حلقة دراسية ترم اول دور ابريل 2011

[أمجد1 0]

خلينا نراجع عالسريع مراجعة النهائية

في العربي كدة ايه هو المرفوع

المرفوع ممكن يكون اسم وممكن يكون فعل


المبتدأ دائما بيكون مرفوع

والخبر بيكون مرفوع

حالة الرفع بقى بتختلف من اسم لأخر

يعني في المثنى الرفع بالالف

وفي الاسماء الخمسة الرفع بالواو

وفي المذكر السالم الرفع بالواو

وفي المؤنث السالم الرفع بالضمة

وفي الاسماء المفردة الرفع بالضمة


والخبر نفس النظام


الافعال بقى

الفعل المضارع بيكون مرفوع بضمة او ضمة مقدرة لو كان صحيح غير متصل بضمير

وبيكون مرفوع بثبوت النون اذا كان من الافعال الخمسة


ايه المنصوبات بقى

المنصوبات

(1) خبر كان واخواتها

(2) اسم ان واخواتها

(3) الظرف
(4) الحال

(5) المفعول به

(6) المفعول المطلق

(7) المفعول لأجله


الاسم يكون منصوب بالفتحة اذا كان مفرد

ويكون منصوب بالألف اذا كان من الأسماء الخمسة

ويكون منصوب بالياء اذا كان مثنى وجمع مذكر سالم

ويكون منصوب بالكسرة اذا كان جمع مؤنث سالم


وفي الأفعال
(1) الفعل المضارع اذا اتى بعد اداة من ادوات النصب


بس وهو الامتحان كل الحكاية دايما بيجي سؤال استخرج المنصوبات واذكر نوعه

وسؤال بين نوع الخبر سهل بس اللغز ساعات بيكون في الخبر شبه الجملة والخبر المقدم والمؤخر ساعات باتلغبط فيهم وباغلط

[Walaa El-moataz 0]

جميل يا امجد
جزاك الله خيرا

عشان مش تتلخبط رجع الجملة لاصلها ورتب معناها انت مع نفسك
هتلاقى انك عرفت تفرق بين المبتدأ والخبر حتى لو كان شبه جمله

[أمجد1 0]

الحكاية مش في ترتيب لجملة

طب ماهو ممكن المثال الي في الامتحان يكون اصلا الجملة مترتبة

زي مثلا


من في البيت؟

من هنا مبتدأ

ما ممكن ترجعها او تعكسها وتقول

في البيت من؟

[أمجد1 0]

وحاجة تانية تخلو بالكو منها
تأخير المبتدأ وتقديمه وكذلك الخبر مش بحكاية انك ترتب الجملة لأصلها لا خلو بالكو

الموضوع كله بالأحكام احكام تقديم الخبر وتأخير المبتدأ في احكام لازم تتحفظ ودي هاحفظها النهاردة ان شاء الله


زي مثلا امام البيت حديقة

المبتدأ تأخر مثلا لأن الخبر ظرف


بس انا مشعارف ليه ساعة الامتحان بلاقي الامثلة صعبة

[الجوري11 0]

امثلة الامتحان بصراحة بتلخبط الواحد فعلا اذا ماكنش مركز فيها

[أمجد1 0]

مانا باقول كدة

الواحد بيذاكر في البيت حلو ويحل كل حاجة صح ووقت مايجي يحل تمارين مشعارف بيلاقي الدنيا واقفة وبيحس انه بيحل غلط

[marina 0]

يا جماعة فى اية يعنى النت يقطع عندى يوم يحصل كل دا عامة يا جماعة حصل خير وشكرا يا بلاك لمجهودك ومشاركاتك وشكرا لكل عضو بيشارك اما بالنسبة لمادة اذا كانت صعبة اورزيلة فادا بيختلف من شخص لاخر ودا بترجع لميول الشخص وانت يابلاك لو لاحظت حتلاقى رغم ان عربى ترم تانى زى اول حتلاقى ان الترم الاول فعلا دكتور سعد مصعبة للغاية عن دكتور عرابى وربنا يسهل كل صعب وحصل خير كل شد اعصاب الامتحانات وبالنجاح للجميع

[marina 0]

للعلم دكتور سعد قال ممكن اجيب سوال مش اعراب ولكن اسال عن اسباب المبنى للمجهول واذكرهم وهم لاربع اسباب فاذا حد لقى سوال زى كدة ميتخض لان هو قال ممكن اسال اسئلة زى كدة ودا قالها فى محاضراتة قبل الاخيرة

[marina 0]

يا جماعة موجود مراجعة لدكتور اسمة محمود عبارة عن 3 محضرات وفعلا دكتور رائع على الصفحة الدراسية ودا مفيدة وبيراجع ويحل امتحان وبيشرح ذوكرهم وحتفهم الغامض من المنهج اما الاسماء الخمسة مقررة وحيجيب منها

[student 0]

لو سمحت يا مارينا بعد ازنك ترفعيلى اخر محاضرة فى النحو 1 للدكتور سعد تكون واضحة لان الصور مش واضحة حتى بعد ما كبرتها بليز

وجزاكى الله خيرا

[student 0]

يا جماعة لو فى اى ملحوظة فى مادة النحو 1 يا ريت ترفعوها

بالتوفيق للجميع إن شاء الله

[marina 0]

صدقى الاسكانر واقفة ومش شغالة وعلشان كدة من الاصل لما رفعتها مكنتيش واضحة

[student 0]

طيب هو الى اتكتب فى المحاضرة ده امثلة زى الإمتحان ولا الحاجات ده مهمة

والف شكر يا مارينا على اهتمامك
وبالنجاح ان شاء الله

[marina 0]

العفو على اية المحاضرة دا كانت يوم الجمعة وانا صدقنى جبتها من العيال انا حضرت يوم السبت بس واللى شرحة يوم السبت كان مختلف خالص عن يوم الجمعة يوم لجمعة حال امتحانات معهم باستفاضة اكتر وعرفهم بالتفصيل نماذج الاسئلة فمهمة جدا محاضرة يوم السبت والجمعة وانا رفعت محاضرة يوم السبت وهو طول المحاضرات مقربيش ناحية التطبيق خالص حتى فى المحاضرات الاخيرة الللى راجع فيها محليش ولا حاجة من التطبيق رغم ان قال هاتوا معكم التطبيق وححل منةلكن ولا فتح ولا صفحة فى التطبيق ومن ضمنها قالهم ان ممكن اجيب اسئلة اذكر حالات عدم ذكر الفاعل

[الجوري11 0]

بشرونا عملتو ايه النهاردة في امتحان النحو العربي

[student 0]

ها يا جماعة طمنونى ايه اخباركوا عملتوا ايه انهارده ؟
بالنسبالى حسيت انى متلخبطة شوية خصوصا فى السؤال الأول حد متأكد منه ؟
يا ريت حد رد عليا ويطمنى

[marina 0]

الامتحان جة كلة من مراجعة الدكتور وورقة ولاسف انا مهتمتيش بية والواحد دخل ناسى كل اللى ذاكروة

[أمجد1 0]

طيب يا جماعة هو الامتحان حلو وسهل بس رخم شوية بردو
وانا هاحط الامتحان اهو وراجعوا حلي كدة


السؤال الأول : أجب كما هو مطلوب بين الأقواس:-


1- أحبب صديقك بعض الحب (حدد نائب المفعول المطلق في الجملة السابقة)

نائب المفعول المطلق/ بعضَ


2- كيف حالك؟ (حدد ركني هذه الجملة الإسمية)

المبتدأ/ حالك , مبتدأ مؤخر

كيف/ خبر مقدم


3- الدولة تشجع الكفاءات المحلية (حدد نوع الخبر)

نوع الخبر/ تشجع (خبر جملة فعلية)


4- متى السفر؟ (حدد الوظيفة النحوية لإسم الإستفهام)

الوظيفة النحوية لإسم الإستفاهم (كيف) هي خبر مقدم


5- لولا بقية من حياء لخرج ابنك عن طوعك

( قدر الطرف المحذوف في الجملة السابقة , وحدد وظيفته النحوية)

الطرف المحذوف/ موجودة

فنقول (لولا بقية من حياء موجودة لخرج ابنك عن طوعك)
وظيفته النحوية/ خبر

دة من ضمن الاسئلة الغبية اللي ماذاكرتهاش


السؤال الثاني : أعرب ما تحت خط فيما يأتي:-


أضحى التَّنّائِي بديلاً من تَدَانِينا ونابَ عن طيبِ لُقْياناَ تَجَافِيناَ

ويُلْقَى ذو الغِنى وَلَهُ جلالٌ يكادُ فُؤادُ لاَقِيهِ يَطِيرُ
لكنني يا فتنتي مجرب قعيد

بديلاً/ خبر أضحى منصوب وعلامة نصبه الفتحة الظاهرة
الاول جاوبت قلت مفعول لأاجله وبعدين مفعول به

تجافينا/ فاعل مرفوع وعلامة رفعه الضمة المقدرة لأن اصل الفاعل (تجافي)
والضمير المتصل (نا) مبني على السكون في محل جر مضاف اليه

ذو/ نائب فاعل مرفوع وعلامة رفعه الضمة الظاهرة

جلالٌ/ انا مشعارف ايه دي اعرابها اتلخبطت فيها بس جاوبت قلت: مبتدأ مؤخر للخبر الشبه الجملة (ولَهُ) , مرفوع وعلامة رفعه الضمة الظاهرة

مجرب/ خبر لكن مرفوع وعلامة رفعه الضمة الظاهرة

السؤال الثالث : أدخل ( كان ) أو احدى اخواتها على الجمل التالية , وغير مايلزم:-

- نحن أولو قوة

* مازلنا أولي قوة


- زيد ذكاؤه محدود

* أصبح زيدٌ ذكاؤُهُ محدوداً


- الرحلتان كلتاهما ممتعتان

* كانت الرحلتان كلتاهما ممتعتينِ

- أخواك مهتمان بِمُذَاكَرَتِهِما

* أمسى أخواكَ مهتمينِ بمذاكرتهما


السؤال الرابع : ضع - فيما يأتي - همزة ( إنَّ ) أو ( أَنَّ ) موضعها المناسب - مع التعليل

انا مشعارف السؤال دة الدكتور جايه منين اصلا , ودة يعتبر اصعب سؤال فيهم انا مشفاهم ايه التعليل دي
بس دي حلي


- ان العدل اساس الملك

إنَّ العدلَ أساسُ الملكِ

السبب / تفيد التأكيد أن العدل اساس الملك

- سرني انك نجحت

* سرَّني أَّنَكَ نجحت
السبب/ تفيد تأويل المصدر من ( أنك ) والفعل ( نجحت ) ويمكن تقديره بالمصدر الصريح ( نجاحك ) فتصبح الجملة/ سرني نجاحُكَ


- قابلته وانه يستعد للسفر

* قابلته وأَنَّهُ يستعد للسفر

السبب/ تفيد تأويل المصدر من ( أنه ) والفعل ( يستعد ) ويمكن تقديره بالمصدر الصريح ( مستعداً ) فتصبح الجملة ( قابلته مستعداً للسفر )


- قال المتهم : انه كان يدافع عن نفسه

* قال المتهم : إِنَّه كان يدافع عن نفسه

السبب/ تفيد تأكيد دفاعه عن نفسه


- والله ان النصر قريب

* والله إِنَّ النصرَ قريبٌ

السبب/ تفيد تأكيد النصر وانه قريب


- يسكن الناس حيث ان الراحة موفورة

* يسكن الناس حيث إِنَّ الراحة موفورة

السبب/ تفيد تأكيد وفرة الراحة


اجابات غلط مش كدة؟


ومين بقى اللي امتحان كان زي دة يعني امتحن جوة الجامعة

[أمجد1 0]

منك لله يا دكتور
دكتور رمة


جايب السؤال الاخير من التيرم الثاني في المحاضرة التاسعة اخر محاضرة اخوات ان

وفي درس ان واخواتها بتاعت التيرم الاول مفهاش الكلام دة ولا فيها سبب ان وان والحاجات دي
الدرس بتاع اخوات ان للترم الاول غير خالص بتاع الترم التاني


وانا طبعا ماذاكرتش الترم التاني

وطبعا اجاباتي كلها غلط التعليل كله


زي مثلا

يسكن الناس حيث ان الراحة موفورة

وانا كتبت تفيد تأكيد وفرة الراحة والاجابة الصح اساسا

انها وقعت بعد حيث

لما شفتها الوقتي في المحاضرة

[أمجد1 0]

وانا اقول مشعارف احله ليه ومامرش عليا في المذاكرة امبارح
اتاريه متنيل محدوف في الترم التاني واخر محاضرة كمان

[أمجد1 0]

انتوعلبالكو ربنا مش هايحاسبه على كدة
لا والله العظيم بعد الله اعلم هايحاسبه عشان يقول كلمة ويعمل بكلمة تانية في الامتحان

الامتحان ترم اول وجاب من ترم ثاني

اللهم سامح المنافقين بإذنك وبأمرك كما وعدت في القرآن العظيم كتابك لتعذبهم او تتوب عليهم


الآية ( لِيُعَذِبَ المُنَافِقِينَ وَالمُنَافِقَاتِ أَوْ يَتُوبَ عَلَيْهِمْ )

[student 0]

عندك حق والله


بس معظم اجاباتك متفقة مع إجاباتى جداً ما عادا بعض نقط أنا عارفة إنى غلطانة فيها
بس أنا أعربت (جلالُ)نعت مرفوع وعلامة رفعة الضمة
وكمان الجملة(لولا بقية من حياء لخرج ابنك عن طوعك)أنا زودت( أن)بعد( لو)
على اعتبار أنه حرف ناسخ بس طبعاً مش متأكدة
يا ريت لوحد تانى ممكن يراجع معانا...

[أمجد1 0]

ايوة يبقى انتي تقريبا اجابتك اللي صح
جلالٌ نعت لأن شاب صاحب اخويا النهاردة لما خلصت امتحان مصمم انها صفة مرفوعة اقوله مبتدأ مؤخر يقولي لا

واخويا اللي مخلص جامعة قال نفسي مبتدأ مؤخر


بس انت ضفتي ان ليه بعد لولا


دة السؤال دة رخم جدا وزهقني بس هاقولك مثال تاني انا الحمد لله افتكرته في الامتحان


لولا العلم لانتشر الجهل بين الناس


افتكرت ان في كلمة ناقصة تقديرها ( موجود )

لولا العلم موجود لانتشر الجهل بين الناس


انا مش متأكد من حكاية تضيف ان دي بعديها


بس ايه اخبار السؤال الرابع بتاع أن وإن حليت التعليل ايه

[أمجد1 0]

لا ان شاء الله يارب تجيب/تجيبي امتياز

بس يا جماعة مين يقدر ويخمن درجتي من الحل بتاعي

[الجوري11 0]

انا مش عارفة الامتحان ده عامل كده ليه وان شاءالله تجيبوا تقديرات كويسة

المهم في جروب الفيس بوك بيتناقشوا في الامتحان عالشات ممكن تتناقشوا معاهم

[marina 0]

اجابات كلها صح ماعدا تابدلا وهى خبر انا بقى عملتها مفعول مطلق

[الجوري11 0]

شفتي المناقشة الحادة اللي عالشات
وربنا يوفقك ياعسولة

[marina 0]

اجابة بلاك صح فى سوال لولا

[marina 0]

يا جماعة الدكتور يوم السبت اخر محاضرة 4 ورقاتاللى رفعتها الثلاتة اسئلة الاولنين الامتحان كلة منها ولاسف انا كمان مهتمتيش بالورق رغم انة قلنا بالمتغطى ان عمل معنا احلى واجب

[marina 0]

اجابة السوال الاخير يا بلاك الان فعلا تفيد التوكيد

2- مصدر موول 3- مبينة لحالة 4- جاءت بعد قول 5-جاءت بعد القسم 6- جاءت بعد حيث

[أمجد1 0]

طب يا مارينا انا ماعملتش جاءت بعد قسم دي ولا عملت جاءت بعد حيث
كل اللي انا عملته في بتاعت القسم ان التعليل : انها جاءت تفيد التأكيد هو كدة يعني هاقل الدرجة كلها ولا ايه؟؟


ما اصل يا مارينا الدرس دة موجود في الترم التاني

والله لو كنت مذاكره كنت جبت امتياز


وبعدين هو ايه تبادلا دي اللي انت بتقول خبر

قصدك الكلمة اللي في الابيات اللي هي بديلا

لا دي خبر اضحى وانا عملتها فعلا خبر اضحى

[student 0]

أنا تقريباً عملت معظمة صح بس ولا واحدة من التعليل صحيحة لأنى معدتش عليا خالص الفرق بين إن وأن

[marina 0]

وتجافينا بريضة خبر الدكتور حلها فى الورق كدة

[أمجد1 0]

على فكرة احنا ممكن نشتكي عالدكتور او نروح ذاتيا نكلمه نقوله انت جايب حاجات من ترم ثاني

وبعدين مستحيل تجافينا تكون خبر اذا كان في فعل


وَنابَ عَنْ طِيبِ لُقْيَاناَ تَجَافِيناَ


مش داخلة دماغي انها خبر

طيب وفين المبتدأ


هي فاعل

وناب تجافينا عن طيب لقيانا

[marina 0]

ان بقى الاعراب 2 صح من 5

[student 0]

أنا أعربت تجافينا فاعل فعلاً بس إنت متأكدة يا مارينا إن الدكتور أعربها خبر لأن واضح جداً ومن غير تفكير إنها فاعل

[marina 0]

انا عربتها مفعول بة يا جماعة انا زعلت لما رجعت الورق اللى رفعتة ولقتة جايب كل الاسئلة التالتة بالنص دا اعراب اللى خدت منها الورق وكاتبة حشوفة تانى

[marina 0]

لا يا جماعة اعرابها فاعل لنائب

[أمجد1 0]

وعلى الفكرة الابيات دي جايبها من امتحان ترم تاني
طب ليه يا جماعة يعمل كدة


امال هايجيب ايه في الترم التاني بقى على كدة

ايه... هايجيب نفس الامتحان ولا ايه....


حاجة غريبة..!!

[الجوري11 0]

دكتور تيرم اول مختلف عن تيرم تاني على فكرة
بس دكتور تيرم اول كان بيدرس قبل كده تيرم تاني

[hend nga 3]

بالتوفيق والنجاح والتقدير العالي ان شاء الله

يا ريت تنسوا اللي فات وخليكوا في المادة التانية لأن المراجعة بتحرق الدم وتبوظ الأعصاب

مارينا يا ريت تحذفي تعليقات بلاك اللي بيشتم فيها الدكتور

لأنه عصبي من الأمتحان ومش واخد باله هو بيقول ايه وفين.....

[marina 0]

يا جماعة خلاص ننسى المادة دا وربنا يكمل ونفوق لباقى المواد واكيد الدكتور ماسك الترم لاول مرة واكيد مش حيطلع نتجتة وحشة وحيقدر ظروف اللى فى المحافظات والدول العربية ومش بيحضروا المحاضرات واهم حاجة ان احنا نجيب اللى ينجحنا ونعوصها فى المواد التانية وربنا ينجح الجميع واحنا اهم شى نعدى الترمين ومش مهم تقدير خالص لان احنا ظروف ضم الترمين صعب فربنا ينجحنا ويكمل لنا على خير وعلى راى ستار اهم حاجة المواد اللى جاية وتم عمل اللازم يا ستار

[أمجد1 0]

يا جماعة انا عايز اغير اسمي ازاي؟

عايز اغير الاسم BlackCitadel

اخليه أمجد

[الجوري11 0]

في موضوع الاستاذ حمدي حاطو للي عايز يغير اسمو

[marina 0]

يا ريت يا امجد اسم بلاك يعنى اسود والدنيا مش ناقصة ايعت رسالة خاصة على المدير العام استاذ حمدى وكان فى موضوع فى اللى عايز يغير اسمةممكن تعمل بحث داخلى او ابعت رسالة للمدير العام

[hend nga 3]

فيه موضوع عامله حمدي باسم تغيير الأسم ادخل حط الأسم الجديد في مساهمة وهو هيغيرلك الأسم
واشرب عصير ليمون وهدي اعصابك وسمي بالله وابتدي المادة التانية

[الجوري11 0]

/t297p52-topic

[Walaa El-moataz 0]

الحمد لله يا شباب ان الماده خلصت

ونصيحه مهمه بجد اوعى حد يراجع بعد الامتحان واللى اتحل اتحل خلاص

مش هنرجع حاجة

والامتحان اللى يخلص شيلوه من دماغكم خالص ومتفكروش فيه تانى

وركزو فى المادة الجديدة

وربنا معانا كلنا ويوفقنا

[أمجد1 0]

يعني الامتحانات اللي جاية مانراجعش بعد مانخلص؟

[marina 0]

حتى لورجعنا مانندميش مش حيرجع المهم اللى بعدة وعامة التوفيق من عند ربنا مبروك الاسم الجديد