خريجى الثانوية العامة عايزين يغيروا التعليم المفتوح الى انتساب

[Walaa El-moataz 0]

]

يا جماعة على الفيسبوك خريجى الثانوية العامة عايزين يغيروا التعليم المفتوح الى انتساب
وان الدراسة تبقى على الاقل 3 ايام فى الاسبوع والغاء يوم الجمعة ,
وفى مطالب تانية كتير اولها تقديم ميعاد الامتحان - وتغيير المناهج والدكاترة- وخفض اسعار المواد-
وحاجات تانية كتير
بس المشكلة كدة فى ( الناس اللى بتشتغل واللى مش فاضية واللى ساكنين فى محافظات تانية ) حيحضروا ازاى
فى مطالب كويسة وفى مطالب متنفعش خالص ,وهما مصممين عليها ومش حيتنزلوا الا لما التعليم المفتوح يتحول لانتساب حتى لو وصل الامر لمظاهرات
وبالفعل ده حصل وعملوا وقفات وحصل اجتماع ولسا فى اجتماع تانى
المشكلة دلوقتى لو ده حصل والدراسة اصبحت ايام كتير احنا حنعمل ايه
يا جماعة حد يرد عليا الكلام ده لو تم حيبقى كويس لينا ولا لأ

[marina 0]

طب حيبقى مش كويس

[marina 0]

طبعا حيبقى مش كويس

[somya 0]

ممكن يكون دة لجوة مصر بس اما لبرة مصر فأكيد هيكون في استثناء

[.~wafaa~. 0]

ليه مش كويس !! بالعكس عالاقل هيكون في اهتمام شويه
واللي مش هيحضر مش هينضر لانو مش هتفرق معاه تعليم مفتوح او انتساب .. صح !

[somya 0]

مش عارفة والله يا وفاء الواحد مبقاش عارف راسه من رجله كل شوية نسمع حاجات شكل

انا عايزة اعرف ايه الحقيقة

[Walaa El-moataz 0]

معنى كده ان المناهج حتتغير ومش حيبقى فيه ولا محاضرات ولا سى دى
لان عقبال ميفكروا يعملوا نكون اتخرجنا
يعنى كده لازم الكل يحضر يا اما مش حنفهم حاجة
ساعتها ايه الحل

[om_maram 0]

لا ياقمر مفتيش صح انا متابعهم و بتكلم معاهم اسمى على الفيس بوك ام مرام لو تحبى تضيفينى بس ابعتى رسالة وضحى ان انتى

الحكاية ياستى هما مش عاجبهم التعليم المفتوح و عايزين يعيشو حياتهم و الجو دا

فانا قلت لهم انتو هتغيرو نظام التعليم كله عشان دفعة و لا اتنين ثانوية عامة

انتو طالبو برجوع الانتساب دا هيبقى افضل ليهم

محدش يقدر يغير فى نظام التعليم المفتوح

و انا عن نفسى جاهزة بمظاهرة فى حالة زودوا الايام

قال يزودها قال دا احنا بنحضر الجمعة بالعافية

[Walaa El-moataz 0]

انا حد منهم رد عليا وقالى انهم عايزين التغيير يكون لثانوية عامة بس
واحنا نفضل زى الاول مع تغييرات لينا
مثلا فى المصاريف الدكاترة
وهما اللى يروحوا الجامعة ايام كتير

[om_maram 0]

سيبك منهم

فين المكان

فين الزمان

غير كدة الدكاترة هيجيو ايام ببلاش يعنى

يبقى هنحتاج ميزانية تانية

انا شايفة انهم عيال مش عارفين يوزنو الامور

عايزين مطالب و خلاص و يركبو الموجة سبيبهم يفرحو بشبابهم شوية

[ليالي 0]

والله يا جماعه انا شايفه ان فعلا جزء من الطلبات كويس وصح والباقى خطاء ولكن فى الاول والاخر القرار فى ايدى ادارة الجامعه وربنا يستر

[marina 0]

الثانوية العامة اللى دخلوا تعليم مفتوح اتظلموا لية ميبقيشوا لوحدهم زى دفعة الثانوية العامة اللى اتخرجوا معهم وبقوا نظامين لية يبقوا زينا احنا ناس دخلوا التعليم المفتوح كل منة ظروفة الخاصة

[om_maram 0]

و الله نظام التعليم المفتوح معروف من اكتر من 10 سنين

المفروض طالما دخلتوه معناه انكم وافقتم على نظامه

مش تدخلو و بعدين عايزين تعدلو فيه

لما نشوف المركز هيعمل ايه !!!!!!!!!!!!

و لو انى عارفة مقدما

[Doaa.M.M 0]

(أنا عن ننفسى بتفق مع أم مرام فى رأيها جدا)

وعندى فكرة ممكن احنا بما اننا مش موافقين

نراسل المركز عن طريق البريد الادارى ونوضح لهم ان ده مش رأى الجميع واننا عايزين النظام

يفضل زى ما هو واكتفينا بالتغيير اللى حصل ومش عايزين ايام الحضور تزيد

[manar_nour 0]

فين المشكلة لو زودوا ايام المحاضرات

[Walaa El-moataz 0]

يا جماعة انا قلت قبل كده هما عايزين التغيير ده يكون لخريجى الثانوية

بسسسسسسسسسسسسس

مش لينا احنا هما بس اللى يحضروا كتير

ولو فى تغيير لينا يكون مثلا فى المصاريف والحاجات التانية مش فى ايام الحضور

[marina 0]

وهم لو زودا المحاضرات يبقى كويس وياترى ينقولها فيديو كنفرانس علشان باقى طلبة المحافظات

[om_maram 0]

301955

لا مفيش مشكلة خالص انت احضر مع الدكتور 3 ساعات و احنا ساعة و نصف

بسيطة مش كدة !!!!!!!!!!!!!!!

[eamy 0]

ياا جماعة انتو تقدرو كمان تتابعوا أخبار اللي بيحصل في الإجتماعات اللي بيعملوها هناك اناا شفت الصفحة الرسمية اللي مركز جامعة القاهرة للتعليم المفتوح عالفيس "مواكبة للأحداث يعني" .....
المهم دا هو الرابط بتاع الصفحة..

]http://www.facebook.com/pages/%D8%A7%D9%84%D8%B5%D9%81%D8%AD%D8%A9-%D8%A7%D9%84%D8%B1%D8%B3%D9%85%D9%8A%D8%A9-%D9%84%D9%85%D8%B1%D9%83%D8%B2-%D8%AC%D8%A7%D9%85%D8%B9%D8%A9-%D8%A7%D9%84%D9%82%D8%A7%D9%87%D8%B1%D8%A9-%D9%84%D9%84%D8%AA%D8%B9%D9%84%D9%8A%D9%85-%D8%A7%D9%84%D9%85%D9%81%D8%AA%D9%88%D8%AD/104709609607764?ref=sgm[/url]
نظرا لأن بتحصل حجات كتير يمكن البعض مش يقدرا يعرفو عنها انا قلت أجيب الرابط زيادة للمعلومات اللي نقدر نتحصل عليها في ظل كل اللي بيتعمل هناك .. ^_^
بالتوفييق للجميع ..

[somya 0]

والله القرار دة في ايد الجامعة بس بلاش بتوع الثانوية العامة يفكروا في نفسهم احنا في التعليم المفتوح الاف معقولة نغير نظام اشخاص وعائلات عشان مجموعة بس

[eamy 0]

فاهمة قصدك يا سومة .. بس انا أقصد باقي المطالب المعقولة يا جماعة شوفو مثلا عالصفحة دي كمان
http://www.facebook.com/notes/معا-لتغير-التعليم-المفتوح-لجميع-الكليات-اعل/هـــــــــــــــــام-جـــــــدا/136900789709195?ref=notif&notif_t=note_reply
في حجات كتير بالخصوص دا لكني مش لاقية اي مطالبة من طلاب كلية الآداب قسم الترجمة ...
يعني لو سمحتو احنا عايزين نحدد مطالب موحدة ولو البعض منا .. مثلا زي الإعتراف بشهادتنا بالمساواة مع الطلاب النظاميين .. صح ولا انا غلطاانة انا مش عارفة ايه مطالب تاني ممكن تكونو محتاجينها فياريت تجاوبوني بالخصوص ده ......
الإجتماعات اصلا كدة كدة بيتم عقدها فليه ما نجهز حقوقنا و طلباتنا؟؟ أعتقد ده هو الوقت المناسب و حاليا الباب مفتوح لمناقشة اي اقتراحات ...

[somya 0]

والله لو قرارات هتفيد الواحد ليه لاء


انا نفسي في انهم يشيلو كلمة التعليم المفتوح من شهادة التخرج

و تسهيل الامتحانات علطوووووول مش السنة دي بس
و اعطاء فترة كافية للمذاكرة لان التيرم في نظري قصير
و يطلعو النتيجة من بدري ونبقى قاعدين في الاجازة مش قلقانين

عشان الواحد بيبقى قلقان على النتيجة واول ما يعرف انها ظهرت بيفرح ويزعل
بيفرح عشان لو كان نجح وبيزعل لان الاجازة بتخلص

ويكون في محاضرات فيديو وافية وكافية خصوصا اني برة مصر والفيديو مش بتكفي وفي حاجات كتير مش بفهمها

ويكون المحاضرات نفس الكتب والامتحانات .مش زي ما حصل في تيرم تاني سنة اولى منزلين محاضرات قبل الامتحان باسبوع مختلفة تماما عن الكتاب ولما رحت الامتحان لقيت كللللل الامتحان منه يعني من برة الكتاب





شكرا

[eamy 0]

ادخلي معي ع آخر رابط حطيتو يا سومة انا طلبت بعض المطالب و انتي كمان خليكي معي لو تقدري .... هم هيروحو بكرة ان شاء الله .... خلينا نعملل تعزيز للمطالب دي انا مش لاقية ولا خد من كلية اداب خالص حاسة ااني الوحيدة اللي عندي مطالب .. ادخلي بلييز و حطي المطالب بتاعتك يمكن يقدرو يوصلوها لأن طلاب الأداب أصلا لحد الأن مطلبوش ولا حاجة و مش عارفة ايه السبب

[eamy 0]

انا اسمي Nona Ahmad عالفيس بوك .. هتلاقي تعليقي بالمطالب عالصفحة .. ايديه و زودي عليه كمان ..

[marina 0]

ياحماعة هم سموة تعليم مفتوح وخلو محاضراتة يوم الاجازة علشان اصلا يخدم اللى بيشتغلوا او السيدات اللى قاعدين فى البيوت ونفسهم يكملوا تعليم جامعى ويرتقوا بمستواهم التعليمى والثقافى او اللى نفسة يدخل كلية ومكتب التنسيق منة لله حدفة على كلية تانية خالص فبتاكيد عمرهم ما حيدوا اكتر من محاضرات يوم واحد فى الاسبوع بس هو للاسف اللى ضم خريخى الثانوية العامة 2010 للتعليم المفتوح ولغى الانتساب هو كان قرار كارثة وظلم للثانوية العامة بجد يعنى الكل زميلهم امتحنوا وهم ادبسوا فى ضم ترمين وكمان حيمتحنوا فى رمضان وعلى مدى شهر وفى الصيف يعنى ظلم من جميع الجهات يعنى مصدقوا يخلصوا الثانوية اللى كانوا بيمتحنوا فيها فى شهر 6حتى اوائل 7 علشان ينضاف عليهم 4 سنين الكلية بالحال دا دا غير سنتين الثانوية يعنى الصيف ضايع عليهم وهم لسة بريضة صغيرين 18 سنة يعنى ظلم ليهم بكافة المقايس

[eamy 0]

عندك حق ...... ربنا يعينهم ان شاء الله .. طيب احنا حاليا في المطالب المعقولة يا جماعة ما برضو احنا فينا ناس محتاجين محاضرات زيادة احنا خارج مصر متنسوش يعني والله الوضع كتير صعب بالشكل دة .. مش بنعرف اي حاجة من اللي بيحصل هناك و اللخبطة الجامدة اللي بتحصل دي .. يعني ياريت ان يكون في مراعاه لظروف الجميع بردو .. صح ولا غلطانة ..

[om_maram 0]

يا مارينا انا قلتهم و لسة بقول لهم

سيبكو من التعليم المفتوح و طالبو برجوع الانتساب

لانهم مش واخدين بالهم ان احنا عددنا اكتر

و اى تغير فى النظام احنا بقى اللى هنعمل مظاهرة

[.~wafaa~. 0]

كـل واحد بيدور على مصلحته ... !!

[marina 0]

مش حكاية مصلحة يا وفاء الحكاية ان الوزير السابق للتعليم العالى هو السبب لان لغى الانتساب فجاةو حتى بدون مايقول طب على الاقل كان سابة السنة دا وعمل دراسة موضوعية مش تششع فى دماغة فكرة يعملها وخلاص التعليم المفتوح معمول لناس ظروفة معينة مش للخريخين الثانوية الحديثة هم مظلمومين بس لاسف كلة من قرارات عشوائية وبس

[marina 0]

انا معاكى يا ام مرام ياريت بس ممكن يكون التعليم المفتوح عطلهم ميزة وهى اعتقد انهم ممكن 50% يدخلوا كلية ممكن فى الانتساب يبقى بمجموع اكتر وخاصة ان بريضة فى اعلام واداب لغات ممكن متكونيش متوفرة فى الانتسااب بس لو حطو المميزات دا فى الانتساب يا سلام ولو راجعوا الانتساب يبقى فعلا حل مشاكلهم واحنا ارتحنا من الخوف لاى قرار عشوائى يصدر يضرنا

[marina 0]

يا ريت يا ايمى يزودا ايام المحاضرات وتبقى منها مباشر ممكن اللى داخل محافظات مصر والدول العربية يقدر يحضرها عن طريق اما موقع الجامعة او قناة التليفزيون التا بعة التعليم المفتوح

[eamy 0]

يا ريت مارينا .. شفتي اللي حصل لهم امبارح؟؟حصلهم تفريق من ناس هناك لما راحو الإجتماع انا مش عارفة ايه اللي حصل بالضبط لكن شكلو كان في موضوع مدبر لتبديد مطالبهم في الهوا .. كتير ناس بجد احبطوا من الحكاية دي.. حقيقي الله يعينهم .... و يعينا جميعا ياارب ........

[.~wafaa~. 0]

فعلا معاكم حق التعليم المفتوح لناس معينه ونظامه مناسب جدا ليهم .. وانا معاكو انو ظلم لخريجي الثانويه .. وكمان في مطالب مش معقول تتحقق .. يعني لو زادو ايام الحضور مش هيبقى تعليم مفتوح !! ودا مستحيل يتحقق ..لكن المفروض انهم يطالبو بحقوق عقلانيه مثلا .. المحاضرات تتجدد كل ترم او سنة ..احيانا نلاقي اللي فالمحاضرات حاجة واللي بيشرحو الدكتور حاجة تانيه !! او ناقص .. كمان الفتره الطوووويله اللي بصححو فيها الورق لما بيخلونا ننسى احنا امتحنا ايه اساسا .. المصاريف المبالغ فيها فالدول العربيه دي لاازم تتعدل وكمان مش بيطبقو المنح فيها!! الشهادة تكون معتمدة فالخارج دا مهم جدا ودا اللي لازم كلنا نطالب بيه .. غير كده في كتير بس دا يعتبر المهم حاليا ..
ربنا يسهل علينا ..

[marina 0]

يارب يعين الجميع يا ايمى بس يا جماعة هم زودا عدد المحاضرات ليومين ودا شى يخوف لانة رئيس الجمعة قال انة حيط جدول يقدر بية اللى مسجل بترمين يقدر يحضر محاضرات الترمين يعنى كدة ممكن اللى احنا دراسناة يتلغى وممكن حد من الدكتور يتهف فى دماغة ويلغى المنهج وبكدة حنعيد مذاكرة مواد من الترم اللى خدناة يعنى مثلا فى دكتورة عندنا كانت بتقول انها على الترم الجديد حتغير المنهج يعنى معنى كدة كارثة