محاضرات وامتحانات مادة الترجمة الى العربية 114 ( التيرم الأول عام 2010-2011م)

[أمجد1 0]

اليكم تدريبات وتطبيقات على المادة مأخوذة من موقع جامعة القاهرة للتعليم المفتوح:

Trans 114 Apps

الامتحانات و المراجعة النهائية

Trans 114 Exams + Final Revision

_______________________________
رجاءاً لا مزيد من الروابط الطويلة واتبع الطريقة الموجودة
في المكتبة الدراسية في رفع المواد العلمية فضلا عن التأكد
من عدم تكرار رفع المواد...جزاك الله خيرا.

[mohamed_monginis 0]

الف شكر علي المجهود المبذول

[Unique 0]

شكراً


BlackCitadel

في الامتحان عادة كم سؤال ؟ وكم قطعه نترجمها؟

وكم مدة الامتحان ؟



وجزاكم الله خير

[أمجد1 0]

الامتحان عادة قطعتين للترجمة من انجليزي الى عربي , دة اللي كان موجود سنة 2010
وهم سؤالين : السؤال الاول تترجم من انجليزي الى عربي والسؤال الثاني تترجم من عربي الى انجليزي

ومدة الامتحان : ساعتين , من الساعة 10 صباحا الى الساعة 12 ظهرا
وعلى فكرة الجدول نزل

اول امتحان يوم 29/1/2011م : النحو على مستوى الجملة
ثاني امتحان يوم 2/2/2011: القراءة والفهم
ثالث امتحان يوم 5/2/2011:النحو (E)
رابع امتحان يوم 8/2/2011: الترجمة الى العربية
خامس امتحان يوم 12/2/2010:مادة ثقافية

اتمنى لكم التوفيق والنجاح

[Unique 0]

شكراً على التوضيح أخي الكريم

ممممم

ساعتين لامتحان الترجمه ؟؟؟
هل الفقرتين طوال ؟

لان حضرتك ارفقت نموذج الامتحان
الفقرات مش طويله أوي علشان تاخذ ساعتين

ولا علشان الاسلوب الصياغه يكون كويس كمان

وشكراً جزيلاً

[أمجد1 0]

لا اخي الحبيب

هي بتكون ساعتين عشان تكون ترجمتك باسلوب مناسب نفس ماحضرتك قلت

بس اللي نفسي (ذاتيا) لو بيترجم ترجمة حرفية لذلك مش هتاخد معايا اكتر من ربع ساعة

[Unique 0]

اها ... الله ينور عليك


متشكره

[أمجد1 0]

الشكر لله اختي الكريمة

انتي اشلون تترجمين ؟ممكن تترجمين اشلون؟
ترجمة حرفية بترجمي فقط معاني الكلمات , بتقدري تغيري المعنى تترجمي باسلوبك؟

يعني انا مثلا صعب شوي ان اترجم بالمعنى اللي الدكتور يبيه....
دة اللي انا خايف منه
يقولك الترجمة الحرفية ماتمشيش

[Unique 0]

طبعاً الترجمه الحرفيه غلط



ده عاوز ممارسه وخبره وأسلوب كويس

من الافضل تترجم جمله جمله وليس كلمه كلمه

سؤال:
انت منين ؟ ومن اي مركز مسجل للجامعه ؟

[أمجد1 0]

انا من مصر من المنصورة , ومسجل بمركز جامعة القاهرة للتعليم المفتوح بالجيزة
لكن الوقتي في الكويت , هانزل ان شاء الله على الامتحانات او ممكن امتحن هنا بالكويت

[Unique 0]

اهلا وسهلاً بيك أخي الكريم

فكرتك خليجي ههههه بتتكلم خليجي كويس
خصوصاً لما قلت لي أشلون

لو انا منك انزل مصر وادرس مباشر
لان الدراسه بالحضور استفاده اكثر
وتعليم اسرع .. انا ظروفي ماتسمح لي

[أمجد1 0]

طبعا انا قاعد 20 سنة بالكويت !! ودخلت المدرسة بالكويت واخذت الثانوية العامة هنا

[Unique 0]

سؤال لو سمحتوا

مادة الترجمه للعربيه _ تيرم أول _ 2010/2011 م
كود 114

في الصفحه الخاصه يوجد ستة دروس فقط في المحاضرات التلفزيونيه

ولما طبعت ألاوراق تبع المقرر _ بعض الفقرات التي تمت مناقشتها من الاستاذ غير موجوده وبعضها موجود نفس العنوان والمحتوى مختلف !!!! ممممم أشعر أن الاوراق ملخبطه
وعندي بس محاضرتين !!!! والباقي امتحانات !!!!
ياريت اللي عنده ترتيب الدروس يقولي عليها
أو بس يعطيني أسماء عناوين الفقرات وأنا سوف ابحث عنها في الاوراق .

وهل كل الاوراق والدروس مقرر علينا ؟

وشكراً

[marina 0]

عامة مادة الترجمة بيجيبوا قطع من الاخر اما القطع دا مجرد نماذج علشان تعرف تترجم الدكنور مادتين الدكنور عامة غير ملزم بالمنهج وممكن يجيب الامنحان من برة مادة الترجمة ومادة القراءة والفهم وكل دا عبارة عن نماذج فقط علشان نعرف نترجم

[nesma zaki 0]

ممكن اعرف ايه قطع الترجمه اللي الدكتوره شاهيناز هتجبها في الامتحان عشان اذاكرها عشان خلاص مافيش وقت وياريت حد يقولي المقرر في ماده النحو ترم اول المقرر عشان اذاكره (انا ترم اول )