خبر هام: الدروس الملغية داخل و خارج مصر

[Om Habiba 0]

خبر هام


بعت رسالة للبريد التعليمي من صفحتي الشخصية اسال فيها عن: هل الملغي من قبل الدكتور في اي ماده للطلبة داخل مصر ينطبق ايضا للطلبة خارج مصر؟
و كانت الاجابة بتالكيد ينطبق علي كل طلبه الماده سواء في الداخل او الخارج.

بس الغريب في الموضوع:
اني بعت الرسالة دي لكتور الماده 315 و كانت الاجابة ان الدكتور لم يلغي شيء بعد ....و فيه حد من الزمله و الزميلات ذاكر ان الماده دي الكتور محدد فيها مواضيع للمذاكره و انه رجع لغي مواضيع منها!!!!!!!!!!!!
يبقي ازاي بقي ؟؟؟؟؟؟؟

هل من موضح لهذا السؤال

[hend nga 3]

اللي بيرد عليك المسؤول عن البريد ومش الدكتور احتمال يكون سأل الدكتور ودي اجابته لكن بصراحة انا امتحنت ترمين والأمتحان ملهوش علاقة بما يقرره الدكتور في الجامعة فيامتحان داخل مصر بيجي لكن لنا احنا في الخارج بيجي مختلف خالص عن اللي شرحه الدكتور بالجامعة

[hend nga 3]

انا بفكر ابعت اقتراح ان المحاضرات اللي في الجامعة يومين في الأسبوع يسجلوها فيديو ويرسلوها لنا في صفحتنا
اظن انه هيكون افضل للي خارج القاهرة سواء في الأقاليم او في الخارج وكدة التواصل مع الدكتور اللي بيشرح المادة مباشرة اظن افضل من المحاضرات المسجلة اللي بيضعوها وبتكون قديمة ومختلفة
انا شفت ده في موقع لجامعة نابلس وكان شئ جميل ومفيد جدا كأني حاضرة المحاضرة مع الطلبة دول كمان سيبنها علي صفحة الموقع مفتوحة ان يحملها اي زائر مش شرط يكون ملتحق بالجامعة

[Walaa El-moataz 0]

يا ريت يعملوا الاقتراح دا يا ستار بس انتى عارفة دماغهم
دا مش هاين عليهم يغيروا المحاضرات القديمة اللى من خمسين سنة

[marina 0]

يا ريت يعملوا كدة بدل من الشحططة دا الواحد احيانا مبيقدريش يحضر والى الان فى دكاترة مخلصتيش ومفضليش غير محاضرة واحدة فى مادتهم

[sun_shine 0]

اكيد طبعا هيكون مفيد لينا احنا يا ستار اكتر من طلبة الاقاليم نفسهم ,,,لانهم علي الاقل ليهم خدمة فيديو كونفرانس انما احنا لا ...وياريت بدل موضوع التسجيل دة تكون المحاضرات اونلين بحيث يتحيوا لنا فرصة مناقشة او استفسار اي شيء غامض في الحال .

[darkyears 0]

ومازال الغموض يخيم على الملغى والمقرر... أدعو الله أن يلهمنى الصبر والسلوان حتى أعرف ما تم إلغاؤه فى الكلية بنت التييييييييت خصوصا فى الترم التييييييييت اللى انا فيه دا.
أنا خلاص قربت أعيط
يا جماعة أنا فى الترم الرابع والخامس ووالله العظيم لحد دلوقتى عمرى ما عرفت ايه اللى ملغى من ايه المقرر طول الكام سنة اللى فاتوا. يعنى انا دخلت امتحانات الترم الأول والتانى والتالت بدون ما أعرف اللى ملغى من المقرر والحمد لله باذاكر وربنا بيكرمنى بتقديرات بين الجيد والجيد جدا والامتياز. بس أنا نفسى أعرف المرة دى على الأقل . نفسى بس أبقى زى بقيت الزملاء أذاكر بعض الدروس مش كل الكتاب زى كل مرة بالاضافة إلى أن موضوع الثورة والترمين اللى اتلحموا مع بعض دول. يعنى بصراحة أنا محتاج أدخل غرفة الإنعاش التعليمى بسرعة جدا وإلا .... أغيثونى بالله عليكم ماذا تفعلوا لو كنتم مكانى ... إمضاء : أخوكم المرعوب

[hend nga 3]

اخي المرعوب انتي معاك هنا زملاء كتيير في رابع وخامس وبيحضروا في الجامعة بانتظام منهم ام مرام رابع وخامس وكمان احمد اسماعيل وام مرام كل ترم بتكتب المقرر والملغي بس هو اساسا لسة ده في اخر محاضرة يعني الأسبوع القادم او اللي بعده

وممكن تتواصل معاهم مباشرة علي صفحتهم في الفيس بوك هما موجودين اون لاين عل طول فيها

علي الرابط
http://www.facebook.com/home.php?sk=group_220930231258415&ap=1

بلاش التشائم والسواد اللي انت عايش فيه وغيرلنا اسمك darkyears

احسن والله هي مش ناقصة سواد
تفائلوا بالخير تجدوه

[hend nga 3]

اظن يا داليا ان موضوع اون لاين هيكون صعب لأن جميع الترمات بتكون محاضراتها في وقت واحد مش هينفع كل العدد ده يكون مباشر علي التليفزيون وكمان احنا مش كلية واحدة ولا فرع واحد هو فكرة تسجيل المحاضرة اثناء شرح الدكتور هيكون افضل اننا نسمعها افضل من المحاضرات اللي علي صفحتنا القديمة واحيانا كمان الدكتور بيكون مختلف....

ما دام فيه ناس مرحبة بالفكرة خلاص نتفق كلنا علي طرح الموضوع علي الجامعة بشكل جدي وكمان نتواصل مع باقي الزملاء علي الفيس بوك ليكون العدد اكثر

[eamy 0]

طبعا أكييييد أنا من المؤيدين .. لازم نبعت الفكرة دي عالبريد التعليمي ولا الإداري و عالصفحة الرسمي ةعالفيس بوك و كمان عالإيميل الجديد اللي عملوه و مش عارفين بيستخدم في ايه لحد الأن .. عشان الحوسة الي احنا فيها دي ..
احلى شئ اني رحت امبارح استلم الكتب الي سبحان الله بتوصل للوكيل قبل امتحاننا بعشرين يوم لقيت كتاب ناقص و CD ناقص و كل واحد فيهم بتاع مادة مختلفة .. ياربي لك الحمد والشكر على كل شئ ..

[sun_shine 0]

اونلين يا هند مش اقصد علي التلفزيون انا ااقصد زي مواقع تعليمية كتيرة بتعمل الفكرة دي ويكون من خلال صفحة الجامعة ومفيش اي تعارض من كون ان الجامعة بها كليات مختلفة واقسام مختلفة !!!
محتاجين لتقنية متطورة بس علي الموقع الجامعي ونتواصل مع الجامعة ببث حي ..واعتقد ان دة اقل شيء ممكن يوفره لنا الجامعة قصاد المصروفات الباهظة اللي بندفعها وبالعملة الصعبة وكأننا مش مصريين
المفروض ياجماعة اننا بعد الثورة كنا علي الاقل طالبنا بحقنا في اننا نتعامل كمصريين مش زينا زي الجنسيات التانية ..
ودمتم في خير

[hend nga 3]

يا ريت لو عندهم التقنية دي هتسهلنا حاجات كتيير وهنستفاد منها والله احنا نقدم الأقتراحات بتاعتنا لهم وهما يدرسوها وينفذوه الأفضل لهم ولنا المهم يكون في تغيير شوية العالم كله بيطور كل دقيقة واحنا بنمشي ببطء السلحفاة (

[marina 0]

عارفين يا جماعة فى عيال كانوا بيسجلوا المحاضرات صوتية بالموبيل ويذعوا على موقع كليتهم بس الكليات دا كلية حقوق انتظام فى محافظة من محافظات مصر كل المحاضرات بالصوت موجودة يا سلام لو واحد معة التقنية دا

[Walaa El-moataz 0]

انا كنت بسجل المحاضرات صوت ايام عربى ب mp3

هحاول ان شاء الله اسجل المحاضرات الاخيرة بس دا بيعتمد على صوت الدكتور وقت الشرح

ادعوا انه يبقى واضح

[marina 0]

thank you lolo

[hend nga 3]

موضوع تسجيل الصوت ده مش هينفع الأفضل اننا نطلب من الجامعة ده يا ريت تساعدوني في نشر الموضوع ونحاول نجمع عدد كبير من الطلبة علشان ينظوروا للموضوع بشكل جدي

[marina 0]

احنا معاكى يا ستار بس الامر بيد الكلية احنا بس بنحاول نعمل حاجة بديلة عبل ما الكلية تقرر مهما قرروا ان شهادة التخرج زى انتظام ولا حصل حاجة ولا عملوا حاجة