~*(HeEmMoO)*~

[HeMo 0]

ألـــــــــسلامُ عَــليكُـــم وَرحمَةُ ألله

صــــباح // مــــساء
ألـــــــــــورد


إن شـــالله ألــــكًل بــــخير



ألــــيوم قررت أسوي مدونة خاصه بيه

وأكتب بيها كــل مايجول في خاطري وفكري

وهي فكره حلوه وعجبتني

على طول تواجدي هنا راح اكتب كل الي يجي على بالي

يومياتي افكاري وذكرياتي وافراحي واحزاني




بدون أي مقدمات ثانيه راح أبدي

ألأســـم == (HeEmMoO) >>هذا أللقب
ألمهنة == لاشغل ولا عمل

ألدراسه == تكنلوجيا سنة أولـــى

ألســـكن == ألـــعراق >>

أكــثر أكله أحبها== تمن وفاصوليا >

هوايتي == ألــــــــسيارات ،بلي ستيشن ، أفلام أجنبية، ألغناء ،ألتمثيل، كرة قدم وووو هوايه شغلات

طموحي == اكون فد شي معروف بالمجتمع وافيد الناس

اللون المفضل عندي== ألأسود

أمنياتي== احقق كل أحلامي(راح تعرفوها بعدين)لان اهوايه


هذه نبذه مختصره وبسيطه
تحــــــــــــــياتي لكل الي يدخــــــل هنا

*
*
*
*
عـــاشـــق بلا حبيب

[HeMo 0]

مــو عَجيب ألــــسَهم من يضرب يصيب

مــو عَحيب ألجــرح يشفه بلا طبيب

بَس عَجيب ألمحب شلون يعيش

بدون ألحـــبيب

عاشق بلا حبيب

[HeMo 0]

أحـــــــــــلى أيام مرت في المدرسه
*
*
*
أحلى أيام مرت من حياتي هي أيام ألدراسه

بالمدرسه ويومياتي بالمدرسة

وية ألـــشله ((أحـــلى شلة))

طبعاً جنا حــيل كساله

لأن ماندرس ملتهين باللعب

والظحك والسوالف

بس جنت بيني وبين نفسي حيل انقهر

لأن مستواي الدراسي يوم عن يوم ينزل

بس كلها صارت ذكريات وهاي اني دااحجي بيها

أحب أذكر هذا أليوم ألأي مراح أنسى

يوم عيد ميلادي جانت عدنا مسرحيه

طبعاً ألبطل آني عملت دور مدرس

يعني هذا الشغلات ألي اتذكرها

صح انها مو بالتسلسل بس حالياً في بالي

رحنا للمدرسه وغيرنا ملابسنا

ورحنا لنشاط المدرسي

سوينا بروفه وطبعا بالمدرسه جنا نطلع

من الدرس ونروح نسوي بروفه

(وناااااااااااااااااااااسه)

رحنا أجه ألماحفظ

وقدمنا المسرحيه بنجاح

وأخذنا هدايا والى الان موجوده

ولمن رجعنا صديقاتي مسويلي مفاجأه

أني من ألتعب نسيت أنو عيد ميلادي

أرتاحينا شويه وجان يطلعون كيكيه

مسويها بالبيت

وانطوني هدايا وفرحت طبعاً

وكظينا اوقات حلوووووووه

مراح انساها أبد

يلله تحياااااااااااااتي

[HeMo 0]

شخصيتي
(شخصية مااوصفها بالقوة بس الله القوي لاكن موسهله وبسيطة متواضعه
غامضه حساسه فاهمة عصبيه ويه الطفل طفل ويه الكبير كبير متعددة الشخصياات
يعني مو بارعه بالوصف//بس هذه آنـــــــــــــــي


ما أحب الجذب(قابل بس اني هوه محد يحبه)
أحب ألصراحه حتى لو سجاجين وبقلبي
مااحب المجاملة يعني الي بقلبي على لساني
أحب أساعد ألناس على كد مااكدر
أحب ألناس تعيش بسلام
ماحب ألمشاكل مااحب القال والقيل
أحب ألسياااااااااااراااااااااااااااااااااااات

حــــــــبي ألثاني السيااارااات((طيب وين حبك ألأول)
موجوده موجوده لحد يسأل((موجودة هنااااااا : ))

أحب ألــــــسفر أحب أستغل كل لحظه بحياتي((بس ماعندي مجال هههههه))

بعد شنو شنو شنو ...
اعتقد هذا كلشي

[كاتبة الخواطر اليابانيه 0]

اصلا كلك على بعضك حلوه

يسلموووووو هيمو انت انسانه رائعه وناااجحه بجداره

تحياتي صديقتك

[كاتبة الخواطر اليابانيه 0]

هيمووو عيوووني ثقي اني بجنبك في حزنك وفرحك

[HeMo 0]

مــــشكورة كاتبة

وإن شالله ماكو أحزان

وهذا من طيب أصلج

تحياتي الج ورده

[HeMo 0]

ألــــــــــــيوم رحنا لسوق<<<جاي نسوي شوبنك<< نتسوك<<

رحنا آنـــي وأختي شوفوا شصار
*
*
دخلنا الى مجمـــع بيه ملابس أطفال ونسائيه

ألمهم أختي دتشتري ملابس لبنتها<<زنوبه

آني داامشي وراها والمجمع هوسه

ناس تشتري ملابس على العيد

اختي هم مخبوصه
جان تخلي رجلها على رجلي<<
كتلهااااا آخخخخخ على كيفج شبيج

بدون متعرف اني اختها كالتلي

أووووي حياتي اني اسفه معرفت

جان تباوع عليه شافتني

كالت هاي انتي اوووووه عبالي غير وحده



يعنـــي إذا اني ميخالف

وإذا غير وحده لا عيب<<مو اني اختها على اساس


موقف زباله

[HeMo 0]

والاصعب من ذلك أن تستمر بحبه وتتجاهل الحاجز الذي يمنعك من التقرب منه..


فتتعلق به يوما بعد يوم حتى دون أن تشعر..



قمة الألم ان تحب شخص وتعشقه بصمت..



ليصبح الصمت هو الصديق الوحيد لك...


فيتحول الى جزء من حياتك...


كلما احسست بالشجاعه والقوة والجرأه لتبوح عما في قلبك يستفزك هذا الصمت


بكل برودة وهدوء ليقول لك: كفى...اصمت



قمة الحزن أن ترى الحب ينتهي شيئا فشيئا وأنت تقف عاجزا عن فعل اي شيء


كيف لا ؟! وانت تعلم منذ ألبدايه بأنك لم ولن تكون له...


ولكن استطاع الحب أن يدخل الى قلبك ويرسم ابتسامه أمل رغما عنك...


قمة العذاب أن يبقى الخوف مسيطرا على قلبك

ليمنعك ويحرمك من الحب الذي يحلم به كل شخص..



والنهايه تكون الفراق بعدما احببته وتعلقت به لدرجة الجنون..


فتصاب بالكآبه والألم....


وتعيش بعذاب على ذكرى لم تستطيع نسيانها.


قمة الألم .. بل الألم بحد ذاته أن تبني في ذهنك مستقبلا لا اساس له...


ولكن احساسك الصادق وقلبك الطيب وابتسامتك البريئة ...


جعلتك انسانا متفائلا تنظر الى الحياه ببساطه ...


وحتى لو رأيت حبك ينهار امام عينيك وأن النهايه هي الفراق لا محاله..


تبتسم قائلا: أنا واثق بأن القدر لن يبقى هكذا...سأنتظر

عأأأأأأأأشـــق بلا حبــــــيبـــ،،،،

[كاتبة الخواطر اليابانيه 0]

جدا رااائعه هيمو في خواطرك

واعجبتيني في الشوبنق

يسلمووو هيوم والله يوفقك ياااااارب

[SUJU 4 Ever 0]

واااااااااااااااااو مدونتك روعه موووووررررررررررره

[LBA...SiwoOoN 0]

حلووووه كثييير مدوونتكـ يآاحلى هيموو ..


استمررري ياعسووله..

[HeMo 0]

كاتبة الخواطر اليابانيه كتب:

جدا رااائعه هيمو في خواطرك

واعجبتيني في الشوبنق

يسلمووو هيوم والله يوفقك ياااااارب

عيوني كاتبه الله يوفقج ويوفق الجميع

ومشكوره على مرورج الجميل

ياورده تحياتي وتقديري الج

[co0ol 0]

مدونتك

خوقاقيه وفنتستكانيه وخطنطريه وكل شيي

ننتضر جديدك خيتوو

عاد انا احب الوحده لما تسولف عن نفسها<<كثري من السوالف

واستمررري وراح اجي كل يوم هنا

[HeMo 0]

SUJU 4 Ever

انتي الاروع ورده

تحيااااتي الكم

[HeMo 0]

LBA...SiwoOoN

شكرا على التعقيب الجميل
وراح استمر ان شالله
...................
co0ol
أشكرج كول وان شالله راح اسولف
اي شي يجي في بالي

وجديات انتي تنورين اي موضوع تدخليله

تحياااااتي الكم

[جيوون 0]

حلوة ذكرياتك مع المدرسة
واكيد للحين تتواصل مع شلة الطفولة

[جيوون 0]

[HeMo 0]

t]]أول شي مشكوره على الرد الحلو جيوون
*****************
وثانياً أحــلى أيام هي أيام ألمدرسة
أكيد متواصله مع أصدقائي بس مو كلهم
ألصداقه تبين لمن نفترق
وصعب أسمي كل أنسان صديق
ومااعرف شلون أوصفها
وألله يوفقهم وين مجانو
_____________
أذكر هذا الموقف
أحنا 3 صديقات مقربات
يعني عائلياً نجي ونرح
واحد يروح البيت الثاني
بيوم من الايام رحنا اني وصديقتي(ز)
يم صديقتنا الثالثه(ل)معزومين عدها
صعدنا لغرفتها طبعا شفنا الغرفه
يعني متنكعد بيها وسخه<<وصخه حيل
اني و(ز)اتشاورنا
اتفقنا نربطها بحبل وننظف الغرفه
المهم اكو تيب هذا الي يستعملوه المجرمين بالافلام مع الرهائن
لمن يخلوه على حلكهم"<<< 
ربطناها عالسريع وهي تصيح<<تصرخ ولكم هدوني فتحوني
جان نلزك حلكها وسكتناها
ونظفنا الغرف وخلصنا وبعدها ركظنا جوه يم امها
هي نزلت ورانا كالت ماما ذوله مجرمين شدوني
:er:
وتونسنا بيومها شفنا افلام كوميدي وتونسنا
ذكريات حلوه

تحياتي الكم

عاشق بلا حبـــــــــــــيب[/b]

[HeMo 0]

يــعني عندك حب جديد ناوي تنسى حب قديم
براحتك سوي شتريد
بــس بسيطة ألله كريم

عيــونك ألي غدرن بيه
ألاأبجيهن عليه
تعتذرلي تبوس أديه
هذا كـــله مايفيد
يعني عندك حب جديد

مو حبيبك هسه اني صارلك غيري حبيب
لهفتك ماخذها ثاني يعني هسه اني غريب
انت ماادري شجاااااااك
مرتبك مرتبك مو أنت ذاك
لا كلامك لا هواك
لان عندك شي اكـــيد
يعني عندك حب جديد
آه ه ه ه ه
ألا ابجيج

عـــاشق بلاااااااحبـــــيب

[kazukia 0]

صحيح كلامج هيمو احلى شي ايام الثانوية والاعدادية
بس مثل متكولين ماتبين لحد مانفترق
هسه اني داومت بلجامعة ولا صديقة وياي كلنه افترقنه وحده راحت بغداد وحده ديوانيه والاخرى حله وبقيت البنات كلهم افتقدهم
بس اتواصل وياهم بلاتصال طبعا يعني اشتري الرصيد العصر يخلص بساعتين
اكعد احجي وياهم ونتذكر ايام الاعدادية الحلوة والله اضح و ابكي من اتذكرها
[b]ماجنت اعرف ان يوم من ايام راح نفترق

تحياتي لكل صديقاتي

والك ياهيمو لان انتي اعتبرج مثلهم وانشاء الله يوم من الايام التقي بيج لو باي مكان بس المهم اشوفك [/b]

[HeMo 0]

وتحــــياتي الج
ولله احلى ايام
هي الاعداديه

[كاتبة الخواطر اليابانيه 0]

ايااااامك روووووووووعه

هيمو يالله الصداقه اهم شيء باااقي بقلوبنا

هذا اهم شيء

يالله فديتك باااااااااي

[HeMo 0]

ســـلام عليكم

طبعا اني في بغداد

وكل يوم اكعد الصبح

أكــول صباااااح الخير ياعــــراق

احــــلى صباح ولله

لكن مليان جروح وحزن
البارحه

بتاريخ 2010/11/3
احنا كنا بره
وصار 20 انفجار
حيل انقهرت ولو ان ايامنا كلها انفجارات

لكن الحمدلله والشكر الله كريم
مااكدر اكمل بعد والله يرحم شهدائنا
ويصبر اهلهم ويكوم الجرحى بالسلامه
تحياتي الكم
سلامتك يااااعراااااق

[كاتبة الخواطر اليابانيه 0]

وتحيااااااتنا لك هيمو حبي

ولكل اهل العرااق والله يرحمهم يااارب

هيمو لاتيأسي بإذن الله ربي يرحمكم

وترجعي لنا بالسلااااااااااااااااامه

وجعل يومي قبل يووووومك عيوني

يالله فديتك تقبلي مروري

[HeMo 0]

كااااتبه مشكوووره
على مواساتج
تحياتي الج

[NaRa 0]

يااااااااااااااااااااااااااعمري مبروك والف مبروك على المدونه الرائعه

كلش كلش خنفشاريه

اسفه على التاخير بس ماجنت بالبيت

احلى مدونه مثل صاحبتها طبعا لان انتي احلى حلوه

مع قبلاتي

[HeMo 0]

اهاااااااااا قبلاااات



ياحبي انتي ولله منوره

امووووووووووت بحبج اني

خلي الكل يعرف

اني اموووت بحبج

ربي يخليج الي


اعتراف خطير

[HeMo 0]

شلونكمــــــــ؟؟؟أن شالله الكل بخير
ألبااارحه ساعه تقريباُ 7او8باليل
2010/11/3
ألأربعاء
كعدت وحدي بالحديقه وخاله الهت فووون بأذني
أسمع أغنية ل محمد حماقي((لســـه بتخاااف))
وهزني الشوك مثل ميكولون
وأشتاقيت لأنــساته عزيزه على قلبي حيل
وبجيت بصمت ((يرخصلها الدمع))
وأبجيلها حتــى عيوني لو خلصت دموعي

ألأغنيه
لــسه بتخاف من الفراق لو تيجي سيرتي
لوشوفت عيني بتبكي هدمع عينيك
يــعني صوتي بيوحشك لو شوفت صورتي
بتحس بيه حبيبي لما بحس بيك
مــين بياخذ بالو منك بعد مني
في حظن مين بتحس احساسك في حظني
مش قصدي حاجه انا بس بطمن عليك
أصـــلك وحشني
***********
هذا اليوت يوب

للي يحب يسمعها


تحيااااتي

[NaRa 0]

يا عمري دمعج غاااااااالي

مره لخ صيحيني حتى نبجي سوه
هههههههههههه

مرسي قلب على الاغنيه كلش حلوه

[HeMo 0]

شكراُ لمرورج حبي

انتي ممنوع تبجين



اصيحج؟؟؟؟

اوكي حبي اصيحج بس مو للبجي

لاااااا


نحجي

[HeMo 0]

شلونكم يارب بخير
المواقف ماتخلص ويه اختي

مره بالسوق
دنمشي وكولشي تمااااااااام
واختي خاله ايدها بأيدي
ودنمشي
أكو بالكاع مي يم فد محل للحلويات

ولله وجان ماشوف الا وحده تسحل بالكاع

وايدي صارت ثكيله
لان لازمتني وتزحلك
كتلها شنو عبالج مسبح شمرتي روحج

وملابسها تبللت
واني طبعاُ خربانه ظحك
وهي هم ظحكت من الخجل
فشله
دخلنا لل مول حتى ملابسها تيبس

كم مره اكول مااطلع وياها وارجع اطلع

[HeMo 0]

[b]صباااااااح ألخــــير إن كان صباحاُ
مساااااء ألخــير إن كان مساءاُ
حظرتي صرت<< كاظم الساهر

طبعاُ آني مااحب أجذب <<ومنو كال جذبي
أليوم حبيت اطير فياله<<فيل هذا الفيل الظعيف الحلو وزن الريشه
ألله يخليكم لحد يفهم صح
خلي ادخل بالموضوع<<ماحب اطول ابد

البارحه رحت لليابان<<شسوي ظوجه رحت اتمشى<<مو هو كورنيش مال يم بيتنا
اي تعبت من المشي رحت وين<<<اتخيلو وين؛؛؛
رحت ارتاح صعدت لسور الصين العظيم<<<اشلووون جذب بالباكيت
وره اشويه مابيه حيل انزل اتزحلكت مناك وصلت لشارع ب5دقائق
شنو آنـــي<<مو هي زحليكانه خخخخ<من الاعلى للاسفل
من اتزحلكت رأساُ دخلت على شارع كوريا الرئيسي<<<
اي وبعدين شفت هذا لووونووك لوووشوك لوووووتوك
خخخخ لالا لي توك
عبالي بنيه شوفو اشسويت؟؟
أحم أحم ياااا مزه
باوع عليه ظحك كال انيووو هاسيووو
كتله لاا لاا اني هيموو
اتحارشت بي هوايه ظحكت عليه<<<جذب
اني مافتهمت ولا شي بس اكوله ني ني ني <<< نعم
المهم كتبتله اغنيه بالعربي
يبووووو هو تخبل
على الكلمات الروعه
الكلمات هي
يا لي توك يالي توك
شلونك شلون صحتك
وين عيونك يا لي توك
لاتظحك ولك لان بعد ماتشوف
شعرك اصفر مصبوغ
لاتكولي هو من الله هيج<<خلي يولن عمت عينك ثول اي ولله ثول اشكبرك بعد تصير
هسه شكو وحده تحبه راح تحقد عليه؛<<<دا اتشاقه واني شعليه حتى لو يخلي حنه
يلله الاغنيه تشوفوها بالالبووم


[/b[size=18]]
اي وبعدين عزمته على فلافل<<<كام يكمز
كتله شبيك لك مماكل فلافل قبل؛؛؛ههههههههه
اكل اصابعه خطيه تره هسه ماعنده اصابع
لحد يستغرب<<<<
سألته شنو أكثر أكله تحبها<<كال شوربه مال صراصر
هوووووووووووووووووووع
ههههههههههههههههههههههههههههههههههه
ولله طلع فد واحد ؛؛؛؛؛؛قابل ثنين
اي اكمللكم الاحداث بعدين
تحياااتي[/size]

[HeMo 0]

ألبارحه 2010/11/5
رحنا الى الزوراء مكان للعوائل
حديقه عامه يعني جان اكو رسام
يرسم الناس حبيت الفكره
وكعدت حتى يرسمني
جان يكول ذاك اليوم اجتي وحده
من الجامعه طالبه هي وزميلاتها
حتى ارسمها
كالت عمو بشكد ترسمني
كال ب 5000الف ديناااار
كالت ليش عموووو اشصاير
جان يكوللها هو بس
خشمك ب5000دينار
ينرسم
هههههههههههههههههه
ههههههههههههههه
ههههههههههه
ههههههههه
هههههه
هههه
طبعاُ البنت خجلانه وزعلت
ومارسمت..بعدين كال تعالي اتشاقه وياج

[co0ol 0]

هع هع احلى مافي الموضووع اتشاقه

استمري حبوب

بس قوليلنا ماكان شعورك وانتي نازله من سور الصين العضيم

الى المااام<<متعمده لاني شفتها ف الاخطاء الاملائيه

[HeMo 0]

على المرور
امبين الكلمه عاجبتج
**********
شعوري وانا نازله من السووور
احساس لايوصف كأني صاعده سكه مووووت
ياريتج ويايه يا كول

[HeMo 0]

]b]
أكوللكم موقف صار ويايه بالمدرسه
آخـــر أيام ألأدراسه تقريباُ
جان عدنا أمتحان عربي(قواعد)
قبلها اني تمرضت وبيوم الامتحان
آنــي كلشي مقاريه(مو مذاكره يعني)
البنات كال لاتمتحنين كولي للمدرسه
تأجلت الامتحان لان انتي مريضه
كتلهم لااا امتحن احسن ولا المدرسه
تسمعني كلمه موحلوه
أخذ صفر أحسن ولا اسمع منها كلمه
صديقاتي هم لازمين مدرس عربي خصوصي
يعني تووووب بالعربي والقواعد
كالو يلله ولا تشيلين هم أحنا نقوم بالواجب
نغششج
=-=-=-=-=-=-=-=-
كتلهو اني موكدها يعني ماعندي خبره بالموضوع
أخاف اغش وتكشفنا المدرسه كالوو لااايعني الحب من ينزل فجأه كارثه
اني اصريت اخذ صفر بدون غش
رحنا للأمتحان بغير شعبه لان شعبتنا صغيره
مايكفينا المكان
صديقتي كالت لاتكتبين اسمج على الورقه
اني هم مااكتب اسمي على الورقه
حتى اني احل بدالج وانطيج الورقه واكتبي اسمج عليها
وانتي حلي الي تعرفي وانطيني الورقه
غشاشه
اني ماسمعت الكلام وكتبت أسمي
على الورقه وكعدت احل الي اعرفه
وهي متخاف تردليألمدرسه صارت بعيده وظهرها علينا
جان صديقتي رأساُ تسحب ورقتي وتنطيني ورقتها
اني مجبوره اخذها لان هي اخذ ورقتي
بذيج اللحظه خو مااكعد اناقشها واكوللها لاااااهي حلت الاكل وانطتني الورقه يعني بعد ماكو شي اني اكتبه واحله
اني هم أكتب وامسح اكتب وامسح
وجهي كام يذب اللوان الطيف الشمسي كله

المهم دبرنا الاموررر ولمن انطيت الورقه
ولله نزلت راسي لان اعرف اني مسويه شي غلط
ظلينا نحجي بالموضوع الى ان اجت الاوراق
بعد كم يوووم

أجت المدرسه >عليكم السلام
كالت بنات ليش هيج مو عيب
تغشون انتو كبار
كالت مع الاسف مع الاسف ابد ماتصورت
هذه البنت تغش بيوم
لانها حبابه ورده مال الله

طبعاُ اني ظليت جامده ولا بينت اني مسويه شي
وذبيت الووم على صديقتي كتلها صوجج
بس بعدين اتفقنا اني وياها على رأي واحد
لان المدرسه صاحتها وكالتها انتي شاطره
بس الي كاعده بصفج هذه غشت منج

لاااااااااااااااااااا اني ماغشيت هي صوجهاااا
وهي كايلتهل لا ست اني ماخليتها تغش مني
يمكن البنت قاريه وجاوبت
لان درجتي جانت زينه

المهم انتهت الشغله على خير
وماخليتها تشك بيه ابد
×××××××××
وره ماخلصت المدرسه وانتهت
اجت امتحانات نهايه السنه(الوزاري)
رحنا للمدرسه نشوف الجدول
شفنا المدرسه وسلمت علينا
وانطتني رقمهاااااا كالت اذا احتاجيتي شي
بالعربي خابريني
وقبل اسابيع شفتهاااااا
وسلمت عليها وكتلها شلونج ست شلون صحتج
وكتلها محتاااجه شي كالت لاااا همزين>>>
لو كايلتي اي محتاجه جان شسوي
هههههههههههه

[/b]

[co0ol 0]

هوووووووووع انا مستحيل ابد اوراق يمااا

احس الهرجه تخووف صاحبتك الصراحه مغامره

يسلموو حبووب كملي كملي

بنتضار جديدك

[HeMo 0]

ان شالله كول

شكرا على المتابعه

[HeMo 0]

سلام عليكم شلونكم؟؟
يارب بخير

حبايبي تواجدي راح يقل
شويه
بسبب الدراسه


وبالتوفيق لجميع

تحياتي


`v´
( `·.¸
`·.¸ )
¸.·´
( `·.¸
`·.¸ )
¸.· )´
(.·´
×´¨) (¨`×
¸.·´¸.·´¨) (¨`·.¸`·.¸
(¸.·´ ( ) `·.¸)
(¨`·.¸`·.¸ ¸.·´¸.·´¨)
(`'•.¸(` '•. ¸ * ¸.•'´)¸.•'´)
«´¨`.¸.* HeEmOo*. ¸.´¨`»
(¸. •'´(¸.•'´ * `'•.¸)`'•.¸ )

[HeMo 0]

شلونكم ادخل بالموضوع
اليوم الي ثالث يوم اداوم

أخذت ويايه الهت فووون

حتى من يصير ريست اطلع بره

واسمع اي شي
[b]
المهم

الصبح وانا رايحه الجامعه
اسمع فد صوت يمشي ويايه
ياربي هذا شنو <<<<<<<< اني ولا خربطت روحي

ماانتبهت ظليت امشي والصوت يمشي ويايه

وفي بنات اخخخخخخخخخخ من البنات بسيطه<<<<

ولله فد واحد من الطلبه قالي اختي العفو بس الهت فون شيلي<<<<<<<<<فشله

اني طالبه ليش شايله هت فون خخخخخخخخ

كتله اوووووووه العفووووووو

شكراااااااا ماعرفت شكول

من الفشله

واشوف البنات يباعون ولا يكولون

خلف الله على الولد

ولله جان اجر السماعه واخليها بالجنطه

صارت عدنا حصه رسم

القاعه ماشالله كلها تراب

وماكو كراسي
فقط بورد لاشي اخر

وكل وحده شايله وصله بازه خخخخخخخخخخخ

تمسح بالبورد

ولله احنا خطيه الجامعه مزبله

خطيه الحكومه عدها شغل ملتهيه<<<<<<<اكل عيش بووووووك

يا جامعه يادنيا

الله يشيل شكو واحد كاعد على كرسي ويتفيك بروسنا

اوووووووف اووووووووووف
اووووووووف لاين

يلله احجيلكم اذا صار شي


`v´
( `·.¸
`·.¸ )
¸.·´
( `·.¸
`·.¸ )
¸.· )´
(.·´
×´¨) (¨`×
¸.·´¸.·´¨) (¨`·.¸`·.¸
(¸.·´ ( ) `·.¸)
(¨`·.¸`·.¸ ¸.·´¸.·´¨)
(`'•.¸(` '•. ¸ * ¸.•'´)¸.•'´)
«´¨`.¸.* HeEmOo*. ¸.´¨`»
(¸. •'´(¸.•'´ * `'•.¸)`'•.¸ )
[/b]

[HeMo 0]

أليوم آنـــــــي ظايجة
**************
عندي ذكريات صعب عليه
وصعبه حيل ان انساها
او حتى اتناساها لأن مااكدر
مو بيدي مجرد ان اصفن لحظه اتذكر كلشي
أتذكر احلى اللحطات واحلى ايام
يمكن فاتتني هواي شغلات واتندمت عليها
بس اني تصعب عليه حالتي مرات
لانو صعب حيل ان اشتاق لشخص
بعيد عني واشتاقله كل يوم وكل لحظه وكل
ثانيه واحب يكون بجنبي وكدام عيني
ياريت ترجع الايام ولو شويه بس؟؟؟؟؟

[super junior .~girl 0]

واااااااااااااااااااااو صراحه هيمو بدووووووووون مجااامله مدونتك رووووووعه جنااان خاصه حواطرك

[HeMo 0]

[b]سوبر جونيرو
مشكوره على المرور الجميل
والرد الرائع
والمتابعه الحلوه
وأن شالله تستمتعين بقرائه الخواطر والاشعار[/b]

[co0ol 0]

ياقلبي ياحياتي

اتمنى لك سعه الصدرر يارب


ابعد عن هيموو كل شي يضيق خاطرهاا

واجمعها مع من تحب يارب

حبوبه وسعي صدرك ترى الدنيا ماتسوى

واستمريي حبووب

[HeMo 0]

أشــــــــكرج كول
على الدعاء ألجميل

وأن شالله يارب الله يفرج هم الكل
××××××××××××××××××


ألله يجمــــعني بيها يارب

[HeMo 0]

I Give Only One Chance ... Never Two ..!

We Back again ..!

IIIIIIIIIIIIIIIIIIIIIIIIIIIIIIIII


I WANT SAY TO SOME BUDDEY

SHE IS HER


I MISS U


SO

MUCH

Best of regards

:

[NaRa 0]

보고 싶어요
بوغوشيبدااااااااااااااااا هيمووووووووووووووووو

[HeMo 0]

بس افتهمت الروعه

وال هيمووووو

اما الكلمه بوغوشييدااااااااااا

لا؟؟؟؟؟؟؟؟

ومشكوره على المرور حبي

[NaRa 0]

ههههههههههههههههههه

مراح اكولج شنو معناتها
دوري على المعناه