اختبار الالتحاق بكلية الاداب E

[marina 0]

هاى انا الحمد للة انت عامل اية لا استنى يجيلك رد انت كتبت لهم ايميلك علشان يردوا عليك



ايوة وممكن كمان تحدد يوم امتحانك لانهم من بعد اول يوم تسجيل بيبقى الامتحانات كل يوم ومدام انت حتقدم من النت يبقى ممكن تحدد يوم امتحانك بس خلىبالك ساعة لما تنجح ان شاء اللة انصحك تسجل من المركز لان المصاريف على النت حتبقى غالية

[fadi1 0]

لا انا مبعتش ايميل انا كتبت بياناتي ف صفحه التسجيل عن بعد ف الموقع بتاع الجامعه تمام ..... واخدت رقم تسجيل مبدئي المفروض هما يوافقوا ع الشروط وبعدين اروح ادفه المصاريف والمظروف

انا بقول اروح بعد الشغل يوم الاتنين هوصل مصر علي 4 كدا واققدم ولا ايه رااايك
عشان اضمن واتاكد
هوة اهم حاجه تحديد معاد الامتحان يبقي حلو اوي لو اقدر اخليه
وصليلي عشان اقدر اعدي م الامتحااااااااااااااااااااان
ليكي وزة بلدي لو نجحت وممكن تبدليها بفرخه شمورت لو ملكيش ف الوز يعني

[marina 0]

ممكن تقدم يوم الاتنين بس اعمل حسابك هم بيقفلوا المركز الساعة 5 وممكن يكون فى ضعظ اليومين دول ممكن تقف فى طابور ومتلحقيش تقدم



انت وبتقدم اطلب من الموظف حاول معاة يخلى امتحانك يوم الاحد وربنا يوفقك بس ممكن مش اكيد انة يوافق قول يا رب وربنا يدبرها لك انت قلتى حتقدم انجليزى





لو انجليزى يبقى حتحتاج يومين لان امتحان التحريرى فى يوم والمقابلة الشخصية فى يوم





مفيش حد من قريبك يقدم لك من مصر



وانت تروح على الامتحان بس ساعتها يقدملك يوم السبت علشان تضمن امتحانك الاحد اجازتك ربنا يدبرها لك



على العموم ربنا يدبرها لك وينجحك



وساعتها ممكن تبعتى لى الاتنين



الوزة والفرحة الاتنين مع بعض حيبقى احسن للعلم قفص المانجة ماوصليش اعتقد تاة فى الطريق





ودا الورق المطلوب للتقديم

الأوراق المطلوبة :

1. أصل إستمارة الثانوية العامة أو الدبلوم الفني أو مستخرج رسمي منها وبالنسبة للطلاب الغير مصريين توثق الإستمارة من وزارة الخارجية للدولة الصادر منها الشهادة أو من السفارة التابعة لها بمصر وكذا من الخارجية المصرية.

2. أصل شهادة الميلاد (كمبيوتر) .

3. عدد 4 صورة شخصية .

4. صورة بطاقة الرقم القومى أو صورة جواز السفر .

5. أصل يوضح الموقف من التجنيد للذكور . (للمصريين فقط)

6. شهادة البكالوريوس أو المؤهل فوق المتوسط إذا كان الطالب حاصلا على مؤهل أعلى من الثانوية مع ضرورة إحضار شهادة الثانوية أو الدبلوم (أصل أو مستخرج رسمي) .

7. بيان بتقديرات المواد الدراسية التي سبق أن درسها الطالب فى المعهد أو الكلية حتى يمكن النظر فى إعفائه من المواد الدراسية المناظرة السابق دراستها و النجاح فيها وبحد أقصى عشرة مقررات دراسية .

ملحوظة : لا يعفى الطالب المفصول من أي مواد دراسية سبق دراستها و النجاح فيها طبقا لقرار المجلس الأعلى للجامعات .

[fadi1 0]

هقدم اداب انجليزي ...انا اتصلت بيهم من حبة ..والامتحان التحريري يوم 24 السبت الجاي والشفوي 27 التلات الجاي


هروح بكرة بعد الشغل اقدم ... وربنا يسهل ف موضوع الغيابات ف اليومين دوووول
قوليلي بقه انا لو ف المرج ..هركب مترو لحد جامعه القاهرة ..وبعدين هتمشي جزء صغير ..والوقت اد ايه ؟؟؟؟


انتي بتدرسي ف اداب انجلش ولا ايه ؟؟؟

[marina 0]

لو من المرج تاخد المترو وتنزل اما فى محطة الشهداء اللى هى بيقول عليها رمسيس ومحطة مبارك بريضة وهناك تنزل حتلاقى الى رصيف الجيزة حتنزل السلم حتلاقى مترو تانى رايح السادات وبعدها محطة الجامعة حتنزل فى محطة الجامعة لما تطلع حتلاقى سلم فى باب للكلية دا مالكيش دعوة بية لان دا جامعة القاهرة فى مكرباص حتسالة رايح الجامعة او قولة التعليم المفتوح



ودا فى دقايق حتلاقى نفسك وصلت بدل ماتمشى المشى حوالى 10 دقايق



للعلم انت ممكن فى المترو متنزليش فى محطة الشهداء وتكمل للسادات بس دا زيادة محطتين حتنزل فى السادات تاخد المترو اللى رايح الجامعة بعد السادات 4 محطات هى المحطة اللى بعد البحوث هو انت حتركب قطار ولا اية لان لو قطار حتبقى فى رمسيس على طول كل اللى حتاخدة مترو واحد بس بس المشوار دا حياخد ساعة ونصف وانت حتوصل على اربعة وساعة ونصف وهم بيقفلوا الساعة خمسة



اة انا اداب انجليزى

[fadi1 0]

والنعمة مفهمت حاااااجه انا هاخد بيجوو من هناااااا بينزلني ف المرج
هوصل المرج علي 3 ونصف ...
من من 3ونصف لحد موصل الجامعه ساعه مثلا ؟
وقوليلي برراحه انا هنزل الاول ف رمسيس واغير مترو اركب اللي رايح الساادات وبعد تاني محطه هنزل ف محطه الجامعه صح ؟ كدا وصلت ولا فيه مكروباص بعد منزل ؟
وبعدين انا بعتلك قفصين مانجه وفرخه موصولوش ازاي ..دنا حطهم ف الفيس بوك بتاعك وجالي تقرير انهم وصلوااااا اتاكدي يااستاااذة ....

[marina 0]

فى المرج عند المترو حتاخد المترو وحتنزل فى رمسيس وتبدل للمترو اللى رايح محطة جامعة القاهرة فى المترو التانى دا حتلاقى محطة السادات بعد محطة السادات لما توصل للبحوث بعدها محطة الجامعة ايوة بيبقى فى مكرباص يوصلك بسرعة بس على حسب لو لقيت قولة

التعليم المفتوح اما لو ملقتيش مكرباص حتمشيها من الاخر المشوار دا ياخد من ساعة وتلت لساعة ونصف



يعنى



مترو المرج تنزل رمسيس تبدل مترو اخر لمحطة الجامعة تزل تاخد مكرباص او تمشيها يا بطل

[fadi1 0]

شكرا بجد .تمام كدااااااااا وربنا يسهل

[marina 0]

ربنا يسهلها ويارب تلحق تقدم وربنا يكمل طمنى عملت اية اول ماترجع اوك

[dodi1 0]

ازيكم يا جماعة عاملين ايه ززهو انا عاوزة اسأل عن موضوع المقابلة الشخصية الي عن بعد بتبقى ازاي والامتحان التحريري بيبقى اون لاين برضو ولا ايه؟ وشكرا مقدما

[الجوري11 0]

قصدك للي خارج مصر

[fadi1 0]

انا قدمت يامارينااااااااااااااااااااااا لسه راجع وادغدغت ف المشوووووووووار
وحددلولي السبت والتلات الجااااااي ان شاء الله


عايز زغروته بقه .....وعايز دكرين بط لو نجحت ف المقابله

[marina 0]

ههههههههههه مش مهم المهم انك قدمت ان شاء اللة ادى الزغروطة المهم فين قفص الفراخ اللى لى عندك



للعلم قفص المنجة ناقص منجتين ابقى ابعتهم مع قفص الفراخ حتنجج باذن اللة بس عليك انت دكرين البط انا ممكن اجيب لك دكرين بط بلاستيك لعبة وزينة

[fadi1 0]

انا لما بعتلك المانجخ بعتهم لعبه ولا بحق وحقيقي

ولا مستخسرة فيا 3 وزات هه

بقولك انتي سنه كام ...وممكن اخدهم ف 3 سنين ولا لا

[marina 0]

انا يادوب ترم اول وتانى يعنى سنة اولى ويارب انجح حابقى ساعتها فى الترم التالت يعنى النصف الاول من تانية



لا ياعم لابد تاخدهم فى 4 سنين

[fadi1 0]

لسه مطلعتش نتيجه الترم التاني ليكي ؟بالنجاح ان شاء الله

امال ايه الترم البيني ده ؟ومش ممكن ف الترم اخد 10 مواد بدل 5 مثلا ؟

وطمنيني ع الامتحانيين سهلينن ولا ايه

[marina 0]

الترم البينى يسمح تاخد فية 3 مواد بس من الترم ولازم اصلا تكون عديت ترم علشان يسمح لك باخد ترم بينى او ممكن انك من الترم اللى حتدخلة تاخد مادتين وتخلى 3 فى البينى او العكس تاخد 3 مواد وتخلى مادتين فى البينى واصلا البينى مالهويش محاضرات وامتحاناتة مش سهلة والمادة الواحدة ب 200جينة وفية بيكون المنهج كلة مقرر واحنا ياعم حصل لنا خدنا 10 مواد علشان كان فى حذر تجول وضرب للثوارواضراب فى البلد وقت الامتحانات فلغوها واضطرنا نضم الترمين وناخد 10 مواد وكاانت التجربة صعبة وماساة قعدنا نمتحن اكتر من شهر واحيانا مفيش وقت كافى للمواد علشان تذاكر فموضوع 10 مواد موضوع صعب وفاشل وربنا يسترها على نتيجتنا



اما بالنسبة لامتحانين الشفوى فاسهل من التحريرى وعامة عديت من التحريرى يبقى خلاص والامتحان التحريرى فى مستوى طلبة الاعدادى

[fadi1 0]

شكرا شكرا شكراااااااااااا معلش تعبت وصدعتك كتييييييييييير
طمنيني اول متطلع نتيجتك
وربنا هيسترها

[marina 0]

اوك للعلم انت ممكن تضم الترمين وتمتحنهم فى شهر 7 بس بريضة حتاخد الكلية فى 4 سنين

[dodi1 0]

انا كمان رحت قدمت البارح واخذت معاد التحريري 24 والشفوي 27 وكتييييييييير قلقانه الله يستر

[fadi1 0]

كل الامتحانات لاداب انجلش السبت والتلات الجااايييييين

نزاااااكر حاجه طيب يا مارينااااا ولا تنصحينا بايه قبل الامتحان

نراجع v to be طيب

[marina 0]

راجع الافعال وححاول تحفظ كلمات بس

[dodi1 0]

انا عندي سؤال انا من السويس اصلا ويوم الثلاثاء الي هو معاد الامتحان الشفوي رح اكون في اسكندرية وخايفة اتاخر شوية ممكن اطلب منهم يأخرولي الامتحان مثلا بدل 10 الصبح يكون 11 ونص مثلا؟

[fadi1 0]

حااولي تعالي بدررري .المفروووض قبل 10 تكوني هناااااااك

انا من اسماعيليه ..وهروح علي 9 ف حاولي ظبطي امورك علي كدااااا
ويوم التحريري ممكن تتاكدي

[marina 0]

ما تقليش انت مش حتمتحنى قبل الساعة 11 او 12 حتى لو روحتى متاخرة مفيش مشكلة كل ساعة فى لجنة

كل ما فى الامر انك لما تروحى تسالى على المدرج اللى بيتجمعوا فية وحتى لو لقيتى انهم ندوا رقمك ممكن تدخولى فى اى لجنة بعد كدة بستتاكدى انك دونت رقمك واسمك على ورقة الاسئلة وانك اللى بينادى الاسمار والارقام اثبت وجودك انا مش فاكرة هم بيخدوا الورقة اللى فيها الرقم ولالا على العموم ما تقلقيش حتى لو فى التحريرى روحت متاخر فى وكل ما كان رقمك متاخر كل ما كان امتحانك متاخر فما تقلقيش خالص بس اهم حاجة تثبتى وتسجلى نفسك انك حضرتى واللى ما قدريش يمتحن الساعة 10 فى الساعة 11 وفى الساعة 12 وهكذا بس لو قادرة تروح بدرى اوك

[dodi1 0]

متشكرة جدا انكم جاوبتوا على استفساري بس عندي سؤال ثاني

اطلع من اسكندرية الساعة كم علشان اوصل الجامعة على 10؟؟؟

انا رح اروح باتوبيس

[marina 0]

الاتوبيس بياخد تقريبا 3 ساعات او ساعتين ونصف تخرجى من البيت 7 او 7 ونصف بالكتير

[fadi1 0]

ماريناااااااا نركزر طيب علي مواضيع سياسيه ممكن تيجي عشان اوضاع البلد دلوقتي

[marina 0]

الحمدللة سورى شفت رسالتك متاخر

[samsama 0]

هاى الامتحان بكرة انا قلقانة اوى بس راجعت كذا موضوع ذى شخصية مشهورة هو توماس اديسون واهمية e واهمية الانترنت واهمية الكمبيوتر كويسين ولا لا ويارب يكون الموضوع الى يجى منهم ودعوتكم معايا

[الجوري11 0]

الرابط ده ممكن يفيدكم في الامتحان

http://www.ou.cu.edu.eg/samples/INTERVIEW2.doc

[tmatem2 0]

ادعولنا ربنا يستر وننجح

[fadi1 0]

مارينااااااااااا انا مرجعتش ولا موضوع راجعت افعال بس

هوة ممكن يجيلنا شخصيات وكدااااااااااااا
مش عارف معلومااااات عن حد

ربنا يسسسسسسسسسسسسسسسستر

[hend nga 3]

ان شاء الله يكون امتحان سهل وبسيط وتعدوه بتفوق ونجاح

ماظنش هيكون فيه شخصيات في الأمتحان

الأمتحان لمعرفة مستوي الطالب في اللغة وفي الغالب بيكون في مستوي الطالب المتوسط

مش هاقولك ماتقلقش لأن القلق شئ طبيعي وصحي

ومرينا بيه كلنا بالتوفيق والنجاح يا رب

طمنونا بعد الأمتحان

[marina 0]

انا يا فادى كان امتحانى عبارة عن اكتب 5 جمل فقط عن شخصية مشهورة وانا كتبت عن طة حسين علشان كنت قرات عنة كتير



والسوال التانى كان قطعة انجليزية اترجمها لعربى عن فايدة الانترنت فى حياتنا وكانت حوالى سطرين





لابد تذاكر كلمتين عن اى شخصية وللعلم انا كان الامتحان الوحيد اللى جة فى شخصيات

[tmatem2 0]

بليز ياجماعه لو حد يعرف مكان الامتحان فين يقولي لاني معرفش ومش بحب اسال

[marina 0]

لابد تسال لسبب بسيط لانهم وانت داخل مبنى الخاص بالتعليم المفتوح اللى فى مدرج المحاضرات حيسولك على الورقة اللى فيها ميعاد امتحانك وهم حيدلوك على المكان

[tmatem2 0]

marina كتب:

لابد تسال لسبب بسيط لانهم وانت داخل مبنى الخاص بالتعليم المفتوح اللى فى مدرج المحاضرات حيسولك على الورقة اللى فيها ميعاد امتحانك وهم حيدلوك على المكان

مرسي ع رد ياجميل بس ع فكرة انا بنت

[abohager 0]

اهلا يا جماعة ، انا كان عندى مقابلة النهاردة و كانت عبارة عن امتحان تحريرى و هو بالضبط زى ما قالت مارينا ، سؤالين:

الاول: كتابة موضوع فى خمسة جمل للتحدث عن: "هل الافلام و البرامج التليفزيونية تقدم صورة عن الحياة الواقعية؟"

الثانى: قطعة للترجمة تتحدث عن عمل الشباب خلال الدراسة الجامعية و اثره.

بصراحة كان جميل و سهل ، بس انا مش عارف النتيجة هاتكون على اساس ايه؟

على العموم ربنا يستر.

[rere_gis 0]

السلام عليكم ورحمه الله و بركاته ، كان لى سؤال لو سمحتى انا امتحنت النهارده الساعه 10 صباحا بس مش عارفه اوصل للنتيجه عن طريق النت

[marina 0]

النتيجة بتظهر عن طريق الموقع الصفحة الرئيسية بتلاقى عنوان نتيجة الامتحان التحريرى لكلية الاداب انجليزى وبيبقى كاتبين اليوم اللى امتحنت فية يعنى



نتيجة الامتحان التحريرى يوم23-9 لكلية الاداب قسم انجليزى انظر التفاصيل بتدوس على التفاصسل وبيظهر جدول بالرقم والاسماء وقدمهم النتيجة وعامة النتيجة ما بتظهريش قبل يوم او اتنين وبالتوفيق

[fadi1 0]

فيه ناس نتيجتها ظهرررت دلوقتي وفيه لسه
صلييييييييييلي ياامارينااااااااا

[marina 0]

ربنا معاك يا فادى يارب وينجحك انت عرفت نتجتهم ظهرت امتى

[fadi1 0]

انا جربت اكتب رقمي قالي غير مسجل ..جربت اكتب ارقام قبل مني ولقيت نتيجتها موجوده

[marina 0]

الرقم دا بتكتبة بعد الامتحان التانى بعد المقابلة الشخصية ام نتيجة الامتحان التحريرى بتظهر تانى يوم يعنى يوم الاحد او الاتنين ومش محتاجة تكتب اى ارقام وبيكتبوا نتجة الامتحان التحريرى لاداب انجليزى الذى عقد يوم السبت 24-9



انت على الفيسبوك

[rere_gis 0]

متشكره جدا لردك عليا يا مارينا ، بعد اذنك لو وجدتى اللينك الموجود به نتيجه اللى امتحنوا النهارده تكتبهولى و لكى جزيل الشكر

[الجوري11 0]

هتظهر على موقع الجامعة

http://ou.cu.edu.eg/Index.aspx

[marina 0]

العفو على اية اوك لينك الموقع





http://www.oucu.edu.eg/

[Habiba 0]

مساء الخير انا كنت امتحنت امبارح الاختبار التحريري اعرف النتيجه منين و هو مشروط عليا انجح في التحريري علشان اتقبل و اروح المقابله الشخصيه ؟

[fadi1 0]

لازم تنجحي ف التحريري عشان تدخلي الشفوي

والنتيجه هتظهر علي موقع الجامعه
والموقع كتباه ماريناااااا