امتحان اللغة العربية منذ ساعات

[alffffffarok 0]

السلام عليكم
ايه اخباركم يا جماعة
طبعا الامتحان النهاردة كان زى ال 00000000000 ل فى حرف ناقص هتعرفوها لما استعرض معكم ايه اللى حصل
فاصل و نواصل

[marina 0]

اتمنى يكون امتحانكم كويس وبالنجاح

[alffffffarok 0]

السؤال الاول
واية الحكمة هى ما يلازم سلوك الانسان من ثبات و استقرار, و لكن هذا الثبات - فيما يرى الاستاذ - يجب ان يكون فى فعل الخير , و ليس الخير هو ما يطلبه الجمهور عادة من اللذات او المال او الصيت , انما الذى هو عنده جمال الروح, هو الحب و السماحة و الجود. فى 11 يولية سنة 1905 توفى الامام و هو فى اوج نشاطه, و كانت وفاته حدادا عاما للبلاد العربية و الاسلامية جميعا.

ا) تحدث عن فلسفة الامام محمد عبده.
ب) استخرج المصدر المؤول فى هذه الاسطر, ووضحه.
ج) اعد كتابة تاريخ وفاة الاستاذ بالحروف بدلا من الارقام.

ده السؤال الاول

[alffffffarok 0]

هو مش عايز اقولك حقييييييييييييييييييييييييييير , نفيييييييييييييييخ , بصراحة مقرف جدا

دلوقتى نكمل

[alffffffarok 0]

السؤال الثانى:
وترى علماء العربية حيارى فى تعيين اول من نطق بالعربية : فبينما يذهبون الى ان يعرب كان اول من اعرب فى لسانه و تكلم بهذا اللسان العربى, ثم يقولون " و لذلك عرف هذا اللسان باللسان العربى" , تراهم يجعلون العربية لسان اهل الجنة و لسان ادم , اى انهم يرجعون عهده الى مبدأ الخليقة, و قد كانت الخليقة قبل خلق يعرب - بالطبع - بزمان طويل.

ا) مارايك فى تحديد اول من تكلم بالعربية؟
ب) استخرج الممنوع من الصرف فى هذه الاسطر, مع بيان علة منعه.
ج) كيف تكشف عن الكلمات التالية فى القاموس المحيط:
حيارى, تعيين, تراهم, الجنة, و الخليقة.

[alffffffarok 0]

طبعا مستوى الامتحان المتدنى جدا كان مخالف للتهديدات اللى كان عمال يتنكلم عنها الدكتور المحترم اللى انا مش بفهم منه حاجة غير انه بيقرا فقط

على فكرة الدكترة فى الترم الاول و الثانى الخاص باللغة كانوا على مقدار كبير جدا من الوعى لتوصيل الطلاب لمرحة معينة , و لكن كل المحاضرات لم يدربنا على شئ خارج ما فى المحاضرات و الاوراق و المذكرات الخاصة بالمادة حاجة تقرف كده

[marina 0]

شكل الامتحان طويل قوى هو دكتوركم مغرم بالممنوع من الصرف

[alffffffarok 0]

بالله عليكم انا عايز افهم امتحان مفروض (نحو) على قدر فهمى ازاى مايجيش فيه اى اعراب ولا ضبط وده اللى احنا عايزينه كطلبة ترجمة توصيل المعنى من خلال الضبط اللغوى ,لا هينفعنا محمد عبده ولا حسن شحاته ولا احمد عز ولا حتى كرومبو فى مسائل الترجمة, اى لزمة الحنجله ,

[marina 0]

ما ان اراجل دكتور ترم تالت اول محاضرة شرح نحو وقال اجيب اجزاء اعراب ونحو اصل انا حضرت اول محاضرة لة كنت فاكرة حاسجل عربى ترم تالت

[alffffffarok 0]

هو مغرم يالليل بس
مغرم باصرف و المعجم وبفكر اجيبله فردة لسان من عند الجزار واكتبله عليه العرب (لسان العرب)
انا زهلت مش عايز اقولك كنت هفرقع , مش من حاجة غير انه ضرب فى مقتل
انا مكنتش اتوقع انه هيقول اكشف فى المعجم وكمان يكتب نوع المعجم
انا فى الامتحان ماخدتش بالى من كلمة قاموس المحيط واشتغلت على كلمة اكشف فى المعجم
كشفت عن الكلمات بالطريقتين الوسيط (العبيط) و المحيط
اندهشت بعد الامتحان بالكارثة دى
ولا اعراب ولا ضبط وكمان طالب سبب منعه من الصرف
على فكرة الامتحان مش طويل خالص, وخلص معايا فى ربع ساعة بالمستريح
ولكن انا ماكنتش متوقعه بالقصر ده و السذاجة دى وفى الاخر تلقى ( خوازئ)

المهم انا مستنى الاخوة الزملاء يناقشوا الاجابة معايا

[alffffffarok 0]

كنت هتسجلى فى ايه الحمد لله
انتى روحى سجلى مع سيبويه مع الزمخشرى مع الفرزدق اضمن
صحيح ( رب حامل فقه ليس بفقيه)
ممكن يكون استاذ كبير ومع الشهادات و الدكتوراة و الماجيستر وليس لديه الملكة لتوصيل العلم

علشان الاخوة اللى بتقلل من قدر التعليم المفتوح يشوفوا ان الموضوع مش مفتوح و مقفول
الموضوع استطيع او لااستطيع , املك القدرة الذهنية و العقلية ام انا كالسفنجة تبتلع كل السوائل ولا تتاثر بها

[marina 0]

عامة ربنا يكمل واهو امتحان والحمداللة انة مر وان شاء اللة بسلام المهم اللى جى وبالنجاح والتوفيق

[alffffffarok 0]

انتى عملتى ايه النهارده

[marina 0]

انا امتحان كان امبارح عربى ترم اول وجلنا سوال عجب عن ضبط ان بصراحة لخبطت جامد ربنا يعديها وانجح وعندى عربى ترم تانى يوم الثلاتاء

[alffffffarok 0]

انا هاستعرض معاكم البهدلة اللى انا بهدلتها فى الامتحان
اليكم نموذج اجاباتى

ا) فلسفة محمد عبده:

كان يرى ان هناك شيئا فوق العلم و الفن وهو 0(الاخلاق) التى هى فن الحياة واعلى الفنون

انتقاد الاقطاعيين و الباشوات واحساس الاخريين انهم من طينة غير طينتهم

كان لا يكتفى بالحفظ ولكن كان يبحث عن المعانى و فهمها

كان لا يتبع مناهج اهل السنة دون دليل

نشر العدالة الاجتماعية و الثقافة السياسية والفكرية بين فقراء الشعب

عمل على تعديل جريدة الوقائع المصرية وانتقد بمقالته الاقطاعيين و الباشوات

ب) المصدر المؤول:

1- ما يلازم: ( لزام او لزوم سلوك الانسان) ( خبر)

2- ان يكون: ( كونه او كائن فى عمل الخير)

3- ما يطلبه: ( طلب الجمهور) ( خبر ليس )

كتابة التاريخ:

الحادى عشر من شهر يولية سنة الف و تسعمائة و خمس

الحادى عشر يولية سنة خمس و تسعمائة و الف

ده الجزء الاول
وربك ستير

[alffffffarok 0]

لا ان شاء الله خير
لا تقلقى

[alffffffarok 0]

السؤال الثانى :
ا) طبعا ان كتبة راىى بصراحة ان اللغة العربية هى منذ ان بدات الخليقة و ظبط يعنى جامد

ب) الممنوع من الصرف:
1- ادم: علم اعجمى
2- يعرب: علم اعجمى
3- مبدأ: مصدر رباعى على وزن مفعل ( بصراحة ان مش عارف كتبتها ليه)


ج) الكشف فى المعجم
حيارى: حير : فصل الفاء , باب الياء و الراء الوسيط
فصل الراء باب الفاء اللسان و المحيط

وتعيين: عين: فصل العين ثم الياء الوسيط
فصل النون باب العين


هاكملكم الخيبة بعد ماتغدى ما تيجوا تاكلوا

[alffffffarok 0]

خلاص ان اكلت

[alffffffarok 0]

الحمد لله
نكمل
تراهم: رأى: فصل الراء باب الهمزة
فصل الياء باب الراء

و الجنة: جنَ: ج ن ن: فصل الجيم باب النون
فصل النون باب الجيم

الخليقة: خلق: فصل الخاء باب اللام
فصل القاف باب الخاء

دى يا خونا اجاباتى بكل صراحة دون زيادة او نقصان و الاخر بعد ما خلصت كتبتلهم تحت

عذرا لانى لم ارى الكشف فى القاموس المحيط

[alffffffarok 0]

حد بقى يرد يقولى ايه الاخبار

طبعا زفت
ياترى هيكون ازاى توزيع الدرجات

[marina 0]

واى الفرق لما تشوف فى المعجم والقاموس المحيط واية اسم القاموس الغريب اللى محويطنة دا

[alffffffarok 0]

الفرق بسيط
ساعات بعض المعاجم بتسمى الحرف الاول فصل و الثانى باب
والمعاجم الاخرى بتسمى الاخير باب و الاول فصل

[alffffffarok 0]

فين الاخوة اللى امتحنوا
مفيش الا انا
ولا الصدمة عامة

[الجوري11 0]

هو فعلا في صدمة كبيرة بس صدماتهم عالفيس بوك هم امبارح كانوا بيتناقشوا في الامتحان ده وربنا يستر علينا النهاردة

[alffffffarok 0]

ادينى موقعهم على الفيس يا جورى
علشان اعزيهم برضه دا واجب

[الجوري11 0]

http://www.facebook.com/groups/trans.youth?ap=1

[alffffffarok 0]

بقولك ايه يا جورى
انا ضعيف فى التعامل مع الفيس

[alffffffarok 0]

و الصفحة مش بتفتح

[الجوري11 0]

ده عنوان الصفحة

Faculty of arts cairo open university

اكتبو في البحث هتلاقيها ولازم حد بعد كده يضيفك

[alffffffarok 0]

كل ما سجل يجيبلى صفحة مغلقة مش علرف ليه

[الجوري11 0]

عملت طلب الانضمام للمجموعة

[alffffffarok 0]

انا كل ما كتب الايميل و الباسوورد وادوس انتر يجيبلى صفحة مغلقة

[الجوري11 0]

مش عارفة يعني الصفحة الرئيسية مش عايزة تفتح اصلا صح
طيب غير المتصفح

[alffffffarok 0]

انا حاسس ان ده غضب انصب علينا
حتى الصفحة مش عايزة تفتح
بدات بامتحان العربى و خلصت بالصفحة
ربنا يستر و الجهاز مايهنجش

[الجوري11 0]

انا هروح اذاكر عندي امتحان النهاردة

[alffffffarok 0]

امتحان ايه

[الجوري11 0]

نحو تيرم تاني

[alffffffarok 0]

بالتوفيق
على فكرة الامر ميسر ان شاء الله لان دكتوركم زى الفل
انما احنا لسه بنعيش جوا التعقيد

[الجوري11 0]

انا اتعقدت اللي في التيرم الاول بيصوتوا ن العربي ونفس الشئ اللي في تيرم تالت ربنا يستر

[alffffffarok 0]

ياستى لا تقلقى
واللهى الموضوع عايز شوية عقلانية
اللى فى الترم الاول بياخدوا بدايات و كلها نحو
وبصراحة النحو اخف من انك تكتبى عن محمد عبده او عبده الحليم حافظ
ان شاء الله الامتحان هيكون قشطة وهاتيجى تقوليلى
بقولك ايه لما ترجعى من الامتحان ياريت نشوف ايه اللى في

ما تنسيش

[marina 0]

thank you جوجو على الرابط