بنات وشباب ترم اول اداب E

[AmeGo 0]

dodi كتب:

اهلا بيك يا محمد وان شاء الله نقدر كلنا نفيد بعضنا ونستفيد من بعضنا يارب

وانا بنت يعني زميلة

اهلا بيكى يا دودى ((زميـــــــلة )) عزيزة ، و ان شاء الله نكون كلنا (All 4 one and One 4 All) هاهاهاها

[حسام المصرى 0]

عاوزين نفيد بعضنا بلاخص اننا اول ترم لينا

[fadi1 0]

هااااااااااي ماريناااااااااااا اخبارررررك ايه واخبارك النتييييييييييييييييييجه ايه
جبتيها ولا لسه

اما تيجي فييس قوووووووووولي

[marina 0]

iam ok

[fadi1 0]

فيييييييييييييييييييييييييييييييييينك وبعدين يعني ف الشاي ده

[marina 0]

هههههههههههههه انت لسة على النت

[fadi1 0]

ايووووووووووون وبكلمك والنت عندك شكله وحش
ممشتش

[zahraa1 0]

السلام عليكم و رحمة الله و بركاته

أنا اسمي رشا ... كنت تيرم أول و تاني بس للأسف حصل ظروف و دخلت امتحانات أول بس و أجلت الباقي و ربنا يسهل و أحاول أعوض التيرم الي فاتني

أنا عايزة أشكر كل المشرفيين على المنتدى و خصوصا ولاء و مارينا لان ليهم فضل كبير عليا في التيرم الي فات بعد فضل ربنا سبحانه و تعالى و ده يمكن أول مشاركة ليا لاني أنا ما اكتشفتش المنتدى ده الا أيام الامتحانات بعد امتحان النحو كمان و لولا اني قرأت مشاركاتكم ما كنتش عرفت ايه المقرر و ايه الملغي و الحمد لله عدت على خير و جزاكم الله كل خير

[marina 0]

العفو يا رشا ولا شكرا على واجب وكلنا هنا اخوة واخوات وبنساعد بعض واهلا بيكى يا رشا عضوة جديد فى المنتدى

[zahraa1 0]

جزاكي الله خير و ان شاء الله دايما نتعاون مع بعض و كلنا نفيد بعض

[dodi1 0]

اهلا بيكي رشا

[Walaa El-moataz 0]

العفو يا رشا على ايه



واهلا بيكى معانا والمنتدى نور

وان شاء تعوضى اللى فاتك واحنا معاكى هنا لو احتجتى اى حاجة

[marina 0]

فى ترم اسمة الترم التانى ممكن تسالى فيى انك ممكن تعوضى مواد الترم اللى فاتتك والترم دا امتحاناتة من 13/11الى 17/ 11اعتقد مازال التسجيل مفتوح لحد دلوقتى فية

[aml ahmed 0]

اسمى امل .....23 سنه ...حلوان .. معايا ثانويه عامه 2005 ومكملتش لظروف مع انى كنت جايبه مجموع كويس وربنا شاء انى اكمل دلوقتى وربنا يوفقنا السنه دى وشكر خاص ل دودى عالفكرة دى

[Walaa El-moataz 0]

منورة يا امل واحنا دفعه واحده على فكرة

[aml ahmed 0]

منور بيكى ياولاء بس انتى كده سبقانى بسنه ف اداب بس الثانويه زى بعض

[zahraa1 0]

lor=red]]شكرا يا دودي [/size]



lor=red]]تسلاميلي يا ولاء المنتدى منور بأصحابه [/size]





lor=red]]شكرا يا مرينا على اهتمامك وان شاء الله هحاول أخد أكتر من خمس مواد التيرم ده لو ينفع عشان أعوض [/size]

[Gina 0]

zahraa كتب:

lor=red]]شكرا يا دودي [/size]



lor=red]]تسلاميلي يا ولاء المنتدى منور بأصحابه [/size]





lor=red]]شكرا يا مرينا على اهتمامك وان شاء الله هحاول أخد أكتر من خمس مواد التيرم ده لو ينفع عشان أعوض [/size]

هاى امل اهلا بيكى معانا فى المنتدى والكليه وان شاء الله ظروف الترم ده تكون احسن من الترم اللى فات...بس عاوزه اقولك ان المواد بتكون بحد اقصى فى الترم 5 مواد يعنى مش هينفع تتدفعى اكتر من كده

[zahraa1 0]

أهلا بيكي انتي يا جينا



أنا رشا ..... أنا عرفت اني ممكن أزود مواد بس المهم ماسبقش بمواد من تيرم مش تيرمي ..بمعنى اني مسجلة أول السنة الي فاتت يعني المفروض أبقى تيرم تالت يبقى ممكن أخد مواد من تاني و تالت و مش شرط خمسة بس المهم مش أسبق و أخد من رابع... يعني المهم عندهم اننا مانخلصش في أقل من أربع سنين .... ده الي أنا عرفته و هسأل بردو عشان أتأكد

[marina 0]

لو انت يا رشا كنت سجلت مواد الترم التانى واجلتها اعتقد ممكن وقتها يسمح لكى انك تعوضها من خلال الترم التانى اللى بدا التسجيل فية لان فى الترم الاساسى اللى حيبدا الاسبوع دا غير مسموح غير ب5 مواد وعامة اسالى واتاكدى وبالتوفيق

[zahraa1 0]

ان شاء الله و ربنا يسهل

[fadi1 0]

مارينااااااااا فينك وااازيك
انا رحت انهاررردة عشان اسجل بس مرضيووووش ياخدوا صورة طبق الاصل من شهاده الجيش وعايييييزين الاصلي

ربنا يسهل واعرف اجيب بقه

[marina 0]

ان شاء اللة يا فادى ربنا يسهلها النهاردة مالة يوم يوجع القلب

[Gina 0]

ادى يوم 9/10 خلصت والنتيجه مطلتعتش واحنا اللى روحنا طلعتتتتتتتتت

[fadi1 0]

هااااااااي dodiiii
عامله ايه
دفعتي كااام فلوس الكتب وكله

[aml ahmed 0]

انا ممكن اجاوبك انا روحت يوم الاتنين ودفعت 50 جنيه الاول وبعدين مليت بيانات وطلبت منى655 جنيه وعملت الكارنيه واستلمت الكتب وبس

[fadi1 0]

شكراا يااحمد انت منيييين ؟
انا كمان هدفع اكتر عشان همتحن ف اسماعيليه
فلوس الكارنيه من ال 700 جنيه ولا غيرهم
وممكن اروح ف اي يوم ادفع ولا لازم ايام محدده زي معاد التقديم ؟

[aml ahmed 0]

انا اسمى امل ,احمد ده بابايا ,, فلوس الكارنيه من ال700 والتسجيل نفس ايام التقديم اللى محددينها

[fadi1 0]

شكرررا ياامل يعني مينقعش ارووح يوم الاحد واقدم
انا مش فاضي غير الاحد
متاكده انه لازم ف نفس الايام ولا اي يوووووم

معلش صدعتتتك

[aml ahmed 0]

مش عارفه بس كانت فى واحده بتقدم تجارة قالتلها النهاردة مش يوم تجاره فمش عارفه اداب نفس النظام ولا لأ

[Habiba 0]

انا عاوزه اعرف هو ايه نظام الحضور وكده انا مش فاهمه ايه حاجه انا خلاص اتقبلت وكل حاجه و اخدت الكتب بس مش فاهمه اي حاجه انا المفروض اعمل ايه دلوقتي!!

[aml ahmed 0]

المفروض ان الدراسه تبدأ الاسبوع الجاى وانك تتابعى الصفحه بتاعتك وياريت لو فى حاجه تانيه اصحاب الخبرة يفيدونا

[Habiba 0]

ايه هي الصفحه بتاعتي و هم مش قالوا ان الدراسه هتبدا ال14 من اكتوبر ؟؟
و شكرا ليكي تعباكي معايا

[aml ahmed 0]

لا ولا يهمك ,,, الدراسه اتأجلت اسبوع عشان نتيجه الدفعه اللى قبلنا لسه مظهرتش ,, والصفحه بتاعتك مش هما عطوكى ورقه مكتوب عليها رقمين رقم التسجيل والرقم السرى بتدخلى ع موقع الجامعه وتتابعى

[Habiba 0]

اها صح جزاكي الله كل خير يا قمر

[aml ahmed 0]

ربنا يوفقك انتى بدأتى مذاكرة ولا لسه

[Habiba 0]

لا لسه مش بدات هو المفروض ابدأ ؟؟؟؟؟؟؟؟
انا بجد محتاسه
انتي بدأتي هو المفروض انا ابدأ ازاي يعني اذاكر منين يعني ؟؟

[aml ahmed 0]

انا كمان محتاسه ولسه مبدأتش بس ان شاء الله ابدأ وانزل محاضرات واشوف الاسطوانات ,, انتى هتحضرى ؟؟؟

[fadi1 0]

شكرا ياامل
ممكن ياحبيبة تبدائي تزااكري الجراااامر

[aml ahmed 0]

العفو يافادى

[Marsil 0]

اروحت النهاردة ودفعت المصاريف واخدت الكتب والكارنيه

ربنا معانا كلنا ونعرف نبدأ ونذاكر

[fadi1 0]

مبرووووووك يامرسيل ابداائي اقري شويه ونظمي وقتك وربنا معااااكي

[Marsil 0]

يا ريت يا جماعة اللي هيحضر يقولنا ايه هي القطع

ويولينا اول باول عن كل المحاضرات

[lenda_lovely_girl 0]

هاى ياجماعه انا جديده فى المنتدى اسمى هند 24 سنه واولى اداب انجلش...وعاوزه اسألكو ف حاجه انا جالى جامعة المنوفيه وعملت تحويل للقاهره ولسا مظهرش فانا مش عارفه ادفع المصاريف فين؟؟؟؟؟ولو حد عارف هى كام ياريت يقولى

[marina 0]

انت اداب انجليزى انتظام ولا تعليم مفتوح لو تعليم مفتوح مش مشكلة ممكن تدفعى فى القاهرة لكن لو انتظام فلابد تنتظرى استكمال التحويل وتدفعى فى المكان اللى ورقك فية

بالنسبة لاداب تعليم مفتوح



فهم 5 مواد



تكاليف المادة الوحدة 130 وتشمل الاتى (90 كتاب -20 رسوم امتحان دا لو فى القاهرة لو فى محافظة تانية يبقى 40 - 20 cd

فى خمس مواد احسيبها ولو انت ثانوية حديثة فى رسوم طبية وانشطة ودا كلها رسومها 80 جينة اما لو ثانوية قديمة المصارييف دا ملغية و200جينة كارنية ودا ببس احسبها كام وحتلاقى المبلغ دا هو اللى حتدفعية

[dodi1 0]

fadi كتب:

هااااااااي dodiiii
عامله ايه
دفعتي كااام فلوس الكتب وكله

هاي فادي معلش اتاخرت عليك بالرد بس حقيقي ما شفت الكلام غير اليوم

انا الحمدلله تمام وبدأت اذاكر على فكره انت ايه اخبارك

دفعت 1060 دولار بس علشان انا مش مصرية

انت عملت ايه ؟

[lenda_lovely_girl 0]

ميرسى اوى يامارينا
واه انا تعليم مفتوح

[Habiba 0]

fadi كتب:

شكرا ياامل
ممكن ياحبيبة تبدائي تزااكري الجراااامر

مش عارفه D:

و بعدين بجد حاسه اني مش فاهمه اي حاجه D :D:

[Habiba 0]

amal ahmed كتب:

انا كمان محتاسه ولسه مبدأتش بس ان شاء الله ابدأ وانزل محاضرات واشوف الاسطوانات ,, انتى هتحضرى ؟؟؟

اه ان شاء الله هحضر يا امل , انتي هتحضري ؟؟

انا لسه مش فاهمه حتي الجدول و كمان بيقولو ان طلاب تعليم مفتوح هيعملوا مظاهره بكره حد سمع عن الموضوع ده , بعد صلاه الجمعه

[aml ahmed 0]

لا مش هحضر ,,, انتى نزلتى الجدول من الموقع ولا لأ ؟؟؟

مسمعتش عن المظاهرة دى بس ياريت ياحبيبه تبقى انتى عنينا هناك يعنى تقوليلنا الاخبار اول باول ده رجاء مش امر وربنا يوفقك