لغتنا الجميلة

[somya 0]

في ناس كتييييييير لما بتتكلم عشان تبين نفسها في مستوى راقي اجتماعيا بتقعد تتكلم عربي عادي وتدخلك كلمتين تلاتة انجليزي او اي لغة في الموضوع

اولا
ليه بنستئل العربي كلغة بالعكس دي اكتر لغة غنية بالكلمات واكتر لغة مضبوطة على عكس الانجليزي الي مفهوش مذكر من مؤنث

ثانيا
الي بيتكلم كدة
يا اما معقد نفسيا وعاوز يتفاخر عشان حاسس بالنقص من الي حوليه

يا اما هو كدة فعلا مش مهتم باللغة الي ربنا اختارها دونن عن باقي اللغات


ثالثا
ودة الاهم
لغتنا هي احنا
اللغة يعني الثقافة
والثقافة يعني الفكر
والفكر من العقل
والعقل في الانسان
فلو اللغة باظت
الانسان هيضيع



كتب بواسطة / سومة الحلوة

[marina 0]

بس يا سومة المجتمع كلة دلوقت دخلت فية كلمات من اللغة الانجليزية نتجة لاختراعات الحديثة ولا يوجد مقابلها فى العربية وحتى لما يوجد بتبقى تقيلة حتى الانجليزية نفسها خدت كلمات من لغات اخرى انا بحس ان لما اللغات بتاخد من بعضها دا ثقل وغنى لانها بتبقى مرنة انها تتقبل كلمات من خارجها وفى ناس اللغة بتاعتهم عربية لكان الثقافة مش عربية كل بلد عربى لها نوع وطعم فى الثقافة مختلفة حتى فى التكلم باللغة العربية سواء عامى او فصحى وحاليا كلة متجة ان يعلم ولادة فى مدارس اجنبية حيبقى اطلاعهم اكتر على الثقافة الغربية ودا لان احنا كلنا حتى افلام الاطفال بناخدها من الانجليز والامريكان ولاسف انتاجنا الثقافى بقى قليل عكس ايام الستينات والخمسينات احنا كل انتاجها الان متجة للتحريم وحتى انتاج كبار الكتاب بقى دلوقتى فى دعوة لتحريمهم لان انتاجهم يبعث على الرزيلة من غير حتى ما نقرا انتاجهم اذن لابد ان كلمات غربية تدخل ضمن اللغة العربية لان الثقافة العربية فى تراجع مستمر والسبب احنا لان جعلنا قلة من المجتمع جهلة بتحط نفسها قيمية على تفكرنا وتحرم كل حاجةربنا يسترها على مصر فى الايام الجاية ومنرجعيش لورا اكتر ما احنا راجعين

[somya 0]

رأيك يحترم بردو يا مارينا يا حبيبتي

[Hamdy Tawfik-manar9 0]

فيه ناس بتعملها من باب الوجاهه الاجتماعية علشان يبان واد او بنت ستايل يعني

ودول الاغلبية

وفيه ناس فعلا بيبقا غصب عنه بحكم طبيعة عمله او اختلاطه باجانب

بس دول اقلية


والمفروض طبعا اننا نكون فخوريين بلغتنا وحريصين علي الكلام بيها

[somya 0]

صح لسانك يا استاذ