فين الجديد فى الحلقه الدراسيه للترم الاول ياجماعه

[kimobasha 0]

اللى انا ملاحظه ان مفيش تعاون خالص فى المنتدى ده فين المهم والتوضيح اللى فى الحلقه الدراسيه للترم الاول مفيش جديد خالص اللى بنشوفه كلمتين مش اكتر وبحس ان اللى بيقول معلومه بقولها غصب عنه ...والمفروض يقول اتشرح كذه وكذه ونركز على ايه ولا ايه المهم بالتفصيل عشان حتى ربنا يباركله (من فرج عن مؤمن كربه من كرب الدنيا فرج الله عنه كربه من كرب يوم القيامه )وارجع واقول ان دى حاجه طبيعيه ان محدش بيدور على غيره الكل بيدور على نفسه .....لذلك قرار الاعتماد على النفس افضل من التسول لان طلباتى بتحسسنى انى بتسول مش بطلب مساعده منكم .....بس اعرفوا حاجه احنا فى الاقاليم اصحاب واجب قوى وبنحب نخدم واللى فى ايدينا مش لينا بيكون لغيرنا ......وشكرا جزيلا ليكم ياللى موجودين بالمدن والمركز الرئيسى ....وتحيا جمهوريه (الكل بيدور على مصلحته نفسه)

[marina 0]

لو بتدور كويس حتعرف ان فى حلقة دراسية ترم اول دور ابريل مكتوب اية اللى اتاخد والى الان ماحديش قال على المهم والملغى كلة فى اخر محاضرة خالص اية الملغى والمهم

وياريت ماتسبقويش الاحداث كلة بايدى الدكاترة المقرر والملغى وهم اللى بايديهم امتى يقولنا


ودا لينك اللى تلاقى كل حاجة فية

/t3391p52-topic#30740

[Walaa El-moataz 0]

No comment

[marina 0]

بس لو الواحد بس فيهم يتعب ويدور حيلاقى مكتوبة الحاجةكذا مرة ولا على رايك لا تعليق

[kimobasha 0]

انا عارف انه موجود لكن اللى فيه المختصر مفيش توضيح ......اللى بيتقال ان اتشرح النهارده يونت كذه والقطعه كذه اكتر من كده مفيش لكن توضيح وشرح مفيش .....ده اللى اقصده

[Walaa El-moataz 0]

حضرتك بتقول ان المفروض علينا اننا نشرح ونوضح
لا دا مش فرض علينا احنا ممكن نطنش خالص وكل واحد مع نفسه
احنا مش مجبرين اننا نقول ايه اللى اتشرح لكن بنعمل كدة عشان بنراعى ان فى ناس مش قادرة تحضر وعايزين نساعدهم
واصلا فى محاضرات تليفزيونية ومحاضرات وتطبيقات مكتوبة اتعب نفسك شوية
وشوف بيتكلموا على ايه ولو مش فاهم حاجة تعالى قول والكل حيساعدك
والدكتور مش بيقول اى كلمة زيادة عن المحاضرات اللى معاك
وحكاية ان كل واحد بيدور على نفسة ومصلحته ومفيش تعاوب مينفعش انه يطلع منك وكأنى مسمعتوش

[kimobasha 0]

ايه يااخت ولاء براحه شويه ..النقد مش بيزعل ....واللى زعلان من النقد يبقى فعلا النقد مقصر فيه ....وانى اتعب شويه مفيش مشكله بالنسبالى دى حاجه ..والحاجه التانيه انك بتقولى ان الدكتور مش بيقول اكتر من اللى فى المحاضرات التليفزيونيه والتطبيقات صح مش ده كلامك ؟؟؟؟؟؟؟؟؟؟؟؟ يبقى اللى بيحصل فى ماده القراءه والفهم ايه ؟؟؟؟؟؟ والقطع الجديده اللى هى مش موجوده فى الكتاب ولا المحاضرات تبقى منين ؟؟؟؟؟؟؟؟؟؟؟؟
وفعلا انتوا مش مجبرين انكوا تساعدونا
لكن لهجتك فى الكلام مش عجبانى ومش تمام
وانا لو بلومكم وحاسس انكوا مش مهتمين بينا قوى ده مش عيب ولا غلط (ده لوم فقط)
ولو مش متقبله اللوم يبقى بعد اذنك (يبقى براحه شويه )اوكى

[hend nga 3]

اولا اهلا بك اخي الكريم في المنتدي وفي التعليم المفتوح

ثانيا اخي الكريم اعضاء المنتدي بالترم الأول خاصا هم اكثر الأعضاء مساعدة ونشاطا
علي يمين الشاشة ستجد خانة المساهمات الجديدة ستجد الحلقة وبها اخبار الجامعة وستجد بها كل مواد الترم الأول بيشرحها زميلك او زميلتك الأسم الحركي BlackCitadel
ويقوم بشرح المواد بصورة رائعة يمكن لو تابعت هذا الشرح لن تحتاج للمحاضرات وهذا الشرح يشمل ترم اول وتاني لأنهم نفس المواضيع
ثالثا معلومة عن مادتي القراءة والفهم ومادة الترجمة سواء حضرت المحاضرات او لا حفظت المحاضرات من صفحتك او لا فكله سيان
لأنه بالإمتحان في هاتين المادتين بيأتي un seen اي من خارج المنهج وما هو موجود بالمحاضرات ما هوالا تدريب لك حتي تستطيع الألمام بشتي الموضوعات العامة التي تساعدك علي التمكن في اللغة والأجابة بالأمتحان
رابعا واخيرا رد الفعل اللي كان من مارينا وولاء لهم كل الحق فيه لأنهم غير مضطريين للمساعدتنا ولكنهم يفعلون ذلك بدون مقابل وايضا اسلوب كتابتك في بداية الموضوع مستفز حبتيين لو اردت الأستفسار او السؤال ليس في الأمر اي حرج او عيب او (تسول )كما ذكرت وانما كلنا طلبة ونساعد بعض ونتشارك ونتحاور وكلنا في سلة واحدة
ارجوك لا تصب غضبك من الجامعة واخطائها في وضعها لنا محاضرات قديمة وبعدم تحديثها للمادة العلمية علي اعضاء المنتدي ففي النهاية هو منتدي طلابي ليس له علاقة بالجامعة
اعتذر عن الأطالة وبالتوفيق والنجاح ان شاء الله

[Walaa El-moataz 0]

انتى يا ستار قولتى المفيد ومفيش كلام بعد كلامك

وانتى شاهدة علينا وشايفة ان الواحد لو يقدر يعمل حاجة بيعملها ومش بيتأخر

[marina 0]

من الاخر لو كنت بيدور وتتعب نفسك كنت لقيت ان ورق القراءة والفهم مرفوع كذا مرة ومترجم كلماتة وعامة لولا المنتدى ماكنتش عرفت ان مادة القراءة والفهم ترم اول متغيرة ومن الاخر ان كان مش عاجبك مساهماتنا دور على حد يساعدك واحنا مش ملزومين ومش حنسمح بالكلام دا تانى منك ولا نقبلة كل عضو فى المنتدى مرحب بية وباساهماتة وكل عضو بيحاول يفيد التانى والكل هنا مشكور على مجهودة وياريت تاخد بالك من كلامك ولا تعليق اخر

[kimobasha 0]

على العموم انا اسف وحقوا عليا ...... خلاص الموضوع انتهى ....اسفييييييييييييييييييييييييييييييين ....وياريت نقفل الموضوع ده وخلينا فى المهم احسن ....انا كنت بتكلم من عشمى مش اكتر ....ومعرفش انكوا هتسخنوا عليا اوى كده ......صلوا على النبى بقى والمسامح كريم

[Walaa El-moataz 0]

عليه الصلاة والسلام
احنا اخوات ومفيش اسف بينا
واحنا هنا اللى بيقدر يعمل حاجة بيعملها واحنا اصلا مش بنحضر علطول
وبنعرف اللى اتشرح من ناس تانية وبنيجى نقول عليه
وانت لو مش فاهم حاجة تعالى اسأل وكتير اوى حيردوا عليك

[Hamdy Tawfik-manar9 0]

حصل خير ياجماعة ..الراجل يعني متعشم فيكم

هو يقصد الاخوة اللي بيحضروا ومش بيهتموا انهم يساعدوا ولا ليهم اي مشاركات

ودول فعلا يستحقوا اللوم والعتاب

براحه علي الراجل شويه

انما طبعا فيه زملاء وزميلات هنا ربنا يبارك فيهم بيعملوا كل اللي يقدروا عليه

زي مارينا وبلاك ستدال وولاء وستار ودعاء والجوري وام مرام علي سبيل المثال لا الحصر وناس تانية كتير

معلش مش في دماغي الاسماء كلها

وهي المساعدة مسالة بين الانسان وربه ..اللي بيساعد الناس ربنا ااكيد هيساعده ويقف جنبه


ومرحبا بيك ياعم كيمو معانا والناس الي هنا بتعمل اللي تقدر عليه

نورت المنتدي

وتابع معانا ان شاء الله تجد مبتغاك

بالتوفيق للجميع

[kimobasha 0]

ربنا يخليكوا ومتحرمش منكم ...ومتشكر لزوقك ياولاء وياحمدى والباقين كلهم عشان محدش يزعل منى .....ومتزعلوش منى كمان مره انا اخوكم وانتوا اخواتى ....وربنا يوفقنا جميعا يارب ....قولوا امين....

[aghaby 0]

بصراحة المنتدى هنا في تيرمات واوقات كتير فاتت كان هو المنقذ الوحيد ليا
حتى لو ماكنش بالشكل الامثل او ان في اغلبية صامتة كتيرة وانا منهم

بس اي معلومة مهما ان كانت صغيرة او تبان انها "ناقصة" فهيا مهمة جدا وان مش افادتك فاكيد هتفيد حد تاني والكلام دا ليا قبل منك

اتمنى ليك التوفيق ويابختك بزمايل تيرمك لانهم في منتهى النشاط

[mohamed elnagar 0]

---

امتحان الجرامر 1
كان طويل وعايز تفكيييير
كتيير .. ..
المهم ربنا يستر
علينا ف التصحيح والمواد الجايـــه

رجاااااء :

حـــــــــــــــــد عنده حــــــــــل الامتحـــــــــان ممكـــــــن
يرفعـــه ؟!