استفسار عن مواعيد الحضور

[AmeGo 0]

السادة الزملاء الافاضل ، بالنسبة للناس اللى دى اول سنة ليها:

ايه هى أيام حضور المحاضرات ، و يا ترى هاتكون جمعة و سبت و لا ممكن تكون أى يوم من أيام الاسبوع ؟

و كنت عرفت من المركز ان المحاضرات هاتكون داخل جامعة القاهرة ، ده صحيح ؟

و يا ترى هايكون فيه سكاشن و لا لا ؟

و لو الواحد ما حضرش المحاضرات خالص ، هايكون فيه مشاكل؟

افيدونا أفادكم الله ....

[marina 0]

عامة لم يحدد بعد كلم يوم محاضرات ولكن المحاضرات بيبقى عامة يوم 1 وهو الجمعة اسبوع بيبقى محاضرتين صباحا كل محاضرة مدتها ساعة ونصف





يعنى اول اسبوع حتلاقى محاضرات عربى ترم اول من 8 الى 9.30 ثم ربع ساعة راحة وبعدها المحاضرة التانية وبتكون كمبهنشن ودا من الساعة 9.45 الى 11.15 صباحا





الاسبوع اللى بعدة بيكون 3 محاضرات بتبدا من الساعة 1 ظهرا



وكل محاضرة ساعة ونصف يعنى حتلاقى جرايمر e من 1 حتى 2.30 ثم ربع ساعة راحة بعدها ترجمة من 2.45 الى 4.15 ثم ربع ساعة راحة وتبدا المحاضرة الاخيرة وهى ثقافية الساعة 4.30 وتنتهى المحاضرة الساعة 6 مساءا





مفيش شكاشن محاضرات فقط المحاضرات حتكون فى المبنى اللى روحت امتحنت فية التحريرى



هو دا مبانى التعليم المفتوح



ممكن متحضريش ولكن مهم حضور الترجمة ولو محاضرة تتعرفى على طريقة الشرح والتعامل مع المادة باقى المواد مش محتاجة حضور السيديهات كافية ومادة الكمبهنيشن مش حتحتاجى للسديهات ولا الكتاب لان الدكتورة بتيجى قطع وتشرحها والكمبهنش عادة هى زى القطع اللىكانت بتجى فى امتحان الاعدادية او الثانوية ويبقى عليها اسئلة اجاباتها من القطعة

[AmeGo 0]

و الله يا مارينا مش عارف أقولك ايه


موسوعة خبرة و معلومات ، هاهاها ،ربنا يخليكى و نفرح بيكى كده فى يوم نجاحك....

انا كل خوفى ان يكون فيه ايام غير الجمعة او السبت ، طبعا علشان ظروف شغلى لان هايكون صعب - و ان ماكانش مستحيل - انى اخد اجازة ، و انا ناوى ان شاء الله انتظم فى حضور المحاضرات....

[marina 0]

لا مفيش ايام تانية ويوم السبت دا كان علشان بسبب الثورة والغاء امتحانات فكانت الناس معها ترمين ب 10 مواد فكانوا عاملين يومين علشان كدة لكن طول عمرها المحاضرات يوم 1 الجمعة علشان هم عاملينة للناس اللى بتشتغل بس وعايزين يكملوا تعليم جامعى

[AmeGo 0]

ربنا يطمنك ، متشكر اوى يا مارينا