النتيجة امتي ؟؟

[pink-girl 0]

هو انا ممكن احضر سنة اولي و لو جبت تقدير احول في سنة تانية كلية اداب E عادي يعني في جامعة حكومية ؟؟ و هل الشهادة اللي هاخدها من كلية اداب E نظام تعليم مفتوح مساوية لشهادة كلية اداب E الجامعة الحكومية ؟؟
و انا امتحنت تحريري امبارح النتيجة هتكون امتي ؟؟؟

و لكم جزيل الشكر

[الجوري11 0]

لا على فكرة ما ينفعش انك تحولي من تعليم مفتوح لتعليم عادي
ونتيجة التحريري باذن الله بكرة ممكن يغلطوا وتظهر النهاردة

[pink-girl 0]

شكرا طيب هل الشهادة اللي هاخدها من كلية اداب E نظام تعليم مفتوح مساوية لشهادة كلية اداب E الجامعة الحكومية ؟؟

[marina 0]

ايوة وموثقة وممكن كمان لو سافرت برة تروحى لوزراة الخارجية توثقها من هناك كمان علشان تستخدمها برة

[pink-girl 0]

شكرا مارينا الف شكر طمنتيني و ريحتيني

[Marsil 0]

يا جماعة نتيجة التحريري المنعقد يوم 1 اكتوبر لسة مظهرتش
والمفروض اننا نعرفها علشان الشفوي بتاع بكرة
عشان لو لاقدر الله النتيجة سلبية يبقا منروحش بكرة

[marina 0]

النتيجة النهاردة الساعة 5 مساءا متقلقيش بتظهر متاخرة

[Marsil 0]

ميرسي يا مارينا دايما تعباكي معايا ربنا يعوضك خير

[marina 0]

لا ابدا يا مارسيل تحت امرك فى اى حاجة وبالنجاح والتوفيق يارب

[marina 0]

النتيجة ظهرت الخاصة بالامتحان التحريرى يوم 1-10-2011

http://www.oucu.edu.eg/NewsDetails.aspx?NewNumber=1181&IsHomePage=1





مبروك لكل النجاحين

[marina 0]

مبروك يا حسام المصرى انت نجحت



مبروك يا احمد احمدى نجحت





مبروك للجميع

[marina 0]

مبروك النجاج يا مارسيل مبروك النجاح للجميع

[Marsil 0]

الله يبارك فيكي ميرسي يا مارينا
بس ياريت تعرفيني نظام الشفوي
ازاي يعني ممكن اسقط فيه وبكدة
ملتحقش بالكلية ولا ايه ؟

[marina 0]

بالنسبة لامتحان الشفوى فاسئلة عن اية رايك فى التعليم المفتوح ولية دخلتة ولية اختارت قسم انجليزى متجوز عندك اطفال بتشتغل واخد كلية قبل كدة ولالا هل الكمبيوتر والنت مهمين بتحب لما تخلص تشتغل مترجم او شايف لو مشتغلتيش فى مجال اللغة الانجليزية تشتغل فى اية



وفى زميلة هنا بالمنتدى امتحنت الامتحان الشفوى يوم 27-9 د وهى ذكرت الاسئلة اللى اتسالتها فى الشفوى وكانت كالاتى







وبالنسبة للشفوي فمش كله امتحان واحد انا سألت ناس دخلت امتحنت قالوا ان الدكتورة سألتهم عن احلامهم بيحلموا بأيه وسألتهم عاوزين تشتغلوا ايه وليش اخترتوا اداب انجليزي وهيك اشياء

انا لما دخلت لاقيت طاولة كبيرة قاعدين دكتورتين كل واحدة بطرف ودخلنا احنا 6 طلاب مع بعض رحنا لدكتورة قعدنا وسالتنا اول شي عن سنة التخرج واذا كنا بنشتغل ولا لا وبعدين سالتنا السؤال دا

if you found Aladdn's lamp and you rub it and the genie came out and you have only one wish what would you ask




وكانت اجابتها على السوال كالاتى







i don't really believe in magic and genies and if i want some thing i must do my best to reach it .
but if i must use this wish i'll ask him to make my country a better one



والسؤال الثاني ايه اكثر صفة بتكرهوها في الناس

وعامة متقلقيش اللى بينحج فى التحريرى بيبقى الشفوى تحصيل حاصل لكن متقلقيش واعمل اللى عليك وبالتوفيق ليكى

[Marsil 0]

معلشي سؤال تاني

هو امتحان الشفوي نتيجته بتطلع في نفس اليوم

وامتة اقدم اصول ورقي والمصروفات
ولازم المصروفات تتدفع دفعة واحدة

[marina 0]

لا مش بتطلع فى نفس اليوم هى ممكن تطلع يوم الاربع او الخميس لكن الموكد هى يوم الخميس وممكن تروحى تقدمى السبت



بالنسبة للمصروفات بيبقى فى على قسطين بس مش عارفة النظام الدفع ازاى انت وبتقدمى اساليهم حيقولولك نظام الدفع ازاى وممكن وانت بتمتحنى بكرة بعد الامتحان روحى الاستقبال واسالى نظام الدفع على قسط ازاى بحيث يوم السبت تكونى عارفة بالضبط حتعملى اية وبالتوفيق ان شاء الله

[pink-girl 0]

انا نجحت شكرا ليكي يا مارينا علي مساعدتك

[marina 0]

ا العفو يا pink ولا شكرا على واجب والف الف مبروك يا pink وبالنجاح والتوفيق لكى فى كل حاجة

[pink-girl 0]

يا رب معلش في سؤالين كمان هو في امتحان الشفوي الدكتور/الدكتورة بيسأل بالعربي ولا بالEnglish و المصاريف بتتدفع يوم امتحان الشفوي ولا امتي ؟؟

[marina 0]

لا بتسال بلانجليزى ومتقلقيش بتعيد السوال كذا مرة والامتحان الشفوى تحصيل حاصل لا المصاريف بتدفعها بعد ما تبان نتيجة الشفوى بتروح تسجلى وتدفعها وقت وممكن كام تقسطها انت ممكن بكرة لما تمتحنى روح الاستقبال واسالى بالضبط ازاى تسقط المبالغ والمبلغ كام والاوراق المطلوب اية علشا يوم السبت باذن اللة تعرف اية المفروض يكون معاكى من الورق

[pink-girl 0]

شكرا جزيلا و يا رب النجاح الدائم لينا كلنا

[marina 0]

العفو ومفيش شكرا على واجب ويارب بالنجاح والتوفيق للكل

[Gina 0]

Marsil كتب:

معلشي سؤال تاني

هو امتحان الشفوي نتيجته بتطلع في نفس اليوم

وامتة اقدم اصول ورقي والمصروفات
ولازم المصروفات تتدفع دفعة واحدة

مارسيل الدفع بيبقى على مرتين زى ما مارينا قالت

لازم تدفعى على الاقل مادتين فى القسط الاول وباقى المواد فى القسط التانى بشرط ان يكون القسط التانى ده قبل ما ينتهى معاد التقديم المحدد اللى هو لغاية دلوقتى 17/11 والماده ب130 جنيه لو مكانوش غيروها



وبالنجاح ليكى ولكل اللى هيمتحنوا معاكى بكره

[marina 0]

للعلم هم رخصوا المواد بقيت ب90 جنية

[Gina 0]

بعد ما النتيجه تظهر رسمى على النت بتروحى الجامعه ومعاكى ورقك كله شهادة الثانويه او الدبلوم وشهادة الميلاد والصور بتاعتك ولو حد معاه شهاده معهد او كليه او اى حاجه تانيه بعد الثانويه مش يسلمهلهم ولا يكتبها فى استمارة الإلتحاق لانهم مش بيعتبروها شهاده فخليها معاكى احسن يمكن تنفعك فى شغل



واتاكدى برضه بكره وانتى هناك من الاستعلامات (هيفيدوكى اوى بجد)

[Gina 0]

marina كتب:

للعلم هم رخصوا المواد بقيت ب90 جنية

اييييييييييييييييه انتى متاكده يا مارينا من كده؟؟؟؟؟؟؟؟؟؟!!!!!!!!!!!!!!!!!!!! بامانه؟؟!!!!!!!!! طب عرفتى ازاااااااااااااااااااااى؟؟؟؟؟؟؟؟؟!!!!!!!!!!!!!!!!!!

[marina 0]

لان انا دفع الترم اللى فات كدة فاكرة ان المادة متخطتيش 100 جنية

[Gina 0]

نعم؟؟؟!!! هو اللى بيتدفع الترم الاول غير اللى بيتدفع الترم التانى؟؟؟انا دفعت 130 فى الماده جنيه الترم اللى فات

[marina 0]

ازاى اذا كان اصلا المادة ب120 و20 جنية رسوم امتحان يبقى كلها ب140 وهم رخصوها 30جنية بقيت المادة ب90 بالاضافة لرسوم الامتحان 20 يبقى بتدفع المادة الوحدة برسوم الامتحان 110



للعلم صح انتى بتدفعى الكارنية مرة واحدة فى الترم الاول بس اعتقد 200 جنية

[mostafa_mohamed 0]

انا دافع الترم اللي فات المادة برسوم الامتحان 130 جنية

والترم البيني بيكون ب 200 جنية

حد يعرف نظام دفع المصاريف علي مرتين ده اية قسط يعني

[Gina 0]

mostafa_mohamed كتب:

انا دافع الترم اللي فات المادة برسوم الامتحان 130 جنية

والترم البيني بيكون ب 200 جنية

حد يعرف نظام دفع المصاريف علي مرتين ده اية قسط يعني

لدفع بيبقى على مرتين زى ما مارينا قالت

لازم
تدفع على الاقل مادتين فى القسط الاول وباقى المواد فى القسط التانى بشرط
ان يكون القسط التانى ده قبل ما ينتهى معاد التقديم المحدد اللى هو لغاية
دلوقتى 17/11 والماده ب130 جنيه لو مكانوش غيروها

[Gina 0]

marina كتب:

ازاى اذا كان اصلا المادة ب120 و20 جنية رسوم امتحان يبقى كلها ب140 وهم رخصوها 30جنية بقيت المادة ب90 بالاضافة لرسوم الامتحان 20 يبقى بتدفع المادة الوحدة برسوم الامتحان 110



للعلم صح انتى بتدفعى الكارنية مرة واحدة فى الترم الاول بس اعتقد 200 جنية

يا مارينا بصى
انا دفعت فى الاول 50جنيه علشان الامتحان والانترفيو. أوكى؟
وبعدين دفعت على مرتين مره منهم دفعت لمدتين 260 جنيه ، والمره التانيه دفعت 360 جنيه (على اعتبار ان الماده ب130) فهمانى؟ وكان معايا واحده صحبتى قدمت فى تجاره وبرضه دفعت كده

وبعدين رسوم الكارنيه دى حاجه تانيه لوحدها مش فاكره كانت كام

ارجو بس التوضيح علشان اكون فاهمه ايه اللى بيحصل