أسئلة وإجابات عن الدراسة في التعليم المفتوح

[RФMaйt!c_QuêN 0]

هههههههههههه صحيح ظلمتك

[RФMaйt!c_QuêN 0]

وبعدين صباح الخيــــــــــــــــــــر الناس كلها بتفطر فول وطعميه وانت عايز لحمه وفراخ

[Hussein1974 0]

والله مدام على حسابك خلاص اكل اللى انا عاوزه.هوانا هادفع حاجة من جيبى.

[RФMaйt!c_QuêN 0]

ههههههههههه خلاص ماشى بس لما اقبض الجمعيه بقى

[Hussein1974 0]

وانا هاقعد من غير فطار لحد ماتقبضى الجمعية.يبقى هاموت من الجوع.

[RФMaйt!c_QuêN 0]

خلاص روح هات فطار بالاتنين جنيه بتوع جزيره سومه وانا هدفع حقها من معايا عد انت الجمايل بقى

[Hussein1974 0]

وانا هافطر لوحدى؟انتى عاوزانى ازور.

[RФMaйt!c_QuêN 0]

لا ياعم انا مسامحه

[Hussein1974 0]

طيب خلاص اروح بقى اجيب فخدة اللحمة والعشرين جوز فراخ والخمس بطات والديكين الرومى والتلاتين جوز حمام وسلطة الطحينة وبابا غنوج وسلطة الطماطم والطرشى عشان الحق افطر قبل معاد الغدا.اصلى باتغدى الساعة تلاتة.

[RФMaйt!c_QuêN 0]

طب اسيبك مع الوليمه بتاعتك دى بقى واللى اداك يدينا

[Hussein1974 0]

ايه الناس اللى بتقر دى.بدل ماتقولى بالهنا والشفا.خلاص نفسى اتسدت.

[RФMaйt!c_QuêN 0]

هههههههههههههههههه

[soultan 0]

اريد الدخول الى الصفحة الخاصة بى

[Hussein1974 0]

اهلا بيك ياسلطان فى المنتدى.الموقع باذن الله هايتفتح يوم الاتنين.

[بسمه رجب 0]

السلام عليكم
انا الثانويه بتاعتي كانت فنيه وبعدها معهد فني سنتين وعاوزا اعرف دا يمنع تقديمي في اداب انجليزي ولا لا خصوصا اني بحب الانجليزي وباخد كورسات فيه وايه هيا الاقسام التانيه الي موجوده فاداب ومواعيد التقديم امتي اقرب معاد

[Hussein1974 0]

عليكم السلام ورحمة الله وبركاته.مش مشكلة نوع الثانوية المهم يكون فات 5سنين على حصولك عليها.وطبعا نوع الشهادة ميمنعش دخولك اداب انجليزى.الاقسام التانية فى اداب هى فرنسى واسبانى وعبرى.مواعيد التقديم للطلبة الجدد من3/3 باذن الله.وده على حد علمى.ودى ارقام الاستعلامات فى الجامعة عشان تتاكدى من صحة المعلومات دى:33332860/33332861/33332863/33332864/33332865.وربنا يوفقك.

[بسمه رجب 0]

متشكره اوي يا استاذ حسين بجد انت كدا ادتلي اول خطوه في الموضوع ووفرت عليا كتير بالارقام دي . ربنا يوفقك ويكرمك

[*maryam 0]

marina كتب:

دراسة التعليم المفتوح مادام بتسفر احسن لك لان المحاضرات يوم واحد فى الاسبوع يوم الجمعة واسبوع بيكون المحاضرات محاضرتين الصبح واسبوع بيبقى بعد الظهر و3 محاضرات وكمان بيدوكى كتاب وسى دى مشروح فية المحاضرات بالاضافة اى جديد بينزل لكى على الصفحة دراسية خاصة بيكى ودراسة الترجمة بتهتم بكافة نواحى الانجليز ى يعنى الجرايمر والاسبلين والتطق والكتابة اما المصاريف فكل مادة مصاريف100 جنية وهم 5 مواد فى الترم ورسوم امتحان المادة 20جنية هو اول ترم بتدفع بس رسوم الكارنية انا مش فاكرة قوى رسومة بس اعتقد200 جنية ودا بتدفعها بس فى اول ترم وللعلم رسم المادة شامل سى دى والكتاب والتقديم 17-9 وانت بتروحى الاول تسحبى استمارة ودا تمنها 50 جنية وبيدوك ورقة فيها ميعاد امتحان تحريرى ولونجحتى فية بتدخلى امتحان شفوى ودول سهلين جدا وبعدين كدة بتقديم بشهادة الثانوية او كليتك وبيكون طبعا معاكى صورلكى وصورة من البطاقة وبتدفعى 50 جنية سحب ملف وبعدين رسوم المواد والكارنية

عندي كام سؤال كدا على الكلام ده ياريت تجاوبوني عليه من فضلكم

هو المادة ب 100 ج ولا ب 120 ولا 130 ؟؟؟؟؟؟

وفعلا ثمن الكارنية 200 ج ؟؟؟ وده لازم ندفعه في الاول

والخمس مواد ايه هما اسماء المواد ايه؟؟

[abo nooh 0]

التعليم المفتوح نعمه وفضل ويحقق لك في نهايه الامر شهاده وهذا جيد ولكن انتبه جيدا اخي التعليم المفتوح وطيبعه الدراسه فيها لايحقق لدارس اللغه الانجليزيه كافه المهارات اللي يحتاجها الطالب ليكون متحدث باللغه الانجليزيه ومترجم بشكل قوي ولكن التعليم المفتوح يعطيك بعض المهارات فقط هي مهاره القراءه من خلال النصوص ومهاره الترجمه الورقيه من خلال النصوص ينبغي على الطالب ان ينمي نفسه بالاحتاك مع اللغه واصولها بالتحدث مع الاجانب او بالالتحاق بدوراه تنمي لديه مهاره الاستماع والتحدث وبشكل مباشر ليس من خلال كتب أنا لاانكر فائده المركز وكونه مفيد جدا ببعض الاحيان لكن يبقى النقص عندنا في جانب مهاره التحدث والفهم والاستيعاب المباشر انا على المستوى الشخصي قررت بعد السنه الاولى اروح الى دوله اجنبه واتحدث مع الناس والعالم لان اصعب حاجه عندي هو انني عندما اتلقي الكلام من واحد اجنبي اجد صعوبه بالغه في فهمه ولكن عندما يتحول الامر الى كتابه يكون الامر اسهر بكثير وهذا وجه المشكله وذلك ان المهارات الانجليزيه كما هو معروف اربع مهارات كتابه وقراءه واستماع وتحدث ولا يتحقق لك في المركز الا مهارات هما الكتابه والقراءه



واما الاستماع والتحدث فهذا هو الجانب المفقود والذي انصح اخواني الطلبه بان يهتمو بتنميه والله الموفق لكل خير ويحفظ الله الجميع

[Hussein1974 0]

العفو يابسمة لاشكرعلى واجب.

[abo nooh 0]

على فكره ما يسمي بالاستماع والتحدث في موادنا بالاداب والترجمه في مركز التعليم المفتوح هي مواد يتم التعامل فيها ايضا من خلال الكتب والنصوص والاستماع لدكتور يتحدث اغلب وقته باللغه العربيه ويشرح فيها وهذا لا يفيد كثيرا وانما المقصود بالكلام مالي هو الاستماع بالاجنبي والفهم بالاجنبي والرد كذلك بالاجنبي وبشكل فوري في هذي الحاله انت ستكون فعلا مترجم صحيح



وانماعليك بالبدايه الالتزام بالمنهج بالجامعه والدروس فهي تعطيك الانطلاقه ثم ان تكمل نفسك بالسعي الحديث لما قد اشرنا اليه والله الهادي لارب سواه

[Hussein1974 0]

يامريم انا التيرم اللى فات دفعت670جنيه.اما بالنسبة للجدد على مااذكر فى 50جنيه رسوم امتحان وباذن الله لما يفتح الموقع يوم الاتنين هراجع السجل المالى ولو فى اى رسوم تانية هابلغك.بس ابقى فكرينى.بس غالبا مفيش.

[*maryam 0]

hussein1974 كتب:

يامريم انا التيرم اللى فات دفعت670جنيه.اما بالنسبة للجدد على مااذكر فى 50جنيه رسوم امتحان وباذن الله لما يفتح الموقع يوم الاتنين هراجع السجل المالى ولو فى اى رسوم تانية هابلغك.بس ابقى فكرينى.بس غالبا مفيش.

انا عارفة اننا بندفع الاول 50 ج عشان ندخل الامتحان والمقابلة دي ماشي
بس اول مرة اسمع 200 ج كارنية دي

اوك اهو هانت هيفتح بعد بكرة

[Hussein1974 0]

لا طبعا اول مرة اسمع عن ال200جنيه بتوع الكارنيه بصراحة

[*maryam 0]

hussein1974 كتب:

لا طبعا اول مرة اسمع عن ال200جنيه بتوع الكارنيه بصراحة

انا بقول برضه بصراحة اتخضيت

[Hussein1974 0]

ولا تتخضى ولا حاجة اتصلى بالتليفون وهاتعرفى كل حاجة.انا كاتبلك الارقام بتاعة الاستعلامات.

[*maryam 0]

اه ما هي عندي وهتصل بيهم بكرة ان شاء الله

[Hussein1974 0]

ان شاء الله.اتمنالك التوفيق.

[عاشق الضاد 0]

جزاكم الله خيرا اخى الادمن ورزقك الله الفردوس رجاء كم المصروفات متى التقديم ما هو رقم تليفون المركز وعلى فكرة انا حاصل على ليسانس اداب لغة عربية ودبلومة تربوى وicdl وشكرا على مجهودك معنا

[عاشق الضاد 0]

جزاكم الله خيرا اخى الادمن ورزقك الله الفردوس رجاء كم المصروفات متى التقديم ما هو رقم تليفون المركز وعلى فكرة انا حاصل على ليسانس اداب لغة عربية ودبلومة تربوى وicdl وشكرا على مجهودك معنا

[Hussein1974 0]

اولا اهلا بيك فى المنتدى.ثانيا المصروفات كانت التيرم اللى فات670جنيه للخمس مواد.بالنسبة للطلبة الجدد بيدفعوا50جنيه رسوم امتحان وتقدر تتاكد اكتر من اجمالى المصروفات من التليفون.التقديم يبدا للجدد3/3باذن الله.ارقام الاستعلامات:33332860/33332861/33332863/33332864/33332865وربنا يوفقك.

[somya 0]

شكرا

[marina 0]

مصرفات كل مادة 130 وبتدفع 50جنية تقديم بالاضافة 200جنية كارنية ولوانت ثانوية عامة حديثة من التنسيق بتدفع 80جنية تانى انشطة رياضية واشلراف صحى ولو انت بتمتحن خارج القاهرة يبقى ضيف لكل مادة 20جنية زيادة رسوم امتحان

[heba mohammed 0]

لو سمحتوا يااجماعه لو حد يقدر يساعدني انا ترم اول اداب انجليزي بس بره مصر ودفعت الترم الأول حووالي 5200 ريال بعدها اللي بيختبروا معايا قالولي انهم دفعوا حووالي 2500 او اقل بس ما تتعداش 5000 اتصلنا عليهم اني مثلا ادفع المصاريف في مصر قالولنا ما ينفعش انتي طالما بتدرسي بره بتدفعي بره وكده بيعاملوني اني اجنبيه مع اننا مش معترف بينا في اي مكااان المهم دلووقتي الترم 2 قرب ومش عارفه اعمل ايه كلامهم مش مزبووط خاالص كتير جدا من اللي شفتهم ماكنوش بيدفعوا زي ما بيقولوا معلش طوولت عليكم بس ممكن حد يقولي اعمل ايه عشاان اقدر ادفع المصاريف في مصر عشاان حراام عليهم 10000 في السنة ده كده يبقى نصب سوري ع الإطاله

[marina 0]

اهلا هبة بيك ممكن الاول ياهبة تلغى الوكالة وبعدين تقدرى تخلى حد يدفع لك من مصر ويبقى يسافر لكى الكتب للعلم الاول لابد تسالى المركز الاول على الخطوات لان الوكيل هناك حيقولك مينفعيش تلغى الوكالة لانهم بيستفيدوا



وياريت تبدا من النهاردة لان الموقع حيستغل النهاردة

[بسمه رجب 0]

السلام عليكم
انا دخلت الموقع لقيتهم بيقولو اني اقدر اسجل عن بعد وانا مش فاهما حكاية التسجيل عن بعد دي وهوا انا ممكن اسجل عن بعد بس المقابله والدراسه احضر في الجامعه عادي ولا دا نظام غير دا وهيا الرسوم هتفرق لو سجلت عن بعد وعلي فكره انا من القاهره

[Hussein1974 0]

متهيالى ده نظام تانى.ومتهيالى مدام من القاهرة بتسجلى فى المركز عادى.

[Hussein1974 0]

وبعدين ماتتصلى افضل بيهم وريحى دماغك.على فكرة لو مردوش خليكى وراهم لحد مايردوا.

[Hamdy Tawfik-manar9 0]

بسمه رجب كتب:

السلام عليكم
انا دخلت الموقع لقيتهم بيقولو اني اقدر اسجل عن بعد وانا مش فاهما حكاية التسجيل عن بعد دي وهوا انا ممكن اسجل عن بعد بس المقابله والدراسه احضر في الجامعه عادي ولا دا نظام غير دا وهيا الرسوم هتفرق لو سجلت عن بعد وعلي فكره انا من القاهره

اعتقد ان المقصود هو التسجيل من خلال الانترنت

انك تقدري تخلصي الفاتورة المستحقة وتدفعيها في رقم الحساب المذكور علي الموقع

لكن في النهاية لابد ان تذهبي الي مقر التعليم المفتوح لتخليص الاجراءات وتسليم صورة الفاتورة

الافضل تذهبي لمقر اقرب فرع للتعليم الفتوح علشان تخلصي اجراءاتك بنفسك ويحدد لك موعد المقابلة الشخصية

المصاريف واحدة في الحالتين

[Hussein1974 0]

انا كنت قريت عن نظام التسجيل عن بعد قبل الموقع مايخترق لانه كان مشروح على الموقع بس للاسف ماهتمتش بيه ونسيت القواعد بتاعته لانى انا من القاهرة واللى فاكره انه مكنش يهمنى فى شىء.

[بسمه رجب 0]

متشكره يا جماعه عالعموم انا كدا كدا اتصلت وقالولي اتصل تاني يوم 3 / 3 عشان يحددولي معاد التقديم

[Hussein1974 0]

ربنا يوفقك يابسمة وتشرفينا فى الكلية بعد النجاح فى المقابلة باذن الله.

[heba mohammed 0]

marina كتب:

اهلا هبة بيك ممكن الاول ياهبة تلغى الوكالة وبعدين تقدرى تخلى حد يدفع لك من مصر ويبقى يسافر لكى الكتب للعلم الاول لابد تسالى المركز الاول على الخطوات لان الوكيل هناك حيقولك مينفعيش تلغى الوكالة لانهم بيستفيدوا



وياريت تبدا من النهاردة لان الموقع حيستغل النهاردة

مرسي على ردك يا مرينا

بس معلش يعني اتصل عليهم في جده واقوولهم اني عايزه الغي الوكاله ولا اتصل عليهم في مصر .... ومرسي مره تاانيه

[marina 0]

العفو ياهبة اسفة لتاخيرى فى الرد عليك ودا لان النت كان قاطع عندى طول اليوم





عامة انت تتصل بالوكيل بكرة وهو حيلغيها على طول

بعد لماتظهر النتيجة وحيعلمك بكدة وانت حتخلى حد من مصر يسجل لك



وتمتحنى عادى فى جدة ودفع مصاريف الامتحان قبلها باسبوع بسطبعا حتكون غالية شوية عن رسوم الامتحان فى مص نفسها وبالتوفيق وابقى طمننى

[somya 0]

شكرًا

[marina 0]

كمان انا سالت لك sun _shine وقالت لى انك تتصل بالوكيل محمود العوضى وهم يقولك اية تعملية باذن اللة وبالتوفيق

[somya 0]

بالتوفيق

[RФMaйt!c_QuêN 0]

يــــــــــــــــــــــــــااارب

[Nemesis 0]

السلام عليكم
الموقع ده راااااااائع ومشجع جدا .. الله يجزيكم جميعا كل الخير
أنا جديدة ولسه حقدم على المقابلة
لما رحت المركز قالوا لى تعالى 3/3 .. بس مش عارفة ده ميعاد المقابلة ولا إيه
ياريت يا جماعة لو حد يعرف رقم الاستعلاامات يكتبه
ومتشكرين مقدما

[Hussein1974 0]

انتى بتروحى تقدمى وبيحددولك معاد الامتحان بعدها بكام يوم تقريبا.ودى ارقام الاستعلامات:33332860/33332861/33332863/33332864/33332865.وباذن الله تنورينا كزميلة فى الكلية.