النتيجه بكره

[Gina 0]

بما ان النتيجه بكره........

فكنت عاوزه بس استفسر عن حاجه (بس مجرد استفسار صدقونى مش بفول علينا ولا حاجه) ربنا يدينا كلنا نجاح صافى





بس كان عندى سؤال لو حد وقع فى ماده او اتنين بيكون موقفه ايه بيقدر يقدم فى ال5مواد بتوع الترم الجديد مع نفس المواد دى؟؟؟ وبيدفع كام؟؟؟



ربنا ينجحنا كلنا من غير ما يحتاج اى واحد فينا للموضوع ده



صدقونى انا مش بفوووووووووووووووووووووول ده بس مجرد استفسااااااااااار مش اكتررررر

[الجوري11 0]

ينفع تسجلي في 5 مواد ولكن مش هتكون مواد التيرم كلها اذا كانت المادة اللي الواحد نزل فيها مادة متطلب
يعني تاخدي احد مواد التيرم اللي بعدو علشان يكونوا خمس مواد سجلتي فيهم

[Walaa El-moataz 0]

هو تقريبا بيبقى فى دور تانى

[marina 0]

الدور التانى طلع للترم الاخير للى حيتخرجوا





امتحانات الدور الثانى :ـ

1- وافق مجلس ادارة مركز جامعة القاهرة للتعليم المفتوح بجلسته رقم 63 بتاريخ 1/9/2005 على عقد امتحان دور ثان كما هو معمول به بالتعليم النظامى بعد إعلان النتائج وطبقاً للتقويم الجامعى المعلن لإمتحانات التعليم المفتوح وذلك للدارسين المتوقف حصولهم على المؤهل على مادة الى ثلاث مواد فقط سبق التسجيل فيهم فى الفصل الدراسي السابق والرسوب فيهم فى امتحانات آخر دور ، أو بسبب التعارض

2- يؤدى الدارس امتحان الدور الثانى فى نفس محتوى المقرر الذى سبق له الرسوب فيه آخر مرة.

3- يحصل الدارس الذى ينجح فى مواد الدور الثانى على تقدير مقبول فى هذه المقررات.

4- التسجيل فى امتحان الدور الثانى لهؤلاء الدارسين غير إجبارى بمعنى أنه يجوز للدارس أن يختار دخول امتحان الدور الثانى أو الدخول فى امتحان الفصل الدراسي الأساسى (يناير أو يوليو).

5- إذا رسب الدارس فى امتحان الدور الثانى يسمح له بالتسجيل مرة أخرى لآداء الامتحان فى الدور الآساسى (يناير أو يوليو).

6- لا يجوز عقد امتحان دور ثانى فى مقرر 414 مشروع التخرج أو التدريبات العملية بكلية الزراعة لهذه المقررات والتدريبات لما لها من طبيعة خاصة لا تتناسب مع امتحان الدور الثانى.

تكلفة المقرر الواحد فى امتحان الدور الثانى (117 جنية) .

والرابط اهو

http://www.ou.cu.edu.eg/NewsDetails.aspx?NewNumber=193

[Walaa El-moataz 0]

استغفر الله العظيم يا رب



طب ليه الرخامه دى هما خسرانين حاجة لما يبقى فى دور تانى .... بعد الشر علينا..

[hend nga 3]

جينا المواد المعادة يضاف اليها العدد المكمل لخمس مواد في الترم الواحد

للأسف غير مسموح بأكثر من 5 مواد بالترم الواحد وان شاء الله ما نحتاج للأعادة ابدا

أه مفيش نتيجة ظهرت ولا حاجة لحد دلوقتي وصلنا ليوم 9 \10 شكلها هتظهر في نوفمبر

[Gina 0]

طيب احنا مش بينفع ناخد مواد من الترمات القديمه بس المهم مش ناخد مواد جديده؟؟؟؟؟ ولا انا فاهمه خلط؟؟؟

[marina 0]

يعن يا جينا لاقدر اللة لو حصل لحد ياخد المواد اللى من الترم اللى نزل بيها مع عدد من المواد من الترم الجديد لحد ما يكمل حمس مواد

[om_maram 0]

هيدويكى 5 مواد تانيين بس بشرط ميكونش فى تعارض مع المواد اللى معاكى
يعنى مثلا هتاخدى مادتين من الترم التانى على واحدة من الرابع على واحدة من الخامس
و بالمناسبة اسمحيلى اقولك على حاجة لما انتى اول ترم بتقولى هتشيلى مواد امال هتعملى ايه فى الترمات المتقدمة

[maye shammout 0]

النتيجة بس تطلع وهنشوف المواضيع ده كلهاااااا....بس تطلع

[marina 0]

النتيجة 25 اكتوبر

[حسام المصرى 0]

[Gina 0]

om_maram كتب:

هيدويكى 5 مواد تانيين بس بشرط ميكونش فى تعارض مع المواد اللى معاكى
يعنى مثلا هتاخدى مادتين من الترم التانى على واحدة من الرابع على واحدة من الخامس
و بالمناسبة اسمحيلى اقولك على حاجة لما انتى اول ترم بتقولى هتشيلى مواد امال هتعملى ايه فى الترمات المتقدمة

ان شاء الله خير يا ام مرام ومش نحتاج لكل الحاجات دى ........... ربنا يسترررررررررر

[Gina 0]

marina كتب:

النتيجة 25 اكتوبر

يااااااااااااااااااه عرفتى ازاى؟؟؟؟؟

[mostafa_mohamed 0]

انا سالت امبارح في الجامعة قالولي اخر الاسبوع

[هاجر1 0]

شكرا يا مصطفي
بس يارب تظهر علشان خلاص تعبت جدا ضغط عندي عالي بسبب النتيجة

[darkbluesky75 0]

النتيجه اتأخرت لان اكيد مفيش حد يصحح اوراق الاجابه... ومفيش إداره تتعهد بيوم ظهور النتيجه.... معلش ياجماعه لازم كلنا نضحي علشان الثوره العظيمه المباركه,ثوره الشباب,الثوره علي الفساد,ثوره ميدان التحرير..... المهم نتيجه الثوره المباركه العظيمه العبقريه...ونتيجتنا احنا مش مشكله خالص... نستحمل علشان ثوره الغضب اللي خلت العالم كله يتكلم علي مصر "بالخير" طبعا, وخلصتنا من رموز الفساد والاستبداد.... ايه يعني لما النتيجه ييأخر كام اسبوع!!! ايه يعني لما نمتحن في رمضان 10 امتحانات!!!! لازم نضحي علشان ميدان التحرير العظيم اللي خلانا شعب محترم ودوله قويه جدااا

[galal elmadny 0]

ربنا يسهل والكلام دة يكون حقيقى وتظهر النتيجه بكره ،،،،،،،،،،،،،،،