ياريت حد يفيدنى انا محتارة

[gege1 0]

انا سجلت معاكم عشان محتاجة رد بسرعة انا جاتلى تجارة جامعة مفتوحة وكل الناس بتخوفنى منها وبتقول ان التعليم المفتوح غير معترف بيه انا عقلى راح منى ومش عارفة اعمل ايه.



كمان انا لو قدرت اجيب تقديرات ونجحت هقدر انى اكون زى اللى فى الجامعة اللى ممكن يبقى معيد هل انا كمان ممكن ابقى معيدة

افيدونى ارجوكم ........ وشكرا

[somya 0]

مظنش ان في معيدين



معرفش والله

بس الي اعرفه ان التعليم المفتوح بقى زي الباقي عادي

[marina 0]

ممكن فعلا تبقى معيدة وهم الاتجاة من السنة دا يعينوا دكاترة خريجين تعليم مفتوح والتجارة تعليم مفتوح هى هى ومعترف بيها من قبل التعليم العالى وهم السنة دا فتحوا الدراسات العليا دا غير انك لو جبيت تقديرات بيخصم من المصاريف كمكافاة للتفوق

[om_maram 0]

بصى موضوع المعيد دا تنسيه خالص لازم تعملى ماجستير و احتمال تتعينى بعد الماجستير
اما موضوع معترف او غير معترف فدا فى الوظائف الحكومية فقط و ليس فى الشركات و المصانع ... يعنى مثلا لو مصنع او شركة و متقدمه له واحد خريج كلية نظامية و انتى تعليم مفتوح فاكيد هيختار بتاع الكلية النظامية

[gege1 0]

شكرا لردودكم افادكم الله لكن مازال هناك تخوف اعلم ان المستقبل بيد الله ولكن حينما تجد طموحاتك فجاءة على شفير الهاوية تجد نفسك تائها ودنيتنا مش ناقصة توهة.



محاضرات الجامعة المفتوحة ليها مكان خاص بيها ولا بنحضر فى جامعة القاهرة عادى .

سؤال اخر ومهم هل الحضور فى الجامعة والاهتمام بالمحاضرات كافية للوصول الى تقديرات ام انه يجب اخذ دروس او الحضور فى مراكز خاصة للوصول الى الحصول على تقديرات وهل الكتب والاسطوانات كافية ام انه هناك ملخصات ومساعدات من قبل الجامعة او المراكز الخاصة

ارجو الافادة واعتذر عن الاطالة وشكراااااا....

[marina 0]

حضور المحاضرات مع الاستماع لاسطوانات كافى جدا وبصراحة تعتمد على مذاكرتك واستعابك





فى الجامعة بتقدم دروس تقوية كمان والمركز بيبع محاضرات وتطبيقات مكتوبة بسعر رمزى وكمان دا بتبقى موجودة فى صفحتك الدراسية والمحاضرات يوم 1 فى الاسبوع الجمعة فقط



وكل كلية لها من تعليم المفتوح لها مبنى خاص بيها فى مركز التعليم المفتوح ولة مدرج الخاصة بالقسم بيها وهم منظمين الحكاية دا فلا تعارض خالص كل واحد بيقى عارف محاضرات فى اى مدرج بالتاكيد الحضور مهم بس دا بيعتمد على الدكتور يعنى فى دكاترة عدم الحضور لهم افيد لانهم مش بيشرحوا وفى دكاترة بريضة الحضور مش مهم لان الشرح اللى فى السى دى هو هو اللى فى المحاضرة وفى دكاترة مهما حضرت مش حتفهمى منهم عامة وهنا كل اللى بيحضر محاضرات بيكتب اية المهم فى المنتدى واللى خدوة بالضبط فبصراحة عدم الحضور انا بعتبرة مش مهم لانى من الترم دا انا مش حاحضر محاضرات خالص

[سيد طه 0]

السلام عليكم ورحمه الله وبركاته
انا كنت زيك بظبط وناس كتير خوفينى بس انا سالت ناس فى التعليم المفتوح وطمنونى كتير
وان شاء الله هقدم يوم 15-9