عندي سؤال عن تاجيل الامتحانات

[أسامة1 0]

السلام عليكم، أنا المفروض أني في التيرم السادس ، بس اضطريت ما أسجلش التيرم ده،و رحت سألت بنفسي بتوع استعلامات المركز هل مطلوب مني أني أعرفهم بكده أو أقدم طلب تأجيل ولا أعمل ايه فقالوا لي عادي و وقت ما تحب تسجل التيرم ابتداء من التيرم الجاي أو أي تيرم تعالى عادي مفيش مشكلة! بس أنا قلقان لحسن تكون موظفة الإستعلامات دي مش فاهمة حاجة! ياترى كلامها ده صح يا جماعة ولا إيه؟

[sun_shine 0]

وعليكم السلام ..علي حد علمي ان التاجيل دة بيتعمل لو مسجل مواد ورجعت في كلامك في دخولك للامتحان فيهم ,اما بالنسبة لكونك لم تسجل بعد فكلام موظفة الاستعلامات صحيح!!

[أسامة1 0]

أنا كنت مسجل من ع النت بس انما ما دفعتش أي فلوس.

[sun_shine 0]

أسامة كتب:

أنا كنت مسجل من ع النت بس انما ما دفعتش أي فلوس.

مش مطلوب تعمل تأجيل لشيء

[أسامة1 0]

ألف شكر ليكي

[om_maram 0]

بصى يا بنى طالما خلصت الترم اللى فات و نجحت ملهوش حاجة عندك

انا كنت خلصت الترم الاول و نجحت و قعدت سنة كاملة و رجعت

و خدت الترم التانى و قعدت 7 سنيين و رجعت كملت

مفيش اى مشااااااااااااااكل

فكرتنى بالذى مضى ههههههههههههه

[sun_shine 0]

اقتباس :

و خدت الترم التانى و قعدت 7 سنيين و رجعت كملت

[أسامة1 0]

ربنا يقويكى يا أم مرام! ههههههههههههههههههههههههه

[msmsz 0]

زميلي اسامه
انصحك بمحاولة اعادة التسجيل في الترم السادس الحالي لأن الدكاتره الحاليين عندهم ضمير
والمواد سلسه والنجاح في متناول الجميع - ان شاء الله-
مهما كانت ظروف شغلك - تقريبا نفس ظروف شغلي- لا تجعلها عقبه امام هدفك الرئيسي وهو الشهاده الجامعيه.