حلقة دراسية ترم تانى دور ابريل 2011

[الجوري11 0]

دلوقتي اي معلومة عن القراءة والفهم 2
فاجأوني بيها

[أمجد1 0]

يا جماعة هوالامتحان اللي داخل جامعة القاهرة بتاع الجرامر ( 2 ) يوم الاثنين 25/7
ولا بكرة السبت؟

[أمجد1 0]

يا جماعة امال ايه الجدول دة



وايه الخبر دة اللي في الموقع بتاع الجامعة

[marina 0]

فى ناس فى يرمات تانية امتحاناتهم يوم 23 يوليو يوم عيد الثورة فهم نبهوا علشان التيرمات اللى عندها اممتحانات فى اليوم دا تروح تمتحن متفتكرهوش اجازة وكذلك بالنسبة ليوم 24

[أمجد1 0]

طب احنا امتحاننا يعني بكرة ولا زي مافي الجدول 25..؟؟

[marina 0]

يوم الاتنين يوم امتحان جرايمر 2 مش يوم السبت

[أمجد1 0]

طب ماهو يا مارينا مش محددين في الخبر لأي تيرمات
كاتبين استمرار امتحانات التعليم المفتوح

[marina 0]

انت امتحانات فى الجدول عامة وفى الجدول اللى فى صفحتك الدراسية يوم الاتنين يبقى امتحانك يوم الاتنين

[أمجد1 0]

طب انتي يا مارينا متأكدة من الكلام دة..؟؟
وعرفتي منين اندي ترمات تانية اللي في الخبر دة؟ سألتي الجامعة؟


ما هو اصل الجدول اللي عالصفحة الرئيسية بردو قديم بردو..|!

[marina 0]

ايوة متاكدة لو اتلغى او اتاجلت حاجة كانوا بعتوا رسايل شخصية على الصفحة الدراسية هم بعتوا رسايل شخصية بس للترم التالت علشان عندهم امتحان يوم السبت كمبهنشن 3

[أمجد1 0]

آه يعني بعتوا رسالة خاصة للترم التالت بتقول فيها الامتحانات يوم السبت والأحد
طب وانتي عرفتي ازاي انهم بعتوا للترم التالت..؟؟


يا حوستنا لو في امتحان بكرة..!!!

[أمجد1 0]

تروحي وخلاص يا marina بكرة وتتأكدي
وانا كمان اروح..؟؟

[Walaa El-moataz 0]

اهدوا بقى شوية مش توترونى
انا عندى كمبرهنشن 3 بكره ان شاء الله
ازاى بقى هيبقى عندى كمبرهنشن وجرامر فى يوم واحد

[marina 0]

يا بنتى احنا امتحانتنا يوم الاتنين

[أمجد1 0]

يعني انتي يا ولاء عندك امتحان
تاني بكرة..؟؟

[marina 0]

هى كان عندها النهاردة السبت كمبهنشن 3 وحيكون عندها يوم الاتنين معانا امتحان جرايمر 2 متقليش يا امجد صدقنى احنا امتحانا يوم الاتنين

[أمجد1 0]

امال مين اللي عنده امتحان بكرة (خبر الجامعة يوم 24/7)..؟؟

[Walaa El-moataz 0]

يا امجد ترمات تانية
يعنى هو مفيش حد بيمتحن الا احنا بس
فى ترمات تانية كتير وكل الكليات بتمتحن

[الجوري11 0]

حد عندو اخر امتحانين للكمبرهيشن 2
كانت الدكتورة منزلهم اول التيرم بس مش عارفة اتمسحوا من عندي ليه

[أمجد1 0]

انتي مش امتحانك الكمبرهنشن ( 2 ) كان النهاردة..؟؟

[الجوري11 0]

لا بكرة الامتحان كمبرهيشن2

[marina 0]

للعلم يا امجداللى بيمتحن يوم الجمعة دول الدول العربية اما مصر فاجازة

[الجوري11 0]

Arab
women have become the backbone of society
First, I have been involved in
all areas of life have become the women in this age is not even half of society
is the society as a whole
Women took on their full rights
in the Arab world and even now compete with men in their rights
First, the woman now votes in the elections to express her own
opinion and to choose the best candidate for her country Second, women took on
their right to education stretched, continuing its various stages, but excelled
and made the man
, the government encourages the woman to
do different jobs as doctor , teacher,manager , judge..etc to push forward the development wheel in her
country.


finally
The most beautiful of all this
generosity that Islam is the mother that God made heaven under the feet
A daughter, sister and wife who
live in her husband's
Is there equality of more than
this and is there more of this amended


From all we
above mentioned I can safely say that the woman plays an important role in our
country .

[marina 0]

thank you قمورتى

[أمجد1 0]

القراءة والفهم ( 2 )



دة يا الجوري امتحان يناير 2011 - مصر
mediafire.com ?dcskigmu14jj4rk


ودة امتحان يناير 2011 - خارج مصر ( الدول العربية )

mediafire.com ?xeq2r35u07r7xib

[marina 0]

thank you

[أمجد1 0]

ولاء امتحانك النحو ( 2 ) في اي قاعة؟
ومارينا بردو امتحانك في اي قاعة؟

انتو اقليم ولا بتمتحنوا في الجامعة؟

[Walaa El-moataz 0]

انا بمتحن فى القاهره
هيبقى ان شاء الله قاعه 11

[أمجد1 0]

وانا ان شاء الله

قاعة ( 4 ) مقعد ( 77 )

مبنى تعليمي ( 1 )

[أمجد1 0]

امتحان جرامر ( 2 ) اسهل من جرامر ( 1 ) بمليون مرة..!!!

[عبد الرحمن 89 0]

لو سمحت يا جماعه الي عندوا وقت يقولي شرح مبسط للــ clause & phrase
او قواعد امشي عليها في الاسئله بتاعتهم
اللي عندوا وقت بس علشان معطلش حد

[أمجد1 0]

بص يا استاذ عبد الرحمن

الجمل تلات انواع

بسيطة ومركبة ومعقدة

Simple, Compund and Complex

الجملة البسيطة اللي فيها فاعل واحد فقط حتى لو فيها فعلين مربوطين ب and

الجملة المركبة اللي فيها فاعلين او اكثر

الجملة المعقدة اللي فيها روابط زي Because, Although, While, Before, After, Unless, If, Whether, When


أولا/ الجملة البسيطة

مثال ( 1 ) تحتوي على فعل واحد فقط

ذهب الولد إلى المدرسة

The boy went to the school

الجملة فيها فاعل واحد فقط اللي هو ( الولد ) ( The boy )


مثال ( 2 ) تحتوي على فعلين ومربوطين ب and

ذهب الولد إلى المدرس ودرس دروسه

The boy went to the school and studied his lesson

اول حاجة تركزعليها فيها كم فاعل , فيها فاعل واحد بس اللي هو ( الولد ) عشان كدة جملة بسيطة بالرغم انها فيها فعلين


ثانيا/ الجملة المركبة
تحتوي على الروابط

for, and, nor, but, or, yet, so

وفيها فاعلين

The boy went to the school but the girl went to the cinema

ذهب الولد إلى المدرسة ولكن ذهبت البنت إلى السينما

الجملة فيها فاعلين ( الولد ) و ( البنت )


ثالثا/ الجملة المعقدة

مثال

Before we reached the airport, the airplane had flown

قبل ان نصل إلى المطار, قلعت الطائرة

الرابط هو ( قبل )


ندخل بقى على ال Phrase


ال Phrase لا تحتوي على فاعل

Phrase doesn't have a subject or a predicate

عندنا تلات انواع من ال Phrase

( 1 ) Prepositional Phrase

( 2 ) Participle Phrase

( 3 ) Gerund Phrase

( 4 ) Infinitive Phrase


اول واحدة Prepositional Phrase ليها تلات انواع

( 1 ) Noun Phrase

( 2 ) Adjective Phrase

( 3 ) Adverbial Phrase

التلات حاجات دول عبارة عن مجموعة من الكلمات اولها حرف جر


( 1 ) Noun Phrase

تعمل عمل الاسم لكنها لا تحتوي على فاعل

مثال / انا احب ان اقف

On the beach is dangerous

لاحظ الجملة بشكل عام فيها ايه
On: Preposition ( حرف جر )

the beach: The object of the Preposition
اي كلمة تيجي بعدحرف الجر اسمها مفعول حرف الجر

is: Verb

dangerous: Adjective

علطول لو شفت حرف جر في اول الجملة يبقى دي اسمها

Noun Phrase


بص يا عبده
عايزين نعرف امتى ال فريس نون فريس

ال Noun Phrase اما ان تتكون

( 1 ) حرف جر ومفعول حرف الجر

( 2 ) جيراند ( يعني فعل منتهي ب آي إن جي ) ومفعول الجيراند

( 3 ) انفيتيف ( اللي هو to ) والفعل اللي بعديه


( 1 ) حرف الجر دايما بيجي اول الجملة وبيعمل عمل الفاعل

On the beach is dangerous today

طب انت عرفت ازاي ان On the beach فاعل

آه احنا عارفين ان الجملة الفعلية بيبقى فيها فعل وفاعل

اولا / هل في فعل في الجملة؟

آه, الفعل اللي هو is

On the beach هي ال Noun Phrase وتعمل عمل الفاعل لكن الكلمات اللي بتتكون منها لا تحتوي على فاعل لان احنا قلنا

On: Preposition

the beach: The object of the preposition

يبقى مفيش فاعل خالص


( 2 ) Gerund and its object

تلات حالات:

إما ان تبدأ الجملة بالجيراند وهايبقى فاعل

اما انيأتي الجيراند بعد الفعل وهايعمل عمل المفعول به


Cooking is a fun activity

Cooking ( Noun Phrase Functions as a Subject)

فين الفعل...؟
is



( 3 ) An Infinitive and its object


To stand is not good

To: Infinitive

stand: The object of the infinitive

is: verb

[الجوري11 0]

امتحان النهاردة كان !!!!!!!!!!!!!!!!!!!
شوية وارفعهلكم بس بدون ماحد يتصدم ولا يجيلكم اي احباااااط

[marina 0]

مش مهم النهاردة خالص ترفعية احنا لسة قدامنا اسبوع على امتحانة ارفعية بكرة حتى مدام تعبانة لما ترجعى من الامتحان ارفع لنا امتحان الترجمة والكمبهنشن مع بعض وربنا يكمل على العموم هى تصحيحها حلو ومش بتنزل حد واحنا يا جوجو اهم حاجة نعدى الترمين دول تقديرات مش مهم الترمين دول خالص اصلا الترمين دول ضمهم كارثة علينا فيارب نطلب النجاح

[الجوري11 0]

صدقيني يامرمر لو عديت اساساا

[marina 0]

يا ستى ربنا معجزات كتير انت تظنى مش حتعدى لان ربنا بيكمل مجهود الواحد وصدقنى سيبك خالص من امتحان النهاردة خليك فى امتحان بكرة بس اهم حاجة ارتاحى شوية تهدى اعصابك فيها وربنا يسهلها

[الجوري11 0]

2shared.com/photo/lr2inRnZ/photo1.html
2shared.com/photo/wuj5-Vz_/photo2.html

[الجوري11 0]

2shared.com/photo/-oVdCv8w/photo3.html

[marina 0]

جزالك اللة خير يا جوجو

[أمجد1 0]

شوف يا عبد الرحمن
بالنسبة لتاني نوع

ال Adjective Phrase

ويندرج تحت قسم Prepositional Phrase

انا قلتلك ان ال Phrase لا تحتوي على فاعل


ال Adjective Phrase بتعمل عمل الصفة بالظبط

طب خلينا كدة نقول جملة فيها صفة لكن فيها فاعل احنا قلنا ان الAdjective Phrase عبارة عن صفة لكن لا تحتوي على فاعل


لو قلنا مثلا

The blue-eyed man is running

كل دي اسمها كلوس Clause

فين الصفة في الجملة دي

The blue-eyed

وفين الاسم الموصوف

بعد الصفة علطول

man

عشان نخلي الصفة دي فريس Phrase

( 1 ) نكتب الاسم الموصوف

( 2 ) نكتب حرف جر يليق مع الصفة

( 3 ) نكتب الصفة

The man with blue eyes

with blue eyes على بعضها هي دي ال Phrase

لاحظ انها بدل الصفة

blue-eyed man


ناخد مثال تاني
The brave man

دي جملة مش Phrase

اتفقنا ان ال Phrase الشرط بتاعها ان يكون فيها حرف جر

هل في حرف جر في المثال السابق دة؟

طب امال المثال دة عبارة عن ايه وبيتكون من ايه..؟؟


The: Article describing brave
brave: Adjective describing man

man: is the described main noun.


طب عايزين نخليها Phrase

اتفقنا اول حاجة نحط الاسم الموصوف man في الاول وبعدين

( 1 ) نكتب حرف جر

( 2 ) نكتب بعده صفة اضافية

( 3 ) نكتب الصفة اللي كانت بتصف الاسم في الجملة اللي هي brave


The man with great brave


ثالثا/ Adverb Phrase

ديا لازم يكون في الجملة قبليها فعل

لااااااااااازم يكون فيه قبل ال Phrase النوع دة فعل


والنوع دة بردو بيتكون من حرف جر ومفعول حرف الجر , ومفعول حرف الجر بيبقى دايما عبارة عن اسم مكان او اسم وقت ( زمان ) , او اسم حال بيصف الفعل هناخد مثال بالتفصيل لكل واحدة وهاديك الكلمات الشائعة اللي نقدر نحولها Adverb Phrase


خليك فاكر ان اتفقنا ان Adverb Phrase قليها ولا بد ان يوجد فعل ولو سبقها بكلمتين


( 1 ) مفعول حرف الجر عبارة عن مكان


I played the basketball here

انت شايف في الجملة دي ايه..؟

في فاعل ,وفعل , ومفعول به , وحال

الفاعل I

الفعل played

المفعول به the basketball
الحال here , حال للمكان Adverb of place

طيب يا حبيبي عايزين نخلي الحال دة Phrase

اتفقنا ان اول حاجة نكتبها

( 1 ) حرف جر

( 2 ) هانعوض عن الحال دة بكلمة تفيد ال Adverb phrase

قالك ان here بنبدلها ب this place و there بنبدلها ب that place


يبقى الحال لما نخليه adverb phrase هايبقى بالشكل دة

( 1 ) نكتب حرف جر

in

( 2 ) نبدل الحال here بالكلمة المناسبة

this place


يبقى تصبح الجملة بعد وجود ال Adverb Phrase كالتالي

I played basketball in this place


ولاحظ انها بتجاوب على سؤال
Where did you play basketball?

I played basketball in this place


in this place ( Adverb Phrase describing the verb played )


ولاحظ ان زي ما قلنا اهو في فعل جه في الجملة وقبل ال Adverb Phrase


( 2 ) مفعول حرف جر عبارة عن زمان

I will play basketball soon

الحال هنا اللي هو soon وهو حال زمان

عايزين نعمل Adverb Phrase


( 1 ) نكتب حرف جر

( 2 ) نعوض عن الحال بالكلمة المناسبة

قالك ان soon بتتبدل ب few days


يبقى تصبح كدة


in few days


I will play basketball in few days

[أمجد1 0]

انا عارف ان القاعدة دي صعبة شوية...
بس يا ريت شرحي يكون فهمك وسهللك شوية....!!

[أمجد1 0]

بص يا حبيبي
الحال هوعبارة عن اي اسم مكان

واي اسم زمان

واي اسم بيصف عدد مرات حدوث الفعل


اسم المكان ممكن يكون ايه : هنا , هناك , في المدرسة , في المنزل


اسم الزمان : امس , غذا , منذ (يومين, شهر, سنة....)


اسم يصف عدد المرات (التكرارية) اللي هي Frequency ودي الكلمات الدالة على زمن المضارع البسيط

Always, Usually, Often, Rarely, Hardly, Scarcely, Never, Ever, Frequently


اسم يصف مدى حدوث الفعل اللي هي Adverbs of Dgree يعني على سبيل المثال انت بتحب الصلاة اد ايه؟
How much do you like praying?
I like praying very much
very: Adverb describe the Adverb much


Praying is the most important job to worship the god
most: Adverb describes the Adjectiveimportant

Praying is the most enjoyable activity I have ever done
most: Adverb describes the Adjective enjoyable
ever: Adverb describes the verb done

Much, more, many, less, little, a lot, most, few,very

[marina 0]

شكرا يا امجد على الشرح

[أمجد1 0]

لا شكر على واجب

[عبد الرحمن 89 0]

شكرا جزيلا علي الشرح وانا فهمت والموضوع بقي سهل جدااااااا

[عبد الرحمن 89 0]

انا لقيت في امتحان الترم اللي فات في السؤال بتاع الــ clasuseبيقولي state the signalيعني اطلع الرابط اللي هم زي although,when???

[Walaa El-moataz 0]

جزاك الله كل خير يا امجد

[Walaa El-moataz 0]

اه يا عبد الرحمن بتحدد الاداة وبتحدد جملة الاداة بعد كدة نوعها

[أمجد1 0]

آه يا حبيبي بتحدد بالظبط الرابط
Although, Before, After,If, Unless, etc.......

[أمجد1 0]

دة الامتحان يا جماعة ودة حلي