وتعبير1
ومقال 1
وعلم الترجمة

المواد دي بس اللي ممكن تاخدي منها يعني كده قلت اختياراتك

[الجوري11 0]

اذا بتحبي العربي فالمادة الاولى قراءة وتعبير1 هي الحلوة اما اذا مش بتحبي الغيها من الاختيارات بتاعتك

وانا سمعت ان اسهل مادة هي علم الترجمة بس بردو ده هيرجع في النهاية لحبك انتي للمواد وكل واحد بيختلف من شخص لاخر انتي ممكن تلقي نظرة سريعة عالمواد دي قبل التسجيل والامتحانات بتاعتها وده هو افضل ليكي علشان تقرري صح

[Gina 0]

اه صح انتى عندك حق القى نظره احسن على المواد وبعدها اقرر

اشوف بقا المناهج منين

[الجوري11 0]

من المكتبة الدراسية بتاعت المنتدى
/t1101-topic
والرابط ده تقريبا في كل المواد

[Gina 0]

ميرررررررسى اوووووووووووووووى اووووووووووى اوووووووووووووووووى

بس انا كنت محتاجه حد درس المواد دى علشان يقدريتناقش معايا فيها

[الجوري11 0]

الناس اللي عالفيس بوك بداو يتناقشوا عن مواد التيرمات ممكن تستفري عن اي حاجة انتي عاوزاها