حلقة دراسية ترم تالت دور ابريل كلية الاداب 2011

[marina 0]

هاى

ياترى حد مسجل كل مواد الترم الثالت ولا مسجل بس 3 مواد من الترم الثالت ومسجل مادتين من الترم التانى

[Walaa El-moataz 0]

ازيك يا مارينا
انا مسجلة من الترم التالت مادة المقال والقراءة والفهم3
ومعايا مواد الترم التانى كلها ماعدا مادة العربى

[Doaa.M.M 0]

hi our active friend maria

hi everyone

i'm your friend Doaa ..i have the 5 subject

[marina 0]

هاى doaa واهلا بيكى وبالجميغ

[marina 0]

هاى walalyta مادة المقال ترم اول شرحت اول درس فقط ممكن تحضرية من المحاضرات التليفزيونية وللعلم هى شرحها لو قوى

[Walaa El-moataz 0]

ربنا يخليكى يا مارينا
انا حبتدى احضر ان شاء الله
لو مش عندك مانع نبقى نتعرف على بعض

[marina 0]

يا walalyta بالتاكيد يشرفنى اتعرف بيكى
وباذن الله نتقابل فى الكلية

[عبد الرحمن 89 0]

انا مسجل 5 مواد

[marina 0]

اهلا بيك يا عبد الرحمن

[marina 0]

اما فى الترجمة قالدكتورة شرحت وقالت ان الجملة فى الانجليزية بتتكون من
SV ودا التكوين الاساسى للجملة يعنى من الفاعل او ضمير يعود على الفاعل والفعل ولو كانت الجملة محتاجة كلمات لتكملة المعنى فممكن تكون مفعول بة او صفة وهكذا ودا ما يسمى SVC وقالت الاول نبص فى الجملة العربى ونحدد S ثم نحدد V وبعدين C وبعدين نترجم الجملة ونشوف الفعل =Vزمنة اية ثم نضعة فى زمنة فى الانجليزية يعنى ماضى بسيط ماضى تام وهكذا ولو الجملة فى العربية مفهاش فعل احنا نستخدم افعال مثل VTOABE / VTOHAVE / VTO DO
او نستخدم اى فعل اخر من عندنا ولكن على حسب سياق الجملة
ودا نفس الكلام اللى شرحتة فى ترجمة 3 للترم التانى

اما دكتور العربى فشرح لحد بناء الفعل الامر والماضى وسيكمل الماضى المحاضرة اللى جاية

[marina 0]

اما دكتور علم الترجمة فشرح مايعنى ان الكلمة الواحدة فى اللغة الانجلسزية لها اكتر من معنى

وهنال بعض الكلمات المركبة تعطى معنى واذا نطقت لوحدها تعطى معنى اخر

وهناك اسليب او امثلة لاتعنى معناها الحرفى بل بيدل على حاجة مختلفة

زى مثلا فى العربى لما نقول بقى على الحديدة معناها انة فلس مش معاة فلوس يعنى معناها شى غير ترجمتها الحلرفية بالضبط كدة فى الانجليزى

[Walaa El-moataz 0]

جزاك الله كل خير يا مارينا على تعبك

[marina 0]

ميرسى يا حبيبتى ليكى

[marina 0]

تم شرح الدرس التانى run on فى المقال

[marina 0]

يا طلبة ترم تالت فينكم ارجو المشاركة من الجميع فى الحلقة الدراسية

[hend nga 3]

انا مش فاهمة هو انتي يا مارينا عندك مواد في ترم ثالث انا كنت فاكرة انك ترم ثاني ولا انا فهمت غلط ويا تري مين كمان في ترم ثالث كمان غيرنا

[marina 0]

نا ترم اول وتانى وتالت

الناس اللى راحت تسجل ترم تانى

فى الاول عطاهم 2 مادتين من ترم تانى و3 مواد ترم تالت لانها مواد تكملية وبعدين الناس اعترضوا وقالوا عايزين مواد الترم التانى كلها فصدر قرار اول يوم دراسة يسمح بان اللى خد 3 مواد ترم تالت يرجع الكتب وياخد 3 مواد الترم التانى الباقية ودا قبل 2-5 -2011
اما اللى مش عايز يغير ويرجع يفضل زى ما هو واخد مادتين ترم تانى مع 3 مواد ترم تالت

[marina 0]

فى معنا استاذ عبد الرحمن89 معة مواد الترم التالت كلها وفى
معنا walalyta
معها مادتين ترم تالت قراءة وفهم 3 ومقال
ومعنا doaa
معهاكل مواد الترم التالت

[hend nga 3]

دويييخة يعني انتي معاكي 10 مواد الترم ده 5 ترم اول و2 ترم ثاني و3 ترم ثالث الله
يعينكم انا سألت في المكتب اذا كان ممكن ناخذ ترم اضافي زييكم بس رفضوا وقالوا ده للي في مصر فقط لأنهم لم يمتحنوا

[hend nga 3]

يا ريت اللي سجلوا ترم ثالث او اللي من ترم ثالث اللي فات وعندهم المواد العلمية
يا ريت يحملوها علي المنتدي علشان نبتدي نذاكر لوحدنا وبراحتها الجامعة تبقي تظهر النتيجة بس علشان الوقت كدة بيضيع
مننا علي الفاضي يا ريت اللي عنده المواد لايبخل علينا بيها

[Walaa El-moataz 0]

ازيك يا ستار

حمد الله عالسلامة والنونة عاملة ايه

انا معايا مادتين ترم تالت

المقال والقراءة والفهم3

[hend nga 3]

الله يسلمك يا قمر انا بخير و عمر كمان

انتي معاكي 2 ترم ثالث و 3 ترم ثاني اظن
يا ريت لو نزلت علي صفحتك المحاضرات المسموعة تحملي محاضرات المقال علي المنتدي
لأن عندي مشكلة في فهم هذه المادة من المحاضرات المكتوبة فقط هي وعلم الترجمة لكن باقي المواد مش مشكلة

[Walaa El-moataz 0]

انا نزلتهم عندى بس مش عارفة احملهم عالمنتدى ازاى

قوليلى اعمل ايه

[الجوري11 0]

افتحي الرابط ده وهو فيه طريقة رفع الملفات من جهازك الى المنتدى من موقع 2shared
/t3266-topic


وده رابط الموقع اللي ترفعي عليه الملفات لو فتحتيه هتلاقي الموضوع سهل جدا
2shared.com/

[marina 0]

سلام للجميع
شفتى يا
walalyta
المركز لغى ان من حق طلبة ترم تانى ياخدوا 3 مواد ترم ثالت و2 ترم تانى

فى حين سابوا للمسجلين قبل كدة بدرى من بداية 2-4-2011 بالحرية انة يرجع مواد الترم التالت وياخد كل ترم تانى او لا يفضل بترم تالت

شفت عشوائية قرارت المركز
ليةميتركويش الطلبة تقرر المواد المناسب لها خاصة ان دكاترة ترم تانى بلا فخر فيهم اللى مش بشرح وعايز يتناقش والمشكلة حتى السى دى بتاع المادة دا مش بتفهم منها حاجة ولا الدكاترة التانين اللى بسرعة بيشرحوا وكلفت الشرح ولابد تحضر تانى علشان تفهم لاسف مادة الثقافية والجرايمر والقراءة والفهم ترم تانى ماساة

[marina 0]

اخر ميعاد للتسجيل لطلبة جامعة االقاهرة والمحافظات فى ترمات التعليم المفتوح 2-5-2011

[الجوري11 0]

طيب انتي مسجلتيش ولا اييه بس المفروض انهم يخلو الكل زي بعض مش ناس وناس ده كده ظلم والله

[marina 0]

الى الان لسة مسجلتيش

[hend nga 3]

لا تحزني عزيزتي لأن الأفضل انك تاخذي مواد الترم كاملا مع بعض علشان التقدير التراكمي بيكون افضل من انك تأخذي

مواد من ترم ومواد من ترم اخر لعله خير لكي وتحصلي علي تقدير عالي ان شاء الله
المهم انك تسجلي قبل انتهاء التسجيل لأن في الموقع كاتبين ان غدا اخر موعد للتسجيل وادعيلنا ان النتيجة تظهر

ونسجل معاكم الترم ده احسن انا حاسة انهم ممكن يعملوا معانا زيكم ويقوللنا انكم تاخدو ترميين وتمتحنوا في يناير وليس يوليو ربنا يستر

[Walaa El-moataz 0]

شكرا ليكى يا جورى عالتوضيح والحكاية طلعت سهلة

انا برفع المحاضرات يا ستار بس هما بياخدوا وقت طويل

اول ما يخلص حنزله على طول ان شاء الله

[marina 0]

لو كنت يا ستار بتحضرى المحاضرات ترم تانى كنت عرفت الماساة اللى احنا فيها االترم اللى فات الدكتورة الثقافية كانت بتشرح اما الترم دا لا قرفانة مننا علشان بقى المحاضرات يومين

وكان احنا السبب فى ان احنا نخلى المحاضرات يومين
لو كان معكى عشر مواد وفى دكاترة مبتشرحيش حتى السى دى ملهاش لازمة كنت حستى بالماساة اللى احنا فيها اغلبنا بيصوت من الترم التانى والدكاترة بتوعة
عكس مواد الترم التالت
الدكاترة بتشرح ولو احنا خدناة حيبقى معنا 3 مواد عربى منهجهم واح زى بعض ا من عشر مواد
كمان مواد الترم التالت المقال وعلم الترجمة مختلفة خالص عن مواد الترم التانى ولو خخدناهم مش حياثر مادة مختلفة جدا مالهاش دعوة
وكذلك علم الترجمة مواد مختلفة ومواد ممتعة انا صدقنى حضرت اول محاضرة للمقال فهمت من الدكتورة حاجات مكنتش فاهمة فى جرايمر 1 ترم اول
زى classa
and phrase

[marina 0]

تم شرح فى علم الترجمة نفس الكلام اللى قالة المحاضرة اللى فات
بس عطى نص وترجمة من فيلم عطر امراة
وعطى ايضا حوار من فيلم اخر وترجمة ححاول باذن اللة حاكتب القطعتين وانزلهم على المنتدى فى اقرب وقت

[Walaa El-moataz 0]

معلش يا مارينا قدر الله وما شاء فعل

وربنا يعينك ويعنا كلنا

انا عارفة ان مواد ترم تانى رخمة اوى بس حنعمل ايه

واحنا كدة كدة حناخدها

وان شاء الله حنساعد بعض

[Walaa El-moataz 0]

اخر معاد للتسجيل اتمد بقى 15/5/2011

[hend nga 3]

اختي الكريمة مارينا لا تنظري للعدد وتضخميه بالنسبة الي اني لم اجرب ان اخد عشر مواد في ترم واحد فهذا

غير صحيح لقد كنت اخذ عدد اكبر من هذا في جامعة الأزهر في الترم الواحد وفي الثانوي كنت اخد ضعف هذا الرقم

فبالنسبة لي 10 مواد امر عادي
هاحاول ابسطلك الأمور شوية لأني مش عارفة انتي ليه بتقولي ان ترم ثاني اصعب بالعكس بالنسبة لكي هيكون اسهل
بالنسبة للنحو العربي 1 هو نفسه نحو 2 فلن تحتاجي اثناء مذاكرتك للمادة ان تذاكري اي موضوعات جديدة بالنسبة
لموضوعات الكتاب فالدكتور لم يشرح منها شئ وانما شرح القواعد كما ترم 1
كدة خلصتي من مادتين باقي 8
مادة القراءة والفهم 1 و2 هتعتبريهم مادة واحدة لأنهم في الإمتحان يأتوا بقطعة خارجية ويعتمد علي فهمك للقطعة والإجابة امامك (ولاحظي ان الأسئلة عندكم هتكون مبسطة علشان الظرف الطارئ )
كدة خلصتي من 4 مواد وباقي 6

الترجمة في 1 و2 هتركزي علي قطع الدكتور في المراجعات النهائية للترمين وايضا يمكن اعتبارهم مادة واحدة

اكدة خلصتي من 6 وباقي 4

اما الثقافية 2 فهي تكملة لثقافية 1 في قصة تاريخ بريطانيا والمادتين دول هما هياخدوا منك مجهود حبتين في حفظ اجابة اسئلة التطبيقات في الترم 2 ستجدي محاضرات مكتوبة طويلة ومملة في التفاصيل اختصريها بأنك اكتفي بسماع المحاضرة المسموعة واحفظي الأسئلة والكلمات من التطبيقات واكتفي بيهم ولا تضيعي وقتك في قراءة المكتوبة والأسئلة ستجدي اجابات مختصرة لها بالحلقة بتاعتي الترم الماضي

كدة باقي الجرامر ده بقي لن استطيع ان اقولك انك تعتبريه مادة واحدة لأنه 2
بسطي الأمور ولا تعقديها علشان تعدي وبعدين مجموعة ترم اول كنتوا بتذاكروا بشكل جدي الترم الماضي فهو لن يحتاج منكم وقت في المراجعة علشان تركزوا علي الترم الماضي

بالهنا والشفا عليكم ال 10 مواد

[Walaa El-moataz 0]

السلام عليكم

ازيك يا ستار عاملة ايه

دى خمس محاضرات لمادة المقال ولسه فاضل محاضرتين مغلسين شوية

اول ما يخلصوا حنزلهم ان شاء الله

2shared.com/file/T9F0puQd/03_213_10_1.html
2shared.com/file/LN1pNnHz/03_213_10_2.html
2shared.com/file/lW-z4VZ9/03_213_10_3.html
2shared.com/file/6sZu9Ccp/03_213_10_4.html
2shared.com/file/7NkOWs3R/03_213_10_5.html

[Walaa El-moataz 0]

دى باقى محاضرات مادة المقال

المحاضرة السادسة والسابعة

[size=12]2shared.com/file/ccstoasd/03_213_10_6.html

2shared.com/file/3FBzGIZN/03_213_10_7.html

[/size]

[hend nga 3]

مش عارفة اشكرك ازاي وليات يعني اتسلي في المادة لحد لما ربنا يسهل ويظهروا النتيجة

ويفتحوا باب التسجيل

تعبتك معايا وعزبتك

[Walaa El-moataz 0]

ولا يهمك يا ستار ده الحكاية طلعت سهلة بس انا مكنتش عارفة ازاى ارفعهم

والمادة سهلة على فكرة وشرح الدكتورة جميل

ولو احتجت حاجة ابقى قولى على طول

وربنا يوفقنا كلنا

[Walaa El-moataz 0]

السلام عليكم

دكتورة رانيا شرحت فى محاضرة المقال النهاردة

Avoiding primer language

وهو ازاى نربط بين الجمل القصيرة عشان نكون جملة واحدة

وهناك طريقتين

1-Coordination:

بمعنى اننا نستخدم

and,but,for,so,yet,and semi colon

...........................

2-Subordination:

وفى الطريقة دى بنشوف الاول العلاقة بين الجمل يعنى لو مثلا سببية بنربط ب

because,since,as.....etc

ولو عكسية نستخدم

althought,though.......etc

ولو وصفية

who,which,that .......etc

ولو شرطية

If, unless

ولو زمنية

when,as,before.........etc

..........................................................................................

وفى القراءة والفهم شرحت

Appendix Three

Reading Comprehension Skills

وهو عبارة عن السؤال المتعلق بالفكرة الرئيسية

the main idea

ودكتورة رانيا مش بتشرح منهج دكتور محمد خليل

وبتشرح من المراجعات النهائية اللى نزلتها الترم اللى فات وهما 5 مراجعات

[Walaa El-moataz 0]

فين طلبة ترم تالت يا جماعة شاركوا معانا

[marina 0]

thank you

[hend nga 3]

انا معاكي يا وليات في الترم لكن للأسف انا لسة مسجلتش بسبب تأخر النتيجة

يمكن اسجل اليوم ولسة تحميل المواد هياخد فترة وانا حاليا براجع علي ال phrases and clauses

لأني مش هفهم محاضرات المقال غير لما اراجع عليهم لو عايزة تذاكري معايا ممكن نتفق ونحدد مع بعض

[Walaa El-moataz 0]

اوك يا ستار

انا حراجع بردو جرامر

[hend nga 3]

انا اسفة وليات لكن انا هالغي تسجيلي للترم الثالث
بالأمس ذهب زوجي وقام بالتسجيل عند الوكيل
الجامعة زودت المصروفات الترم ده بشكل مبالغ فيه
بعد ما كانت 4000 ريال وكان كتيير جدا بالنسبة لي

رفعوها ل 6250 ريال يعني ما يعادل 10000 جنيه مصري وده كتير
سأجعل زوجي يذهب اليوم لإسترجاع المبلغ وسحب ملفي من الجامعة هو صحيح معندوش مانع لكن انا مش ممكن اغرمه كل هذا المال وخاصا وانا بالفعل احمل شهادة ليسانس

[الجوري11 0]

زودوها لييه يعني ده ظلم والله ربنا يستر علينا

بس ياستار بدل ماتلغي الترم خلي حد يسجل لك في القاهرة احسن والمصاريف اخف بكتيير

[marina 0]

هاى ستار حولى حد يسجل ليكى من القاهرة وخلى امتحانات بس فى السعودية
انا اذا اجلت الترم علشان الترمين بجد صعبين
مش ممكن تعملى تظلم ولا اى حاجة
مع انهم قالوا حيخفضوا المصاريف كمان فى الدول العربية
بجد قرارات المركز دا عشوائية بطريقة رهيبة
بعد ما يقولوا يخفضوها دول بيعلوها طب حتى كانوا خلوها زى ما هى

[Walaa El-moataz 0]

مارينا والجورى عندهم حق حاولى ان حد هنا يسجلك ومتضيعيش مجهود الترمات اللى فاتت

و10000 ألاف ليه لترم واحد كتير اوى بجد احنا هنا العيال مش عاجبهم انهم بيدفعوا 700 جنية

وعايزنهم يقلوا كمان

بجد شوفى اى حد يسجلك هنا وربنا معاك ويسهلك امورك

[hend nga 3]

اشكركم يا بنات انا ارسلت للجامعة بالليل شكوي علي صفحتي بسبب الزيادة
وردوا عليا اليوم بسرعة علي غير العادة
وقالوا لي نفس الكلام ده اني اقدم طلب الغاء الوكالة والتسجيل بالقاهرة وبعد كدة اسدد رسوم الإمتحان عند الوكيل
وامتحن هنا ربنا يسهل والحق التسجيل بالقاهرة

[Walaa El-moataz 0]

تسجلى على خير ان شاء الله يا ستار

بس حاولى تسجلى بسرعة قبل معاد التقديم ما يخلص