أسئلة وإجابات عن الدراسة في التعليم المفتوح

[Walaa El-moataz 0]

ايه يا احمد احنا مزعلينك فى ايه بس

ايه كميه الاحباااااااط دى

[fulla 0]

شكرا على دعامكم لى فانا كنت بحاجة للذلك انا هاجرب بس اسعار المواد هنا غالى جدا تاكلفة المادة مع رسوم الامتحان حوالى 1300 جنية وانا ربة منزل علشان كدة كنت بسال عن مدى الصعوبة خصوص اناعندى اولاد اصغرهم عندة عام انا سعىدة بنضمى للمنتدى

[marina 0]

حاولى تسجل مش عن طريق الوكيل لان الاسعار بتبقى غالية جدا ممكن عن طريق النت من على الموقع وارجو الاعضاء اللى فى الدول العربية يساعدك فى طريقة التسجيل عن النت



بالنجاح والتوفيق

[fulla 0]

بس لو سجلت عن طريق النت الامتحانى ها ىكون فىن فى مصر ولاالكويت انا راحت القابلة وقولى انى نجحت فىة بس لسة ماسجلتش

[marina 0]

تقدر تكتبى مكان الامتحان اللى انت عايزة تمتحنى فية وممكنن تتصلى بالمركز او تبعتى لهم ايميل تعرفى اكتر



http://www.oucu.edu.eg/NewsDetails.aspx?NewNumber=137



الراابط اللى فوق فى ايميل المركز وارقام التليفونات ابعت لهم او كلميهم واعرفى اكتر





ودا رابط اقراية وشوف طريقة التسجيل من النت



http://www.oucu.edu.eg/IndexForOnLine.aspx

[fulla 0]

شكرا على الاهتمام

[fulla 0]

فى اى حد بىدرس فى الكوىت نتوصل

[واحد وخلاص 0]

السلام عليكم ..

gamal.eissa انا نجحت الحمد لله وهنزل اسجل بكرة .. انت وصلت لفين .. وبعدين ياعم دا مش احباط دا مجرد وصف كروكى كدا لليلة من احلى ليالى العمر قضيتها ..عشان نعمل sharingمع بغض .. شوفت شيرنج دى اكبر دليل انى نجحت هههه


Walaa El-moataz لا بالعكس والله محدش مزعلنى انتو منتدى زى العصل ومشكورين جدا لمجهودكم الجميل والله .. بس الموضوع اللى قريته ليلتها مكنش شوية اعذرينى هههه


بالمناسبة يا جماعة انا حضرت اول مرة ليا محاضرة نحو ومحاضرة ترجمة ..

بالنسبة للنحو فالامتحان اسئلة تطبيقية فعلا داخل فيها على حسب ما قال الدكتور ..( اسئلة اعراب )

وبالنسبة للترجمة فالقطعة اللى هتيجى فى الامتحان على حسب ما الدكتورة قالت ( من جوا القطع اللى هتناقشها معاكم الدكتورة كل مرة تقريبا )

بس فى النهاية انا رايى انك بعد ما تخلص التطبيقات اللى عندك فى الكتب .. انت بيكون ليك تطبيقاتك الشخصية بينك وبين نفسك ودى اللى هتنمى عندك المهارات اكتر بحيث انك تطبقها على اى قطعة او سؤال خارجى .. والله اعلم

امضاء : طالب ناجح على الحركرك

[واحد وخلاص 0]

maygh اول شىء انتى مفروض بتنزلى تسجلى وتدفعى المصاريف وتستلمى الكتب والسيديهات والكارتيه فى نفس اليوم وانتى واقفة فى نفس اليوم

تانى شىء هتلافى الجدول عندك على موقع التعليم المفتوح على الانترنت .. العملية بسيطة مش زى ما انتى فاكراها خلطبيطة بالصلصة كدا .. ما توتريش نفسك وخدى خطوة خطوة

عندك 5 مواد فى التيرم الاول والدكاترة اللى بيشرحو بيراعو نقطة ان فى مننا ثانوية عامة حديثة واكيد بيراعو دا يعنى فى امتحانات اول سنة

وحيث انى مستجد زيك فانا مش هحرمك انك تاخدى المنتدى دا كعب داير ونفسك يتقطع عشان تتعرفى على كل قسم فيه ههههه <<< سيكوباتى

ما توتريش نفسك بجد وانزلى سجلى واول ما تستلمى الكتب وتشوفى السيديهات هتفهمى المنهج وطبيعة الدراسة عموما ..

[maygh 0]

طيب يا واحد و خلاص قوللى ليه الجدول فيه توارييخ كتييييييييييييييييير ملغبطه كده؟ و ايه الفصل الدراسى الأول الفصل الدراسى الثانى.....................الخ انا فين جدولى بقى هههههه

[واحد وخلاص 0]

العملية بسيطة خالص مالص جدا اوى .. بصى ياستى ادى الصفحة اللى انتى دخلتى عليها

http://www.ou.cu.edu.eg/NewsDetails.aspx?NewNumber=167

انتى كل اللى عندك التيرم دا هتلاقيه تحت جملة الفصل الدراسى الاول ..( التيرم الاول )

خير اللهم اجعله خير جدول التيرم الاول متقسم مربعين فوق كل مربع تواريخ كتير كدا زى ما قلتى كدا

باختصار انتى كل جمعة هتبدلى بين مواد المربعين دول اللى ع اليمين والشمال

يعنى الجمعة اللى فاتت خدنا نحو وترجمة والجمعة اللى جاية هناخد المواد اللى فى المربع اليمين ..قراءة وفهم - مادة ثقافية- جرامر انجليش

وهكذا .. ومكتوب عندك مواعيد كل محاضرة ..


وحتى التواريخ اللى عندك فوق كل مربع بتقول كدا .. فخيمتو خضرتك ؟؟

بالتوفيق ان شاء الله..

[gamal.eissa 0]

ازيك يا احمد ايه اخباركانا نجحت زيك ومش عارف ازاى !!! بس شكلها ان شاء الله سنه عسل بطحينه!!!! المهم انت ها تحضير الجمعه الجيه ولا ايه؟؟؟ عايز اشوفك كده ؟؟؟

[fulla 0]

اية مافىش حد مشترك ىكون فى الكويت لسة اول سنة او اى سنة ىقول خبرتة

[mohamed_azazy 0]

يا جماعه انا 18 سنه وخريج ثانوية عامه 2011 ياريت حد يفهمني النظام لان انا تايه خالص

[man_reda 0]

من رأى تشترى الملازم من مركز التعليم المفتوح نفسه لأن دكتور الرياضه حظرنا من الملازم التى تباع خارج المركز و انا أشتاريتها فعلا من المركز وكتب تدريبات

[marina 0]

عايز تعرف اية بالضبط

[mohamed_azazy 0]

اولا انا لما اخلص باذن الله واحصل علي الشهاده هشتغل ايه

[Hamdy Tawfik-manar9 0]

تم دمج عدد من الاستفسارات والمواضيع في هذا الموضوع

حتي يستطيع الزائر ايجاد الاسئلة والاجابات الخاصة بالتعليم المفتوح في مكان واحد

اللي موضوعه تايه ومش لاقيه هيلاقيه في الصفحات الاخيرة من هذا الموضوع


بالتوفيق

[mohamed_azazy 0]

ثانيا انا كويس ف الكلمات والقراءه والاجابه .. انما موضوع الجلرامر مش فاهم فيه حاجه .... والدكتوره اللي خلت المحاضرات ف دار علوم دي ضيعت الشويه اللي كنت عارفهم قبل كدا ..... فارجو المساعده .... وشكرا جزيلا علي المجهود العظيم دا

[marina 0]

حتشتغل مترجم او مدرس لغة انجليزية بس المفروض شهادتك ترجمة ودا يتوقف على احتهادك ومدى قدرتك فى مجال الترجمة

[mohamed_azazy 0]

يعني الشهاده دي معترف بيها ..... اصل انا قلقان وكنت عاوز احول حقوق انتظام

[Hamdy Tawfik-manar9 0]

mohamed_azazy كتب:

اولا انا لما اخلص باذن الله واحصل علي الشهاده هشتغل ايه

عاوز الاجابة الواقعية ولا الاجابه اللي تريحك

الواقع :: أقولك هتدور علي واسطه علشان تشتغل اي شغل بمرتب كويس ..حتي بعد الثورة

انما لو عاوز تشتغل في نفس تخصصك يبقا شد حيلك علشان تجيب تقدير كويس يزود فرصك

واهم حاجه طبعا انك تكون بتتقن اللغة عند تخرجك .. والشغل ده نصيب ورزق في النهاية

مجال اللغة الانجليزية غالبا بيشتغلوا في التدريس او الترجمة او السياحة ..فيه مجالات كتير

[marina 0]

انت لازم تعرف حاجة انسى كل الجرايمر اللى خدة فى ثانوى واعدادى لان اغلبة غلط ومش صحيح الجرايمر الصح حتدرسة هنا فى الكلية فى الاول حتلاقى اختلاف بس انت فعلا لما تفصل وتنسى اللى درستة حتعرف تكمل مع الدكتورة ثانيا ابتدى بالمحاضرات المكتوبة والمحاضرات التليفزيونية دول مهمين جدا وحيساعدوك فلا الجرايمر لان الدكتورة اللى بتشرح لكم فى السى دى فعلا دكتورة رهيبة وشرحها حلو اما الدكتورة اللى بتدكم فى المركز انا معرفهش لانها جديدة

[mohamed_azazy 0]

اوك ......... thank you very much

[marina 0]

ايوة الشهادة معترف بيها وممكن لو روحت برة كمان تروح وزراة الخارجية تصدق على شهادة تخرجك بس هو حد لاقى شغل دلوقت دا المهندسين على القهاوى

[mohamed_azazy 0]

fبس ف المركز مش بفهم حاجه من الصوت لان العدد كبير جدا .. وانا من كفر الشيخ وبسافر القاهره 4 سعات . يعني بتبهدل ع الاخر

[mohamed_azazy 0]

وبصراحه مش قادر افهم حاجه من اي حاجه . لاني متعود علي نظام التدريس بتاع الثانوي

[marina 0]

نظام الجامعة بيختلف على ثانوى حتكون متشتت فى الاول لكن بعد كدة حتتعود



الدراسة فى التعليم المفتوح يوم واحد الجمعة اسبوع الصبح محاضرتين واسبوع بعد الظهر 3 محاضرات وفى صفحتك حتلاقى المحاضرات التليفزيونية مع المحاضرات والمكتوبة واللى ممكن تشتريها من الجامعة ومعاهم الكتاب وفى تطبيقات مكتوبة ممكن تحملها من صفحتك او تشتريها من المركز كل دا بيساعدك وكمان المحاضرات اللى فى صفحتك او حتى فى السى دا بتتذاع على coiro unvis 1 بتذاع محاضرات الترم الاول من الساعة 9.30ص الى 12.30ظ ودا يوم السبت وبتعاد يوم الاحد صباحا من الساعة 12.30صباحا او فجرا الى 3.30 ص او فجرا بالاضافة لحضورك المحضرات فى الجامعة واطلاعك على مواقع واجتهادك الشخضى اظن دا كافى جدا

[mohamed_azazy 0]

ok ... thank you .... good night

[mohamed_azazy 0]

بارك الله فيكي .... god bless you

[marina 0]

العفو لا شكرا على واجب وتصبح على خير

[dodi1 0]

marina كتب:

العفو لا شكرا على واجب وتصبح على خير

مارينا لا شكر على واجب مش لا شكرا على واجب

الانجلش نساكِ العربي

[nora1 0]

انا عضوة جديدة وعاوزة أسأل عن تدريب الحاسب الآلي علشان انا برة مصر
وعاوزة أعرف ايه هي الصفحات اللي حذفها الدكتور في مادة القانون
ومواعيد الامتحانات بدأت ولا لسة؟؟

[marina 0]

اهلا نورة عضو جديدة بالتعليم المفتوح والمنتدى اما بخصوص التدريب فدا الخبر اللى نزل على الموقع بخصوص التدريب

تدريب الحاسب الآلي لطلاب كلية التجارة لمقرري 191 و 392

تدريب الحاسب الآلي لطلاب كلية التجارة لمقرري 191 و 392 · يبدأ من السبت 3/12/ 2011 تدريب الطلاب المسجلين بكلية التجارة في مقرر الحاسب الآلي (1) كود 191 ومقرر الحاسب الآلي (2) كود 392 بمعامل مركز جامعة القاهرة للتعليم المفتوح . · وعلى الدارسين الدخول على صفحاتهم الخاصة على الانترنت واختيار موعد التدريب من بين المواعيد المتاحة على صفحاتهم . تنبيه هام :ـ · التدريب اجبارى وعدم أداء الدارس لهذا التدريب يعرضه الى حجب نتيجة امتحان المقرر ويمنعه من التسجيل في الفصل الدراسي التالي لحين سداد الغرامة وأداء التدريب . · لن يسمح بدخول المحاضرة بعد نصف ساعة من بدء المحاضرة.

اللينك دا بريضة فى حد فى السعودية وبيسال نفس السوال وفى طالب زملاكم قال انة حيسال لكم فى الجامعة يوم الجمعةممكن تحط استفسارك فى اللينك دا

/t4636-topic#41904

[nora1 0]

السلام عليكم ورحمة الله وبركاته
اخوتي طلبة كلية التجارة بالتعليم المفتوح - الترم الأول
أنا عاوزة أستفسر عن تدريب الحاسب الآلي
هو التدريب ده علشان في امتحان عملي ولا التدريب نفسه هو عليه درجات؟؟
أرجو الاجابة

ولكم جزيل الشكر

[Hussein1974 0]

ياجماعة عاوز اعرف اللى امتحن مادة معاجم 225اداب انجليزى ترم بينى هى ورقة الامتحان كان مكتوب عليها نوفمبر 2011خارج مصر من فضلكم ارجو الرد لان ورقة امتحانى بعد مامشيت لقيتها نوفمبر2011خارج مصروالامتحان كان يوم30/11

[marina 0]

ايوة كان مكتوب عليها نوفمبر 2011 خارج مصر

[Hussein1974 0]

thank you marina

[besho 0]

سلام عليكم أنا طالب فى الجامعه المفتوحه اداب انجليزى بس انا مقدم فى القاهره ونظرا لظروف عملى فى الغردقه فمكان الامتحان هأديه فى الغردقه بس أنا عندى كام إستفتسار برجاء التكرم والرد
أولا أنا لغاية الان لم استخرج الكارنيه ومش عارف أسافر علشان أستخرجه هل ينفع شخص أخر يستخرجه وماهى الاوراق المطلوبه ولو مأستخرجتهوش هل فى وقت الامتحان سيمنعونى من الدخول
ثانيا أنا مش عارف ايه المحزوف وايه المقرر فى المواد برجاء الرد

[الجوري11 0]

الكارنيه علشان تدخل بيه الامتحان واتوقع ان البطاقة الشخصية كافية لدخول الامتحان يعني اهم حاجة يكون معاك اثبات شخصية
وممكن تخلي اي اي حد يخدو بدالك
واي سؤال عن المقرر والمحذوف هتلاقي اجاباتو في الحلقة الدراسية المخصصة لكل تيرم

[marina 0]

من الاخر مهم جدا استخراج الكارنية او حد روح بالكارنية القديم مهم جدا لانهم مش بيدخلوا الامتحانات اللى بالكارانية وللعلم ممكن اى حد يروح يجيبوا لك لانك وانت بتقدم بتكون دفعت تمنة كل ما فى الامر انك تروح تستلمة من المكتبة وممكن تخلى اى حد يروح يستلمة لك انا مش عارفة انت فى اى ترم بس لو فى ترم اول حتلاقى كل حاجة على الينك دا





/t4522p299-topic#42946

[Hussein1974 0]

حد يعرف امتى هاتظهر نتيجة الترم البينى

[marina 0]

تقريبا اواخر شهر 12 وعامة هى بتظهر بعد انتهاء الامتحانات بشهر

[Hussein1974 0]

THANK YOU MARINA

[Hussein1974 0]

مامعنى مرتبة الشرف ومتى يحصل عليها الدارس

[Hamdy Tawfik-manar9 0]

hussein1974 كتب:

مامعنى مرتبة الشرف ومتى يحصل عليها الدارس

علي حد علمي

مرتبة الشرف تحصل عليها لو كان تقديرك التراكمي امتياز او جيد جدا

بشرط ان يكون تقديرك في جميع التيرمات امتياز او جيد جدا

يعني لو تقديرك العام التراكمي امتياز وحصلت علي تقدير اقل من الامتياز في احد التيرمات

تحصل علي امتياز فقط دون مرتبة الشرف

ونفس الامر بالنسبة لتقدير جيدا جدا

يعني امتياز في جميع التيرمات

او جيد جدا في جميع التيرمات

[Hussein1974 0]

متشكرياحمدى على ردك

[roka1 0]

ممكن حد يقولى انا ممكن استفيد ازاى من شهادتى بعد التخرج يمكن سؤال غريب شوية بس استحملونى لانى داخلة من ثانوية عامة يعنى هعتمد عليها لانها هتبقى الشهادة الوحيدة اللى هعتمد عليها

[marina 0]

لو ترجمة ممكن تشتغلى مدرسة انجليزى مترجمة فى فوج سياحى وممكن تشتغلى تترجم اى حاجحة ودا يعتمدعلى اجتهادك تدرى دورس فى حاجات كتيرة متوفرة واكيد لما تخلصيها ربنا حيدبرها بشغل

[Hussein1974 0]

سالت قبل كده على معنى مرتبة الشرف فكان الرد هو الحصول على جيد جدا او ممتاز فى كل التيرمات

هل فى كل التيرمات ام كل المستويات بمعنى هل لابد من الحصول على نفس التقدير فى كل تيرم على حدا ام كل مستوى

فهناك فرق لان المستوى عبارة عن تيرمين اى يمكن لدارس ان يحصل على جيد جدا مثلا فى التيرمين معا فى حين انه حاصل على جيد فى احدهما ولكن مجموع التيرمين معا جيد جدا

فهل مرتبة الشرف تمنح على التقدير التراكمى للتيرمات الثمانية ام للمستويات الاربعة