نهفات ... من الاردن

[زعيمة القراصنة 0]

سلام
كيفكم ؟؟؟
****************
نهفات من الاردن
=1=
فوائد زامور السيارة
1- اذا شفت واحد بتعرفه وبدك تسلم عليه من بعيد
2- اذا واحد قص عليك الطريق واخذ مسربك
3- اذا بدك تحكي للي قدامك (( مشان الله خلصنا ))
4- للتعبير عن الاستعجال خصوصا عالاشارة
5- للتطقيس عالبنات في الشارع
6- لما توقف قدام العمارة وبدك تنبه احد انك وصلت
7- لتنبيه اي شخص يعبر الشارع انه في سيارة قادمة !!!
***************************************
***************************************
***************************************
=2=
فوائد المزهرية
في البيت الفرنسي.... تلاقي في المزهرية ورد طبيعي
في البيت الامريكي .... تلاقي في المزهرية ورد اصطناعي
_
_
_
في البيت الاردني .... تلاقي في المزهرية : ابرة وخيط... زر مقطوع...فاتورة ماء مش مدفوعة من 6 اشهر... ورقة امتحان مهرية وماكلة هوا.... شوية جلول ... ابرة فطبول.... شلن ...الخ
***************************************
***************************************
***************************************
كيف تعرف انك في الاردن ؟؟؟!!!

إذا بيوم من الأيام حضرت عرس ...ونزلت الشباب عالدبكة وبلش العرق يزرب...وحميت
مع أبواسماعين (رقيب متقاعد) وسحب الكلاشنكوف وطررررررر...بلش طخ عن جنب وطرف
وهو برقص وبدبك
وسقط ثلاث شهداء من جراء القصف العشوائي .....ابتسم أنت في الأردن..انت بتحضر عرس أردني .
---
إذا تجوزت ........والناس واقفيتلك عالمسطرة بتستنا أسبوع العسل لما يخلص عشان
يفيعو عليك ويهجموا هجمة رجل واحد..وكل واحد فايت يا جيبلك طقم فناجين
قهوة...ياصينية...وبالآخر بتحوشلك سبعطعش طقم قهوة وحدعش صينية واستنا مناسبات
عشان ترجعها لصحابها...بتكون بتمارس واجباتك الاجتماعية بالأردن...ابتسم

--------

إذا فتت إنت ومرتك أو خطيبتك أو صاحبك على قهوة وأجتك المنيو...القهوة
بليرة..المليلك شيك أبوفراولة بليرتين..وحضرتك طلبتهم..شو ثلاث ليرات..ولا إشي
ولما أجت الفاتورة ولا هي بقدرة قادر خمس ليرات وثلاثين قرش...كيف ما بتعرف...
ابتسم .........أنت بتمارس الرفاهية في الأردن....

--------

إذا كنت قاعد على مكتبك بوظيفتك...وكل المراجعين اللي أجوك طلعوا يا قرايبك يا
نسايبك يا مخاولك (سوم هاو) وكل واحد الا بيسألك بتعرف فلان الفلاني...هذا إبن
عم جدتها لبنت عم مرة أخوي اللزم...هاتلك بوسة يا
زلمه...اممممموا...امممممممممممموا ..ابتسم فأنت في الأردن

-------



---------

إذا كنت بصلاة الجمعة...كلك إيمان وخشوع بعد الخطبة المؤثرة..والإمام صوته ما
شاء الله..بيدغدغ القلوب...وأول ما يسلم الإيمان وخلصت الصلاة سمعت :
" أحمر يا زر البندورة...ليرة البوكسه ليره"
"أصابيع البوبو يا خياااااااااااااااااااااااااااار...أربعه كيلو
بليره...يالله يالله
"عالسكين يا بطيييييييييييييييييييييييخ....أحمر أحمر يا بو قرعه...ابتسم
وابتسم وخلي طواحينك يبينو...إنت على باب جامع بالأردن
*************************************************
*************************************************
************************************************


كيف تصبح مواطنا أردنيا




....
بداية وحتى تصبح مواطنا أردنيا يجب عليك إتقان الكشرة الأردنية

فهذا من أهم ما يميز الإنسان الأردني عن الإنسان العادي!

البوز الملوي … والحواجب المعقودة …. وإذا نظر إليك أحدهم فقل له بكل استعلاء:

(أبو الشباب ... ليش بتجح بخلقتي ... مضيع بوجهي شلن؟)

هكذا تكون قد قطعت شوطا كبيرا نحو الاردنة







تابعا للنقطة السابقة .... فلتسير على مبدأ

اللي بيطلع عليك بعين ... اطلع عليه بنص عين

يعني نظرة انقرافية بحته ...

أي بالكلمات الأردنية:

(كلك على بعضك مش شايفك)







تعلم فن التعصيب ... وأقل كلمه تطلع زيفك (عصبيتك)

عصب وصيح وبزق وانت بتحكي

على شرطي المرور .. على الكونترول ... على سايق التاكسي

المهم تتهاوش هوشه يوميه

وتحرق وراها بوكيت (باكيت) دخان





المواطن الأردني إنسان كالصخر

خارق للمنطق والعادة .... ولا يخضع لأي عمليات حسابيه



نضرب مثال..

المواطن الأردني العادي بدفع ايجار بيت 150 دينار

كهرباء وميه حوالي 20 دينار

عنده سياره قسطها الشهري 100 دينار

وترخيص على بنزين على زيت تقريبا بالشهر 150

دخان بمعدل باكيت باليوم (وهذا مش مدخن ... بيعفط تعفيط) بس 50 دينار شهري

احكي 150 أكل وشرب

وحوالي 30 بالشهر بطاقات شحن (إذا ما كان حبيب .... اذا كان بحب) بده 100 دينار

50 اله و 50 لحبيبته... ليش هي بتتنازل تشحن لحالها

(حبيت تحكي اشحنلي ما حبيت فيه غيرك كتييير)

صار المبلغ 650 تقريبا

وهو كل راتبه 250 دينار ....

كيف بتزبط معه ؟؟؟ الله اعلم !!!







حتى تصبح مواطن أردني يجب ان يكون

لديك

او امتلكت في يوم ما

أو تحلم بأن تمتلك

احدى السيارات التاليه:

كيا سيفيا

هونداي اكسنت

زعرا (والمقصود BMW 320 )

نيسان سني (حصريا للتكاسي)

لف (والمقصود مرسيدس 200 موديل 82 وحتى 85)

او 180 (المقصود مرسيدس موديل الستينات) ... وانتا بتلفها براحتك



المواطن الاردني مواطن يحب المظاهر

يعني اذا لم يكن معك ولا قرش يجب أن تتعلم فن العرط

(العرط هو الكذب والإدعاء بأنك مليونير)

أي أن تجلس مع الشباب وتوهمم أنك ولدت

وفي فمك ملعقة ذهب

مع ان الواقع هي انك
ولدت وفي ثمك ملعقة (كلمة مشفرة!!) بعيدن عنكو

يعني مارس فن التشبير وعلق الهامر على جنبك

وفضي بكيت الفيلادلفيا ببكيت مارلبورو


حتى تكون مواطن اردني

يجب أن يكون أحد أقرباءك من مواليد الف وتسعميه وتنكه

له سن ذهب



حتى تكون مواطن اردني يجب أن يكون جدك

قد امتلك نصف الشميساني أو عبدون

في يوم من الايام .. وباعها بميتين ليره



حتى تكون مواطن اردني

عليك أن تكون دقرا .. تعلم المداقره

واحد دق عليك الباب احكيله مين ؟

بس يحكيلك انا فلان .... قوله ع طول لا مش انت

المهم تداقر شوي على أي موضوع

حتى لو كنت عارف حالك غلطان


حتى تكون مواطن اردني

يجب أن يكون لك واسطه في كل دائرة حكومية

قرابه

او نسب

او صحبه

او ابن عم خالة جدها لمرة جار اخوك

المهم تمشي حالك ..



حتى تكون مواطن اردني

تعلم فن التقسيط ...

موبايل اقساط

سيارة اقساط

اثاث بيت اقساط

جرابات اقساط ...

لازم يصفي من راتبك كل شهر 13 ليره لانه الباقي اقساط!!!

وتعلم ان تجد كفيلا يكون (خروف)

(الكفيل الخروف: يعني كفيل أهبل يدفع عنك القساط التي تتهرب من دفعها)

علشان يخصمو عليه هو

ويخفف عليك شوي من اقساطك !!!



مبروك ... أنت أردني !!!

[ɱiracles ɱaker 0]

هههههههههههههههههههههههههههههههههههههه

انا اردنية

هههههههههههههههههه

شكرا على الموضوع

[زعيمة القراصنة 0]

ههههههههههههــ
اشكرك اختي سوسو عالمرور الرائع
احنا اردنيات من النخاع هههـ

[ɱiracles ɱaker 0]

هههههههههههههه

اه ههههههههه

تم التقييم