أسئلة وإجابات عن الدراسة في التعليم المفتوح

[marina 0]

دا السنة اللى فات كان يحق لك اما السنة دا ثانويتك دا قديمة وانت محجزتش مكان فى التعليم المفتوح عامة اتاكد

[تحيا مصر 0]

السلام عليكم عا يزة اقدم فى التعليم المتوح بس خائفة ومش عارفة ادخل اية وخاصة انى لا احب الرياضة

[تحيا مصر 0]

على فكرة انااحب الانجليزى شوية بس بيقو لو الاداب صعب

[تحيا مصر 0]

واللة انا زيك عضوا جديدة وعايزة ادخل الجامعة المتوحة بس خائفة من الفشل

[marina 0]

الرياضة يبقى تجارة بس عامة محديش يقدر يحدد كلية لك معينة غيرك انت لان انت اللى تعر ف ميولك

[amani1 0]

يا جماعه لما باجى احمل اى رابط مش بعرف حد يقولى اعمل ايه بجد بلاقى حاجات جميله على المنتدى بس مش بعرف احملها بيطلعلى حاجه ملهاش علاقه بالموضوع خالص فرى ميوزيك وحاجات كده غريبه من فضلكم حد يرد عليا لانى عندى جرامر1 ومحتاجه احمل محاضر الروابط

[amani1 0]

يا جماعه من فضلكم عايزه اعرف احمل الملفات اللى انتو بتقدموها بس للاسف مش عارفه اعمل ايه بجد بلاقى حاجات جامده جدا يعنى فى زميل كان مساهم بشرح محاضره الروابط لجرامر ترم اول بجد كنت محتاجاها جدا بس لما بفتحها بلاقى موضوع تانى خالص ممكن الاقى فرى ميوزيك او اى حاجه زى كده من فضلكم حد يقولى ايه الموضوع هو فى جاجه معينه بيتفتح منها الملف[

[marina 0]

بيبقى لما تفتحى الصفحة ارجو الانتظا ثوانى دوسى عليها وبعدة حتفتح صفحة التحميل

او تظهر لك فى نفس المكان بعد الانتظار ثوانى كلمة skip دوسى عليها حتلاقى صفحة التحميل ممكن تلاقيها 4 shared ودا تدوسى على مربع ازرق فية التزيل الان حيظهر صفحة لكى بعد عدد ثوانى قليلة التحميل الان

[sarah elshikh 0]

هل يحق لخريج التعليم المفتوح ان يستكمل دراسات عليا فى الماجستير والدكتوراة اذا حصل على تقدير عالى

[marina 0]

ايوة تم فتح باب استكمال الدراسات العليا السنة دا بس لسة تحديد الضوابط المحددة للموضوع دا

[samaher 0]

السلام عليكم
معي ليسانس اداب قسم تاريخ 2008 واود الالتحاق بكلية اداب قسم انجليزي بالجامعة المفتوحة
ارجو افادتي ومواعيد التقديم
وهل الانتساب الذي ورد ذكرة في الردود هو نفسة الانتساب العادي داخل جامعة القاهرة

[marina 0]

لا دا يختلف عن الانتساب العادى فى جامعة القاهرة اداب انجليزى مواد اكتر فى الادب الانجليزى اما اداب انجليزى تعليم مفتوح فهو تخصص ترجمة ومهتم اكتر بمواد الترجمة واللى توهلك كمترجم فعلشان كدة مهتمة بالقواعد والكتابة والنطق وبكافة النواحى مواعيد االتقديم فى شهر 9 للتعليم المفتوح ولة مراكز خاص

[samaher 0]

حبيبتي ممكن توضيح اكتر
يعني انتي عاوزة تقولي ان قسم انجليزي بجامعة القاهرة غير قسم انجليزي تخصص ترجمة بالتعليم المفتوح؟
ومعلش اية حكاية الانتياب هوا في انتساب بالتعليم المفتوح بمصاريف اكتر من المصاريف المخصصة للتعليم المفتوح
ارجو التوضيح لاني كنت انتظام ومش فاهمة

[marina 0]

لا قصدى انة يحق الللى مخلص كلية انة ينتسب لكليات زى الاداب بيقى انتساب انتظام غير خالص التعليم المفتوح التعليم المفتوح بيبقى فية المصاريف اعلى شوية اما بالنسبة لو عايز تدرسى انجليزى بصفة عامة دون تخصص ترجمة فادخلى الانتساب العادى تبع اداب القاهرة اما لو عايزة تخصص ترجمة يبقى تعليم مفتوح ودراسة فى اداب تعليم مفتوح مختلفة عن الدراسة فى الاداب العادية

[samaher 0]

ممكن تعرفيني المصاريف كام في التعليم المفتوح واخر ميعاد للتسجيل لاني خارج مصر وراجعة علي اخر شهر9 ان شاء الله
واعتقد من كلامك ان التعليم المفتوح انسب لاني بشتغل وشغلي فية سفر كتير
وسؤال تاني دراسة الترجمة تتيح لدارسها تعلم اللغة الانجليزية اكثر من دراسة الادب الانجليزي؟

[marina 0]

دراسة التعليم المفتوح مادام بتسفر احسن لك لان المحاضرات يوم واحد فى الاسبوع يوم الجمعة واسبوع بيكون المحاضرات محاضرتين الصبح واسبوع بيبقى بعد الظهر و3 محاضرات وكمان بيدوكى كتاب وسى دى مشروح فية المحاضرات بالاضافة اى جديد بينزل لكى على الصفحة دراسية خاصة بيكى ودراسة الترجمة بتهتم بكافة نواحى الانجليز ى يعنى الجرايمر والاسبلين والتطق والكتابة اما المصاريف فكل مادة مصاريف100 جنية وهم 5 مواد فى الترم ورسوم امتحان المادة 20جنية هو اول ترم بتدفع بس رسوم الكارنية انا مش فاكرة قوى رسومة بس اعتقد200 جنية ودا بتدفعها بس فى اول ترم وللعلم رسم المادة شامل سى دى والكتاب والتقديم 17-9 وانت بتروحى الاول تسحبى استمارة ودا تمنها 50 جنية وبيدوك ورقة فيها ميعاد امتحان تحريرى ولونجحتى فية بتدخلى امتحان شفوى ودول سهلين جدا وبعدين كدة بتقديم بشهادة الثانوية او كليتك وبيكون طبعا معاكى صورلكى وصورة من البطاقة وبتدفعى 50 جنية سحب ملف وبعدين رسوم المواد والكارنية

[samaher 0]

بجد ميرسي جدا علي مساعدتك ويارب الحق التقديم لاني بصراحة تعبت اخذت كورسات مش كتير بس بردة موصلتش للمستوي الي انا عاوزلة وانا شغلي اهم حاجة فية اللغة

[marina 0]

العفو على اية ان شاء الله تلحقى وابقى طمننى اوك عملت اية بالتوفيق ان شاء الله

[ahmed abdrabou 0]

السلام عليكم ورحمة الله وبركاتة
انا عايز اتقدم فى اداب انجليزى وارجوا معرفة ماذا يحدث فى المقابلة الشخصية هل بها امتحان تحريرى وشفوى ام ماذا وكيفية اجتيازها وكيفية الاعداد للامتحان هل هو فى القواعد ام ترجمة بعض القطع افيدونى وجزاكم الله عنى خيرا
اخوكم / احمد

[Hamdy Tawfik-manar9 0]

ahmed abdrabou كتب:

السلام عليكم ورحمة الله وبركاتة
انا عايز اتقدم فى اداب انجليزى وارجوا معرفة ماذا يحدث فى المقابلة الشخصية هل بها امتحان تحريرى وشفوى ام ماذا وكيفية اجتيازها وكيفية الاعداد للامتحان هل هو فى القواعد ام ترجمة بعض القطع افيدونى وجزاكم الله عنى خيرا
اخوكم / احمد

المقابلة الشخصية في قسم اللغة الانجليزية تجد معلومات عنها في هذا الرابط

/t1250-topic

[marina 0]

thank you

[Hussein1974 0]

هل التيرم البينى يؤخر التخرج اذا كان بين التيرم الرابع والخامس

[Hussein1974 0]

ياجماعة هل خريجى اداب انجليزى لهم حق اكمال دراسات عليا حتى الماجستير والدكتوراه واذا كان من حقهم فما هى ضوابط ذلك واذا لم يكن من حقهم فلماذا لا يتساوى خريجوا التعليم المفتوح مع خريجى باقى الجامعات

[marina 0]

هى فعلا بتساوى مع كليات النظامية وبيقى بيصدق علية من وزراة التعليم العالى ولك حق تكميل دراسات عليا المشكلة بقى فى سوق العمل ممكن الشركات هى اللى تيقى مش مقتنعة بالتساوية داولاسف دا راجع لثقافة مجتمع

[فارس عز 0]

اعتقد ان فكره ان الشركات ممكن ما تقتنعش دى بقه بعيده شويه لان الشركات دولوقتى بيهما فى المقام الاول النتيجه العمليه بجانب الشهاده ويمكن ربنا يكرمنا ويشيلو كلمه تعليم مفتوح دى بعد الثوره

[tmatem2 0]

انا كنت في الجامعه وسمعت ان نظامها هيختلف

واجتمال تبقا 3ايام في الاسبوع وهتسوي بين المفتوح والانتظام

باذن الله تتحسن

[Walaa El-moataz 0]

3 ايام ازاى طيب للكل ولا لدفعه ثانوى بس

[somya 0]

دة لو انت برة مصر هتبقى كدة لكن لو جوة مصر ب 800 جنيه تقريبا

[marina 0]

انا مااعتقديش لسبب بسيط جدا ان الطلبة والدكاترة مش عندهم وقت وبيبقى مراهقين ومجهدين وكفاية الترم اللى فات يومين وكانوا بيصوتوا واحنا كنا بصراحة قرفانين من يومين لان كان عندنا دكتورة مش عارفين لمدتها منهج كانت بتدينا مرة منهج يوم الجمعة ويختلف عنة السبت وكانت باقى السبوت مطنشاة انها تيجى

للعلم يا جماعة ادارة التعليم المفتوح فى تخبط وكل ما حد يسالة طبعا عارفة عادة الشعب المصرى والموظف الادارى بيفتى فى اللى مالهويش فية وخاصة بعد الثورة كلة بيحب يفتى ويقول راية اهو احساس بانة واجب يقول راية ويعبر بحرية

[tmatem2 0]

Walaa El-moataz كتب:

3 ايام ازاى طيب للكل ولا لدفعه ثانوى بس

قالوا لدفعه ثانويه بس ولابنا يعمل الفبه الخير

[روني الصعيدي 0]

السلام عليكم

معلش يا جماعه استفسار صغنتوت اوي.............
انا كان ليا سابقه تعليم عالي كنت اداب لاتيني ويوناني وبعيد عنكم فشلت في سنه تانيه
عملت كعب داير من اداب لحقوق بس للاسف الزريع يادوب ورقي بس اللي راح يعيني اكتر من شئون الطلبه
مشفتش حاجه في حقوق المهم سيبكم من الصداع ده انا عايز ارجع جامعه تاني مفتوح للاسف
اداب اكيد يعني اسباني ممكن !!! المهم برضو سيبكم من دي انا عايز اعرف ايه المعاد التاني غير بتاع شهر تسعه ده عندي ظروف بايخه شويه هتاخد وقت مني
سبتمبر دا بالنسبه للجدد تقديم اول ترم المعاد التاني هيبقي قريب يعني في اي وقت ولا لازم استني للسنه الجايه
عايز حد مخضرم يرد وبسرعه يريت بشويه تفاصيل عالماشي كده عن نظام الدكاتره في الحضور وكده
وان كانوا من النوعيه التيت ولا لا
طولت عليكم ميرسي للي هيرد عليا اللي مش هيرد لا طبعا
علي فكره انا ليا يومين بقرالكم المنتدي جامد والناس اللي فيه اجمد
حد يرد بقي

[hend nga 3]

وليه للأسف تعليم مفتوح .......

اولا اهلا بك في المنتدي عضو وزميل

ثانيا التعليم المفتوح متاح لك التقديم مرتين في العام الواحد وليس مرة واحدة

موعد التسجيل هتلاقيه ببساطة في موقع الجامعة

طبعا انت لفيت كعب داير في اللغات فاللغة هتكون من اختيارك (اعمل حادي بادي )

اما بخصوص الدكاترة فتابع يوم او اثنين قناة الجامعة علي النايل سات وهتقدر تحدد نوعية الدكاترة وشرحهم مناسبين او لأ

راجع اجابات واسئلة زمايلنا في الموضوع ده في الصفحات السابقة وهتفيدك كتيير

بالتوفيق اما بالنسبة لمشاركة الزملاء هتلاقيها مفيدة جدا جدا انا استفدت منها كتير

لأني لا احضر بالجامعة لكن مساهمات الزملاء المفيدة بتغطي الموضوع ده

بالتوفيق والنجاح ان شاء الله يا رب

[روني الصعيدي 0]

ميرسي ليك يا ستار وعلي ردك السريع
بس مفيش مواعيد تانيه غير شهر سبتمبر في سايت الجامعه
هتعبك شويه وارميلي كوبي من السايت في المواعيد كلها
معلش يا قمر هتعبك معايا ست شويات
متنمش غير مترد عليا ماشي..........

[Hamdy Tawfik-manar9 0]

روني الصعيدي كتب:

ميرسي ليك يا ستار وعلي ردك السريع
بس مفيش مواعيد تانيه غير شهر سبتمبر في سايت الجامعه
هتعبك شويه وارميلي كوبي من السايت في المواعيد كلها
معلش يا قمر هتعبك معايا ست شويات
متنمش غير مترد عليا ماشي..........

زي ماقالت لك الاخت ستار المواعيد مكانها موقع الجامعة

لانها تختلف بين من هم داخل مصر وخارجها

وكل فترة بيبقا فيه ميعاد جديد فلازم تتابع مع الجامعة نفسها من خلال السايت الرسمي او من خلال الاتصال المباشر باحد فروعهم القريبة لك او الاتصال تليفونيا بالفرع الرئيسي
http://ou.cu.edu.eg/NewsDetails.aspx?NewNumber=74

http://ou.cu.edu.eg/NewsDetails.aspx?NewNumber=1171&IsHomePage=1

[روني الصعيدي 0]

حمدي حبيبي ميرسي ليك ولردك
بس معلش رخامه برخامه انت برضو مفهمتنيش عايز اوصل ايه
انا اقصد الفتره التانيه للقبول هتكون امتي السنه اللي جايه يعني ولا ايه
يعني في شهر كام التقديم المرحله اللي جايه
تحياتي ليك وشكرا مره تانيه لردك

[marina 0]

بيكون التقديم الاول فى شهر سبتمبر والتقديم التانى بيبقى فى شهر 3 او 4 من السنة اللى بعدها يعنى التقديم الاول للسنة دا فى 17-9-2011 حيكون التقديم التانى فى شهر مارس او ابريل 2012

[روني الصعيدي 0]

شكرا ليكم ولاهتمامكم
بمشيئه ربنا هكون معاكم قريب
ميرسي ستار حمدي مارينا
جد بي وز يو

[yasser mohamed 0]

التحقت بحقوق وبصراحه عندي قليل من القلق وخايف اني لا اقدر علي التحصيل لاني انا اعمل خارج القاهره ومن هذا قد لا استطيع الواظبه علي الحضور ............ارجو افادتي بخبراتكم ولكم جزيل الشكر .................موضوع اخر هو جدول المحاضرات حينزل متي؟ ارجو الافاده والسلام عليكم

[marina 0]

جدول المحاضرات بينزل قبل بدء الدراسة باسبوع او 3 ايام الدراسة 14-10 فممكن ينزل الجدول على 5-10

[Hussein1974 0]

ياجماعة قالوا ان النتايج هاتظهر29/9ولحد النهارده مظهرتش هى هاتظهر امتى

[marina 0]

قالوا للطلبة اللى اتصلوا بالمركز انها حتظهر الخميس دا او يوم 9-10 والموكد يوم 9-10 والتسجيل مفتوح لحد 17-11 وربنا يسهل

[galal elmadny 0]

اقل تقدير ان يبقى فيه تنويه عند تغير ميعاد النتيجه فى البديه اعلنوا ان النتيجه 29/9/2011 وبعد ذلك مفيش اى تنويه عن شى لا بسب التاجل ولا بيمعاد النتيجه

[marina 0]

يا سيدى انت فى مصر ام العجايب ومركز التعليم المفتوح عجيبة لوحدها وهو بيعمل العجايب يعنى بيعمل قرارات ويرجع فيها ومينفذهايش عادى مهو عجيبة فلا استغراب على المركز دا هو يبقى عجيب لو التزم ومشى بنظام يبقى ساعتها تحس فى حاجة غريبة فى المركز التعليم المفتوح و التعليم نفسة فى مصر عجيبة الاطفال يدخلوا اذكياء فى تعليمنا وبفخر بنخليهم يفقدوا ذكاوهم

[zika 0]

السلام عليكم أ/مارينا أنا معجب جدا بأسلوبك دائما فى الرد ع أسئلة المنتدى
بس عندى سؤال أرجو لو عندك رد علية,هو لية طالب التعليم المفتوح لابد من أنتهاء دراسته فى 4سنوات ألا دقيقة لأ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
هو مش ممكن النظام دة يطور ويكون لية معايير لمن بلغ فئة عمرية معينة أنه منكن يخلص ولو بعد سنة أو أثنين" يااااااارب نطور فى كل حاجة فى حياتنا...

[Walaa El-moataz 0]

عندك حق مارينا زى العسل

.............................................................................

بالنسبة لسؤال حضرتك .. للاسف لازم الاربع سنين ودا نظام عندهم ومش هيغيروه مهما حصل



حتى من اشهر قريبه طلبه ثانوى عملت مظاهرات كتيرررر وكان من مطالبهم



الغاء حكاية الاربع سنين دى بس ولا كأنهم سامعين حاجة وقالولهم مفيش نقاش فى الموضوع دا



وحضرتك عارف طبعا ان اهم حاجة فى البلد النظااااااااااااام

[marina 0]

اقوالك لية 4 سنين لان اى دراسة اكاديمية لاى كلية فى الدنيا 4 سنين وصدقنى المواد بتبقى كتيرة وصعب انهم فى اقل من كدة تخلص وهم اصلا كان التعليم المفتوح معمول لناس ظروفهم معينة يعنى كبيرة وممكن تكون كمان طلعت على المعاش ويكون تكملة تعليم الجامعى حلم من احلامهم او ممكن يكون مساعدتهم على قضاء وقتهم فى حاجة مثمرة ولناس تانية زى اللى بيشتغلوا وعايزين يساوا بشهادة جامعية و عامة اسباب مختلفة بس صدقنى احنا وعن تجربة كان معنا 10 مواد وكنا بنصرخ منهم ومش قادرين عليهم ممكن لو فى دولة متقدمة كنت معاك ان ممكن تخلص دراستك فى اقل من 4 سنين لان الهدف هو التعليم ومساعدة المتفوق الا لة قدرة على ان يخلص المواد فى سنين اكتر مفيش مشكلة دا كمان ممكن الصغرين المتفوقين يخلوهم يتجاوزا بعض مراحل التعليم الاساسية ويدخلوا الجامعة ولكن هنا احنا التعليم فى مصر بيقضى على ذكاء الاطفال فحتيجى على التعليم المفتوح



اما مصر مينفعيش لان بصراحة التعليم المفتوح بقى عشوائى بمعنى لا الموقع بتاع المركز بيقدم خدمة ولا حاجة ولا محاضرات اللى بيدوها على سيدهات بتكون عليها المنهج ولا كتاب ممكن يكون هو المقرر اللى عليك يعنى بصراحة التعليم المفتوح المفروض بيعتمد كل حاجة فية على انها موجودة فى صفحتك ودا مش صحيح التعليم المفتوح محتاج يتطور وتتطور حاجات كتيرة فية زى ما اى حاجة فى مصر محتاجة تطوير واعادة صياغة وخاصة منظومة التعليم او التعليم فى مصر عامة

[zika 0]

شكرا مشرفى المنتدى الكرام ,ويارب التوفيق لنا جميعا فى انتظار النتيجة.

[marina 0]

العفو على اية احنا اللى بنشكرك لانضامامك كعضو معنا فى المنتدى واهلا بيك وامين يارب النجاح والتوفيق للجميع

[Hussein1974 0]

هى النتايج مش ناويين يظهروها الترم ده ولا ايه ولا ناويين يطلعوها مع الترم اللى جاى كل ماتصل يقولولى الاسبوع اللى جاى لحد مازهقت من كلمة الاسبوع اللى جاى دى

[Hamdy Tawfik-manar9 0]

بيقولوا بكرة او يوم الاتنين