أسئلة وإجابات عن الدراسة في التعليم المفتوح

[Walaa El-moataz 0]

اخر الاخباااااااااار انها ممكن تتأخر



وسمعت ان الدراسه اتأجلت ليوم 21 بدل 14



بس بردو عايزين نتأكد من الكلام دا

[marina 0]

على العموم الكليات كلها فى اضطرابات حتيجى على تاجيل الدراسة

[بنت الاسلام1 0]

السلام عليكم ورحمة الله وبركاته
ازيكم أخواتى كلكم ويارب بالتوفيق لينا جميعا اللهم امين
انا
لسه مقدمه كلية تجارة القاهرة وانا من المنصورة وداخله كلية تجارة القاهرة فرع المنصورة ولسه معرفش اى حاجه
ومحتارة ومش عارفه اعمل ايه ولاابدء منين ؟؟؟؟ ياريت حد يساعدنى ويقولى
اعمل ايه وابدء منين ولو فيه مذكرات أجيبها منين ؟؟؟ ويارب ييسر لنا جميعا
ويالتوفيق للجميع يارب اللهم اميين وجزاكم الله كل خير

[Hamdy Tawfik-manar9 0]

انت تعليم مفتوح ولا تعليم نظامي عادي ؟

لو تعليم مفتوح جامعة القاهرة بتحملي المحاضرات والتدريبات من صفحتك الدراسية علي موقع الجامعة

ولو حبيتي تشتري مذكرات خارجية فيها مكتبات نتبيع المذكرات دي في القاهرة

واعتقد ان فيه مكتبة في المنصورة بتبيع المذكرات دي جنب كلية الاداب في المنصورة

ولو ان ان المحاضرات والتدريبات الرسمية كافيه للمذاكرة طبعا غير الكتب والاسطوانات اللي بتستلميها في الاول

[بنت الاسلام1 0]

أنا تعليم مفتوح أخى ومش عارفه اجيب المذاكرات دى منين بس هحاول اشوف عند كليه اداب زى ماقلت ربنا ييسرويوفقنا جميعااااااااا اللهم امين
جزاك الله كل خير أخى وجعله فى ميزان حسناتك اللهم امين
وان شاء الله ربنا يوفقنا جميعا للخير يارب وييسر امورنا للافضل دائما

[حسام المصرى 0]

انا سمعت خمسة الاف جنية ياة لو كل طالب دفع خمس تلاف جنية يبقى حرام

[Samir Ahmed 0]

وعليكم السلام ورحمه الله وبركاته



معاكى سمير تجاره ترم سادس اداره اعمال ايه المواد اللى انتى مقدمه فيها علشان نقدر نساعدك فيها .

زى ما اخونا حمدى وضحلك انك ممكن تحملى المحاضرات التلفزيونيه والتطبيقات والامتحانات من صفحتك على النت عن طريق رقمك اللى مكتوب فى الفاتور والرقم السرى وانا بعتمد بشكل كبير عليها وفى اخر السنه يعنى قبل الامتحانات باسبوعين بجيب المرجعات النهائيه او فيه مراكز بتعمل مراجعات قبل الامتحان ونفس المراكز بردو بيعملو شرح للمقررات من اول السنه المهم عرفينا انتى مسجله ايه وانشاء الله نقدر نساعدك

[بنت الاسلام1 0]

السلام عليكم ورحمة الله وبركاته
جزاكم الله كل خير عنى أخى سمير وأخى حمدى ويوفقنا جميعا يارب شكرا ليك أخى لردك الكريم أنا قدمت تجارة القاهرة فرع المنصورة انا المواد بتاعتى (أساسيات أدارة - أساسيات المحاسبة - أساسيات الادارة للتجاريين - حاسب ألى - مدخل القانون ) وأنا لسه جديدة ودايما كده لما تكون حاجه جديدة بيبقى فيه لخبطة شوية ومش عارفه ابدء منين مذاكرة و محتارة

[Samir Ahmed 0]

ولا يهمك اختى الكريمه الناس لبعض واحنا بردو كنا بنعانى اول ما دخلنا والحمد لله فيه ناس ساعدتنا جزاهم الله خير





شوفى بالنسبه للمواد اللى انتى مسجله فيها تقدرى تجيبى فيها تقدير لو زاكرتى شويه



اساسيات الاداره جميله جدا وخفيفه تقدرى تبدئى بيها من عن طريق المحاضرات المكتوبه على صفحتك والتطبيقات والمحاضرات التلفزيونيه انا الطريقه اللى كانت بتعجنى ابدء المحاضرات التلفزيونيه وبعدين اراجع المحاضرات المكتوبه وبعدين التطبيقات



اساسيات المحاسبه بردو جميله جدا وهى عباره عن قيود وجداول بس المعلومات هيا اللى بتتغير ممكن تتبعى نفس الطريقه



انا مش عارف ايه اساسيات الاداره للتجاريين اظن انك تقصدى اساسيات الرياضه للتجاريين

ده اللى هتحتاج منك تعب شويه



الحاسب الالى اشترى الامتحانات السابقه هتلاقى معظم الاسئله مكرره



مدخل القانون رغى شويه ومحتاج فهم ممكن بردو تتبعى نفس طريقه الاداره



ولو احتجتى اى مساعده فى اى حاجه احنا موجودين معاكى

[بنت الاسلام1 0]

جزاك الله كل خير عنى أخى الكريم سمير الله يعزك ويعلى قدرك والله ييسر حالنا جميعا للافضل دائما ودائما اخى فى تفوق وتميز وبالتوفيق لنا جميعا اللهم أمين وأن شاء الله هزاكر بنفس الطريقة دى اللى كتبتها أخى سمير والله المستعان جعله الله فى ميزان حسناتك اللهم امين

[Hussein1974 0]

حد عارف النتايج هاتظهر امتى

[ealshohadaa 0]

ممكن اعرف هو اية الترم البينى دة عبارة عن اية

[Walaa El-moataz 0]

دا بيبقى ترم قصير بين الترمين عشان لو حد مش قادر يسجل الخمس مواد

ممكن يسجل فيه مادتين او تلاته وياخد الباقى فى الترم الاساسى

حاجة كدة للتخفيف

بس دا مش بيخليكى تخلصى بدرى لانك مش هتسجلى اكتر من خمس مواد

[Samir Ahmed 0]

بالتوفيق انشاء الله

[doaa sabry 0]

انا بقئ فى تجاره القاهره مفتوح وعندى مشاااااااااااااااااكل كتير اولها الجدول مش عارفه اجيبه وكنت عايزه اعرف هو انا ممكن احضر محاضرات مع تجاره انتظام ولا ايه ياريت حد يفدنى

[marina 0]

اهلا بيكى فى المنتدى والتعليم المفتوح عضوة وعامة الجدول لسة منزليش وحينزل خلال الاسبوع دا يعنى قبل يوم او يومين من الدراسة



مش ممكن تحضرى محاضرات كلية تجارة انتظام لسبب بسيط لان هم منهج وانتى منهج وهم دكاترة وانت دكاترة



مواعيد محاضراتك فقط يوم الجمعة ودا حيبان لما ينزل الجدول باذن اللة والدراسة لسة يوم الجمعة الجاية يوم 21-10-2011

[galal elmadny 0]

اهلا بيكى عضوه فى المنتدى وفى التعليم المفتوح

[بنت الاسلام1 0]

السلام عليكم ورحمة الله وبركاته
أهلا بيكى أختى دعاء وبكل أخواتى اعضاء المنتدى الكرام
منورين كلكم المنتدى
أنا سألت يادعاء على بداية الدراسة هتبدء إن شاء الله هتبدء فى أول شهر 11 ولما ينزل الجدول هينزل على صفحتك إن شاء الله انا كلية تجارة تعليم مفتوح القاهرة فرع المنصورة ويارب أكون أفدتك بشىء يادودو ويارب يوفقنا جميعا اللهم امين

[ealshohadaa 0]

انا عايزة اسال سؤال هل خريج اداب انجليزى تعليم مفتوح ينفع تكمل دراسات عليا من الكليات النظامية يعنى ينفع ياخد دبلومة وبعدين ماجستير وبعدين دكتوراة زى خريجة اداب انجليزى نظامى

[marina 0]

كتب
muhammad

الإخوة الأعزاء أعضاء المنتدى :

بالنسبة
لموضوع استكمال الدراسات العليا : بالنسبة لكلية الآداب - تعليم مفتوح (
الكلية التي تخرجت فيها ) : يمكن الحصول على الماجستير من جامعة القاهرة
بشرط الحصول أولا على تمهيدي الماجستير من الجامعة بتقدير جيد على الأقل . و
يمكن التقدم للحصول على درجة الماجستير مباشرة من جامعة حلوان بشرط الحصول
على معدل تراكمي جيد على الأقل في التعليم المفتوح و ذلك لأن كلية الآداب
هناك تمنح درجة الليسانس في الترجمة ( نفس مسمى الشهادة التي يمنحها
التعليم المفتوح ) علما بأنه يتم عمل امتحان للمتقدمين و العدد المقبول
هناك لا يتجاوز 15 - 20 لجميع المتقدمين بحد أقصى سواء كان المتقدم من التعليم النظامي أو التعليم المفتوح .

و يمكن الحصول على درجة الماجستير من كلية التربية - جامعة عين شمس بشرط الحصول على تقدير جيد في تمهيدي الماجستير أولا .

الرجاء
من باقي الزملاء الإفادة بمدى إمكانية الإنضمام للدراسات العليا في كلية
الألسن - جامعة عين شمس , و كلية اللغات و الترجمة - جامعة الأزهر حتى
تكتمل الصورة تماما بالنسبة لكلية الاداب , و يمكن للزملاء من باقي الكليات
السؤال عن الجامعات التي تعطي درجة الماجستير بالنسبة لهم .

بالنسبة للدبلوات المهنية فهي مضيعة للوقت لأنها لا تعطي أي مؤهل دراسي ( يعني مذاكرة بمذاكرة يبقى الماجستير أحسن )

أرجو أن أكون قد أفدت الجميع و شكرا

ودا رابط اللى زملنا كاتب الموضوع فى المنتدى

/t1750p13-topic#38609

[a7b710 0]

شكرا مارينا على هذا المجهود الرائع (احمد بحيرى)

[marina 0]

العفو يا احمد على اية كلنا بنساعد بعض وميرسى لك

[ealshohadaa 0]

متشكرين ليكو جدا على الافادة والاجابة على السؤال

[Dora 0]

لو سمحتوا...انا كنت عايزه اعرف نظام التعليم المفتوح ايه يعنى بيبقى كام يوم والمبلغ قد ايه وفى الاخر هيبقى مكتوب فى الشهاده ايه وايه اللى هيختلف مابينه ومابين التعليم العادى ...بلييييييز

[marina 0]

نظام الدراسة يوم واحد وهو السبت اسبوع معياد المحاضرات الصبح من 8الى 11.15 صباحا وهم محاضرتين كل محاضرة ساعة ونصف ويوم الجمعة اللى بعدية 3 محاضرات كل محاضرة ساعة ونصف وبينهم استراحة ربع ساعة وميعاد المحاضرات من 1 ظهرا حتى 6 مساءا



الفاوس المادة 130 شاملة (90 جنية كتاب -20 رسوم امتحان ولو فى محافظة يبقى 40 - 20 cd

بالاضافة 200 جنية كارنية



وعدد المواد 5 وفى كليات عدد المواد 6 على حسب كل كلية

فى كليات لها امتحان شفوى وتحريرى زى اداب انجليزى وفرنساوى واعلام ودار علوم ومصاريف التقديم لامتحان دا 50 جنية

[Hussein1974 0]

ياجماعة انااتصلت من مدة بكلية الاداب جامعة القاهرة وقالولى ان خريج التعليم المفتوح ممنوع يكمل ماجستير ودكتوراه ومالهوش غير دبلومة وبس..هو القانون ده اتغير وفتحوها لينا ولاايه؟

[marina 0]

تم فتحها الترم اللى فات علشان ثانوية عامة ولكن الى الان لا يوجد دراسات عليا فى داخل المركز حتخدها فى كليات القاهرة النظامية لحد ما يوسس القواعد للدراسات العليا

[Hamdy Tawfik-manar9 0]

hussein1974 كتب:

ياجماعة انااتصلت من مدة بكلية الاداب جامعة القاهرة وقالولى ان خريج التعليم المفتوح ممنوع يكمل ماجستير ودكتوراه ومالهوش غير دبلومة وبس..هو القانون ده اتغير وفتحوها لينا ولاايه؟

المقصود ان التعليم المفتوح لا يوجد به دراسات عليا سوي الدبلومة

ولكن ممكن تكمل الدراسات العليا في اي جامعة بالشكل النظامي المعتاد حسب ماتقرره لوائح كل جامعة

[الجوري11 0]

يعني ممكن ياجماعة اننا بعد مانخلص في التعليم المفتوح نعمل ماجستير او دكتوراه في جامعة القاهرة يعني لينا الحق في ده

[marina 0]

ايوة يا جوجو ممكن

[attia_soliman 0]

هو انا كنت عاوز اسال سوال يا جماعة هو الحضور مهم ولا عادى ممكن نذاكر المحاضرة من على الموقع وخلاص

[Hamdy Tawfik-manar9 0]

الحضور اختياري وغير ملزم للطلاب

انا قضيت الاربع سنين من غير مااحضر محاضرة واحدة

[gamal.eissa 0]

هو انا كنت عايز اسأل سؤال ؟؟؟ نتيجه امتحان الشفوى لسه ما ظهرتش و انا مش عارف اعمل ايه اروح اسجل ولا مينفعش؟؟ وهل ينفع احضر المحاضرات من غير ما اسجل؟؟؟ ياريت لو حد عارف يقولى... و شكرا لكل الشباب على المنتدى بجد بتساعدو المحتاس اللى زى حالتى...

[marina 0]

لابد تظهر نتيجة الشفوى علشان تقدر تسجل وانت ممكن تحضر عادى احنا كان معنا شباب مسجلويش بس كانوا يادوب نجحوا فى الشفوى

[واحد وخلاص 0]

السلام عليكم

جمال انا كان عندى نفس مشكلتك النهاردة لكن انا روحت وحضرت عادى اول يوم .. واعتقد الشفوى نتيجته مفروض انها ان شاء الله تنزل على النت النهاردة لان كدا اوفر اوى كل التاخير دا

بص انت كدا كدا اتصل بالاستعلامات يوم السبت واستفسر منهم .. ولو ينفع انزل سجل فى ايام السبت والاتنين والاربع وباذن الله العملية تتظبط معاك يوم الجمعة الجاية

[gamal.eissa 0]

....Thanks a Lot Marina For Your Help

[gamal.eissa 0]

وعليكم السلام يا (واحد وخلاص)
شكرا على الافاده و ياريت نعرف اسمك؟؟؟

[mostafa_mohamed 0]

انا دلوقتي يا جماعة فاضل معايا مادة من الترم الثاني ( المادة الثقافية )
دلوقتي لما اروح اقدم الترم الثالث هاخد الخمس مواد بتوع الترم الثالث ومعاهم المادة اللي في الترم الثاني ؟
ولا هاخد اربع مواد من الترم الثالث والمادة اللي فاضلة في الترم الثاني

[marina 0]

الاول حتسجل مادة التخلف وحتسجل معها مواد الترم التالث كلها لان ثقافية 2 مادة مالهاش متطلب



ينفع يبقى معك 6 واد لان المادة الزيادة مادة رسوب

[الجوري11 0]

ماشي يامرمر بس ممكن ماتكونش مادة رسوب ممكن يكون هو ماسجلهاش اصلا
فلو كانت مادة جديدة ماسجلتهاش قبل كده مش هينفع تاخد غير خمس مواد الا اذا كانوا سامحين بده دلوقتي علشان الناس اللي اجلت التيرم بتاعها علشان الثورة

[marina 0]

اة سورى انا اعتقد انها مادة تخلف مش انة ماسجلهاش وممكن صح يكون مسجلها بس اجل امتحاناتها لو مسجلهاش يبقى مش حينفع ياخد اكتر من 5 مواد اما لو ماجلها اعتقد حيخلوها ياخد مع 5 مواد الترم الاصلى ممكن

[mostafa_mohamed 0]

انا المادة الثقافية بتاعت الترم التاني مسجلتش فيها اصلا
انا امتحنت في 6 مواد بس يا جماعة وكان فاضل لي 4
في الترم البيني اخدت 3 لان مبينفعش غير 3
وفضل بقي المادة الثقافية دي

[marina 0]

يبقى كدة مش حيسجلوا ليكى غير فى 5 مواد بس وحتاجل لك مادة ابقلى خدها فى الترم البينى الى جاى

[mostafa_mohamed 0]

marina

[واحد وخلاص 0]

اخوك احمد .. انا اصلا مسجل هنا بالصدفة كنت بشوف موضوع كدا شدنى اقراه .. عشان كدا تلاقينى مسجل باى اسم وخلاص .. ولو ربنا كرمنى وكملت فى الكلية دى هتابع مع الناس اللى هنا ان شاء الله ..

هههه مش عاوز اقولك قعدت ساعة ليلة الامتحان اقرا موضوع عن المقابلة الشخصية بكل الردود اللى فيه لحد اااخر رد وعديت على تهانى وتعازى وجثث كتير.. رد يرفع معنوياتى لفوق ورد تانى ينزلها تحت المكتب .. لحد الحمد لله ما وصلت لاخر الموضوع وتفائلت خير جدا لما لقيت واحد سقط فى الاختبار :bball:

وتفائلت اكتر لما حبيت اضيف تجربتى مع تجارب اللى سبقونى فى المعمعة بس لقيت الموضوع مغلق فى وشى بالضبة والمفتاح .. ومن ساعتها وانا بتفائل جدااا خصوصا بعد تاخير نتيجة امتحان الشفوى هههههه

صراحة المنتدى وشه حلو عليا لدرجة انى بفكر اسيب الكلية هههه

عموما فرصة سعيدة يا عصل .. وان شاء الله تكون معرفة اسعد ..

[fulla 0]

مدى صعوبة برنامج الترجمة فى كلىة الاداب لللذىن فى الخارج

انا فى الكوىت ولسا ما سجلتش

اىة راىكم اسجل ولا لا

ارجو الرد

سلام

فلة

[marina 0]

بالنسبة للتسجيل فاعتقد ان دا يرجع لكى ولو ان تجربى انك تسجلى حتخسرى اية اى برنامج دراسى لابد يبقى فية مقدار للصعوبة لكن بالمزاكرة الصعوبة دا بتزول وعلى حسب اجتهادك وفى فى المنتدى موضوع عن الاسئلة الى فى الامتحان اللى بتتوجة للطلبة وهم بيسجلوا وهى اسئلة سهلة جدا وبالتوفيق

[yasser 0]

كل شئ محتاج لمجهود وانت لو شايفة نافسك جد في الموضوع توكلي علي الله الكلية ليذيذة بس الاستمرار والمتابعة المستمرة وعلي فكرة انا بالترم السادس والنتائج بتاعت الترم الخامس في بعض المواد كانت بالخارج اعلي من مصر بس اؤكد لك لو اخذتا جد وبعز حيكون حاجة جمياة ومثمرةوبالتوفيق انشاء الله [img][/img]

[abdelrahman1 0]

بسم الله الرحمن الرحيم

أولا : بالنسبة للتسجيل لو انتي عاوزة تسجلي في مصر ممكن تختاري مواد التيرمين مع بعض - عشرة مواد - وتمتحنيهم في شهر يوليو القادم إن شاء الله , وده مسموح للي خارج مصر فقط , ولو عاوزة تسجلي في الكويت ادخلي على موقع الجامعة و شوفي مكان الوكيل في الكويت .

ثانيا : بالنسبة لبرنامج الترجمة الإنجليزية فالمنهج بسيط و سهل والكثير من الطلبة بيحصلوا على امتيازات و تقديرات عالية , وده طبعا مع مجهودك في المذاكرة .

ثالثا : التعليم المفتوح فيه ليونة في اختيار المواد فممكن تختاري في التيرم من مادة إلى خمس , و لو لم تستطيعي مذاكرة مواد تم تسجيلها من الممكن تأجليها في أي وقت حتى قبل الإمتحان بساعات .

أرجو أن أكون قد أفدتك وبالتوفيق إن شاء الله ...

[gamal.eissa 0]

هههههههههه

اية التفائل ده!!!! ان شاء الله الامور تكون تمام يا احمد....