"مركز" جامعة القاهرة للتعليم المفتوح - اتمنى اعرف رأيكم

[aghaby 0]

سلامي للجميع

انا بس عايز اقول رأيي في حاجة يمكن اتناقشت قبل كده ويمكن لأ و

هي شئ جايز مش يكون مهم اوي بس مهم اعرف رأيكم فيها

وهيا بخصوص ال
Title
بتاعنا او الخاص بطلبة التعليم المفتوح

يعني "مركز جامعة القاهرة للتعليم المفتوح" انا اعتراضي كله على كلمة "مركز"

موجودة في الكارنيه وعلى اي اوراق وعلى الكتب وحتى على شهادة التخرج

مع كامل احترامي وتقديري لمجهود العاملين في المركز موظفين واداريين واساتذة

بس اضافة الكلمة فيها في رأيي ابخاس وتقليل للواجهة العامة للطلبة

احنا في النهاية المفروض تحت مظلة جامعة القاهرة ...وبالتبعية المفروض يكون فيه تقدير واهتمام اكبر من كدا

اي حد بيشوف كلمة مركز في الكارنيه معايا يا بيتريق يا اما مش فاهم يامش بيقدر الدراسة

ايه المشكلة ان مثلا خريج اداب يبقا مكتوب له "حاصل على ليسانس الاداب من جامعة القاهرة - التعليم المفتوح"

وفي نفس الوقت خالص الاحترام والتقدير لمجهودات المركز بس كدا انا حاسس ان فيه فصل كبير جدا بينا وبين طلبة الجامعة اللي المفروض اننا في النهاية جزء من الجامعة

في حاجة تانية بلاحظها من الملاحظين في الامتحانات وهيا الاستخفاف بالطلبة وكانهم بيعطفوا علي الطلبة او مقللين قيمتهم وحصلت مرة ان احدى الملاحظات في اللجنة اللي كنت بمتحن فيها انها قالت اثناء الامتحان بصوت عالي تعليقا على موقف حصل يعني وقتها قالت "مش كفاية انكم تعليم مفتوح يعني هيكون مستواكم ايه ولا تعرفوا ايه ...هما الطلبة لاقيين شغل علشان انتوا تشتغلوا "

سوري للاطالة

كل سنة والجميع بخير

[marina 0]

عامة معكى حق عامة الفلوس اللى بندفعها علشان نتعلم بيها هى اللى بيها الدكتورة دا بتاخد مرتبها بيها وبتعيش بيها واذا كان هى رايها ان مستوانا كدة يبقى اكيد هى كمان مستواها تعبان علشان بتدرس لنا ولا كانوا استنطفها وحطوها فى الجامعة العامة

[marina 0]

سورى انا افتكرت دكتورة اللى قالت كدة مش ملاحظة

[aghaby 0]

انا مش بحضر محاضرات في الجامعة ومعرفش رأي الدكاترة ايه ونظرتهم

لكن اتوقع انها هتكون مش كويسة بردو زي ماقولتي

لانهم حاسين من جواهم ان الناس اللي قدامهم درجة تالتة او رابعة في الفكر والتعليم

ممكن حد يطلب منهم اعادة شرح مثلا او رأي معين او نصيحة او اسئلة او متابعة

ماعتقدش

اتمنى اشوف ردود باقي الناس

وشكرا مارينا بس

aghaby is my nickname hena

I'm Rimon

[marina 0]

فى دكتورة بتشرح نحو عربى او بمعنى اصح بتقرا فقط بس مش بتفهمى منها حاجة فى المحاضرة اللى فاتت الدكتورة منعت حد يسالها قالت بتضعيوا المحاضرة ولما بنت صحبتى جاءت تسالها بعد المحاضرة ردت عليها انت جاية بعد المحاضرة تسالى امال كنت فى المحاضرة نايمة اسفة مفيش اسئلة بعد المحاضرة فى حين هى منعت حد يسالها اثناء المحاضرة

[marina 0]

ميرسى لك اغابى وكل سنة وانت طيب

[aghaby 0]

وانتي طيبة

كنت احب اشوف ردود تانية لباقي الناس وتعليقاتهم سلبا او ايجابا !!