يا تلحقونى يا متلحقونيش ارجو المساعده ضرورىىىىىىىى

[هيلين 0]

السلام عليكم ورحمه الله وبركاته

انا يا جماعه طالبه ثانويه عامه السنه دى وجتلى بطاقه الترشيح اداب اسكندريه وانا اصلا من اسكندريه وعيزه احول اداب تعليم مفتوح جامعه القاهره وانا كتبتها ضمن الرغبات عشان ادخل قسم انجليزى الى انا مجبتش مجموعه فى اداب اسكندريه

المشكله انى مش عارفه اعمل ايه واروح فين عشان احول

روحت مكتب التنسيق فى الاسكندريه قالوا روحى القاهره رحت القاهره قالوا تعالى بعد العيد

دلقوتى انا اروح فين عشان احول واتوجه الى اى مكتب فى جامعه القاهره

فيدونى بسرعه عشان التحويل حينتهى 15 سبتمبر

ارجوكم بسرعه عشان دا انا لسا حنزل القاهره

[Gina 0]

اهلا بيكى هيلين,
انتى ممكن تكلميهم فى التليفون بدل ما تيجى المشوار على الفاضى وهما فى التليفون مفيدين بصراحه. وشوفيهم هيقولولك ايه ممكن يقولولك تعالى قدمى مع تقديم الناس الجدد وممكن يكون ليكى وضع مختلف بما انك طالبة ثانويه عامه كلميهم وهما اللى هيفدوكى وده لينك ارقام تليفوناتهم
http://www.ou.cu.edu.eg/NewsDetails.aspx?NewNumber=137
بس خللى بالك هما بيبقوا اجازه جمعه وسبت وبيخلصوا الساعه 6 مساءاً

وبالتوفيق ان شاء الله يا سكره

[marina 0]

اهلا بيكى يا هيلن ياريتك فعلا زى ما قالت لكى جينا تتصلى بيهم لان حيفتح باب القبول والتقديم لكل اقسام كليات التعليم المفتوح يوم 15-9 وازاى مارضيشوا عليك فى التليفون يبقى امرك للة تيجى القاهرة او اى حد من اهلك علشان تعرفى تحاولى قبل ما الميعاد يروح وبالتوفيق ان شاء اللة

[هيلين 0]

marina كتب:

اهلا بيكى يا هيلن ياريتك فعلا زى ما قالت لكى جينا تتصلى بيهم لان حيفتح باب القبول والتقديم لكل اقسام كليات التعليم المفتوح يوم 15-9 وازاى مارضيشوا عليك فى التليفون يبقى امرك للة تيجى القاهرة او اى حد من اهلك علشان تعرفى تحاولى قبل ما الميعاد يروح وبالتوفيق ان شاء اللة

شكرا ليكى مارينا انتى وجينا

بس فى حاجه مش فهماها انا اروح بكره القاهره اعمل طلب تحويل للجامعه المفتوحه ولا لا

وانا مش فا همه قصدك انتى قصدك ان باب التقدم للتعليم المفتوح حيفتح يوم 15 سبتمبر ولا انتى قصدك ايه ؟

اصل اخر معاد بالنسبه ليا للتقديم فى الجامعه العاديه يوم 15 سبتمبر

وانا لو مقدمتش فى اى جامعه منهم حتروح عليا السنه

[marina 0]

ايوة باب التقديم حيفتح فى التعليم المفتوح يوم 15 -9 بس معنى كدة انهم من دلوقتى بيقبلوا التحويل فلحقى علشان الوقت ما يضعيش عليك

[هيلين 0]

marina كتب:

ايوة باب التقديم حيفتح فى التعليم المفتوح يوم 15 -9 بس معنى كدة انهم من دلوقتى بيقبلوا التحويل فلحقى علشان الوقت ما يضعيش عليك

شكرا ليكى بجد

[Honey Bunny 0]

السلام عليكم
اولا كل سنة وكلكم بخير
ثانيا بخصوص موضوع التحويل يا هيلين نظرا لسنك المفروض تصرفي نظر نهائيا عن التعليم المفتوح لان الوضع هيكون صادم جدا ليكي ده اساسا معمول لناس اكبر منك سنا وغير متفرغين وانتي المفروض تعيشي حياة جامعية طبيعية ثانيا لازم تعرفي انه الجزء الاكبر من العملية التعليمية يقع عليكي يعني هتبقي استاذة نفسك وجزء التقييم والتوجيه صح / غلط مش موجود الا اذا واظبتي ع الحضور حتي دي كمان غير مضمونة فالافضل تروحي كليتك بدون تحويل ودي نصيحة لله!