قرار تأجي الامتحانات لدور يوليو لازم يتغير حرااااااااااااااام

[nore319 0]

السلام عليكم
حرام علي الجامعه المفتوحه انها تبهدلنا بالشكل دا يعنى ايه نقدر نجمع 10 مواد فى وقت واحد غير كدا لو حد راسب فى مواد سابقه ممكن يكونو يعدو معاه لل12 ماده هتقولولى ياخد على اده طيب ماهو لو كانت الامتحانات متأجلتش لأخر العام كان خد 7 و 5 عادى
كل الناس المسؤله فى الثوره تنازلت عن حاجات كتير للشعب القوات المسحله الوزرا كلهم
والجامعه المفتوحه مش هاين عليها تتنازل لنا شويه ودا حقنا
والله حرااااااااااااااام
ارجوكم كلكم يا طلبه الجامعه المفتوحه تبدو اعتراضاكم لإسلوبهم دا فى انهم يعملو الترمين فى ترم واحد

[Yasmeen1 0]

وانا كمان بضم صوتي ليكي يااخت نور... حرام التيرم ده يضيع ولازم يحلوا المشكلة بعقد امتحانات في كل بلد بها فرع الجامعة المفتوحة في شهر ابريل ... وانا عن نفسي لا تسمح لي الظروف بأخذ اكثر من 5 مواد ...

[abdou elsayed 0]

ايوه يا جامعة القرار ده كده حرام احنا نقعد نمتحن شهر ده كده كتير خصوصا انى الواحد اعصابه بتتعب من ضغط الامتحانات فلازم نعترض بس انا بقول كل واحد عنده اقتراح يقوله والاقتراح المناسب للجميع نعمل تصويت عليه ونطالب بيه زى ما طالبنا بالغاء التامين الصحى [/size]

[nore319 0]

تمام اوى بس نعمل دا ازاى يا جماعه غير تعب الاعصاب ان رمضان اول 8 يعنى ممكن كمان نمتحن فى رمضان وهيبقى فى عز الحر لآننا هنمتحن شهر متواصل كدا بجد صعب علينا من جميع الجهات
كان فيه اقتراح انهم ينجحو المسجلين كلهم بتقدير مقبول طبعا هما استحاله كانو يوافقو على الاقتراح دا لآنهم هيخسرو علشان الى كانو هيرسبو كانو هيكسبو من وراهم لإعادة الماده بتاعتهم ودا يعارض مصالحهم الماديه
احنا كمان لنا مصالح ولازم يضعوها فى الاعتبار ارجوكم اقترحو نعمل ايه ونشتكى ازاى وبأى وسيله شكرا لكم

[abdelazem salama 0]

السادة إدارة مركز جامعة القاهرة للتعليم المفتوح

تحية طيبة وبعد

أود أن أحيط علم سيادتكم أن قرار ضم ترم يناير مع يوليو
[b]هذا قرار ظالم وتعسفى وأيضاً تم إتخاذ هذا القرار دون مراعاة صالح الدارسين
حيث أننا قد قمنا بمجهود كبير خلال الترم الحالى
من حضور ودراسة ومراجعة طوال الترم حتى ليلة الإمتحان
ومن الظلم أن تقرر سيادتكم ضم الترمين مع بعض
حيث مطلوب مننا أن نعيد المجهود الذى بذلناه خلال الترم الحالى مع مجهود ترم أخر فهذا ليس من العدل
وإننى أرا أن مدة إمتحان الستون ألف طالب كما ذكرتم خمسة عشر يوماً وليس طوال العام فمن الممكن أن تتفضلو بتأجيل دارسة الطلاب النظاميين إسبوعين لحين الإنهاء من إمتحانات طلاب التعليم المفتوح وليس تأجيل الترم بالكامل [/b]

وأخيراً رجاء من سيادتكم النظر إلى أبنائكم الدارسين فى المركز بعين الرأفة والرحمة
وليس من العدل أن تضيعو علينا ترم كامل

ولسيادتكم وافر الشكر والتقدير

[darkyears 0]

انا بصراحة مش فاهم اللى هما قالوه فى الموقع بتاع الجامعة
قالوا ان ممكن تأجيل مواد
وبعيدن قالوا انوا ممكن نمتحن من 1 مقرر إلى 10 مقررات حسب ارادتنا
وبعدين قالوا مع مراعاة التعارض فى المواد .
انا بصراحة مش فاهم وياريت حد يفهمنى يا جماعة وخصوصا ان انا فى الترم الرابع اللى هايضموه مع الترم الخامس يعنى انا اساسا فى نص السلم ولا فى سنة تانية ولا تالتة غير انى هاتجوز فى شهر يوليو يعنى العملية بايظة فياريت حد يفهمنى علشان فهمى تقيل شوية.

[darkyears 0]

بجد انا مستنى رد من أى أخ من الأخوة.... انا محتاج أفهم بالتفصيل.
على وجه السرعة..

[nore319 0]

الف مبروك مقدما وربنا يتمم لحضرتك على خير ياسيدى بيقولو ان الى هيمتحن فى شهر ابريل بس الى هما فى الترم التامن يعنى الى متوقف تخرجه على الترم دا وبس لآن معندمش اماكن الا 3000 مكان بس وبالنسبه لحضرتك علشان ترم خامس هتمتحن فى شهر يوليو وبراحتك عايز تكملهم 10 يعنى تزود خمس مود كمان ذى ما حضرتك عايز غير كدا كمان انهم هيخلو الامتحان مده 30 يوم بدل 17 يوم علشان يسيبو ايام بين الماده والتانيه بقدر كافى علشان تقدر تستوعب العشر موادقادرين احنا على خمس مواد علشان نقدرعلى 10 والف مبروك مقدما مره تانيه

[nore319 0]

شكرا جزيلا استاذ عبد العظيم وكلام حضرتك المكتوب حلو جدا وهل حضرتك كتبته على الفيس بوك ولا على صفحتك بالموقع بتاع الجامعه المفتوحه انا اناشد كل طلبه الجامعه المفتوحه انهم ياخذو نسخه من هذا الخطاب الى كاتبه استاذ عبد العظيم ويعمله كوبي بالبريد الادراى بتاعه على صفحته يعنى يرسل رساله للإداره من صفحته علشان الادراه تعلم ان الاجماع على رفض قرارهم المشين لنا شكرا لكم جميعا

[darkyears 0]

شكرا على استجابتك السريعة
جزاك الله خيرا
بس كدا الموضوع فعلا هايبقى صعب جدا
جدا جدا خصوصا فى حالتى دى
الله المستعان

[abdou elsayed 0]

نريد مشاركة ايجابية اكتر ياجماعة علشان ده مستقبلنا وحرام انى نحضر محاضرات ومذاكرة وبعده كده يروح هدر واطالب بالاقتراحات اين الاقتراحات الجيده اين انت يااستاذ حمدى واين اقتراحاتك حتى نختار مايناسبنا واين اقتراحات الاعضاء المتميزين ونرحب باقتراحات باقى الكليات حتى نختار من بينها مايناسبنا ونطالب به

[عمرو الشاعر 0]

انا كنت عارف ان ده هيحصل وكتبت ده من كام يوم وكان هدفى ان يحصل تفاعل عشان فى حالة تاكيد القرار نكون كنا خدنا احنا كمان قرار عموما انا بقترح اننا ناخد موقف بمعنى اننا نعمل وقفه احتجاجيه وانا عملت صفحه ع الفيس بوك أسمها ( أتحاد طلبة التعليم المفتوح ) وياريت الجميع يشترك فيها عشان نجمع اكبر عدد من الاصوات ونبدأ نعمل حاجه

[abdelazem salama 0]

شكراً يا أستاذه نور

على فكرة أنا قد قمت بإرسال الرسالة السالف ذكرها على البريد الإدارى لى و لعدة أصدقاء فبرجاء من كل الزملاء سرعة تفيعل الموقف حيث أن الوقت يمر بسرعة فبرجاء أن نبحث عن حل قبل نهاية الإسبوع الحالى

وأيضاً شكراً يا أستاذ عمرو على موقفك وأضم صوتى إلى صوتكم لابد من وقفة إحتجاجية بسرعة برجاء منشادة كل الزملاء فى الجامعة بسرعة التأزر والتكاتف لإتخاذ موقف فى أسرع وقت ممكن

والله الموفق

[fatah1234 0]

انا كمان مشاركة معاكوا خصوصا اني عندي التذامات اخرى خاصة بشغلي واسرتي واطفالي اللي ف المدارس يعني مينفعش كدة خالص

[abdou elsayed 0]

يا جماعه انا بقترح انى احنا نمتحن دور يناير 2011 مع امتحانات الترم البينى شهر 5 وفى نفس الوقت نسجل فى الترم الجديد زى ماحنا علشان الى بيقول انى نمتحن كمان اسبوع او اتنين مش هينفع علشان كلنا نسينا الى ذاكرانه فى فترت الحصار الى كان مفروض علينا ثم انتصار الثورة بعدها وعلى المركز وضع جدول امتحانات مناسب فى الترم البينى يناسب الطلاب ولازم نجى على نفسنا شوية ياجماعة علشان الترم ده ميروحش علينا وده اقتراح والى عنده اقتراح اخر يقول عليه حتى نختار مايوافقنا

[nore319 0]

يا استاذ عبده السيد حضرتك بتقول يبقا ترم بينى معنى كدا ان المحافظات تسافر كل يوم القاهره وتمتحن هناك الخمس مواد غير الى واحد 7 او 6 مواد بالرسوب الى عنده لآ طبعا حرام
هما واجب عليهم يتصرفو ويلاقولنا حل كان ممكن نمتحن بدايه من الاسبوع الى فات لو احنا نهمهم وكان المفروض نبدأ من بدرى لكن مش هنقعد نقول كان وكان احنا فعلا نسينا الى ذاكرناها لكن اول ما نبدأ تانى هنلاقي نفسنا افتكرنا احسن ما نفضل لغايه شهر 7 فعلا هننسى خالص
وحضرتك يا استاذ عمرو ياريت تضع لنا اللينك بتاع صفحه الفيس بوك علشان ندخل ونشارك فيها كلنا يمكن صوتنا يوصلهم علشان الى مش قادر يوصلها
ياريت الكل يبدأ بالمشاركه وارسال الرسائل بالبريد على صفحته
المفروض يتصرفو ويأجرو اى اماكن لمدة اسبوعين بس بالمحافظات ويمتحنونا
منتظره منك استاذ عمرو لينك الفيس بوك علشان كلنا نشارك فيه

[عمرو الشاعر 0]

الصفحه على الفيس بوك هى

أتحاد طلبة التعليم المفتوح

وده اللينك amrelshaer58@groups.facebook.com

[marina 0]

انا عندى اكونت على الفيسبوك لكن اى جروب على الفيسبوك مش بعرف اوصلة ازاى اعرف ادخل على الجروب

[Yasmeen1 0]

انا بقترح انهم لو هيمتحنونا يكون كل واحد في بلده ... انا مش هقدر ارجع مصر في الفترة دي علشان الشغل واعتقد في غيري كمان ... غير كدة انا مع كلام الزميلة نور بخصوص اقتراح الزميل عبده السيد .. والمفروض يراعوا ظروف الكل ولازم نكلم مكتب استعلامات الطلبة هناك بالجامعة ... انا بفضل ان المتواجدين بمصر يروحوا هناك ويتكلموا الايميل لوحده مش كفاية لازم نعمل خطوة ايجابية جادة .
هنا في البحرين كلمنا مكتبنا والمسئول عن عقد الامتحانات بالبحرين وحاولنا معاه اننا نمتحن بس مفيش فايدة قال ضم تيرمين .

[nore319 0]

يا استاذ عمرو اللينك الى حضرتك كاتبه مش مجدى مع الكل بيطلع لنا ارسال رساله
مارينا حاولى تتدخلى على اللينك الى هكتبه
http://www.facebook.com/profile.php?id=508812344#!/profile.php?id=100002092577816&sk=wall

وياسمين عندها حق لازم الناس الى فى القاهره تحاول تساعدنا وذى ما عملو احتجاجات يوم السبت وبدأ التحاور معاهم يعملو احتجاج تانى علشان الامتحان او بلاش احتجاج الى تحاور المره الى فاتت مع رئيس الجامعه يطلب يكلمه تانى بسبب الامتحانات دى حرام والله بجد وعلى فكره انا بعت الرساله وقالولى تم رفع الشكوى للمسؤلين طبعا بيسكتونا وخلاص هو انتى يا ياسمين هنا ولا فى البحرين وبعدين هما قالو الامتحانات هتتأجل فى مصر بس والدول العربيه ذى ماهى فى مواعيدها

[nore319 0]

يا جماعه الموضوع بدأ يأخذ بجديه وعلى الفيس بوك بدأو ينفدو فعلا وهيروحو يوم الاحد الجامعه وهيجتمعو كلهم يوم الثلاث وربنا يسهلك اللينك اهو علشان تتابعو معانا الموقف هناك
http://www.facebook.com/pages/%D9%85%D8%B4%D8%A7%D9%83%D9%84-%D8%A7%D9%84%D8%AA%D8%B9%D9%84%D9%8A%D9%85-%D8%A7%D9%84%D9%85%D9%81%D8%AA%D9%88%D8%AD/121430251224291?sk=wall

[عمرو الشاعر 0]

اللى مش قادر يوصل عن طريق اللينك يكتب فى البحث فى صفحة الفيس بوك أتحاد طلبة التعليم المفتوح

[Yasmeen1 0]

منا المفروض كنت همتحن في مصر .. مكنش فيه امتحانات في البحرين الا اذا كنتي هتدفعي فلوس وتمتحني امتحان خاص في البحرين علشان كدة قولت انزل مصر امتحن علشان التكاليف هتكون اقل بالنسبالي... وتاجلت ولما رجعت حاولت معاهم ومع جموعة معايا برضه نفس حكايتي ولكن رفضوا وقالوا ضم التيرمين في شهر 7

[abdou elsayed 0]

يا جماعة هو اتضح انى المشكلة فى المكان مش فى الزمن بديل انى لو كن هنمتحن كنا هنمتحن فى شهر ابريل اما بالنسبة للمكان فهو ده المشكلة علشان كده هم مقدروش يوفر غير لعدد3000 طالب انا عايز انى احنا نبدى اقتراحتنا فى مشكلة المكان دى علشان ده مستقبلنا احنا مش هم ويخصنا احنا كتر فى ناس بتقول ان المركز يؤجر امكان علشان يستوعب جميع الاطلاب يعنى ده راى الى عنده راى اوفكرة لايبخل علينا بها لعلنا نساهم فى الحل

[somya 0]

انا عايزة نمتحن في اقرب وقت فعلا لان 10 مواد صعب جدا وانا في قطر ومش هينفع امتحن في شهر 7 لان عندنا ظروف خاصة وزواج اخويا وعموما لو القرار دة متغيرش هنلاقي الملاحق والرسوب كتير جدا لاننا مش هنقدر نجمع كل دة


ربنا يستر

[nore319 0]

اصلا هما عاملين القرار دا علشان الكل يرسب وهما يستفيدو من اعاده الامتحان لينا بالرسوم الى بتدفع فرصه بالنسبالهم احسن بيعوضو خسارتهم مننا احنا ذى ما دايما بيعملو معانا المهم تبعتو الرساله الى قولتلكو عليها

[marina 0]

شكرا nore319 على اللينك

[somya 0]

في حد هنا قال اننا ممكن نمتحن في التيرم البيني


هو في تيرم بيني للدول العربية و قطر بالتحديد؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[Unique 0]

الحمد لله

قدر الله وماشاء فعل

ياجماعة الخير انا عندي حل وسط يرضي جميع الاطراف ان شاء الله

ان كل الطلبة بكل الدول والمحافظات توافق على قرار الجامعة بشرط

تخفيف المنهج

اي ان تقلل من كمية المنهج المقرر لكل ماده

وتلغي دروس كثيره

وبكده نقدر نركز شوي

حتى لو 10 مواد احنا ان شاء الله نقدر

انتوا نسيتوا ان احنا في الثانويه والمدارس بندرس اكثر من 10 مواد بالسنه

انا بشوف ده حل كويس وان شالله ادارة الجامعه تعمل بيه لانه مش ح يخسر حد حاجه

وان شالله خير يارب

وشكراً لكم وبنا يوفق الجميع ان شالله

[Yasmeen1 0]

لا اكيد مانسناش بس لما كنا في المدارس مكنش فيه ورانا حاجة وانا هتكلم عن نفسي .. مكنش فيه ورايا شغل كنت بروح المدرسة وبشوف المدرسين بعرف المنهج كل يوم الي بأخذه بعدين بذاكر وببقى مركزة ..
في الجامعة المفتوحة دلوقتي بقيت بشتغل وبكمل دراستي وللأسف خارج مصر يعني مش بحضر محاضرات حتى لو مرة او مرتين .. ثانيا المذاكرة اعتماد على نفسك وغير كدة المنهج بتحملوا وبعد ماتذاكروا بيقولولك لآ في تحديث وتغيير هترجع لتحميل المواد من اول وجديد ... ربنا هيسهل ان شاءالله بس انا معرفش ظروف الباقي علشان اقدر احكم يقدر ياخذ 10 فلو انت تقدر غير مايقدرش المفروض نراعي ظروف الكل .

[Unique 0]

انا وانا بكتب الاقتراح السابق قلت اكيد البعض مش راح يفهمني

لان انا كمان عندي ظروف شديده لدرجه اوقات افكر انسحب من الجامعه
لأني ام وعندي أطفال وماما تعبانه وعندي شغل وبدرس كمبيوتر كمان
لكن بنظم وقتي والحمدلله الامور ماشيه _ غير كده اني موجوده في قطر
يعني بعتمد على دراستي بس بدون محاضرات ولاحد بيشرح لي

وكمان بفكر بعقلانيه وبفكر بأكثر من حل
مش بحط حل واحد وقول لازم يصير ولا اتعب

وعلى كل حال بقول وعسى ان تكرهوا شيئاً وهو خير لكم

وان شالله خير وانا مع الاغلبيه وبفكر بالكل

وفي الاخير القرار للجامعه

[darkyears 0]

لو هانتكلم بصراحة انا الدنيا خربت عندى الشهر اللى فات علشان انا سيبت الشغل. دلوقتى انا بصراحة نسيت اللى انا ذاكرته. لو الامتحانات بقت قريبة انا مش عارف هاعمل ايه وهاسيب الشغل تانى ازاى دلوقتى؟! موضوع ضم الترمين صعب عليا وعلى الناس بس انا باتكلم عن نفسى.الخسارة البعيدة هاتبقى أقل ضرر من الخسارة القريبة.انا مش بافرض أى رأى على أى حد. انا باتكلم معاكم كأخ أصغر ... مش أكتر.والله المستعان

[marina 0]

طب اية العمل 10 مواد صعب نمتحنها فى شهر واحد وكمان دلوقتى الواحد لسة اعصابة مضطربة وقلقان على البلد والامن لسة مش فيها ومش مستعد لامتحان بدليل تاجيل الدراسة كل شوية

[darkyears 0]

سامحونى لو قلت لكم انى بدأت أحس بيأس وخيبة أمل.... أنا شايف ان انا نسيت المناهج يعنى مش هاعرف اذاكر أو حتى مش هألحق .. غير كدا لو الترم كله اتأجل برضوا موضوع الــ 10 مواد هايبقى كتير.
بصراحة انا مش عارف

[somya 0]

الواحد مش عارف يعمل ايه انا رأيي يعملوا تيرم بيني للكل وكمان الدول العربية مش مصر بس عشان يخففو علينا وحتى لو التيرم البيني بيبقى مثلا في شهر 4 او 5 عادي نكون سجلنا وبندرس التيرم الثاني ووقت الامتحان نراجع وندخل الامتحان وربنا يستر

لكن 10 مواد غير ان في ناس ممكن عندها ملاحق ولا رسوب وكمان مدة الامتحان طووووويييييلة والواحد هيفضل مربوط غير ان في احتمال انه ممكن يشبك في رمضان
يبقى ايه الحل؟؟؟؟؟؟؟؟؟؟؟
وخصوصا ان الدول العربية بتمتحن قبل اذان المغرب بساعة وانا في الامتحان بتروح عليا المغرب لان العشاء بتأذن في وقت الامتحان بردو ومش معقولة يعملو الامتحان بعد التراويح لان الواحد يا إما يصلي ياإما بينام يعني انا عايزة اقول ان في كل الحالات مش هينفع رمضان في الامتحانات او بمعنى اصح الامتحانات في رمضان
غير ان الواحد عايز يعرف الاجازة بتاعته هتبقى اد كل اجازة ولا هيقلصوها عشان باقي السنين ما تتلخبطش عشان هما كانو بيقولو ان ممكن يأجلو الدراسة وهيزودو الوقت الي اجلوه لوقت المنهج يعني الاجازة ممكن تقل فاهمينني حد يلاقيلي جواب لأسئلتي انا مش بعرف انام من التفكير والقلق

ربنا يسهلها علينا

[sun_shine 0]

ياجماعة اهدوا وماتقلقوش ..ورب ضارة نافعة ..اكيد الجامعة مضطرة لضم الترمين ولو كان ممكن يعملوا الامتحانات مكنوش عطلوا نفسهم وعطلوكم
وبعدين الناس اللي في الخارج بيضموا ترمين وبينزلوا يمتحنوا في الصيف والعملية مش صعبة لدرجة مانتوا متخيلنها
ماممكن يجبولكم امتحانات سهلة نظرا لظروفكم ..ومفيش مانع تحاولوا معاهم تشوفوا لو في طريقة للتيسر..وياريت الموضوع دة مش يأثر عليكم بطريقة سلبية

[somya 0]

والله الي فيه الخير ربنا اكيد هيعمله

[nore319 0]

يا جماعه اصبرو الشباب واخدين ميعاد على يوم الاحد القادم وهيقعدو مع التعليم المفتوح ويشوفو هيعملو ايه بس المشكله ان فيه ناس نزلت النهارده التلات وخلتهم يقولولهم مش عاملين لكم حاجة ودا بسبب انهم واخدين ميعاد يوم الاحد وناس تانيه راحت النهارده بس الشباب كله بيقول مش هيسكت حتى لو قابلوهم ومنفّوش طلباتهم واحلى طلب مقدمينه خلانى انسى ضم الترمين خالص هو ان شهادة التخرج يتعرف بيها فى العمل الخارجى بمعنى ميتكتبش فيها برنامج التعليم المفتوح يتكتب فيها بكالوريس او لسنس وانا بقول الى حصل دا اكيد خيرانا عارفه اننا ورانا مشاغل كتير والكل تعباااااااااااااان اوى من التأخير دا غير ان فتره الصيف مش بنلحق نعمل فيها حاجة بسبب الامتحانات وشهر رمضان ربنا يسهلها ان شاء الله

[somya 0]

على رأيك يا نور وكمان حكاية التعليم المفتوح بتفرق معانا خصوصا في الوظائف وكدة بس يارب يوم الاحد يوصلوا لحل مناسب للكل

يااااااااااااااااارب

[Unique 0]

ياريت اللي بيروح يقابل المسؤلين بالجامعه يوصلوا لهم هذه الاقتراحات ويختاروا منها المناسب للكل او اي حل تاني :
1- نعمل الامتحان في شهر ابريل .
2- اذا ح نمتحن شهر يوليو نخفف المنهج ويجيبوا أسئله سهله.
3- لما قالوا مشكلتهم في المكان هناك في حلين :
أ-تأجير أماكن وقاعات للطلبه .
ب- اذا لم يناسبهم مجموعة تمتحن الصبح ومجموعه الظهر ومجموعه العصر ومجموعه المغرب في نفس المكان لو الوقت طول معانا واخذ اكثر من شهر معليش احسن من انه يتأجل .

وعلى فكره ياجماعه احنا في قطر امتحنا مادتين في بداية الثوره بعدين تأجلت باقي المواد يعني بكده يطلع لنا ثمان مواد مش عشره .

واحنا في قطر وبعض البلاد الاخرى ماعندناش مشكلة الاماكن ليه مانمتحش شهر اربعه ؟ ليه بيعقدوا المشاكل للكل
ليه مابيحلوش المشكله جزء جزء وبيربطوا كل حاجه مع بعض .

سهلوا علينا الله يسهل عليكم دنيا واخره

لازم يلاقوا للكل حل مناسب علشان ماتروحش السنه على الفاضي .

وان شالله خير

[Unique 0]

انا كلمت دلوقتي مسؤله بالمركز عندنا اعطتني اقتراح

قلت اقولكم عليه واللي يناسبه يعمله

ان الامتحانات بتكون 10 مواد لأغلب الطلاب

وان للطالب ممكن يقدم بس 7 أو 6

ياخذ كمية المواد اللي يناسبه

ويأجل باقي المواد مع الفصل القادم السنه الجايه

!!!!

انا قلت لها تستمر المشكله لحد السنه الجايه ؟؟؟صعبه

وقلت لها كل الطلبه عاوزين شهر اربعه قالت لو في اي تغيير ح نبلغكم

[Hamdy Tawfik-manar9 0]

ان شاء الله يستجاب لمطالبكم

رجاء الانتباه الي اختيار القسم المناسب عند عمل موضوع

ينقل الي قسم اخبار التعليم المفتوح

[somya 0]

بجد احنا عايزين حل سريع ورد اسرع عشان الواحد يعرف ينظم جدوله

[abdou elsayed 0]

يا جماعة انا شايف انى الحل فى الفكرة بتاعت انى الامتحانات تكون على فترات علشان العدد الكير بتعنا يعنى طول فترة جدول الامتحان يبدا من س8:10 ثم 10:12 ثم 12:2 ثم2:4 وهكذا حتى لو لغايت 8:10مساء يعنى علشان نمتحن ونخلص ونخش على الترم الجديد وبطلب من الناس الى هتقابل الادارة انهم يقترحوا عليهم هذ الاقتراح ويعرفو ايه اعتراضهم على هذا الاقتراح علشان نبدى من دلوقتى نذاكر ونقدر نراجع الى ذاكرناه علشان لسه فى وقت

[om_maram 0]

انا راى من راى الاخت صن شاين

اولا : بديهيا الامتحان هيبقى سهل و فى متناول الجميع يعنى من الاخر شوية مذاكرة متوسطة و هيمشى الحال

ثانيا : مش لازم تاخدو العشر مواد ممكن تضيفو مادتين و يبقى معاكى 7 و تاخدى 3 فى الترم البينى بتاع شهر 9

و اعتقد دا الحل الامثل

و على فكرة مش هينفع نمتحن قبل شهر 7 فى كل الاحوال لعدم توفر الاماكن

فياريت بجد بدل ما نضيع وقت و نقعد نفكر نعمل ايه

لا نفكر هناخد كام مادة و الامور هتمشى ازاى

نسيت اقول قناة التعليم المفتوح 1 و 2 هيجى عليها رئيس المركز يوم الخميس 24/2 على الهواء الساعة 12 ظهر بتوقيت القاهرة لما نشوف هيقول ايه


و بعدين مع احترامى للجميع اللى حصل دا نتيجة ثورة 25 يناير بقى مش مكسوفين من نفسكم و انتم قاعدين تقولو هذاكر 10 مواد ازاى و اخواتنا ضحوا بنفسهم سبيل الوطن

ضحو انتو كمان و تعالو على نفسكم شوية و ذاكروا

و على فكرة انا عندى 3 اولاد و ظروفى ما يعلم بيها الا ربنا ... بس كل واحد لازم يضحى و يجى على نفسه شوية

[Walaa El-moataz 0]

السلام عليكم ورحمة الله وبركاته

انا معاكى فى الكلام ده احنا لازم نتحمل شوية ونيجى على نفسنا
واصلا الدراسة لسيا مبتدتش ولا فى المدارس ولا الجامعات
وممكن تتأجل كمان اسبوع
فاحنا ممكن نبتدى نراجع من دلوقتى وان شاء الله ربنا حيسهل وحنقدر
نمتحن الترمين ونجيب تقدير كمان
احنا ايام ثانوية عامة كانت المناهج اكتر من الف مرة وامتحناها

[Unique 0]

خلاص مفيش حل تاني

نذاكر ونمتحن التيرمين مع بعض
واللي عنده ضروف يأجل مادتين او ثلاث للسنه الجايه
والله المستعان

انا حضرت بعض اجزاء من اللقاء
وانا بشوف هو ده الحل الوحيد

وعجبني كلام الدكتور لما اعطى منح لكل أسر الشهداء
وكبرت الجامعه بعيني

واثبتوا لي عكس ماسمعت
انها جامعه ماديه وبتسقط الطلاب للماده

بس كل مافي الموضوع ان لازم نشد حيلنا شوي
لان الكل عنده ضروف ويرتب نفسه بس

وان الدعاء والصدقه البسيطه بتيسر الامور ان شالله

[somya 0]

انا معرفتش اتابع اللقاء بس الي فهمته اننا هنمتحن في 7 وهندخل في رمضان وهنمتحن في الاوقات الي قبل المغرب

والله المستعان

[om_maram 0]

ياجماعة انا اسمى ام مرام فى الفيس بوك

كتبت على صفحة الرسمية للمركز انهم يفتحو التقديم عشان نخلص قبل رمضان

ياريت تعلقو او تعملو لايك عشان يهتمو بالموضوع

دى الصفحة :

http://www.facebook.com/#!/pages/%D8%A7%D9%84%D8%B5%D9%81%D8%AD%D8%A9-%D8%A7%D9%84%D8%B1%D8%B3%D9%85%D9%8A%D8%A9-%D9%84%D9%85%D8%B1%D9%83%D8%B2-%D8%AC%D8%A7%D9%85%D8%B9%D8%A9-%D8%A7%D9%84%D9%82%D8%A7%D9%87%D8%B1%D8%A9-%D9%84%D9%84%D8%AA%D8%B9%D9%84%D9%8A%D9%85-%D8%A7%D9%84%D9%85%D9%81%D8%AA%D9%88%D8%AD/104709609607764

[marina 0]

اللقاء بيعدوة 8 مساءا و12 ظهرا