نماذج امتحانات عن المقابلات الشخصية في كلية الاداب قسم الترجمة

[احمد احمدي 0]

ياجماعة اي حد راح المقابلة يقول السؤال اللي جاله سواء في التحريري او الشفوي حتي يستفيد الجميع واظن ان ده اقتراح جميييييييييل

[الجوري11 0]

فعلا اقتراح جميل جدا ويكون مرجع للي يقدم بعد كده سواء في التيرم ده او التيرمات اللي بعد كده

[احمد احمدي 0]

شكرا يا جوري علي مرورك وكلامك صح ميه الميه

[ahmed abdrabou 0]

السؤال الاول كان عبارة عن قطعة ترجمة من انجليزى الى عربى عبارة عن العمل خلال فترة الدراسة وفائدته ان كان فى مجال الدراسة وفوائدة المادية وفوائدة فى ممارسة الانشطة الجامعية والسؤال الاخر براجراف عن صناعة الافلام والبرامج التليفزيونية وكونها صورة للمجتمع الذى نعيش فية تكلم فى حدود 5 اسطر طبعا دة ملخص مش بالتفصيل

[احمد احمدي 0]

معلش يا جماعة هسافر بكرا عشان المقابلة وهتابعكم من الموبايل بس للاسف مفيش ردود من الموبايل هتابعكم مشاهدة فقط وارجو كل من امتحن ان يعطينا من وقته 5دقايق ليكتب لنا ماذا جاء له في المقابلة

[marina 0]

فكرة حلوة وبالتوفيق للجميع فى امتحانتهم انا اتقدمت السنة اللى فاتت وكانت الترجمة عن فوائد الانترنت واكتب 5 جمل عن شخصية مشهورة اثرت فى المجتمع باعمالة

[aml ahmed 0]

الامتحان التحريرى ليوم السبت 1\10 كان
براجراف عن شخصيه فالماضى او الحاضر تحب انك تعيش معاها لمده سنه مين ؟ ولماذا ؟

الترجمه كانت عن الهوايات وكانت سهله بطريقه اوفر

الامتحان الشفوى ليوم 4\10 كان

سؤالين why do you choose english ??

do you think the egyptian's revolution was successful ??

اهم حاجه الثقه ومحدش له دعوة باللى قاعدين معاه انا كنت اخر مجموعه امتحنت وكنا 10 مع بعض

[الشيخ عادل يونس 0]

نمازج امتحان القبول بكلية دار العلوم

[marina 0]

ادخل على الرابط دا حتلاقى نماذج امتحانات لدارعلوم





/t1418-topic

[dina shoaip 0]

انا تابعت اخباركواكلها بس للاسف لقيت اصدقاء كتير بيقولوا ان الامتحان صعب مش سهل زي ما انتوا قولتوا وانا خايفة اوي لاني حولت من 3 كليات وخايفة ماانجحش في الامتحان التحريري والشفوي ومدخلش الكلية ومش هيبقي فيه اي كلية تانية ادخلها.ارجوكوا فيدوني

[واحد وخلاص 0]

على فكرة انا لسة مقدم السنة دى وقبل التحريرى والشفوى كنت مضطرب زيك كدا ولا جمعة الشوان وهو رايح يقعد على جهاز كشف الكدب فى تل ابيب

بس اكتشفت فى الاخر ان الامتحان سهل جدا فى مستوى الطالب المتوسط .. الهدف بس يعرف انتى بتعرفى انجليش فعلا ولا لا

التحريرى هيسيبك تكتبى 5 اسطر بالانجليش عن موضوع معين هو هيحددهولك وبكلمات سهلة وبسيطة .. + هيديكى قطعة انجليش تترجميها للعربى

مفردات سهلة وحتى لو معرفتيش كلمة ولا كلمتين ( ودا صعب يحصل ) خمنيهم وهتنجحى بردو

اما بقى الشفوى انا الدكتورة يدوب سالتنى
what can you tell me about yourself?

بيكون سؤال سهل ومطلوب تجاوب فى جمل سهلة وبسيطة وتعرف تكون جملة صح ان شا الله تقولها انك سيد ابو حفيظة .. المهم تكون الجملة صح ..

ومنجيلكمش فى حاجة وحشة ان شاء الله ..

[dina shoaip 0]

طيب جالك ايه في البراجراف مش مهم الترجمة لانها بتكون سهلة معايا انشاء الله اهم حاجةعندي البراجراف وارجوك طمني بسرعة[/url]

[marina 0]

ممكن يجى الباجراف اكتبى عن شخصية عامة او هل برامج التليفزيون الحالية بتعبر عن اراء او احوال المواطنين او عن استخدام الكمبيوتر او النت

[marina 0]

اهم حاجة احفظى كلمات وذاكرى الازامنة

[واحد وخلاص 0]

البراجراف كان موضوع سهل جدا ملخصه بيقول : اذا كنت تتمنى ترجع بالزمن لورا وتكون اصغر شوية اى سن تحب تكون فيه وليه وهتعمل ايه فى السن دا ؟؟

بس صدقينى اى موضوع هيجيلك هتلاقيه سهل .. المهم انك تكتبى جمل الجرامر بتاعها يكون مظبوط وتصريفات الافعال تكون على قد ما تقدرى صح ..

بالتوفيق ان شاء الله

[dina shoaip 0]

شكرا ليكي يا مارينا انا عرفت منك اللي هذاكره بس الخوف مش راضي يروح من عندي

[dina shoaip 0]

شكرا جدا ليك ياواحد وخلاص

[marina 0]

الخوف لحد معين كويس لكن متسبيوهيش يتغلب عليكى ذاكرى واعملى اللى عليك واتكلى على الله وبالتوفيق

[ahmed11432 0]

انا دخلت التحريرى وكان متوسط المستوى والحمد لله نجحت , والشفوى برده كان فى المتوسط وجاوبت والحمد لله برده وانا بانتظار النتيجة النهائية وان شاء الله انا واثق بنسبة 98% من النجاح ..... اهم حاجة الاستعانه بالله ثم الثقه بالنفس والتركيز وان شاء الله خير

[marina 0]

للعلم الشفوى ظهر انت عملت اية فى الشفوى يا احمد

[نهى فهمي 0]

فعلا اهم حاجة ثقتك بالله ثم في نفسك وتجاهل تماما الناس اللي حواليك في الانترفيو مش اهانة ليهم لاسمح الله بس عشان تقدر تركز مع نفسك

[RФMaйt!c_QuêN 0]

ربنا معاكم يارب ويوفقكم

[محمد عبدالوهاب (هوبا ) 0]

انا خايف ومرعوب جدا من الامتحانات الشفوى والتحريرى ومش عارف اعمل ايه 

[ام بسام 0]

اناعضوة جديدة واول مرة هاورح امتحان المقابلة هل الاسلئة كما هى ام تغيرت

 

[ahmed gamal rady 0]

انا رايح الثلاثاء ومش عارف اية حاجة يا ريت يقولي اذاكر ايه بالظبط

[بهاء الدين 0]

فى نفس اليوم بتاعى التلات برضه :D

[ahmed gamal rady 0]

انت من فين يا بهاء

[بهاء الدين 0]

انا من العاشر من رمضان

[grave waves 0]

لو سمحتوا انا كنت امتحنت يوم التلات اللي فات وبشوف نتيجة المقابلات بيقوللي لم يسجل بعد مع إن الأرقام اللي قبلي واللي بعدي موجودة. هو أنا كدة مش اتقبلت . بليز حد يرد عليا

[الاميره سيندريلا 0]

grave waves
ممكن تعرفينى إيه الاسئله إل جتلك شفوى وتحريري
انا عندي مقابله وجايه من محافظه تانيه

[grave waves 0]

مش امتحنا شفوي. والتحريري كان عبارة عن ترجمة واحد من عربي لإنجلش وواحد من إنجلش لعربي. وموضوعين بتختاري منهم موضوع تكتبي فيه.

[grave waves 0]

بصي وادخلي ع اللينك ده. فيه الامتحان اللي جالنا.
/t13539-topic

[الاميره سيندريلا 0]

شكراgrave wavesلكن ترجمه بتكون رخمه المفروض يكون الامتحان اسهل شويه لاننا مش بروفيشنال احنا داخلين نتعلم ونعرف بدائيات اللغه
المهم أي حد ترم اول يدخل يعرفنا كان الانترفيو كانت اسئلته إيه وعمل إيه
انا ميعادى يوم السبت الجاي دعواتكم لينا ربنا يفتح بصيرتنا ونعدي

[hanona 0]

الاميره سيندريلا كتب:

شكراgrave wavesلكن ترجمه بتكون رخمه المفروض يكون الامتحان اسهل شويه لاننا مش بروفيشنال احنا داخلين نتعلم ونعرف بدائيات اللغه
المهم أي حد ترم اول يدخل يعرفنا كان الانترفيو كانت اسئلته إيه وعمل إيه
انا ميعادى يوم السبت الجاي دعواتكم لينا ربنا يفتح بصيرتنا ونعدي

انا كمان عندى مقابله بكره فى جامعه القاهره ياسيندريلا كلمينى خاص طيب يمكن نفدر نفيد ببعض

[الاميره سيندريلا 0]

أنا مش عارفه اكلمك خاص إزاي أنا جديده فالمنتدي
منتظره النتيحة ماحدش عارف هتطلع إمتي

[الاميره سيندريلا 0]

إل امتحن الانترفيو قبل كده نتيجته ظهرت بعد أد إيه عشان بالمركز قالوا بعد يومين وللوقت ماظهرت

[ahmed22216 0]

هو النجاح بيبقي من 50%ولا ليها نسبه يا ريت اجابه بسرعه عشان امتحاني كمان يومين :D

[mor 0]

ahmed22216 كتب:

هو النجاح بيبقي من 50%ولا ليها نسبه يا ريت اجابه بسرعه عشان امتحاني كمان يومين :D

نعم النجاح من 50 % 

وبالتوفيق والنجاح ان شاء الله 

[ahmed22216 0]

شكرا علي الرد انا امتحاني كمان 3ساعات واجابتك حقيقي ادتني امل :D

[ahmed22216 0]

الحمد لله نجحت والامتحان كان كويس وربنا يوفق الجميع

[بهاء الدين 0]

أحمد انت سجلت ولا لسا ؟

[koky de ana 0]

ممكن حد ينزلي امتحانات المقابلات الشخصيه للسنين الماضيه لو عنده

[mor 0]

koky de ana كتب:

ممكن حد ينزلي امتحانات المقابلات الشخصيه للسنين الماضيه لو عنده

الروابط بها موضوعات المقابلة الشخصية 

/t13539-topic?highlight=%C7%E3%CA%CD%C7%E4+%C7%E1%E3%DE%C7%C8%E1%C9

/t6619-topic

مع اطيب التمنيات 

[Hard Day 0]

اول تعليق - والرعب اللى وصل للركب من نقطة ان لو لاقدر الله فشلت فى الامتحان مش هقدر ادخل الكليه -_-

[meyaabdalla 0]

معلش يا جماعة استفسار هو فعلا الامتحانات بقت اصعب من الينكات اللي انتو حاطنها فوق لانهم مدو ميعاد التسجيل لاخر 11 وانا بعد مكنت متحمسة جدا خفت بعد مشفت امتحان 2014 وثقتي اتهزت رغم اني اللغة عندي كويسة الحمد لله

[mor 0]

meyaabdalla كتب:

معلش يا جماعة استفسار هو فعلا الامتحانات بقت اصعب من الينكات اللي انتو حاطنها فوق لانهم مدو ميعاد التسجيل لاخر 11 وانا بعد مكنت متحمسة جدا خفت بعد مشفت امتحان 2014 وثقتي اتهزت رغم اني اللغة عندي كويسة الحمد لله

خلي ثقتك بالله اكبر ، توكلي على الله ، وربنا يسهلك الصعب ،

بالتوفيق ان شاء الله .

[meyaabdalla 0]

شكرا علي تشجيعك انا الحمد لله قبلت و سجلت و شكرا علي المجهود الرائع اللي عالمنتدي فعلا افادني كتييييييييييييير

[mor 0]

meyaabdalla كتب:

شكرا علي تشجيعك انا الحمد لله قبلت و سجلت و شكرا علي المجهود الرائع اللي عالمنتدي فعلا افادني كتييييييييييييير

الشكر لله ، بالتوفيق والنجاح ان شاء الله ...