طلب من كل طلاب التعليم المفتوح

[somya 0]

انا مش مسجلة في القاهرة انا مسجلة في الوكيل تبعهم ارجوكم ممكن طلب ممكن من الطلاب الي مسجلين بمصر يعملو سكان scan لامتحانهم ويبعتوهولي لما يرجعوا البيت انا اداب انجليزي سنة تانية الترم الاول لما هلاقي ردود من ناس معايا في نفس المرحلة هكتب ايميلي عشان تبعتولي الامتحانات عليه بليز اوك؟

[hend nga 3]

وليه هذا العذاب كل الأمتحانات موجودة في صفحتك الدراسية بالموقع بيضع كل الأمتحانات

وفي منها محلول ومنها غير محلول وهو مصور اسكان وجاهز بدون تعب

وستجدي كل الأمتحانات متشابهة في شكل الأسئلة لكن مع اختلاف المضمون

بالنجاح والتوفيق ان شاء الله

[somya 0]

انا قصدي الامتحانات بتاعة يناير 2011 يبعتوهولي يومها فاهم قصدي حضرتك؟ لو سمحتم

[Hamdy Tawfik-manar9 0]

التيرم الاول في سنة تانية يعني تقصدي انك في التيرم الثالث كلية اداب ترجمة انجليزي

لو انا فهمت مضبوط

يبقي الافضل تضعي طلبك في الموضوعين دول وتتابعي معاهم

وان شاء الله حد يرفع لك الامتحانات هنا في المنتدي

استفسارات عن التيرم الثالث دور يناير 2011

حلقة دراسية ...ترم تالت اداب انجليزى - دور يناير 2011

[somya 0]

طيب بس ممكن حد ينزلهملي ضروري سواء عالمنتدى او على ايميلي انا بس عايزة الامتحان يومها لاننا بنمتحن نفس المادة بعدكم بكم ساعة انا بس عايزة اراجع الامتحان دة عشان اكيد هيكون شبهه شوية ممكن؟؟؟!

[somya 0]

كدة؟ انا كنت فاكرة اني هلاقي ردود كتير؟

[محمود العمري 0]

الله يعينك انا كلية تجاره هل استطيع مساعدتك؟
بالتوفيق

[sun_shine 0]

سومة الحلوة كتب:

كدة؟ انا كنت فاكرة اني هلاقي ردود كتير؟

السلام عليكم سومة ...الطلبة في مصر لا يختبرون للظروف الحالية ..اما بالنسبة لمعرفتك لشكل الاختبار
راجعي اخر اختبار من الاختبارات - هذا اذا قمتي بتحميل المواد من قبل - يأتي الاختبار علي نفس النط اذا لم يتغير الدكتور او اذا لم يذكر الدكتور بالجامعة غير ذلك

[عبد الرحمن 89 0]

معني كده ان الامتحانات اتأجلت فعلا زي ما قالوا ؟

[marina 0]

اتاجلت فى مصر بس لاجل غير مسمى لحد ما ربنا يحلها و ينجى مصر من الازمة دا

[somya 0]

واتاجلت عندي في قطر كماااااااااااااااااااااان اهئ اهئ اهئ

[manar_nour 0]

انا مش بسهر على النت عشان كده مش بعرف الحق اتوصل معاكم

[somya 0]

لو حد فيكم يعرف حد في كلية تجارة سنة تانية الترم الاول بس في دولة عربية غير قطر لان عندنا الامتحانات اتاجلت لكن الدول العربية لا فصاحبتي عايزة تراجع عقبال ما امتحاناتنا تبدا

[marina 0]

النهاردة قالوا فى تليفزيون مصر على قناة النيل للاخبار ان المجلس الاعلى بيبحث مسالة الامتحانات الموجلة وعودة الدراسة للترم التانى الكلام دا بتاريخ الاثنين 7/2/2011

[somya 0]

مهو انا سألت مسئول في الجامعة قاللي ان احنا ملناش دعوة بمصر

[marina 0]

هو انت بتمتحنى فين بالضبط

[somya 0]

قطر

[عمرو الشاعر 0]

على حد معلوماتى ان الامتحانات هتكون فى شهر 7 والدراسه هتبدأ فى شهر 4 عادى جدا زى اى ترم بيبدأ واللى عايز يزود مواد على اللى واخدها يزود وبحد اقصى 10 مواد عشان ميضعش ترم عليه واللى مش عايز براحته وهياخد المحاضرات تانى من اول جديد ومن غير اى دفع واللى عرفته برده ان الامتحانات هتكون 30 يوم عشان اللى هياخد مواد كتير يبقى عنده وقت كافى انه يراجع وده طبعا حاجه استثنائيه عشان ظروف البلد لكن بعد كده هترجع الامور لطبيعتها باقى الترمات

ده اللى انا قدرت اعرفه لحد دلوقتى لانه اقتراح جارى دراسته من ادارة الجامعة وبنسبه كبيره هيتجهو لى وربنا يوفق الجميع ....

[somya 0]

صح يا استاذ عمرو انا سألت بردو قالولي كدة


وشكرا لردك المفيد

[عمرو الشاعر 0]

العفو ولو ظهر اى جديد هكتبه انشاء الله

[nore319 0]

ايوة بس مش لازم نسكت على كدا لازم نعترض مش سهله يضيع علينا ترم وصعب ان ناخد 10 مواد مره واحده لازم يكون فيه حل

[nore319 0]

ايوة بس مش لازم نسكت على كدا لازم نعترض مش سهله يضيع علينا ترم وصعب ان ناخد 10 مواد مره واحده لازم يكون فيه حل مننساش ان رمضان هيكون فى اول شهر اغسطس يعنى كدا زل بجد

[marina 0]

سومة الحلوة حتمتحن فى قطر اسالى يمكن يكملوا امتحاناتكم علشان احنا فى القاهرة امتحانتنا فى شهر 7 ضم الترمين مع بعض اما الترم الثامن هم اللى نفدوا وحيمتحنوا فى شهر 4

[Yasmeen1 0]

معنى كدة ان في اي دولة غير مصر هيمتحنوا ؟؟
مثلا انا دلوقتي في البحرين ونزلت علشان اقدم امتحاناتي بالقاهرة بس اتاجلت واضطريت ارجع ثاني .. مع اني بكلمهم كل يوم تقريبا المكتب هنا عندنا بس بيقولو ضم تيرمين في شهر 7 زي قرار مصر .
ولو زي ماحضرتك بتقولي في امتحانات خارج مصر يبقى لازم يمتحنونا كلنا في مصر او خارجها .
انا بتمنى يعملوا حاجة قريب وقرار يصدر بعقد الامتحانات لآن مفيش قدامنا غير شهر علشان نراجع ونرجع نركز .

[somya 0]

القرار الي طلع ان الكل هيمتحن في7

[محمود العمري 0]

راااااااااااااااااااائع يعني الامتحانات في شهر 7 كم سبعه

انا قدمت في الدوحه قدمت نصف الأختبارات وباقي النصف يعني 3مواد ايش الحل معاهم
انا اقترح ينجحونا فيهم بمناسبة نجاح الثوره المصريه ــ ثورة الشباب واحنا شباب يعني المفروض يكرمونا وينجحونا ولا نروح الى ميدان التحرير ايش رايكم...

[somya 0]

هو الي اعرفه اننا هناخد شهر 7 كله ومش بعيد ندخل في 8 يعني رمضان

[marina 0]

فى دول غير البحرين وقطر امتحنوا فى مواعدهم

[محمود العمري 0]

السلام عليكم
اخت سومه الحلوه
ليه الحين تأكدت موعد الأختبارات في شهر 7 عندنا في الدوحه ولا تخمين ــ انتي سئلتي الدكتوره امينه العمادي مديرة المركز؟؟؟
لأني والله مو فاضي ارووح لهم المركز ــ اذا عندك اخبار اكيده اتمنى توافينا فيها ــ والمواد التي لم نختبر فيها هل نظيفها على المواد الجديده؟؟ مش كثير علينا الواحد شغل الصبح ونادي بعد الظهر وجامعه الله المستعان

[marina 0]

انا عرفت من واحدة فى قطر ان الترمين مع بعض والمواد اللى امتحانها هى اللى حيتم استبعادها من الامتحانات فى شهر 7

[somya 0]

زي ما الاخت مارينا اتكرمت وقالت

يعني بالنسبة لينا يا اخ محمود العمري هنمتحن 8 مواد(تقريبا) وهيكونوا كلهم في شهر 7 وانا سألت الدكتورة امينة و مدام نجلاء وكلهم قالو نفس الكلام

[محمود العمري 0]

اشكرك اخت سومه
الله المستعان
يعني حاخذ معاي ثلاث مواد وانا قلت حاخذ بالصيف سبعه مواديعني كلهم عشره ــ لا وكمان شوفي كم ماده من الاربعه الي امتحنتهم كم وحده ارسب فيها يعني حاخذها كمان معايا
لا كثير كذا ...
انتي كم ماده تبقا لك ولا كلهم 8؟؟؟
دعواتك لنا
الامتحانات كم سبعه اوله ولا اخره ــ وبعدين صحيح فتحت معاكم صفحة الجامعه؟؟؟
اخت مارينا اشكرك على الأستجابه السريعه وبعدين انتي في البحرين تقدمي ولا في قطر؟؟؟

[somya 0]

بالنسبة لي انا وزميلاتي 8 مواد


واللي اعرفه ان الدكتور في مصر قاللي اننا هناخد شهر 7 من اوله لاخره عشان يريحو اللي بيذاكرو اكتر من 5 مواد