213- مقال ( E ) - التيرم الثالث 2012 م

[أمجد1 0]

تعالى كدة نشوف اول سؤال

(1)
The child put his head on the pillow
The child fell asleep

تلاحظ ايه في الجملتين دول يا عسل؟؟
ايه الكلمة المتشابهتين في الجملتين دول؟؟

The child

شوف لو جه سؤال زي كدة فيه كلمتين زي بعض عشان تضمن الدرجة هاديك اسهل طريقة تحله بيها

تعالى كدة نترجم الجملتين الاول....

الطفل وضع رأسه على الوسادة
الطفل راح في النوم

ولما نلون الكلمات بالألوان عشان نعرف فين الفاعل من الفعل

الطفل وضع رأسه على الوسادة
الطفل راح في النوم

تلاحظ انهي كلمتين متشابهتين هنا؟
بردو كلمة الطفل

بص يا عسل
هانمسح كلمة الطفل من الجملة التانية
لما تسمحها شكل الجملتين هايبقى كدة

الطفل وضع رأسه على الوسادة
راح في النوم


وهانكتب الذي بعد اول كلمة (فاعل) ونكمل بقيت الكلام كله
الطفل الذي

وضع رأسه على الوسادة راح في النوم

The child who

The child who put his head on the pillow fell asleep

أمانة عليك فهمتها؟؟؟


احنا ممكن نقول بردوا بالمصري كدة

ماسافت ما الطفل حط راسه على الوسادة (المخدة) راح في النوم
ماسافت يعني ايه بالللغة العربي؟
يعني ( عندما )
بالانجليزي ( When )

يبقى خلينا نقولها كدة
عندما الطفل وضع رأسه على الوسادة , هو راح في النوم

When the child put his head on the pillow , he fell asleep

وخلي بالك يا جميل.....

احنا بدأنا الجملة بكلمة When صح؟؟؟
وقلنا ان لو بدأت الجملة نحط كوما صح؟
نحطها فين؟
قبل الفاعل التاني صح؟؟؟

الفاعل التاني فين؟
هو he اللي هو the child
وعلى فكرة علشان هو متكرر مرتين انت هاتستغرب اني كتبت هو ماكتبتش الطفل ااااه لييييه بقى

علشان لو قلناها كدة بالعربي الدكتورة ممكن تحسبها غلط

عندما الطفل وضع رأسه على الوسادة , الطفل راح في النوم؟؟
When the child put his head on the pillow , the child fell asleep
ايه رأيك هي كدة لايقه؟؟؟


فاحنا لو لقينا في الجملة نفس الفاعل دة متكرر مرتين بنفس الاسم يبقى التاني هانشيله ونكتب بداله الضمير اللي بيعود عليه

طيب هي ايه الضمائر؟؟؟

هو للمذكر.. He
هي للمؤنث She
هما للمثنى المذكر They
وهن للمثنى المؤنث They
وعلشان هما دي بالانجليزي تاخد معنى واحد للممذكر والمؤنث
هم لجمع المذكر والمؤنث They

ولاحظ في الجملة اللي فاتت الطفل دة مذكر صح؟؟؟
يبقى نعوض عنه باي ضمير؟؟
هو he
شفت بقى ازاي حطيت he بدل the child

[yascro 0]

تمام فهمتها عشان الطفل هو هو اللى وضع رأسة على الوسادة وهو اللى نام
فمعنى كلام حضرتك يعنى ملهاش لازمة نكرر
The child

[yascro 0]

بس ليه استخدمنا كلمة who ؟؟
لو مكتبتش who تبقى الجملة غلط ؟ واشمعنى who ؟

[أمجد1 0]

كمل بقيت الرد بتاعي اللي فات انا عدلته شوية.....
هاتفهم اكتر...

[أمجد1 0]

ماهي who يا عسل بتقابل كلمة الذي في اللغة العربية

فاحنا لو ماقلناش who بالتالي مش هانقول الذي اللي بتقابلها
فاهنقول الجملة كدة

الطفل وضع رأسه على الوسادة راح في النوم
ماتجيش لو دققت فيها

فاحنا استخدمنا who علشان دي يمعنى الذي للعاقل
انما which بردو بمعنى الذي بس لغير العاقل
لغير العاقل زي مثلا كرة سيارة منزل اي حاجة جماد

[yascro 0]

كده تمام اوى 10 / 10
معاك

[yascro 0]

الشرح ده أصلى

[yascro 0]

معاااااااك

[أمجد1 0]

خلي بالك يا جميل....

القاعدة دي بالذات هي الوحيدة اللي مالهاش حل ثابت
وكل طالب وطالبة هايكون ليها رأي وحل غير التاني....
فالحل هايكون صح مادام بيدي معنى لايق مع مراعاة التراقيم اللي انا قلتلك عليها في القاعدة اللي فاتت زي نحط كوما قبل الفاعل التاني لو بدأنا الجملة بكلمة من الكلمات اللي حطيتهم في القاعدة اللي فاتت....

عشان تعرف ان القاعدة دي بتتحل بالمعنى مش بالتركيب الجرامري
وانا نفسي خايف منها شوية في الامتحان بس ان شاء الله يجيبه سهل

لو قلنا امثلة مثلا

الدنيا مطرت اوك؟؟؟
بصيت ادامك لقيت عربية شغلت المساحات اللي ادام وبتمسح الازاز بتاع العربية

يبقى تقول الجملة دي ازاي يا عسل؟؟؟
ايه اللي حصل قبل التاني؟؟؟

يبقى دة نوع........

بتحل السؤال باستخدام كلمات الوقت
When عندما
Before قبل
After بعد

المطرة مطرت الاول ولا الراجل شغل مساحات العربية الاول؟؟؟
ايه رأيك؟؟

يعني نقول....
عندما المطر هطل , الرجل مسح زجاج السيارة

ولا

عندما الرجل مسح زجاج السيارة , المطر هطل


انت عارف ليه انا كتبت الفاعل قبل الفعل؟؟
عشان مالغبطكش عشان نمشي على نفس الترتيب ولما نيجي نكتبها بالانجليزي هايبقى نفس الترتيب والفاعل قبل الفعل عشان اسهلها

[yascro 0]

كلام حضرتك واضح

[أمجد1 0]

وممكن نستخدم قبل وبعد....

نقول

قبل ما المطر هطل , الرجل مسح زجاج السيارة

ولا

بعد ما المطر هطل , الرجل مسح زجاج السيارة

يبقى احنا يا عسل.....

نجرب اول مرة كلمة قبل ونشوف لايقة في السياق ولا لا.. لو مالقتش اوعى تعكس الجملتين بنفس الكلمةة ( قبل ) عشان دي ممكن تلغبطك

تاني مرة جرب كلمة بعد بدل قبل وشوف لايقة ولا لا

[أمجد1 0]

علشان كدة لو تلاحظ المحاضرات اللي انا رفعتها في شرح القاعدة دي انا حاطط صورة على الجملتين علشان احاول اوصل للمعنى بالفهم اشوف ايه اللي حصل الاول وايه اللي حصل التاني
او اشوف ايه سبب اللي حصل....

[yascro 0]

مفهوم

[yascro 0]

كلام جميل ومميز

[yascro 0]

ايه تانى ممكن اركز عليه معلش انا عارف انى سهرتك

[أمجد1 0]

طيب بص
القاعدة دي معناها انك تكون جملةة واحدة فقط من نوع Independent Clause

خلي بالك ان who دي لو جت في الجملة تبقى الجملة Dependent Clause

نشوف تاني جملة جت في الامتحان

(2)
Frank's father was a shoe repairman
Frank's father died when he was young

بردو نلاحظ ان الفاعل متكرر مرتين
بص يا عسل
لو لقيت الجملة الفاعل فيها مالك وظيفة هانستخدم الطريقة بتاعت الفريس
وفعلا الفاعل في الجملة هنا وظيفته مصلح احذية
ايه رأيك؟؟؟؟

فاحنا هانعملها كدة
هانشيل الفعل في الجملة اللي فيها الوظيفة
فين الجملة اللي فيها الوظيفة؟؟؟

Frank's father was a shoe repairman

حلو...

طيب فين الفعل؟؟
was
لما نشيله الجملة هاتبقى كدة
Frank's father a shoe repairman

بس هانعمل حاجة بسيطة
لما شيلنا الفعل
هانحط كوما بعد الفاعل علطول
, Frank's father

وكوما تانية بعد الكلمة اللي بعد الفاعل دة

, a shoe repairman

هاتبقى كدة
, Frank's father ,a shoe repairman

وبعدين هانكتب الجملة التانية
وهي لو تلاحظ Dependent Clause ليه؟
علشان فيها كلمة When

a shoe repairman

هاتبقى كدة
Frank's father ,a shoe repairman , died when he was young

وخلي بالك ماتكررش الفاعل الاول تاني لو استخدمت الطريقة دي

[yascro 0]

حلللللللوة وفهمتها , شرحك جامد

[أمجد1 0]

لا دة انا كل يوم سهرران

الامر عادي يعني

ولو هاسهر عشان اتعب عشانك انت عليك امتحان....

[yascro 0]

يا باشا انا لازم اشوفك فى الجامعة واشكرك يا ريت قبل ما تقفل تبعتلى رقم موبايل حضرتك

[أمجد1 0]

طيب حلو...
بس انت بيني....
ممكن تفهمني البيني دة عبارة عن ايه؟
انت كنت شايل المادة دي؟؟
ولا دي بتمتحنها عشان كنت غايب عن الامتحان؟؟

وانت في جامعة القاهرة؟

[yascro 0]

حضرتك الترم البينى ده عبارة عن لو الواحد عندة مواد متأخرة ممكن يخدها فى البينى او بدل متاخد الخمس مواد فى التيرم ممكن تاخد 3 اساسى واثنين بينى عشان اللى مش فاضى
وامتحان البينى بيبقى بعد الاساسى بشهر او اللى شايل مواد من تيرمات سابقة بدل ماياخد فى التيرم مواد كيتير اكتر من 5 يعنى ومش هيقدر يذاكرها ممكن يقسمهم بين الترم الاساسى والترم البينى
بس الترم البينى بيبقى اغلى شوية فى المصاريف من الاساسى واخرك فيه مادتين
انا واخد مقال ومادة ثقافية 2 كنت مأجلها قبل كده

[yascro 0]

بالنسبة لمادة المقال انا كنت مأجلها من التيرم الاساسى عشان كان عندى شغل ومش فاضى فخدتها بينى بس عيوب البينى انه ملوش حضور محاضرات يعنى بتعتمد على المجهودات الشخصية وعلى الاسطوانات المرئية

[yascro 0]

معاك

[أمجد1 0]

تالت سؤال في الامتحان اللي جه

(3)
The writer was raised in a small town-
The writer was at his best when describing the scenes of the countryside

شوف يا عسل
الجملة دي ايه رأيك فيها؟؟؟
انت شايف فيها وظيفة؟؟؟؟؟
كل اللي بيتقال

- الكاتب كبر في مدينة صغيرة
- الكاتب كان في افضله عند وصف مشاهد الريف

ااااه دي مافهاش وظيف يبقى مش هانستخدم طريقة الفريس امال هانستتخدم ايه؟؟؟
الفاعل متكرر مرتين بردوا
الطريقة الوحيدة اللي تستخدمها في دي اللي هي الذي
شوف هانعمل ايه

هاتكتب الفاعل زي ماهو في الجملة الاولى وهاتحط بعديه كوما
, The writer

وبعدين تكتب كلمة الذي يا جميل
who
وبعدين تكمل بقيت الجملة الاولى
كبر في مدينة صغيرة
وبعدين تحط كوما
, was raised in a small town
يبقى شكل الجملة الاولى كدة
, The writer , who was raised in a small town

وبعدين تكتب الجملة التانية عادي بس اوعى تكرر الفاعل

The writer was at his best when describing the scenes of the countryside

تبقى الجملتين على بعض كدة

The writer , who was raised in a small town , was at his best when describing the scenes of the countryside


لان لو تلاحظ بقى كدة
ان كلمة The writer فاعل ودة جزء من الجملة Independent Clause

وحطينا كومة
والجملة
who was raised in a small town
دي Dependent Clause

ليه؟

علشان فيها كلمة who
ولاحظ اهو حطينا كوما في نهاية الجملة زي ما اتفقنا فاكر الشرح اللي فات؟؟!!!!
مش قلتلك لو فيها كلمة who يبقى نحط كوما في نهاية الجملة دي وقبل الفاعل التاني بس عشان ماكررناش الفاعل هنا يبقى الكوما جت قبل الفعل

والجملة
was at his best when describing the scenes of the countryside


was at his best


دي بقيت الفاعل الاول او was فعل لللفاعل

when describing the scenes of the countryside

اهي دي كدة Dependent Clause علشان فيها كلمة when

ايه رايك يا جميل؟؟؟

[yascro 0]

رأيى مفيش شرح احلى من كده
انت عبقرى والله ما شاء الله

[أمجد1 0]

بجد ههههه
دي جمايل ولا ايه يا عسل؟؟؟

[yascro 0]

دى حقيقة وتشكر عليها

[أمجد1 0]

ياعم في مدرسين او دكاتر اكيد احسن من كدة ههه

انا باعتمد عالقدرة اللي الملك سبحانه وتعالى مديهاني

[أمجد1 0]

بردو مابهتمش بشرح الاسطوانات

[yascro 0]

ربنا يزيدك

[yascro 0]

معاك يا باشا

[أمجد1 0]

آخر سؤال جه على القاعدة دي

(4)
Mike wants to write a research paper
He has hard time choosing a topic

خلينا كدة نترجم الجملتين

- مايك يريد أن يكتب ورقة بحث
- هو لديه وقت شاق في اختيار العنوان

نلاحظ في الجملتين
الجملة الاولى فيها فاعل مايك
وفعل : يريد أن يكتب
مفعول به: ورقة بحث

يبقى ادت معنى مفيد يبقى دي كدة اسمها Independent Clause

طب الجملة التانية

الجملة بدأت بفاعل: هو
وبعدين لديه دي اصلها فعل عشان في الانجليزي الكلمة has
وفيها مفعول به hard time
وبقيت الجملة choosing a topic

ودي بردو Independent Clause
يبقى كدة كام واحدة Independent Clause?
اتنين صح؟؟

لكن السؤال طالب مننا اننا نخليهم واحدة بس طب ازااي؟

ايه رأيك تيجي نقول كدة...

عندما مايك يريد ان يكتب ورقة بحث , هو يكون لديه وقت شاق في اختيار العنوان
When Mike wants to write a research paper , he has hard time choosing a topic
ايه رايك ممكن تمشي؟؟؟

اهو يا جميل لو حللناها هانلاقي ان حلنا صحح

When Mike wants to write a research paper

دي Dependent Clause
علشان بدأت بكلمة When
وحطينا كوما في نهايتها اهو وقبل الفاعل التاني he
طب وعرفنا ازاي انه فاعل جه بعديه فعل wants to write

يبقى طالما الجملة بدأت بفاعل وبعديها فعل علطول يبقى دي Independent Clause

شفت ازاي...

يبقى الدكتورة مش من حقها تحسب الاجابة غلط

[yascro 0]

هو بس عشان كلمه when خدنا عليها انك وانت مغمض تقول dependent clause
يعنى نقدر نسميها حالة شاذة صح

[أمجد1 0]

لا يا جميل هي مش حالة شاذة
مانا قلتلك ان كلمات الوقت اللي هي

كلملت الوقت
When - While - After - Before

لو جم في الجملة وبعديها علطول فاعل تبقى الجملة دي Dependent Clause
شوف يا عسل

When he plays

ولو حتى بدأت الجملة بكلمة من الكلمات بردو هاتبقى Dependent Clause


انا باحاول بس بكل الامكان اجيب كلمة تكونلي Dependent Clause بحيث ان اخلي Independent Clause واحدة بس

هي القاعدة دي تلف الدماغ شوية
انا عارف انك مش فاهم اوي

بس انا عايز صراحة بالطريقة دي ممكن اكون اختصرتلك شوية

احنا خاد اربع طرق

افتكر بتاعت الوظيفة
ولو لقيت الفاعل متكرر مرتين وتاني جملة فيها When او اي كلمة تكون Dependent
نستخدم الاسم الموصول الذي

ولو الجملتين Independent
Clause

يبقى نحاول نستخدم كلمة تكون Dependent Clause زي ماعملنا في المثال دة
وممكن بردو نقول

يعني

مايك دايما لما يجي يعوز يكتب ورقة بحث , دايما مابيعرفش يختار عنوان ليه

صح ولا ايه يا جميل؟؟؟

[yascro 0]

صح يا جميل

[أمجد1 0]

وممكن نستخدم (الذي)

نحط كوما بعد الفاعل الاول
, Mike

نكتب الذي
who

نكمل الجملة الاولىى عادي وبعدين نحط كوما
, wants to write a research paper
وبعدين نكتب الجملة التانية عادي بس اوعى تحط الفاعل
has hard time choosing a topic

يبقى تبقى الجملة كلها كدة

Mike , who wants to write a research paper , has hard time choosing a topic

تعالى كد نتأكد ان مفيش غير Independent Clause واحدة بس

اول حاجة
Mikeدة ايه يا جميل؟
فاعل صح؟؟

وبعدين حطينا كوما

وبعدين الجملة
who wants to write a research paper
دي عبارة عن Dependent Clause
ليه؟

علشان فيها who
وحطينا اهو كوما في النهاية

has hard time choosing a topic
دي بقيت الفاعل Mike

كأن الجملة بتقول
Mike has hard time choosing a topic

اهو عندنا فاعل وفعل ومفعول به
اهو كونت جملة مفيدة

اي خدمة يا جميل

[أمجد1 0]

في امثلة فيها تلات جمل تخيييل!!!!

واللي زي دي لفت دماغي عالاخر...

[yascro 0]

تسلم ياغالى

[أمجد1 0]

السؤال التالت بقى
اللي هو بتختصر الجملة

Re-write the following sentences to have more concise statements

شوف بقى دة نظامة ايه

واسأل الله يجيبهولك سهل ويجبيهولك من الحاجات السهلة اللي هاحطها الوقتي

لو لقيت في الجملة الكلمات دي
ولاحظ ان الجملة دايما هاتبدأ بكلمة منهم
ونادرا هاتيجي كلمة في النص وهاكتبلك الجملة اللي زي كدة

- As a matter of fact

2- For all intends and purposes

3- My personal opinion is that

4- All things considered

5- No one can deny that

6- In the final analysis

7- It seems that

8- To cut a long story short

9- The point I am trying to make is that

10- As far as I'm concerned

11- In a real sense

12- At that point in time

لو لقيت الجملة بادئة بكلمة من دول الاجابة يا عسل......
تختصر الجملة بأنك تحذف الكلمة دي...
بس

شوف بقى الامتحان جه عامل ازاي.....!!!!!!

اول جملة

(1)
At that point in time when Martine was a teenager , I was sixty

شفت يا جميل......

لما نحذف At that point in time
هاتبقىى الجملة كدة
when Martine was a teenager , I was sixty

هي دي الاجابة

[أمجد1 0]

تاني جملة

(2)
To cut a long story short , the sea remained calm

نفس اللي فاتت
نحذف To cut a long story short

تبقى الجملة
The sea remained calm

شفت!!!
فعلا اختصرناها اهو

[yascro 0]

ان شاء الله السؤال ده مش هيخرجش من الحاجات دى

[أمجد1 0]

تالت جملة
(3)
It was Jane who was selected for the final competition

شفت يا جميل انا معلمللك على اللي هايتحذف باللون البني
اهو

لو لقينا الجملة بدأت ب
It was
وفي نفس الوقت فيها who
نشيل التلاتة دول ونكتب الجملة عادي

Jane was selected for the final competition

ايه رأيك في كلمة السر دي؟؟

هههههه

[yascro 0]

هههههههه

[yascro 0]

هو كده فاضل ايه يا ريس

[أمجد1 0]

في نوع تاني
ودة بيبقى واضح وسهل لو لقيت الجملة فيها and
ورابطة كلمتين
غالبا هاتلاقي الكلمتين دول نفس المعنى
يبقى الاجابة انك تشيل منهم واحدة

شوف دة سؤال جه في امتحان

There are several important and significant reasons for this decision

شفت فين كلمةة and
رابطة بين كلمتين
important and significant

يبقى لما نشيل واحدة الجملة تبقى
There are several important reasons for this decision

نشيل منهم واحدة
لأن لو ترجمنا الجملة شوف هاتطلع ازاي

هناك عدة اسباب هامة و هامة لهذا القرار

ههههههههههههههههه

ينفع؟

نقول هامة وهامة؟؟؟!!!

[yascro 0]

هههههههههه

[yascro 0]

معاك

[أمجد1 0]

بس في اسئلة غبية اوي في السؤال دة

شوف سؤال منهم واجابة الاجنبي عليه

The basic fundamentals of how to dance were first learned by Jane.
Jane learnt the fundamentals of dancing.

The original sentence suffers from ambiguity - I apologise if I've misunderstood the meaning behind it.

شفت بيقول ايه؟؟

I apologise if I've misunderstood the meaning behind it.

يعني بيعتذر لو في غلط فيها

[yascro 0]

رخمة اوى ومش وقتها فى الامتحان خالص

[أمجد1 0]

طيب يا حبيبي
انا بقى هاغلب الاجنبي ههههههههه

ايه رأيك لو قلنا كدة

في حاجة زي كدة

ببساطة
هو مش عايز جملة مختصرة؟؟؟

يعني نشيل منها كبمة او كلمتين

ممكن نقول

جين تعلمت كيفية الرقص

Jane learned how to dance