حلقة دراسية ترم تانى دور ابريل 2011

[أمجد1 0]

عالعموم انا بحثت في النت ولو جه مثال وجوب حذف الخبر اكتبو مثال فيه لولا

لولا العلم لانتشر (موجود) الجهل بين الناس


ولو جه مثال وجوب حذف المبتدأ اكتبو مثال

نِعْمَ الرجلُ زيدٌ، وبِئْسَ الرجلُ عمرٌو


فزيدٌ وعمرٌو خَبرانِ لمبتدأٍ محذوفٍ وجوباً، والتقديرُ: (هو زيدٌ)؛ أي: الممدوحُ زيدٌ، وهو (عمرٌو)؛ أي: المذمومُ عمرٌو.


اسم الفاعل نصب مفعول به

أقارئٌ زهيرٌ كتاباً في البيت

فـ [زهيرٌ] فاعل لاسم الفاعل [قارئ]، و[كتاباً] مفعولُه، وشبه الجملة [في البيت] متعلّق ب


خبر كان مقدم على اسمها

كان في المزرعة حارسها

[الجوري11 0]

بجد ربنا يجزاك خير يارب

[marina 0]

thank you بجد انا كرهت العربى على كل الامتحانات هم مالهم اسئلتهم غامضة

[أمجد1 0]

فاعل بعد إذ الشرطية
إذا السَمَاءُ انْشَقَّتْ وأذنت لِرَبِّها وحُقَتْ

[أمجد1 0]

يحذف المبتدأ وجوبا في أربعة مواضع
: ـ






1 ـ النعت المقطوع إلى الرفع لإفادة المدح ، أو
الذم ، أو الترحم






مثال/ مررت بزيدٍ الكريمُ . والتقدير : هو الكريم

[الجوري11 0]

السلام عليكم ورحمة الله وبركاته
اعزائنا الطلاب تم اضافة تطبيق لمادة 113 ويحتوى على امتحان 2011 محلول .فبرجاء الاطلاع عليه
مع تمنياتنا بالنجاح والتوفيق
ده نص رسالة ممن المركز

[عبد الرحمن 89 0]

فيه خبرين لسه نازلين حالا واحد علي صفحتي الشخصيه :
السلام عليكم ورحمة الله وبركاته

اعزائنا الطلاب يوجد محاضرتين اضافيتين للدكتوره رانيا الشباسى فى مادة 212 فى خانة محاضرات مكتوبه للطباعه نرجو تحميلهم ومذاكراتهم

والخبر الثاني علي الصفحه الرئيسيه لموقع الجامعه :

نوجه عنايتكم إلى أنه من المقرر استمرار امتحانات التعليم المفتوح أيام السبت 23 يوليو 2011 والأحد 24 يوليو 2011 دون انقطاع علماً بأنه لا توجد أي أجازات طوال فترة الامتحانات إلا أيام الجمعة فقط.

[marina 0]

thank you

[أمجد1 0]

التطبيق المنضاف دة فين
انا حملت 4 تطبيقات بتحديث يوم 5-7 وكلهم عبارة عن اكسرسيزس Exercises مش امتحانات

[أمجد1 0]

كدة الحمد لله خلصت مراجعة
على فكرة النحو 2 العربي سهل جداااا

وياريت الامتحان يجي بالشكل دة


استخراج امثلة واعطاء امثلة كلها حاجات سهلة جدا


استخرج

1- اسم مبني

2- فعل ماضي مبني (عالسكون-عالفتح-عالضم)

3- فعل مضارع مبني (عالفتح-عالسكون)

4- فعل امر مبني (عالسكون-على حذف النون-على حذف حرف العلة)

5- اسم من الاسماء الخمسة (سواء كان مجرور - منصوب - مرفوع)

6- جمع مذكر سالم او مايلحق به

7- مثنى أو مايلحق به (كلا وكلتا)

8- جملة اسمية (مبتدأها محذوف - أو خبرها محذوف)

9- خبر (مفرد - جملة اسمية او فعلية او شبه جملة)

10- اخوات كان او ان

11- خبر ان مقدم على اسمها

12- اسم فاعل نصب مفعول به

13- اسم مجرور (بالاضافة - بحرف الجر - بالتبعية)

14- ممنوع من الصرف (ودول كلهم شرحتهم بيكون لعلم وعلة او صفة وعلة)

وحالة تجر فيها الممنوع من الصرف بالكسرة لو كانت مضافة او معرفة بأل


15- السؤال بتاع إن وإن

إن لو وقعت:

1- في اول الجملة

2- بعد حيث

3- بعد اسلوب قسم

4- بعد قول مثل/ قال الرجل: إن الولد كاذب

5- بعد ألا الإستفتاحية

6- صدر جملة الشرط

وأن بيصح تويلها مع فعل ودي الحالة الوحيدة



بس هو دة المنهج يا جماعة

[أمجد1 0]

طريقة الفيديو بتاع الجامعة دة زبالة جدا
انا مشعارف اصلا اي برنامج اللي بيفتحو

فضلت ارجع واجري في الفيديو لحد ما ايدي اتهرت


انا مشعارف مايعملهوش عبارة عن فيديو زي مانا عامل ليه يتفتح بالميديا بلاير احسن

[عبد الرحمن 89 0]

معلش يا امجد عندي طلب دلوقتي انا خلصت المنهج بس عندي مشكله في تحديد الضمائر اذا كانت مبنيه علي السكون ولا الضم ولا الفتح
مفيش طريقه سهله اقدر افرقهم بيها ؟
وشكرا

[marina 0]

موقع الجامعة مش راضى يفتح حد عارف لية

[عبد الرحمن 89 0]

الموقع شغال عندي
قولي عايزة ايه منه وانا احملهولك

[marina 0]

كنت عايزة اتفقد اخر طبيقات ترم تانى عربى يمكن يكون نزل اجة او فى امتحانات محلولة

[عبد الرحمن 89 0]

لا مفيش اي تطبيقات ومفيش غير 3 امتحاناات محلوله

[أمجد1 0]

شوف يا حبيبي عبد الرحمن 89
انا قلت وفي الشرح اللي انا سجلته

انم تعرف الضمير مبني على ايه اسهل حاجة علطول تبص على اخر حرف التشكيل عليه ايه


شوف مثلا نبص على الضمائر المنفصلة

1- المتكلم:-

أ- أنا/ وانا قلت يا حبيبي ان لو لقيت الضمير منتهي بألف يبقى مبني على السكون

ولاحظ ان انا اخر حرف لو بصيت عليه هاتلاقيه ألف


ب- نحنُ/ شوف اخر حرف يا حبيبي عليه ضمة صح؟

يبقى مبني على الضم


2- المخاطب:-

أ- أنتَ/ اخر حرف عليه فتحة , يبقى مبني على الفتح

ب- انتِ/ آخر حرف عليه كسرة, يبقى مبني على الكسر

ج- أنتما/ بص على آخر حرف يا حبيبي هاتلاحظ انه ألف , يبقى مبني على السكون

د- أنتمْ/ آخر حرف عليه سكون, يبقى مبني على السكون

هـ- أنتنَّ/ اخر حرف عليه فتحة يبقى مبني على الفتح

انت هاتقول كدة: ضمير منفصل مبني على الفتح في محل رفع/نصب/جر


3- الغائب:-

أ- هوَ/ اخر حرف عليه فتحة, يبقى مبني على الفتح

ب- هيَ/ آخر حرف عليه فتحة يبقى مبني على الفتح

ج- همْ/ آخر حرف عليه سكون , يبقى مبني على السكون

د- هما/ انا هاسيبك تحللي دي.......

ه- هم/ ودي.....؟

و- هنَّ/ ودي.....؟

[عبد الرحمن 89 0]

هما مبني علي السكون علشان اخرة الف هم مبني علي السكون هن مبنيه علي الفتح
وشكرا علي اجابتك واسف لو ضيعت وقتك

[أمجد1 0]

لا يا حبيبي انا خلصت مذاكرة
واجابتك صح


الضمائر المتصلة بقى, الضمائر المتصلة نوعين ضمائر بتكون مفعول به وضمائر بتكون فاعل


1- ضمائر المفعول به اللي هي:

أ- كاف الخطاب
- ضَرَبَكَ/ شوف آخرحرف يا حبيبي على الضمير ( الكاف ) هاتلاحظ انه فتحة يبقى نقول: ضمير متصل مبني على الفتح في محل نصب مفعول به


ب- نا الدالة على المفعولين

- ضَرَبَنا/ لاحظ اخر حرف (نا) منتهي بالف صح , يبقى ضمير متصل مبني عالسكون في محل نصب مفعول به


ج- هاء الغائب

- ضَرَبَهُ/ لاحظ في ضمة عالهاء يبقى مبني عالضم

2- ضمائر الفاعل

أ- نا الدالة على الفاعلين

- لَعِبْنا/ اخر حرف الف يبقى الضمير مبني على السكون


ب- تاء الفاعل

- للمتكلم ( لَعِبْتُ ) / لاحظ اخر حرف واللي هو الضمير المتصل ( تاء الفاعل ) عليه ضمة يبقى مبني على الضم


للمخاطب ( لَعِبْتَ ) / اخر حرف على تاء الفاعل فتحة , يبقى مبني على الفتح

للمخاطبة ( لَعِبْتِ ) / اخر حرف على تاء الفاعل كسرة يبقى مبني على الكسرة


ج- نون النسوة

- البناتُ لَعِبْنَ

لاحظ في الفعل لَعِبْنَ / اخر حرف عليه فتحة يبقى مبني على الفتح

[عبد الرحمن 89 0]

أمجد كتب:

كدة الحمد لله خلصت مراجعة
على فكرة النحو 2 العربي سهل جداااا

وياريت الامتحان يجي بالشكل دة


استخراج امثلة واعطاء امثلة كلها حاجات سهلة جدا


استخرج

1- اسم مبني

2- فعل ماضي مبني (عالسكون-عالفتح-عالضم)

3- فعل مضارع مبني (عالفتح-عالسكون)

4- فعل امر مبني (عالسكون-على حذف النون-على حذف حرف العلة)

5- اسم من الاسماء الخمسة (سواء كان مجرور - منصوب - مرفوع)

6- جمع مذكر سالم او مايلحق به

7- مثنى أو مايلحق به (كلا وكلتا)

8- جملة اسمية (مبتدأها محذوف - أو خبرها محذوف)

9- خبر (مفرد - جملة اسمية او فعلية او شبه جملة)

10- اخوات كان او ان

11- خبر ان مقدم على اسمها

12- اسم فاعل نصب مفعول به

13- اسم مجرور (بالاضافة - بحرف الجر - بالتبعية)

14- ممنوع من الصرف (ودول كلهم شرحتهم بيكون لعلم وعلة او صفة وعلة)

وحالة تجر فيها الممنوع من الصرف بالكسرة لو كانت مضافة او معرفة بأل


15- السؤال بتاع إن وإن

إن لو وقعت:

1- في اول الجملة

2- بعد حيث

3- بعد اسلوب قسم

4- بعد قول مثل/ قال الرجل: إن الولد كاذب

5- بعد ألا الإستفتاحية

6- صدر جملة الشرط

وأن بيصح تويلها مع فعل ودي الحالة الوحيدة



بس هو دة المنهج يا جماعة

هي دي كل الحاجات اللي شرحها الدكتور ؟؟؟

[أمجد1 0]

لا في حاجات ماشرحهاش تقريبا بس قالتها الجوري انها كانت في امتحان وانا حطتها وجبتلكوا امثلة

واسأل اي سؤال براحتك يا حبيبي اهو ادينا بنراجع مع بعض

[marina 0]

thank you

[أمجد1 0]

!!...No need to thank for something that is helpful

[الجوري11 0]

ياحلويين وصلت والامتحان كان زي العسل
بس في سؤال هنتناقش فيه بس بعد مارفعلكم الامتحان

[الجوري11 0]

2shared.com/photo/ruLX0a4m/_online.html

[الجوري11 0]

شوفوا واضح ولا لا علشان مصوراه بكاميرا

[marina 0]

شكرا يا جوجو لكن المهم انت عملت اية طمنينى باللة عليك

[الجوري11 0]

ده سهل جدا الحمدلله بس في سؤال استخرجي من الفقرة فعل ماض مبني عالفتح وده بقى ماعرفتهوش خالص ياريت اللي يلاقيه يقولي انهو واحد

[marina 0]

واعراب السوال الاخير يا جوجو عملت اية فية

[أمجد1 0]

لا حول ولا قوة الا بالله
هو لازم يكون ثغرة في الامتحان


وانا بقى لا عرفت اطلع الفعل الماضي ولا الاسم المجرور بعلامة فرعية

والاعراب حاجة زبالة


بس حليته وراجعوا الحل بتاعي

mediafire.com ?y1715arv9eytx7f

[الجوري11 0]

ليس طلعت فعل ماض بس انا ماعرفتهاش خالص ولاجات في بالي

[الجوري11 0]

رقم 5حالتيه مثنى مجرورا
وحرف النفي كتبت ليس
والاعراب
طيب اته عملت بعد يكن الاولى اسم مؤخر والتانية ليه مفعول به ماهي بردو يكن تبقى خبر يكن منصوب

[أمجد1 0]

مشعارف بصراحة

طب وانتي عملتيهم الاتنين خبر يكن؟؟


معقولة الاجابتين هاتكون نفس بعض..؟

[الجوري11 0]

الاولى اسم يكن مؤخر والتانية خبر يكن منصوب هو ده اللي عملتو

[أمجد1 0]

شوفي هي ليس فعلا فعل ناسخ بس عمره بردو ماكان هايجي في بالي انه فعل ماضي مبني

وبعدين ازاي ماجاش في بالي ان حالتيه اسم معرب صحيح مجرور لانه مثنى

كنت هاقول الفضلِ وكنت هاقول ممنوع من الصرف


وعملتي ايه في اعراب ( أخيَّ )؟

[marina 0]

اخى منادى منصوب بالفتحة واعربت بعلامة اصلية لانها اتصلت بياء المتكلم

ويا حرف نداء

شوفوا الاعراب دا صح

[EsLaM.BeSTeM 0]

السلام عليكم ... شباب وبنات ....
معلش انا بادىء مذاكره متاخر شويه ... فا يا ريت لو حد يكتبلى ملخص للعربى كده فى دوكيمنت يكون عامله ... او يكتبه هنا ... انا نزلت المحاضرات من ع الصفحه بتاعتى ... بس شكلهم يخض اوى ... او يقولى اذاكر ايه من المحاضرات دى .... انا لو اعرف ان اداب انجلش فيها عربى ... مكنتش دخلتها ... لا وأيه نحو كماااان ... هههههههه وان شاء الله هبقى اتابع معاكم بقيت المواد
ويا ريت تقبلونى اخ ليكم

[marina 0]

يا جماعة حتى معاة رابط الامتحانات اللى حملتها ستار

[الجوري11 0]

يا أخيي انا اعربتها ايه بقى منادى منصوب وعلامة نصبه الفتحة لانه تصغيرا لاخي والتي هي من الاسماء الخمسة !!
ابدعت صح

[marina 0]

اعرابك صح يا قطة

[الجوري11 0]

ياريت مش كفايه ليس
طيب واعراب الباقي ايه صح ولا غلط علم ورجلا اعرابهم ايه !!

[EsLaM.BeSTeM 0]

يا جماعه ... ملخص عربى الترم التانى ... بليييييييييييز
الامتحان تومورووووووووو

[marina 0]

انت حتذاكر الاعراب والبناء والمبتدا والخبر والممنوع من الصرف وان واخواتها وكان واخواتها وكلا وكلتا وجمع المونت وملحقاتةوالمثونت وملحقات والمثنى والاسماء الخمسة

[marina 0]

اعراب رجلا وعلما اعراب امجد فيهم صح يا بطة

[الجوري11 0]

طيب ازاي بقى

[الجوري11 0]

من لم يكن فيه علم لم يكن رجلا
ازاي بقى؟؟!!

[الجوري11 0]

خلاص عموما انا عايزة اعرف اذاكر الجرامر 2 و1 ازاي

[marina 0]

علم مبتدا يكن

رجلا مفعول بة

[marina 0]

مش عارفة تذاكروهم ازاى بس حل امتحانات ولو حاجة يعنى قاعدة ناسيها راجعى عليها وذكرايها

[أمجد1 0]

طب انا عايز اعرف ليه ( رجلا ) بقى مفعول به
على رأيها ليه ما تبقاش خبر يكن؟؟