اول يـــــــــــــوم في الجـــــامعة الجـــزى الثاني؟؟؟

[كاتي 0]

سوري طولت ع بال ماتبلكم جزئ الثاني هههههههههههه

بسم الله الرحمن الرحيم ..

عموما مالنا بالطويلة .. خليكم في القصيرة لأنها دايما تجي ست بيت وطيوبة << لأ كذا مرة انبرااش ..احم

نجي للمهم ..

رحت الجامعه .. واش اللي صااااااااااار ؟!

هذا ماسنعرفه في العدد القادم
؟؟
؟؟؟؟؟؟

<< ماما بني آدم مايحب التحميس ^_*

طااايب طيب .. لاتعصبوا

يلا ركزوا معايا

واجلسوا جلسة صحية
واقلبوا الأواني << مدري اش دخلها .. بس حسيت اني ابغى اقولها هههههههه

شوفوا ياشطورات ..

دخلت طبعا من البوابة الشمالية ..

طبعا اهم شي تسووه انكم تطلعوا من بيوتكم بثقة

يعني يكون عندكم ثقة بنفسكم كبيرة

يعني بلاش شغل بزورة .. انا فين حروح ؟ ومااعرف اسوي شي لحالي ؟ وراح اضيع ؟
وحتعب .. واستحي اسأل .. ومدري اش شكلو

الكلام المسخرة بلاش منو ..

<< وحدة عصبية معليه ..


فآآ قبل اي شي ثاني خليكم واثقين من نفسكم .. والثقة بالله قبل اي شي ثاني

ادعوا الله انو يبارك لكم يومكم عشان تتسهل اموركم ولاتنسوا اذكار الصباح ..


نكمل الهرجة ..

فين وصلنا ؟

عند البوابة الشمالية ..

شطورين حبايبي ..

المهم
طبعا انا اتصلت في الليل وسألت بنت جارتنا قلت لها ابروح مبنى 3وابغاكي توصفيلي عشان ع طول اروح له .. وصفت لي وكلو تمام ..


بس لمن رحت الجامعه حسيت اني توّهقت.. شفت بنت قلت لها ممكن توصفيلي تمام فين مبنى 3
قعدت توصف ..
بس الوصف مارضي يدخل مزاجي ..
قلت لها حبة حبة واوصفي تمام عشان لااضيّع بعدين ادعي عليكي << بني ادم ماعندو وقت مرررة خخخخخخ

المهم البنت حست انو نفسها تسوي خير بحياتها وقالت تعالي انا حوديكي << فديتها

ووصلتني لين المبنى .. لا وكمان لييين الكلاس اللي ابغاه

شكرتها .. ثم شكرتني .. ثم شكرتني << وراح الوقت كلو واحنا نشكر بعض هههههه


ودخلت الكلاس اللي انا مخططه له من قبلها بيوم .. ع اساس اني ماخذه جدول الانتساب

المهم دخلت.. وكان كلاس انجلش..اللي انا جاية عشانو ..
طالعت في الاستاذة اعطيتها ذيك الابتسامة اللي تخليها ماتسألني ليه داخله

دخلت وقعدت بكل ثقة .. يعننّي ليا عشرة سنين بالجامعه ..خخخخخخ

بعد نص ساعه ..من الانتباه ..

اكتشفت انو الانجليزي مستوى ثاني .. انْعَن أُمّ الشغلة ..@_@

هيا دحين اش اسوي !!

قلت خليني اسأل الاستاذة ..

طلعت ماتتكلم عربي

قالولي البنات انها اتولدت ببريطانيا

طالعت في الاستاذة بحقد وانا اقول بنفسي : حبَكَت يعني اهلك يجيبوكي في بريطانيا ليتهم رقدوا بس خخخخخ << امزح طبعا .. لم اقل شيئا من هذا القبيل << اهم شي الفصحى اللي جات فجأة .


المهم وانا ماشية في الممر لقيت بنتين قاعدين ..
قلت لهم : عفواً انتوا سنة تحضيرية انتساب
قالولي يسس ..

قلت الانجليزي حقكم مستوى اول ؟
قالت وحدة فيهم انا مستوى اول ..

قلتلها مرة تمام ..

المهم قعدت معاها اخذت جدولها كلللو .. ع اساس اني ابحضر معاها

المهم طلعت استاذتها حق الانجلش غايبة << والليييييييييل ..


قلت لها طب ياعسل وريني كلاس انجليزي خليني احضر بدال مايروح يومي ع الفاضي

قالت انا اوديكي بنفسي << فديتها ^_*


ودتني عند كلاس وقالتلي يلا ادخلي ..

طالعت من القزاز .. قلت لها نص الكلاس فاضي .. قالتلي اكيد بريك انتي ادخلي وبس

المهم فكيت الباب بشوييش ..

قمت دخلت راسي شوية كذا .. وقلت للبنت فين استاذتكم مدري دكتورتكم .. قامت البنت اشرتلي بعينها كذا .. انو انتبهي .. اتاري الاستاذه كانت جوة مو باينة

وانا اللي اقفل الباب واطلع ..

بعد شوية رجعت ثاني ع اساس مو انا اللي جات اول خخخخخ

فكيت الباب واستاذنت من الاستاذة ودخلت ..

قعدت لحالي .. لاكتاب ولايحزنون

قالت لي اقعدي جنب وحدة عندها كتاب ..

قمت وقعدت جنب وحدة ماهي دارية ربي وين حاطها ..

وانا بس اغششها الاجابات .. وشوية اخذ القلم اكتبلها ..

حصة الانجليزي مرررة ممتعه وبنفس الوقت الدروس تافهه مرررة ..

المهم استاذنت من الاستاذه قلت اروح اشتري الكتاب احسن من مكتبة دار الزمان بالجامعة

طلعت من الكلاس ( ياربي دحين من فين امشي ؟)

لقيت بنات كذا ع مسافة من يميني .. سالتهم .. قامت وحدة توصفلي وصف مدري من فين جابتو ..

قلت لها عيدي .. قامت تشرح ثاني

الا شوية بنت جالسة ع مسافة من يساري قالت لالا في مكان اقرب انا اجي اوصلك
<< اُم الخدمات المجانية حق اليوم .. يابختي بس

المهم جات وصلتني
وشكرتها وشكرتني وشكـ .... << خخخخخ

المهم اشتريت لي الكتاب ورجعت الكلاس واللي عليا بالخير ..

خلص الدرس ..

قبل لااطلع استفسرت من الاستاذة

ع اساس اني سمعت انو يدرسوا في السيمستر الواحد مستويين
قالتلي انتوا بنات الانتظام بس مستوى واحد ..

المهم طلعت
لقيت البنت هذيك فاكرينها؟
اللي اخذت جدولها ووصلتني الكلاس ^_^ ..
اللي كانت لابسة ... << ؟؟ خخخخخ

المهم طلعنا سوا

قلت لها عطشانة خلينا نروح الكافتيريا ابشتري مويا ..

رحنا .. الا الاقيهم مسويين طابور وبأرقام ودنيا

قلت لها دحين ع اساس ابوقف طابور عشان مويا مثلا ؟
قالت طبعا ^_^

قلت .. انابتصرف .. قال طابور قال
لقيت وحدة في اول الطابور

اديتها الريال قلت اذا سمحتي اطلبيلي مويا ..

اخذَت البنت الريال وشوية رجعَتو

قالت ماعليه انا اجيبلك ع حسابي << ياهووو اش اليوم الحلو هذا

بعدين قلت للي معايا : ياريتني طلبت شي كذا ع مستوى خخخخ

المهم طلعنا


وقعدت العسولة اللي معايا توريني بعض المباني اللي حنحضرها بكرة باذن الله ..


ماشاء الله طلعت البنت شطورة ودافورة ^_^

واتفقنا نذاكر بجدية ونجتهد وهيك يعني ..


المهم ابتسمت لصديقتي وودعتها على امل اللقاء بها في الغد ..


واخيراً سامحوني طولت عليكم

وفتّكو بعافية ومازولا كمان ...

( وردة ) ..!!

[co0ol 0]

واخيراا جاء الجزء الثاني

مابغيتي يا امي


عارف ايش الي عجبني ف الهرجه حضك يابنت

ولا ليتهم رقدوو الصراحه شيي

ياما وياما كان ودي اكتبها ف هرووج كثيره

بس اتحيت الصراحه

المهم حبوووب

بتوووفيق ان شاء الله

وربي ييسرلك امرك ويهل عليك كل شيي

بس انتي من ويين من السعوديه

[كاتي 0]

يسلموا ع كلامك العسل وشرف لي تكوني انتي
اول من رد ع موضوعي
انا من المدينة (قالتلي العصفورة انك جيت للمدينة)
وانا اقول ياربي المدينة .(منورة) لية

[جيوون 0]

يسلمووو انا تابعت الجزء الاول على فكرة

[لي مين هوو...} 0]

هههه والله وناسه انا زيك زي مافهمت خلصه الثانويه بس بارتاح السنه ذي
وبعدين باقدم على ادارة اعمال الا تنصحوني بادارة الاعمال
لانو كثير خوفوني قالولي مره صعبه وسنه اولي يشتكون
ونادمين ومادري ايش المهم اذا وحده عندها خبر تسعفني

احمدي ربك لقيتي من يدلك غيرك مساكين
لازم كل يوم تروح معهم وحده ههههه

[razonah 0]

ههههههههههههههههه
مشالله عليك لين الحين تتذكرين وش صار لك باول يوم
هههههه مشكووره علموضوع