أسئلة وإجابات عن الدراسة في التعليم المفتوح

[Sarah 2009 0]

ارجو افادتى فانا خريجه كليه التجاره و ارغب فى دراسه اداب انجليزى و لكن سمعت ان المصاريف لحامل مؤهل جامعى ستكون 5000 الاف جنيه مصرى هل هذا صحيح. و اذا انا قدمت بالثانويه العامه سيكون مثبت فى الرقم القومى حصولى على مؤهل عالى ارجو افادتى قبل التسجيل حتى لا يطلب منى مبلغ كبير اعجز عن سداده
و شكرا

[om_maram 0]

لا قمر مين اللى قال كدة

انا دفعت المصاريف ل 5 مواد 875 جنيه شاملة الكتب و السيديهات و محاضرات بتنزل على الموقع بتاعك فى الجامعة

بصى يا قمر على الرابط دا

http://www.ou.cu.edu.eg/NewsDetails.aspx?NewNumber=526

[om_maram 0]

بصى مكتوب فى الفاتورة

رسم المقرر 120 جنيه

رسم امتحان 20 جنيه

خدمات تكنولوجية 30 جنيه

اللى هيفرق معاكى عشان انتى جديدة رسوم مقابلة شخصية و حاجات بسيطة كدة


بس فى كل الاحوال مش ممكن توصل 5000 الواحد يروح جامعة خاصة احسن

[om_maram 0]

و كمان اتفضلى الرابط دا اقريه للاخر

/montada-f20/topic-t1250.htm

[Sarah 2009 0]

شكرا يا ام مرام المشكله ان انا سألت موظف قال لى لا المصاريف لحمله المؤهلات تصل ل5000 وفقا للقرار الاخير للمجلس الاعلى للجامعات و سالت موظف ثانى قالى لا لا يوجد مثل هذا القرار فى التعليم المفتوح فاصبحت محتاره اصدق مين فيهم على العموم انا حقدم و اشوف ايه اللى حيحصل يمكن هما بيقولوا كده علشان مصاريف الانتساب زادت فاعتقدوا انها حتطبق على كل تعليم يلتحق به حامل مؤهل جامعى و الله ما عارفه

[Hamdy Tawfik-manar9 0]

بالنسبة لسؤالك عن اثبات المؤهل في البطاقة الشخصية

بالطبع يثبت في بطاقتك الشخصية مثل اي مؤهل جامعي من جامعة نظامية

[عمرو الشاعر 0]

ياجماعة موضوع 5000 جنيه ده صحيح لكن للى داخل انتساب فقط لاغير لكن زى ما قالو اصدقائنا ان المصاريف تقريبا 875 جنيه والمقابله الشخصيه 50 جنيه وفتح ملف 50 جنيه يعنى الحكايه كلها 1000 جنيه تقريبا

[أسامة1 0]

ما تصدقيش يا سارة موضوع ال ٥٠٠٠ جنيه ده لأنه مش منطقي خالص، و كمان كتير من زمايلنا خريجين الكليات المختلفة بيدفعوا نفس المصاريف.

[عمرو الشاعر 0]

يا جماعه موضوع ال 5000 جنيه ده خاص بطلبة الانتساب احنا ملناش علاقه لكن حقيقة الموضوع حقيقه وده بس للعلم بالشىء مش اكتر انا بكمل معلومه للاصدقاء

[Gandhi 0]

السلام عليكم ورحمه الله وبركاته
هل من الممكن بعد تمام الدراسه بالتعليم المفتوح وبتقدير مثلا امتياز او جيد جدا هل يحق لى ان
اكون معيدا بالجامعة ام لا ؟؟؟
وهل يحق لنا ان نلتحق برحلات الجامعة النظامية ام لنا رحلات خاصة بنا فى التعليم المفتوح ؟؟؟
ارجوا بسرعة الاجابة...

[عمرو الشاعر 0]

اللى انا اعرفه انك ممكن بعد ما تخلص ال 40 مقرر بتوع الكلية تقدر تاخد دبلوم فى التخصصات التالية

1- دبلوم المحاسبة المهنية


2- دبلوم الإعلام الرياضي


3- دبلوم الحقوق العينية العقارية


4- دبلوم التأهيل السياسي للمرأة


5- دبلوم تنسيق الحدائق وصيانتها


6- دبلوم التعلم الإلكتروني


7- الدبلوم المهني في التربية الخاصة لمرحلة ما قبل المدرسة والتعليم الابتدائي
8- برنامج دار العلوم (دبلوم إعداد معلمى العربية للناطقين بغيرها)

والدبلوم ده طبعا هيكون مفيد جدا لما تشتغل فى مكان لانك هيكون معاك تخصص

لكن ما أظنش ان ينفع تكون معيد بالجامعة
أما الرحلات فطبعا رحلات التعليم المفتوح ملهاش علاقة برحلات التعليم النظامى
كل نظام لوحدو

[om_maram 0]

لا اعتقد ابدا ... لان اعرف ناس بيتخرجو بامتياز كان زمانهم بقو معيدين

[rora73 0]

السلام عليكم ورحمة الله وبركاته
اخوتي طلبة كلية اداب انجليزي ممكن تساعدوني
أنا عايزة التحق بالجامعة المفتوحة من حوالي 8 سنوات بس ظروف زواجي وولادتي وتربية الاطفال عطلتني شوي
كنت عايزة اعرف المقابلة الشخصيه صعبه ولا لاء وفي مكان نشتري منه ملازم سهلة الشرح ولا الكتب سهلة والمنهج سهل ولا لاء
انا بحاول ااهل نفسي للاختبار وهقدم ان شاء الله في مارس بس خايفة بصراحة
ردو علي بكل التفاصيل
شكرا لكم
رورا

[Doaa.M.M 0]

اهلا بيكى رورا صديقة لنا فى المنتدى

انا دعاء ترم تالت يعنى عملت المقابلة الشخصية من سنة ونصف

وهى سهلة جداا بس الاختبار على مرتين مرة تحريرى ومرة شفوى

والاتنين كانوا اسهل من بعض التحريرى كان ورقة فيها قطعة صغيرة

واحنا نترجمها ونسلمها وبعد ما تظهر نتيجة التحريرى هيتحدد ميعاد المقابلة الشخصية

ودى برضه سهلة انا عن نفسى الدكتور سألنى اسمك ايه وليه اختارتى اداب انجليزى

يعنى كلها اسئلة عامة وربنا معاكى وبالتوفيق.....

ان شاء الله الطلبة الجدد اللى لسة ترم اول يردوا عليكى ايضا علشان يفيدوكى
اكتر لان اكيد عندهم معلومات احدث منى ...

[rora73 0]

شكرا لك يا دعاء طمنتيني
بس ممكن اعرف هنحتاج دروس خصوصية ولا المحضرات كافية

[Doaa.M.M 0]

رورا ادخلى على الرابط ده هيفيدك ويشجعك جداااااااااااا

وفيه معلومات كتير عن سؤالك

/t1250-topic

بالتوفيق

[Doaa.M.M 0]

قصدك فى الدراسة ولا المقابلة ؟

عموما لو قصدك الدراسة لا خالص ده انتى لو حضرتى كل جمعة

يبقى تمام اوى وهتجيبى امتياز كمان ...والمقابلة زى ما قلت لك بسيطة جداااااااااااا

انا مش بحضر بانتظام اوى بس بذاكر وبتابع الاخبار والحمد لله بجيب تقديرات

كويسة مابين امتياز وجيد جدا الحمد لله ....

[rora73 0]

يعني اتكل علي الله واقدم

[rora73 0]

يعني اتكل علي الله واقدم

[Doaa.M.M 0]

ونعم بالله ....استخيرى وقدمى وربنا معاكى

وإن شاء الله هتكونى من الأوائل كمان ..
وعلى فكرة اعضاء المنتدى هنا متعاونين جدااا
واى استفسار هتلاقى اللى يفيدك

[sun_shine 0]

رورا ..اهلا بيكي في المنتدي ..توكلي علي الله زي ما قالتلك دعاء ..اعملي ريفريشينج لنفسك لحد شهر مارس عن طريق القراءة والليسنينج ..وانتي ان شاء الله هتعدي

[أسامة1 0]

الموضوع بسيط خالص يا رورا بس قبل المقابلة أو الاختبار بفترة حاولى تراجعى حتى الانجليزى بتاع تانيه و تالته ثانوى من كتاب خارجى و يفضل Gem لأن الاختبار اصلا فى مستوى طالب الثانوية العامة يعنى سهل جدا.

[hend nga 3]

لو تستطيعي حضور المحاضرات النهائية بالجامعة يمكنك معرفة المقرر والملغي

او علي الأقل محاولة معرفة شخص بالجامعة يقوم بالحضور فيبلغك عن المقرر

اذا لم تستطيعي مثل حالنا نحن المغتربين فيبقي عليك مزاكرة المحاضرات المكتوبة والتدريبات

والتطبيقات علي صفحتك الدراسية فهذا هو المقرر بالنسبة لكي

[ASMAAPORTSAID 0]

نداء لطلاب الجامعة

انا عايزة استفسر اولا انا مسجلة برة مصر ممكن اسألكم ياللي مسجلين جوة مصر هل بتنزلكو على صفحتكو محاضرات فيديو وورق ولا زي نظام الجامعات العادية وهل بتحضروا محاضرات الي جانب كدة والمحاضرات الي بتحضروها هي هي الي في الفيديو ولا بتشرح كل الدروس اصل الفيديو بيبقى دروس محددة عشان لو انتو بتحضروا محاضرات وكمان عندكو فيديو وورق احول لجوة مصر بس المشكلة اني من بورسعيد ومقدرش اسافر القاهرة يوميا او حتى اسبوعيا وفيش فرع في بورسعيد للجامعة شورو عليا اعمل ايه

[ASMAAPORTSAID 0]

ونسيت اكتب ان مفيش حد هنا بيدرسلي عدل وكلهم مدرسي ثانوي ومش فاهمين حاجة وانا سوري في اللفظ محتاسة جدا

[ASMAAPORTSAID 0]

معلش وعشان اقولكو عالحوسة الي انا فيها مدرس الثانوي الي بيدرسلي كان بيقرا قطعة مكتوب فيها it plays a key role تخيلو انو شرحهالي ان المؤسسة بتلعب دور المفتاااح!!!!!!!!!!! ارجوكو ساعدوني عشان السنين الي جاية اصعب وعايزة حد عدل يفهم ويفهمني انا جيت لكم لانكم هتفهموني

[sun_shine 0]

اقتباس :

it plays a key role تخيلو انو شرحهالي ان المؤسسة بتلعب دور المفتاااح!!!!!!!!!!!

المحاضرات اللي علي صفحتك هي هي اللي علي صفحة الناس اللي في مصر ولا اختلاف
اما بالنسبة للحضور بالجامعة ..بيكون يوم الجمعة وتقريبا المحاضرات تكون في نفس الموضوعات اللي في المحاضرات عندك ..ويمكنك متابعة قناة univ2 لو مش عندك محاضرات تلفزيونية

[nour_cota 0]

السلام عليكم ورحمة الله وبركاتة
انا نور زميلتكم فى ترم اول اداب انجليزى بس انا من الطلبة الا للاسف مبحضرش لظروف عندى بس كان ليا سؤال
انا عارفة ان مش المفروض انى اسال سؤال زى دة واحنا داخلين على امتحانات والمفروض اتفائل خير بس انا من الناس اللى بتحب تعمل حساب كل حاجة او اكون على دراية بكل حاجة
ممكن اعرف لو لا قدر الله رسبت فى بعض المواد فى التيرم الاول هل هعيد السنة وهل لها اعادة رسوم ومحاضرات؟
ولكم جزيل الشكر

[امانى حليم 0]

وعليكم السلام ورحمه الله وبركاته
والله يانور انا هقولك الى اعرفه طبعا مفيش اعاده لان ده تعليم مفتوح
بس انتى بتدخلى الماده تانى فى اى وقت يناسبك واعتقد بنص الرسوم الاصليه
مفيش حاجه اسمها اعادة سنه خالص اطمنى وان شاء الله تنجحى وتجيبى امتياز كمان
ويارب اكون افدتك.

[nour_cota 0]

يعنى ممكن ادخل الامتحان فى فترة اجازة الصيف معلش لانى مدرسة ومرتبطة باجازة الطلبة؟

[nour_cota 0]

عموما شكرا والواحد يحاول باذن الله يعمل اللى علية وربنا يوفقنا جميعا وشكرا

[waleed-ksa 0]

السلام عليكم ورحمة الله وبركاته

أرجو منكم مساعدتي بموضوعي الذي لم أجد له أجابه صحيحة وواضحه
هل التعليم المفتوح بجامعة القاهرة معترف به بالسعودية أم لا وأذا كان لا فما الاسباب ؟
لأني أتمنا أكمل دراستي عن طريق التعليم المفتوح .
ولكم جزيل الشكر ,,,

[sun_shine 0]

waleed-ksa كتب:

السلام عليكم ورحمة الله وبركاته

أرجو منكم مساعدتي بموضوعي الذي لم أجد له أجابه صحيحة وواضحه
هل التعليم المفتوح بجامعة القاهرة معترف به بالسعودية أم لا وأذا كان لا فما الاسباب ؟
لأني أتمنا أكمل دراستي عن طريق التعليم المفتوح .
ولكم جزيل الشكر ,,,

الاخ وليد ..مرحبا بك
التعليم المفتوح معترف به داخل وخارج مصر طالما يوجد بالشهادة اعتماد من المجلس الاعلي للجامعات

[waleed-ksa 0]

شكراً لك يا اشراقت الشمس

ولكن أنا سعودي و بالسعودية غير معترف فيها بالجهات الحكومية بس في القطاع الخاص ( الشركات ) ومشعارف أكمل دراستي ولا تتعادل الشهادة بالتعليم العالي

[Hamdy Tawfik-manar9 0]

waleed-ksa كتب:

شكراً لك يا اشراقت الشمس

ولكن أنا سعودي و بالسعودية غير معترف فيها بالجهات الحكومية بس في القطاع الخاص ( الشركات ) ومشعارف أكمل دراستي ولا تتعادل الشهادة بالتعليم العالي

قضية الاعتراف بالشهادة من عدمة في اي دولة

تحكمها قوانين الدولة نفسها

يعني ممكن تكون شهادة معترف بيها في مكان وغير معترف بيها في دولة اخري

يبقي تسأل في المكان السليم عندكم في وزارة التعليم العالي عن مدي اعتماد تلك الشهادة

وهناك موضوع في المنتدي يتكلم عن تلك القضية تجده هنا

هل شهادتنا من مركز جامعة القاهرة للتعليم المفتوح معترف بها بالخارج أم لا؟؟؟؟؟

واهلا بيك في المنتدي

[اميره هلال 0]

السلام عليكم
من فضلكم عايزه اعرف التقديم بدء ولا لسه لدور مارس ---- ولو بدء بيبقي يوم ايه ---- والمقابله الشخصيه في نفس يوم التقديم ولا بيتحددلها ميعاد ----ارجو الافاده عشان عايزه الحق اقدمم ومايروحش عليا التيرم ده ----ارجو الرد سريعا
وشكرا

[somya 0]

انا اللي اعرفو يا اميرة ان التقديم هيبدأ لما النتيجة(اللي امتحنو برة مصر) تطلع يعني في نص شهر 3 تقريبا والمقابلة الشخصية لما انا دخلتها مكانتش في نفس يوم التقديم ( مع العلم اني في قطر)(يعني راعي الفروق ممكن يكون جوة مصر المقابلة يومها اما برة غير)


و ما تخافيش يا اميرة مش هيروح عليكي التيرم وربنا يوفقك ان شاء الله

[marina 0]

التفديم نصف 3

[اميره هلال 0]

ميرسي جدااااااااااا بس انا سمعت انه ابتدي احنا النهارده 11 /3 عايزه اعرف ابتدي ولا لاء والتقديم بيبقي يوم الجمعه ولا ايام الاسبوع كلها
والتيليفونات اللي موجوده ع الموقع مابترردش معلش طولت عليكم بس فعلا مش عايزه الترم ده يضيع مني moralove24@(( ممنوع وضع البريد الالكتروني )).ca
ده ايميلي لو حد عرف حاجه ياريت يراسلني او يكلمني عليه واكون شاكره جدااا ليه

[marina 0]

يا جماعة مفيش حاجة ششغالة الا لما تظهر نتيجة الى فى الدول العربية

[knkon 0]

في دكاترة معانا في التعليم المفتوح يعني بيكونوا حاصلين على ماجستير ودكتوراه وبيدرسوا كمان احد برامج التعليم المفتوح علشان يخدوا بكارلويس او ليسانس في تخصص معين فسياسة التعليم المفتوح سياسة مرنة جدا ومتاح غالبا للجميع والقيود محدوده جدا وكمان الرسوم والمصاريف في متناول الجميع تماشيا مع رسالة جامعة القاهرة.

[marina 0]

شكرا للمعلومة

[saber1 0]

عايز اتعرف على طلاب الخارخ خصوصا فى الامارات

[هـــــايدي 0]

اهلين اخت رورا لاابد انصحك تقدمين وشوفي مستقبلك وكل شي سهل ان شاءاالله

[سمو الروح1 0]

ممكن أسال هل التطبيقات ايللي نازلة و المحاضرات بتاعة كلية التجارة بتييجي منها الامتحان و لا هي قديمة؟ و في حاجات مبتتقلش في المحاضرة و نازلة في التطبيقات هل تعتبر ملغية؟

[amani1 0]

من فضلكم عايزه حد يقولى ايه هى قطع القراءه والفهم المتوقع وجودها فى الامتحان للترم الاول يوليو 2

[marina 0]

المقررين هم 3 قطع قطعة النوم وقطعة العبد والاسد وقطعة فلنتين

[EsLaM.BeSTeM 0]

عندى كذا سؤال بعد اذنكم
انا خريج ثانويه عامه ... بس للاسف مجموعى كان ضعيف شويه ... مع انى جايب فى سنه تالته 85% بس للاسف بسبب مجموعى فى تانيه اللى تقريبا متعداش ال50% مجموعى الكلى متعداش ال 62% ... المهم قدمت فى التعللايم المفتوح... وكنت عاوز اعرف هل المواد اللى بناخدها ... نفس المواد اللى بتاخدها الجامعه العاديه .. انتظام وانتساب وكده؟ ولا المناهج متغيره؟ .... وهلى بعد ما اتخرج هيبقى الليسانس بتاعى ... نفس الليسانس بتاع الجامعه العاديه؟؟ ولا اقل منه..؟؟

[marina 0]

هل مر عليك 5 سنين على الثانوية العامة ولا انت ثانوية حديثة عامة المواد مختلفة لان انتظام شعبة عامة اما التعليم المفتوح شعبة ترجمة فموادة اهم فى الترجمة اما انجليزى عادة فموادبية ادبية اكتر ومسمى الشهادة هو هو ومساوى لو ثانوية حديثة اعتقد بيبقى لة حد ادنى فى المجموع ودا تنتظر التنسيق يرد عليك اما لو ثانوية قديمة وما مريش عليك خمس سنين يبقى ش حتنفع تقدم الا بعد مرور خمس سنين وزى ما قول لك لو ثانوية يوليو 2011 بيبقى لة حد ادنى مجموع للقبول

[EsLaM.BeSTeM 0]

لا انا خدت الثانويه عام 2010 ... وقدمت عادى .. فى اول سنه فتحو فيها تقديم الثانويه العامه للتعليم المفتوح ... مكانش فيه شروط فى التقديم ... ومشكوووووور على ردك واهتمامك