حلقة دراسية ...ترم أول اداب انجليزى دور يناير 2011

[الجوري11 0]

السلام عليكم

فيينكم يا طلبة ترم اول بداتو مذاكرة ولا لسه
واللي بيحضروا ياريتكوم تقولو اللي بيحصل في الجامعة وبتذاكروا اييه يعني علشان الكل يستفييد

وبالنسبة للثقافية ماعنديش المحاضرة التانية والتالتة لييه هي ملغية ولا اييه
اللي عندو اي فكرة ياريت يقول
واتمنى ياترم اول تظهرو ونتشارك في المذاكرة مع بعض

[Unique 0]

وعليكم السلام ورحمة الله

أنا أختك يونيك من قطر

أنا نفس موضوعك ونفس أسألتك
لأني ترم أول (ترجمه)
مش عارفه ايه الملغي
بس بذاكر اللي موجود على صفحتي الخاصه
وبقراء المساهماتك القديمه اللي بالمنتدى
علشان اخذ فكره واستفيد

والله المستعان

[hend nga 3]

اهلا بكم وان شاء الله الترم يكون سهل وبسيط

كنتوا بتسألوا عن المقرر والملغي ده محدد في صفحتك الدراسية كل المحاضرات التي تخص المادة

مطالبة بها اعتقد انك قلتي من قطر فكدة يبقي الكل مقرر بالنسبة لكي لكن طلبة الجامعة بالقاهرة

في بعض الدكاترة بيحددوا مقرر ومحذوف زي ما حصل الترم اللي فات في الترجمة والثقافية

والقراءة والفهم وفي بعضهم لا يقوموا بالتحديد ولكن هذا خاص بطلبة جامعة القاهرة فقط

لأن الأمتحانات بالقاهرة مختلفة عن الخارج
اتمني اكون افدتكم علي قد ما اقدر لو فيه اي استفسار وفي مقدرتي هاجاوبكم ان شاء الله

بالتوفيق والنجاح ان شاء الله

[الجوري11 0]

اخت ستار عايزة افهم
دلوقتي يعني اللي خارج مصر الكتاب كله مقرر عليهم ولا قصدك المحاضرات المكتوبة هي المقررة علشان في الثقافية (( المادة الوحيدة اللي فتحتها )) وحدات كتيير مش موجودة في الشروحات لافي التلفزيونية ولا المكتوبة هتكون مقررة علينا ولا اييه وبما انك عندك خبرة في الامتحانات اللي خارج مصر ممكن اعرف الاسئلة بتكون ازاي ونظامها اييه

[marina 0]

ياريت حد يقول او يحط محاضرات اللى بيخدوها فى المحاضرات ترم اول دور يناير2011 علشان انا عرفت ان مادة الفهم الكتاب بتاعها اتلغى لانة صعب قوى

[Unique 0]

شكراً أختي ستار

[marina 0]

مادة الفهم الكتاب اتلغى الدكتورة بتدعى محاضرات من ورق اتوزع عليهم

[Unique 0]

انا اليوم وصلتني جميع الكتب في مركز قطر
وسألت المسؤله وقالت لي ان جميع ما في الكتب مقرر علينا
وكذلك السي ديهات و موقع الجامعه فيه الصفخه الخاصه
مقرره علينا كلها .... الله المستعان
ان شاء الله تذاكر كويس

[hend nga 3]

لا اختي الكريمة لم اقصد الكتاب الذي استلمته وانما قصدت المحاضرات والتطبيقات الموجودة بصفحتك الدراسية

تقريبا لن تحتاجي استخدام الكتاب ابدا اما بخصوص الأمتحانات ففي نماذج علي صفحتك الدراسية

لبعض امتحانات التي تكون بالخارج وهي نفس الشكل في امتحانات الكلية لكن الأختلاف في الموضوع فقط حتي تكون الأمتحانات غير متشابهة

الأمتحان الوحيد الذي كانت به اسئلة متشابهة للخارج والكلية هي مادة الثقافية

في مادة الثقافية المقرر الوحدات المشروحة في المحاضرات

ملاحظة : في صفحتك الدراسية يفضل ان تقومي بالمزاكرة من ( محاضرة مكتوبة للطباعة )

لأن المحاضرة المكتوبة فقط احيانا تكون غير مكتملة

[الجوري11 0]

بصرحة يا ستار مش عارفة ازاي اشكرك

[الجوري11 0]

ياريت اللي يروح الجامعة النهاردة يقول عمل اييه خصوصا في القراءة والفهم

[Unique 0]

سؤال ياجماعة

اذا صادف في درس من اي ماده
وجود كلمات جديده عليكم
تعملوا ايه ؟؟؟؟ تحفظوا الكلمات أزاي ؟

انا بعمل الطريقه العاديه .. تكرار ... وضعهم في جمله ...وكده يعني

بس جربتوا طريقه تانيه ؟ اوعندكم فكره حلوه للحفظ ؟؟

وجزاكم الله كل خير ان شاء الله

[أمجد1 0]

ممكن تستخدمي الجوجل (قسم الترجمة فوق - جمب الاخبار) وتكنبي الكلمة بالانجليزي وتختاري طريقة الترجمة من الانجليزية الى العربية اقولك انا طريقة للحفظ ودي سهلت علي شوي لان كنت كل ماحفظ كلمات بارجع انساهم تاني يوم مثلا في درس اسمه UN Rules against Israeli Barriers انا نقيت الكلمات الصعبة بس اللي ماعرفش معناها وضليت افكر في طريقة تخليني احفظهم , ولقيت طريقة سهلة اني ارتب الكلمات على حسب ترتيبها الابجدي مثال
الكلمت الصعبة اللي كانت في الدرس بتبدأ من حرف الايه والبي وE و الاف والاي والكي والال والام والاس والتي , رحت انا مكون عبارة تخليني احفظ الحروف دي:
ABEFIKLMST ا(ابيف اكل مست)
وكتبت الكلمات اللي بتبدأ بكل حرف بالترتيب
"A"
Annexiation - Assembly - Action

"B"
binding - basis

"E"
endorse

"F"
fait accompli

"I"
impede

"K"
keep out

"L"
legality

"M"
militants

"S"
self-determination - seek - session

"T"
tantamount - The Hague

اوك يبقى كدة حفظنا الحروف وكل كلمة للحرف دة

تاني حاجة نحفظ المعنى بالعربي

اتمنى ان اكون افدت

[Unique 0]

مشكور اخي العزيز على مجهودك ده

وانشالله اجرب وأقولك النتيجه

[أمجد1 0]

اوضحلك اكتر اختي الكريمة

طبعا في الدرس الكلمات مكتوب معناها بالعربي , فمش محتاجة انك تستخدمي الجوجل

مثلا الكلمات ترتيبها كدة

طبعا زي ماحضرتك شايفة الكلمة بدأت بحرف ال تي (t)tantamount
annexiation وهنا الكلمة بدأت بحرف الايه
impede وهنا الكلمة بدأت بحرف الآي (الخ.....)
self-determination
keep out
militants
binding
basis
action
The Hague
seek
session
Assembly
endorse
legality
fait accompli

ممكن تعملي نفس مانا باعمل
اجمع كل الكلمات اللي بدأت بحرف الايه (A) اكتبهم تحت بعض كأنه قاموس
واجمع الكلمات اللي بدأت بحرف البي واكتبهم تحت بعض
طبعا في الدرس مفيش كلمات بدأت بحرف السي صعبة كلمة مثلا construction سهلة ومعروفة بناء لذلك ماطتهاش مع الكلمات الصعبة

واجمع الكلمات الي بدأت بحرف E
واجمع الكلمات الصعبة اللي بدأت بحرف الاف
واجمع الكلمات اللي بدأت بحرف الآي
واجمع الكلمات الي بدأت بحرف الكي
واجمع الكلمات اللي بدأت بحرف الال
واجمع الكلمات اللي بدأت بحرف الام
والكلمات الل بدأت بحرف لاس
واللمات اللي بدأت بحرف التي مفيش كلمات بدأت بحرف اليو - الفي - دبليو - اكس - واي - زد

تلاحظي ان الحروف اللي احنا جمعناها
A - B - E - F- I - K - L - M - S - T
للكلمات الصعبة , صح؟
كونت العبارة دي بالعربي تنطقيها (ابيف اكل مست)
وحاولي بقى تحفظي الكلمات
تاني شي معنى الكلمة بالعربي ودة موجود في الدرس في الكتاب
بس ان قلقان بس من اامتحان لانه بيجي كام كلمة صعبة مش مباشرة وحتى لاحظت امتحان يناير 2009 في كلمات في الترجمة ماجتش حتى من الكتاب دورت في كل الكلمات عل كل درس مالقتهش ,انتي تنصحيني بايه للكلمة اللي ماعرفهاش؟ اشير وأألف معناها؟؟

بس افرضي مثلا جه 5 كلمات صعبة , ونا الفت معناهم , ممكن اقل كام درجة؟ تسقطني في الامتحان؟

[Unique 0]

[أمجد1 0]

هل افادتك الطريقة؟

[Unique 0]

يمكن انا احتاج كم يوم واجرب هذه الطريقه بس اعتقد ان شالله تنفع

باللنسبه للامتحان اذا جات كلمه صعبه يمكن نقدر نعرف معناها من خلال الجمله

وان كل المقررات عليها عشرين درجه لكل امتحان
ودرجة النجاح لازم فوق العشر درجات لكل امتحان

وفي الصفحه الخاصه بنا في الموقع تلاقي ارقام لأي استفسار
أسألهم عن الاسئله الخارجيه

وتفائل ان شاء الله ننجح بكل المواد

[أمجد1 0]

كيف يعني اسألهم عن الاسئلة الخارجية؟؟

يعني تعتقدين يعطونا اسئلة الامتحان ويدلونا لو الامتحان راح يجي فيه سؤال خارجي ولا لا؟

[Unique 0]

أيش دعوه يامعود انا ما اقصد جذي هههههههه



في أحد مشاركاتك حضرتك قلت انك بتدور على حد يرد على استفساراتك من الاساتذه

وانا احاول اأقولك ان في الصفحه الخاصه أرقام لأي استفسار



سلام

[أمجد1 0]

اااه قصدك اتصل عليهم..

[marina 0]

يا جماعة رجاء اللى من القاهرة وبيحضروا المحاضرات ممكن يساعدوا باقى الطلبة اللى بيدرسوا فى محافظات مصر او حتى فى فروع الجامعة فى الدول العربية انا وانا بسجل حضرات اول اسبوع بس الدكتورة قالت انها هى اللى بتحط الامتحانات سواء داخل مصر او المحافظات او حتى لفروع الجامعة فى الدول العربية ارجو حتى يتاكد من كدة اللى بيحضر محاضرات لان مادة الفهم محاضرات من ورق تم توزيعة لان الكتاب صعب ومحاضرات السى دى صعبة جدا فلو الكلام دا صحيح يبقى معنى كدة مطلوب فقط مذكرة الورق للمادة دا
لو حد عندم كاميرا ديجتال ممكن يصور لنا الورق دا بيها ويحطها على الكمبيوتر ويرفعها على المنتدى وارجو يكون فيها الكلمات اللى الدكتورة شرحت معانيها رجاء ارجو حد يسالدكتورة المادة هل فعلا هى المسولة عن وضع الامتحانات لفروع الجامعة فى الدول العربية ميرسى رجاء حد يحط ورق محاضرات مادة الفهم لترم اول اداب انجليزى دور يناير 2011

[hend nga 3]

العفو منكم وبالتوفيق ان شاء الله كنت بتسألي عن حفظ الكلمات فيه ملف اكسيل قمت برفعه

الترم الماضي ستجديه في الحلقة الماضية فيه كل كلمات الترم الأول

اما بخصوص الأمتحانات ففعلا الدكتور الذي يشرح المادة في الجامعة هو من يضع جميع الأمتحانات

في الداخل والخارج

[Unique 0]

سؤال ياجماعه ,,, ماهو المقرر والملغي في جميع مقررات الترم الاول 2010-2011 م



حبيبتي ستار فين ملف الاكسل ؟
دورت عليه في مشاركاتك الفصل الماضي ولم اجده
بليز ... مساعده

[marina 0]

مدام الدكنور اللى بيشرح المادة هو اللى بيحط الامنحانات داخل مصر وفى القاهرة وفى مراكز الجامعة فى الدول العربية يبقى كدة ملزمين بس بمذاكرة اللى يقولوا الدكاترة فى امحاضرات اذن ترم اول مادة comperhention من الورق بس

[hend nga 3]

المقرر هو المحاضرات والتطبيقات الموجودة في صفحتك الدراسية الحذف الذي يحدث بالمحاضرة

في جامعة القاهرة بيلتزم بها الدكتور لطلبة الجامعة

وقعت في هذا الخطأ الترم الأول زاكرت ما قال عليه الدكتور مهم ولم اذاكر ما قامت بحذفه

وحدث العكس في الأمتحانات فإذا كنتي بالخارج اسمعي نصيحتي وزاكري المحاضرات والتطبيقات

اما بالنسبة للقرأءة والفهم فالأسئلة كانت من خارج المنهج بالنسبة لي بالسعودية الدكتورة اتت لنا بقطعة مقررة علي ترم ثالث

ملف الإكسل الذي به جميع كلمات الترم الأول علي هذا الرابط يمكن تحميله


4shared.com /file/MJ6AnFzV/My_Notebook.html

[Unique 0]

تسلم ايدك ياحبيبتي على اللنك


وح أعمل بنصيحتك وأنشالله خير

انا نفسي أحفظ كل المقررات علشان أطور نفسي كمان
مش بس علشان الامتحان ... الله المستعان

ستار ... انا بحب أسلوبك وشخصيتك جداً
من خلال مشاركاتك

وبقول ياريتني كنت معاك في نفس التيرم
لكن قدر الله وماشاء فعل

سلاااام ياقمر

[hend nga 3]

لا شكر علي واجب واتمني لكي النجاح والجميع ان شاء الله

لو فيه اي استفسار وفي استطاعتي الرد عليه هجاوبك ان شاء الله كلنا في المنتدي بنساعد بعض

ولولا مساعدة دعاء وايمان لي الترم اللي فات لأنهم بيحضروا بإنتظام المحاضرات

ما كنت عديت الترم الأول لكن بمشاركتنا سوا وخصوصا في الأمتحانات واخرين انضموا الينا

لما استفدت وعديت الترم بتقديرات جيدة جدا بالرغم من ظروفي

[Walaa El-moataz 0]

السلام عليكم

يا جماعة انا حضرت النهاردة فى الكلية
ودكتورة وفاء شرحت (كان و اخواتها _والاستثناء)
ودكتورة شاهيناز شرحت phonetics(قواعد النطق)
علشان نعرف نقرأ كويس
ووزعت ورق للمحاضرة الجاية وهو (امتحان دور بينى يوليو 2010)

[Unique 0]

Star. H





walalyta

[الجوري11 0]

ممكن اعرف اسماء الدكاترة اللي بيدرسو مواد الترم الاول في الجامعة

[marina 0]

وفاء كامل نحو عربى

شاهيناز كامل ترجمة - قراءة وفهم - ثقافية

ريم عاطر جرايمر انجليزى

[الجوري11 0]

شكرا ليكي يا marina

[الجوري11 0]

سؤال لطلبة ترم تاني اللي بيدرسوا خارح مصر
ممكن اسماء القطع اللي كانت عندكم السنة اللي فاتت في مادة القراءة والفهم اللي جات في امتحان الدول العربية لو حد فاكر ياريت يكتب اسماؤهم

وكانت القطع من فيين من المحاضرات والتطبيقات ولا الكتاب

[hend nga 3]

اخي الكريم انا امتحنت الترم الأول بالرياض الدكتورة ادتنا تقريبا نفس القطع اللي عطيهالكم

واحنا ذاكرناها قبل الإمتحان كويس قوي لكن في الإمتحان جابت قطعتين من الخمسة للي امتحنوا في الجامعة اما احنا

فجابت لنا قطعتين طوال قطعة جنيف ( ترم ثالث ) وقطعة كانت بتتكلم عن تاريخ وسبب ظهور عيد الأم

اما بخصوص القطع ستجدها موجودة علي المنتدي في صفحة المراجعة النهائية اقرأ الصفحة هتفيدك المعلومات اللي فيها كتير وبالتوفيق والنجاح ان شاء الله

ستجد الموضوع علي هذا الرابط

/t2740p91-topic

[الجوري11 0]

اهيء اهيء هو ده اللي كنت خايفة منه يعني مش من الكتاب ولا التطبيقات يعني تقريبا زي ما قالوا اللي بالجامعة الكتاب ملغي وحتى القطع اللي توزعت عليهم مش مهمة بالنسبة لنا ياريتني اقدر امتحن معاهم

تسلم ايدك يا star فعلا استفدت من الصفحة ديا خالص ميرسي خالص

[hend nga 3]

يا قمر متقلقيش لأن الدكتورة هي اللي هتضع الأمتحان ونظام اسئلتها قص ولزق

مش زي محاضرات الدكتور هاني اتوكلي علي الله وان شاء الله تعدي بخير

انا وقتها زعلت لأن مجبتش من القطع اللي ذاكرناها لكن فرحت بعد النتيجة لما عرفت ان بمجهودي جبت تقدير امتياز واحمدي ربنا لو مجاش حاجة من المحاضرات لأن موضوعات الفلسفة
المشروحة كانت غلسة بالنسبة لي والألتفاف ورا المعني اللي كان بيعمله الدكتور كان معقدني

[الجوري11 0]

مانا من اول ماشفت القطع بتاعت المحاضرات والتطبيقات والاسئلة اللي عليها قلت خفت تجيني قطعة زي كده
انتي كده بتطمنيني ربنا يطمنك ياحلوة ونعدي على خير الترم ده

[marina 0]

للعلم الدكتورة ساهيناز قالت ان حصل خطا من المركز وخلى قطع ترم اول تنزل لترم تالت وترم اول ياخد امتحان ترم تالت وان مش هى السبب ودا كان خطا منهم مش منها

[marina 0]

ممكن حد من ترم تالت يقولنا دكتورة شاهيناز بتديهم قطع اية ويرفع المحاضرات دا

[الجوري11 0]

الدكتورة شاهيناز ما بتديش ترم تالت بس يتدي ترم اول شفتي حظنا حلو ازاي
انتي شفتي قطعة الفانتين عالمنتدى لاني مش لاقياها خالص وشكرا

[om_maram 0]

معلش يا جماعة انا اسفة على الازعاج

بس عايزة منكم خدمة صغيرة

بس مش دلوقتى خااااااالص ... بعد الامتحانات ما تخلص خالص

كنت عايزة حد يرفع لى المواد المكتوبة للترم الاول و التانى

يعنى المحاضرات و التطبيقات و كدة ... المكتوبة فقط

و جزاكم الله خيرا مقدما

[om_maram 0]

على فكرة يا جماعة انا عايزة اقول حاجة مهمة جدا جدا

فى بعض المواد ليها منهج و فى مواد ملهاش منهج

يعنى مثلا الكمبرهنشن ملوش منهج خالص

و لا الترجمة كمان المفروض بس الامتحان بيجى فى نفس المستوى

انما مثلا الثقافية و الجرامر انتم ملتزمين بمنهج

[marina 0]

[الجوري11 0]

ميرسي خالص يا marina وتعبتك معايا جدا بس القطعة بردو مانزلتش
ومش بامكاني ارسال رسالة خاصة لان عدد مساهماتي قليل وشكرا ليكي تاني
ويارب تاخدي امتياز يارب

[marina 0]

انا حاولت احطها على المنتدى لكن صعب وصعب جدا المنتدى بصراحة مش عارفة اعمل اية

[marina 0]

اللى بيسالعلى قطع الترجمة واية اللى خدنا انا ما اقدرتس ارد فى نقس الصفحة لانهم اغلقوا الموضوع فحيكون الرد هنا
خدنا القطعة الاولى العلم والتكنولوجيا ص9 بالكتاب

القطعة الرابعة مارجؤيت تاتشر ص 21

القطعة السادسة وهى جلسة جامعة الدول العربية بناء على طلب من قطر31
القطعة السابعة اطلاق سراح65 مسجون سياسى 53

[marina 0]

سورى مارجريت تاتشر

[marina 0]

هل ممكن حد من طلبة ترم اول نعمل حلقة مذكرة ومراجعة نساعد بعض فى مذكرة المواد اللى موافق اتمنى يرد ونبتدى فورا

[marina 0]

ترم اول انجليزى يناير2011